الله يبارك فى حضرتك يا استاذ وليد......أشكرك على المجامله الكريمه...
X
-
طيب مينفعش نغير الشاشه الديجتال بتاعت العداد الاصلي ببتاعت العداد الاستيرادالمشاركة الأصلية كتبت بواسطة أشرف فتحى مشاهدة المشاركةترررررررررررررررررن....ترررررررررررن....
خلص وقت الاسئله .....
نبتدى الحلقه التانيه........
تعديل عداد الار بى ام........
المطلوب.....
عداد استيراد من الحرفيين ويكون ديجيتال مش انالوج...وفيه ار بى ام وخالى من الخرابيش وبضمان التجربه...........
يعمل كام؟
فى حدود 200 جنيه أو أقل ...مش أكتر وأول ما هيتكلم هيقولك 250 جنيه......
نخلى بالنا ان العدادات انواع...... فى نوع بيبقى انالوج ببكر زى الفيفا او اللانوس وده ميركبش عندنا ...
والنوع التانى ديجيتال وشكله تحفه الاطار الخارجى قراءه السرعه بالميل والداخلى ما يعادله بالكيلو متر....يعنى زى المسطره ما بتبقى بجنبين جنب بالسم والاخر بالبوصه....شيك وجميل وكل حاجه بس فيه مشكله .....
عداد الكيلو متر او عداد الرحلات هيبقى برضو بالميل.....
يعنى ايه المشكله؟
لما تيجى تحسب انت مشيت قد ايه على الزيت ده...أو ميعاد تغيير فلتر الهواء او حتى سير الكاتينه...لازم تجيب اله حاسبه وتحسب دول يعملوا كام كيلو........وانا مش بحب اللخبطه ولا بحب الاله الحاسبه......
النوع الاخير هو الديجيتال اللى السرعه فيه بتكون بالكيلو متر عادى....
طبعا مفهوم انه لو كان مؤشر العداد بيتحرك أو مش على الزيرو أو فى صوت شخلله فى العداد بلاش منه....وراجع على اللمبات اللى راكبه ...متكونش ناقصه ولا حوالين الشاشه البيضا لون اسود او تفحييم حريق لمبه او اى سى او وجود ماس فى اى مكان فى البورده.....
تجيب مفك قصير براس صليبه.....
صحيح...منا نسيت أولك انك أنت اللى هتركبها على طول من غير كهربائى.....ولا اى خامات ...كل الحكايه مفك صليبه قصير....
أول حاجه هتلاقى الوش الاسود اللى ورا الدركسيون على طول متثبت بمسمارين لفوق فكهم واخلع الوش على مهلك عشان فى زى سنين بيباتو فى الفيبر بتاع التابلوه ...سايسهم عشان ميتكسروش....
بعد ما خلعت الوش هتلاقى العداد قدامك بيقولك فكنى.....
هتفك اربع مسامير فى الاربع اركان بتوع العداد.....
كده يبقى العداد حر الحركه......
تخرجه بره بالراحه وتبص وراه....
هتلاقى العداد مرتبط بفيشتين...هما يبانوفيشه واحده لكن هما فيشتين....
جمد قلبك ......فكهم ....
هات العداد الاستيراد وكب الفيشتين واعكس الخطوات السابقه......
ممكن تنظف العداد عادى بفوطه نظيفه ولو عايز شكله يبقى بيبرق كأنه جديد...هات حته بوليش كريم صغيره ولمع وش العداد ..(الباغه)
طبعا بعد التركيب هتقول طب انا كده عملت ايه؟
كده حضرتك اول ما تدور هيبقى معاك الار بى ام شغال بدون اى تعديل فى الاسلاك.....
عداد شيك وشكله جميل ....
طب فين المشكله بقى؟؟
أقولك......
العداد مسجل الكيلو متر بتاع العربيه الاستيراد اللى كان راكب فيها.....
يعنى....انت مثلا عامل 40 الف كيلو متر
والعربيع الاستيراد كانت عامله 90 الف كيلو متر
هتبقى قرأه العداد عندك 90 الف مش 40
طب الحل.....
حاجه من اتنين......
الاول وده اللى عملتو....حسبت الفرق بين عدادى وعداد ااستيراد وضيفته على كل ما سيتم تغييره ...بمعنى ..رحلت الكيلو متر بتاع الصيانه بقيمه الفرق
يعنى عدادى كان المفروض هغير زيت على 45 الف....يبقى اغيره على 95 الف على العداد الجديد......
الحل التانى ...مكلف لكن ده حسب إختيارك.....
المفروض فى ناس بتوع عدادات وبيبرمجلك العداد على الرقم اللى انتا عايزه...يعنى تغير العداد من 90 الى 40 الف وتكمل عادى
والحركه دى بيستخدمها النصابين والتجار فى البيع بالغش...لكن الecu متسجل عليها الكيلو متر الحقيقى للعربيه...وعشان كده احسن مكان تكشف فيه على عربيه...بيبقى التوكيل
أى سؤال انا تحت أمركم.......
وكده نبقي نقلنا القراه المظبوطه للعداد الاستيراد بدون لعب[SIZE=7]
[/SIZE]
Comment
-
برافو برافو
فعلا تستحق تسقيفة علي الموضوع الشيق جداأأأأأأأأأأأأ
والشرح الجميل
بارك الله فيك يا استاذ اشرف
تقبل تحياتي[CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
[/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]
Comment
-
كده فاضل المرايات الكهرباء والتكييف[CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
[/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]
Comment
-
الفيرنا كلها بتنزل بتكييف هاف و فول أوبشنالمشاركة الأصلية كتبت بواسطة mo7a_mo7a مشاهدة المشاركةكده فاضل المرايات الكهرباء والتكييف
Comment

Comment