لديك مشكلة ,شكوى فى سيارتك الكيا (خط اتصال مباشر مع التوكيل)

[enjoy782001]

السلام عليكم

انا اشتريت بيكانتو 9/2009 ولم استخدم التكيف حتى شهر مايو وبدء اول استخدام كان ثلج جدا وعجبنى اوى لانه على 1 أو 2 ومسقع الدنيا لكن من حوالى 4أو5 ايام والتكيف عادى وكأنى قفله الزجاج ومش مشغله تكيف اعمل ايه وكمان حسه صوت تزيء فى الجانب اليمن وللعلم كان فى خبطه قبل كده فى نفس الجانب فى الرفرف



ارجوا تفيدونى وهو فعلا فى ضمان للسياره ولا كله ضحك والحبه تبأه قبه ولازم تدفع ثمن القبه

[enjoy782001]

اللهم صلى على محمد وعلى آله وصحبه أجمعين

[lolly136]

ايوه عايز السعر من التوكيل وسعر التركيب ولو كانو موجدين بره يبق فين وبكام وشكران

اديني فرصة لبكرة
عشان أنا لسة راجع البيت

[lolly136]

السلام عليكم

انا اشتريت بيكانتو 9/2009 ولم استخدم التكيف حتى شهر مايو وبدء اول استخدام كان ثلج جدا وعجبنى اوى لانه على 1 أو 2 ومسقع الدنيا لكن من حوالى 4أو5 ايام والتكيف عادى وكأنى قفله الزجاج ومش مشغله تكيف اعمل ايه وكمان حسه صوت تزيء فى الجانب اليمن وللعلم كان فى خبطه قبل كده فى نفس الجانب فى الرفرف



ارجوا تفيدونى وهو فعلا فى ضمان للسياره ولا كله ضحك والحبه تبأه قبه ولازم تدفع ثمن القبه

اتجة على اقرب فرع
واشرحلهم المشكلة
ولو صدفة أي مشكلة اولهم يعرضه العربية عالخبير الكوري

[Atrees]

لو سمحتم عندى مشكله بعانى منها اليومين دول صوت غريب فى الشكمان من تحتزيعنى من بطن العربيه اول ما ادور عباره عن شخشخه او طرقعه خفيفه بس بيتهيألى مكنش موجود فانا مستغرب عشان كده وهوه مش مسموع اوى الا لليركز معاه بس انا سمعه زى ما يكون فى طراب او مشعارف والله محتار والشكمان زى الفل ومفيش دخانه ولا حاجه غريبه ولا هزه ولا سحب العربيه وحش الحمد لله اعمل ايه لو سمحتم؟

عندي نفس الصوت + صفارة كمان نيو سيراتو هاي لاين

[aladdin733]

ارغب في معرفة هل يمكن الان التعامل مع التوكيل لصيانة السيراتو الخليجي أم لا وهل هناك رسوم لذلك وشكرا

[NoRmAl]

ارغب في معرفة هل يمكن الان التعامل مع التوكيل لصيانة السيراتو الخليجي أم لا وهل هناك رسوم لذلك وشكرا

علشان تدخل عربيتك الخليجى التوكيل للصيانه هتدفع 4000 جنيه
وبعدين تدفع تمن كل صيانه زيك زي الوكيل
لكن خلى بالك ال4000 دول بس علشان تخش تعمل صيانه لكن مش ضمان ضد عيوب الصناعه ولا حاجه

[aladdin733]

بس كده التعامل مع اي مركز خارجي مش هيفرق عن التوكيل

[lionfahd]

شكر

شكرا جزيلا

[AYMAN4PLUS]

صوت غريب فى سيارتى الكيا سبكترا

السلام عليكم ورحمة الله وبركاته ،

يوجد صوت غريب قادم من الباور بسيارتى الكيا حسب رؤية الميكانيكى الذى نصحنى بالتوجه للتوكيل ، السيارة موديل 2003 ، وأنا ساكن فى حلوان فهل أذهب الى مركز خدمة المعادى أم أذهب الى التوكيل نفسه بأبو رواش .


أرجو الافادة لاننى مسافر آخر الاسبوع وأرغب أن أطمئن على السيارة قبل السفر.


وشكرا مقدما على الرد .

[lolly136]

أقرب فرع ليك فرع القطامية مفيش مركز خدمة معتمد في المعادي
وتيلفون القطامية:
0100075302

[ahmedbahi76]

السلام عليكم ورحمه الله وبركاته
أنا مشكلتي مع سيارتي سيراتو 2010 سعودي عملت بيها لحد الان حوالي 4000 كم واشتريتها في اخر ابريل 2010
المشكله الاولى :- أنه فيه صوت زي زنه كده مع الضغط على دواسه البنزين وفي مركز الخدمه لما قمت بصيانه الالف الاولى قالوا لي السياره لسه زيرو ؟!!
والمشكله التانيه :- ان اداء الموتور في السرعه من 30كم الى 60 كم تقريبا غير مرضي أو بطيء
المشكله الثالثه : - تشغييل التكييف يؤثر على اداء الموتور واعتقد ليس في حدود 5 أحصنه فقط
فما رأيك وانتظر ردكم وأشكر تعاونكم ومصداقيتكم
أخوك
أحمد بهي الدين

[matallah_2211]

كيا كارينز منيوال افضل ام اتوماتيك افضل ارجو الافادة

كيا كارينز منيوال افضل ام اتوماتيك افضل ارجو الافادة

[aaet1]

السلام عليكم، من 9-6-2010 والعربية عند الوكيل فى انتظار تركيب فانوسين وفانوس ضباب واكصدام وصدر، المهم مابسمعش غير انشاء الله كمان كام يوم ولما زهقت ورحت هناك فوجئت أن العربية متوقف الشغل فيها علشان الصدر مش موجود عندهم، حاجة زى دى مش عارف الواحد يقول فيها إيه ...يعنى توكيل بالحجم ده ويحصل فيه نقص فى قطع الغيار، فى بلاد تانية مش هقول بره لأ بلاد عربية محلات وتوكيلات بتتقفل لمجرد النطق بجملة قطعة غيار مش موجودة

وياريت مثلا الاتصال بيهم سهل ... ممكن تقعد أيام تتصل لغاية ماحد هناك يعبرك ويرد عليك
الواحد مش عارف يعمل إيه، كل اللى الواحد سمعه عن سمعة الوكيل وكان مشجع ليه ان الواحد يشترى العربية منهم بينهار قدامه دلوقتى

[taysh]

انا معايا كيا سيفيا موديل 2000 العربية وانا ماشى عادى مبتقطعش لكن لما بشغل التكييف بتقطع منى ارجو الاهتماام شكرررررررا