مشاكل هيونداي الانترا (متجدد)

[momopersona]

عالم ضايعة

1-ثبات قليل نسبيا (مقارنة بالاوبترا والبروتون ....الخ)
2- سوست ومساعدين خلفى (بتحك فى اى مطب وهى محمله)
3- فرامل بتزحف بسهوله (مابتسعفش يعنى)
4- باور خفيف على السرعات العاليه بقلل التحكم
هههههههههههههههههه
عالم ضايعه ضايعه يعنى

[zahaan]

تسمحولى طبعا اقول راى ولا الاخوة بتوع هيونداى حيعتبرونى سيراتاوى حقير و دخيل عليهم و ان المنتدى طالما مكتوب عليه للملاك يبقى خلاص ايجار قديم(مع العلم انى كنت هيونداوى بس فيرنا)

طبعا انا مش عاجبنى الموضوع اطلاقا بسبب الردود اغربيه اللى اتحولت من نقاش الى خناقه وعلى ايه مش عارف
المهم ياجماعه فى بدايه الموضوع احنا كان معانا فيرنا 2007 وبرضه انتقادات و عيوب و حوارات من الناس انا نفسى افهم حاجه ماهو المطلوب من عربيه سعرها 62000 انها تكون طياره مثلا مالطبيعى انها تكون فيها عيوب كفايه ان ماتورها قوى _مش حقولكم على الفيرنا_واقتصاديه و مميزاتها بالنسبه لسعرها حلوة جدا ايه يعنى خفيفه بعد 120 و انا عايز اركب فيرارى ب62000
المهم ربنا كرم و ركبنا نيو سيراتو طبعا عربيه جميله جدا بالنسبه لسعرها (اكيد فيها عيوب برضه)
اما بالنسبه للالنترا فانا سقتها كتير جدا جدا و هى عربيه ممتازة جدا جدا بالنسبه لسعرها 90000 ماتور قوى عفشه جيده عربيه شيك انا عايز ايه اكتر من كده انما اللى انا مستغربله حاجه واحد زى الاستاذ طارق اللى مش راضى يعترف باى حاجه و عمال يقول مفيهاش عيوب جوهريه لا فيها و السيراتو فيها و الكرولا القديمه فيها و الجديده فيها ليه دايما اللى معانا منحبش نقول ان فيه عيوب
مثلا الباور مريح جدا جدا و العربيه ناعمه جدا جدا داخل البلد لكن على السريع خفيفه الى حد ما و مش كتير مش زى الفيرنا طبعا
انها واطيه لما بتركب حد ورا ده فعلا موجوده و انا مجربها عن نفسى و كانت 2010 و ركبت اتنين ور و اوزان مش تقيله و بصمت على كل المطبات بس هل ده عيوب تخلينى اقول انها عربيه زباله
عربيه محترمه طبعا لان مميزاتها اكتر من عيوبها (مش اقول خاليه من العيوب هى مش بى ام ولو كانت خاليه من العيوب زى ما بتقولو يبقى اللى بيشترو عربيات ب300000 دول بيشترو علامات تجاريه)
انا مثلا لازم اعترف ببعض العيوب و ده ما يقللش من شان العربيه خالص مثلا عفشه الالنترا انعم و اريح من السيراتو بس فى نفس الوقت السيراتو رياضيه و مبتهبطش يبقى حسب احتياجى الاتنين مثلا صاجهم ضعيف جدا
بيتهيالى ان انا لما قلت كده مش معناه ان الالنترا زباله او السيراتو زباله يا جماعه ده عربيات اسعارها متوسطه يعنى الالنترا 90000 و السيراو الفئه اللى معايا (خليجى) 111500
يعنى مش المفروض ان وانا جاى استلم يسلمونى سيراتو هليوكوبتر و النترا هليو كوبتر انا باخد مميزات على قد فلوسى
وكمان فى نقطه كمان انا واحد من الناس بعشق السيراتو و بعشق الالنترا و بكنلها احترام جامد جدا و كنت حشتريها من غير تفكير لو كانت الفلوس اللى معايا مكفتش للسيراتو ده غيرى بيكره الاتنين يا جماعه ده ازواق
واسف للاطاله ............... تقبلو تحياتى
شكرا

[momopersona]

تسمحولى طبعا اقول راى ولا الاخوة بتوع هيونداى حيعتبرونى سيراتاوى حقير و دخيل عليهم و ان المنتدى طالما مكتوب عليه للملاك يبقى خلاص ايجار قديم(مع العلم انى كنت هيونداوى بس فيرنا)

طبعا انا مش عاجبنى الموضوع اطلاقا بسبب الردود اغربيه اللى اتحولت من نقاش الى خناقه وعلى ايه مش عارف
المهم ياجماعه فى بدايه الموضوع احنا كان معانا فيرنا 2007 وبرضه انتقادات و عيوب و حوارات من الناس انا نفسى افهم حاجه ماهو المطلوب من عربيه سعرها 62000 انها تكون طياره مثلا مالطبيعى انها تكون فيها عيوب كفايه ان ماتورها قوى _مش حقولكم على الفيرنا_واقتصاديه و مميزاتها بالنسبه لسعرها حلوة جدا ايه يعنى خفيفه بعد 120 و انا عايز اركب فيرارى ب62000
المهم ربنا كرم و ركبنا نيو سيراتو طبعا عربيه جميله جدا بالنسبه لسعرها (اكيد فيها عيوب برضه)
اما بالنسبه للالنترا فانا سقتها كتير جدا جدا و هى عربيه ممتازة جدا جدا بالنسبه لسعرها 90000 ماتور قوى عفشه جيده عربيه شيك انا عايز ايه اكتر من كده انما اللى انا مستغربله حاجه واحد زى الاستاذ طارق اللى مش راضى يعترف باى حاجه و عمال يقول مفيهاش عيوب جوهريه لا فيها و السيراتو فيها و الكرولا القديمه فيها و الجديده فيها ليه دايما اللى معانا منحبش نقول ان فيه عيوب
مثلا الباور مريح جدا جدا و العربيه ناعمه جدا جدا داخل البلد لكن على السريع خفيفه الى حد ما و مش كتير مش زى الفيرنا طبعا
انها واطيه لما بتركب حد ورا ده فعلا موجوده و انا مجربها عن نفسى و كانت 2010 و ركبت اتنين ور و اوزان مش تقيله و بصمت على كل المطبات بس هل ده عيوب تخلينى اقول انها عربيه زباله
عربيه محترمه طبعا لان مميزاتها اكتر من عيوبها (مش اقول خاليه من العيوب هى مش بى ام ولو كانت خاليه من العيوب زى ما بتقولو يبقى اللى بيشترو عربيات ب300000 دول بيشترو علامات تجاريه)
انا مثلا لازم اعترف ببعض العيوب و ده ما يقللش من شان العربيه خالص مثلا عفشه الالنترا انعم و اريح من السيراتو بس فى نفس الوقت السيراتو رياضيه و مبتهبطش يبقى حسب احتياجى الاتنين مثلا صاجهم ضعيف جدا
بيتهيالى ان انا لما قلت كده مش معناه ان الالنترا زباله او السيراتو زباله يا جماعه ده عربيات اسعارها متوسطه يعنى الالنترا 90000 و السيراو الفئه اللى معايا (خليجى) 111500
يعنى مش المفروض ان وانا جاى استلم يسلمونى سيراتو هليوكوبتر و النترا هليو كوبتر انا باخد مميزات على قد فلوسى
وكمان فى نقطه كمان انا واحد من الناس بعشق السيراتو و بعشق الالنترا و بكنلها احترام جامد جدا و كنت حشتريها من غير تفكير لو كانت الفلوس اللى معايا مكفتش للسيراتو ده غيرى بيكره الاتنين يا جماعه ده ازواق
واسف للاطاله ............... تقبلو تحياتى
شكرا

الله عليك يا باشا
هو ده اللى انا باقوله
بس للاسف فى ناس مش مقتنعه بفكرة ان عربيتهم فيها عيب اساسا
وطبعا زى ماحنا بنقول المميزات من واجبنا ان احنا نقول العيوب بردو
وممكن ميزه بالنسبالى (زى الباور الكهربا داخل المدينه) تبئا عيب بالنسبه لواحد تانى (طريقه صحراوى دايما)
مش معناها ان ده كداب وده صادق لا هى احتياجات
ولازم نوضح العيوب قبل المميزات (من وجهة نظرنا)
عشان نبئا عملنا اللى علينا وكل واحد واحتياجاته
وبجد كلامك موزون وواقعى جدا
وياريت نبئا كلنا كده
ومش كل شويه الاقى واحد داخل يهزقنى عشان قولت عيوب من وجهة نظرى وتجربتى
ووالله العظيم انا فى قسم بروتون هاريهم كلام على مشاكل بروتون بردو وعامل موضوع ضد التوكيل وطالب بعمل شكوه جماعيه فى حماية المستهلك
ومش معناها ان الالنترا والبروتون وحشين
لكن انا دايما عينى بتبئا على المميزات والعيوب
وبحاول افيد الناس بمعلوماتى اللى على قدى

وااسف على اسلوبى فى الكلام مع بعض الاعضاء المتعصبين اللى هاجمونى بدون اى سبب مقنع

[M.Elhamy]

أنا فعلا مش عارف موضوع البور الي كل الي مش راكبين العربية بيقولوا عليه , يمكن عشان اصحاب العربية اتعودوا عليه يمكن مش عارف , بس من وجهة نظري وأنا نازل من لانوس يعني البور بتعها مش خفيف خالص شايف إن بور مفيهوش مشكلة ولا جوه المدينة ولا بره المدينة البور فعلا عندي فوق 60 عدي جدا ...

[top_10group]

دى اول مشاركة ليا فى الموضوع دة من ساعة ما بدأ والصراحة قريت كل المشاركات والنقاش كان غريب جدا بين الاعضاء وفيه ناس متحيزة وناس بتتكلم بمنطقية المهم مش هطول عليكو لان انا كمان عايز اقول راى الشخصى ومفيش عربية تخلو من العيوب وكل عربية بيحطوا فيها مزايا معينة وتعيبها بعض الاشياء والا مكنتش شركات العربيات تبيع انواع وموديلات مختلفة .
المهم انا معايا النترا 2009 واشتريتها بعد ما سمعت اراء الاعضاء اللى افيدونى فعلا فى شراء هذه السيارة الممتازة ( من وجهة نظرى ) وعيب هذه السيارة الوحيد انها واطية شوية يعنى لما تركب 3 اشخاص ممكن تحك فى مطبات الاهالى بس غير كدة عادى والمهم ان معظم السيارات الحديثة كدة بردو يعنى لما بحك فى مطب واشوف عربيات تانية بتحك على نفس المطب بقول دة كدة بقى الموضوع عادى بس ميمنعش انها عفشتها فعلا طرية من ورا دة بالنسبة لموضوع انها بتحك.
اما بالنسبة لموضوع الباور الكهرباء فا دة فعلا عليه تساؤلات كتير والسبب ان العربيات موديل 2007 كان الباور فيها مبيفصلش وانا فعلا سوقت عربية واحد صاحبى وفعلا مكنش بيفصل وبعد كدة الموضوع ده اتعدل فى نص 2008 ودة اللى انا سمعته وبعد كدة انا جربت كذا عربية موديل 2008 وكان فعلا الباور فيها بيتقل وانا معايا دلوقت 2009 والباور فيها عادى جدا وشغال زى الفل وبيفصل من بع سرعة 60 ولا فكرة الباور دة بيفصل تدريجيا يعنى مش مرة واحد هتلاقى الدركسيون حديد ولكن واحد واحدة والعربية بسم الله ماشاء الله ثابتة وناعمة اقصى سرعة مشيت بيها كانت 180 ومش بعملها كتتير لكن لو عديت بالسرعة دى من جنب تريلا بحس بانحراف بسيط لكن مش خطير وسهل السيطرة اكيد ما هى مش سرعة بسيطة واكيد الموضوع دة كمان فى عربيات تانية والسبب فى الموضوع ده فى الالنترا هو الشيب بتاعها عشان عريض من الجنب .
متهيالى هما دول الموضوعين اللى كل الناس بتتكلم عليهم فى الالنترا مفيش ثالت عيب انها واطية من ورا ودى حقيقة مفيها خلاف وموضوع الباور موجود فى موديلات وموديلات لا وخلص الكلام وارجو ان اكون افدت.
وتقبلو مرورى

[mahmoud_magdy]

بصراحه انا مستفدتش حاجه من الموضوع
دا انا فرحت اني هتعرف اكتر على الالنترا من اراء ملاكها
الاقي الملاك وغير الملاك دخلو في مقارنات ملهاش لازمه
واساليب مش كويسه تهكم وسخريه ووووو الخ
وفي الاخر ما استفدتش حاجه
شكرا واتمنى انه يكون في موضوع اقدر استفيد منه

[momopersona]

فعلا الموضوع اصبح مش مفيد

على العموم اى حد ناوى يشترى العربيه طبعا مش هايشتريها بناءا على كلامنا بس
ولازم يجرب بنفسه
يعنى يحط الاربع نقط دول فى دماغه وهو بيجرب
وطبعا الموضوع نسبى وكل واحد وليه معايير سواء لارتفاع العربيه او الباور او الفرامل او الثبات
وهو طبعا اللى ليه الحكم الاخير

والموضوع فعلا نسبى يا جماعه
يعنى في واحد نازل من فيرنا بالنسبه له الالنترا قمه فى الثبات
وفى واحد نازل من سيفيك بالنسبه له الالنترا عربية موت
وهكذا فى الباور والفرامل والارتفاع

يعنى مش شرط ان رأيى غلط او رأيك اللى غلط
كل واحد بيقول رأيه بناءا على تجاربه للعربيات السابقه وبيقارن بينها وبين اللى ركبه قبل كده وبيحاول يفيد الناس

فلازم اللى يشترى يجرب الاول وهو اللى يشوف تناسبه ولا لا

وانا رأيى
انها
1- الثبات : لا يقارن مثلا بالاوبترا والبروتون والصنى عشان كده حكمت عليه انه فيه مشكله
2- الفرامل : سهل تزحف جدا مقارنة بالاوبترا والبروتون والصنى
3- الباور : خفيف جدا وزاويته جامده يعنى نص لفه الدريكسيون ب 3/4 لفه عندى فى البروتون والصنى يعنى تبئا ماشى على سرعه عاليه تلفه لفه خفيفه تلاقى العربيه حدفت جامد وبيساعد على كده انه خفيف جدا على السرعات فعشان كده قولت انه عيب بالنسبه للى بيمشى على سرعات عاليه
4- هبوط العفشه : ده بسبب ضعف السوست والمساعدين ونعومتها الزائده يعنى مش التصميم واطى عشان الثبات لا المساعدين والسوست قابلين للفتح والقفل بسهوله وده طبعا عيب ومش بيأثر فى المطبات بس لا ده بيأثر على الثبات لانك وانت بتاخد منحنى يمين بتلاقى العربيه بتوطا جامد من الشمال فده بيخليها سهل تتقلب بردو الكلام ده مقارنة بالاوبترا والصنى والبروتون

وطبعا انا مش بقارن لغرض تفضيل سياره على سياره لكن بقارن للتوضيح بس وطبعا الالنترا تتفوق فى حاجات تانيه على العربيات دى

ويا ريت اللى هايشترى يجرب الاول ويشوف المعطيات بتديله احتياجاته ولا لا

[katz]

والموضوع فعلا نسبى يا جماعه
يعنى في واحد نازل من فيرنا بالنسبه له الالنترا قمه فى الثبات
وفى واحد نازل من سيفيك بالنسبه له الالنترا عربية موت
وهكذا فى الباور والفرامل والارتفاع

يعنى مش شرط ان رأيى غلط او رأيك اللى غلط
كل واحد بيقول رأيه بناءا على تجاربه للعربيات السابقه وبيقارن بينها وبين اللى ركبه قبل كده وبيحاول يفيد الناس

+1111111111111

for me i had Nubira 1997 and Golf 1989

as regards stability it has excellent stability
i drive in very acute turns at 110 and 120 km
i pass beside trucks and buses at 170 and 180 km and feel no problems at all

as regards the electric power steering it is too similar to the nubira so i did not find it odd

as rgards the break i think it is excellent , may be because i have ABS

[mahmod3mostafa]

انا معايا النترا 2010 نازل بيها من الكويت ورخصتها ودفعت جماركها بجد عربية مالهاش حل انا مشيت بيها 220 كيلو من غير ماتتعبنى نهائى ومالهاش حل فى الثبات والى معايا اعلى فئة منها مابتحكش نهائى فى المطبات واحلى مليون مرة من كيا سيراتو وقطع غيارها موجودة ومتوفرة ورخيصة ومعمرة

[عبدالحميد]

ممتازة مع القليل من العيوب

السلام عليكم و رحمة الله

أنا اشتريت إلنترا 2007 فى فبراير 2007 من الزيرو و قعدت معايا حوالى سنة و لما إضطريت أبيعها كنت مستنى يربنا يوسع عليا تانى و أشتريها تانى (يعنى إانترا تانى) و لحد الآن بفكر أشتريها تانى برغم ظهور العديد من السيارات الجديدة و الجميلة واللى الناس بتقول فيها شعر بس برضه بقول ما أجلرب غيرها

المهم هتكلم عن الكام عيب و بعدين أكمل القصيدة
1- طبعا بتحك لما يركب فيها 2 بس فى الكنبة الخلفية و كمان فى مطبات مش عالية و طبعا حاجة محرجة بس لو صحيح إن اللى بيحك هو علبة أو ماسورة الشكمان يبقى مش مشكلة كبيرة
2-العجلة الأمامية شمال كانت إتهبدت منى هبدة جامدة فى حفرة فى العجمى و من بعدها كنت بسمع صوت طقطقة خفيف ناحيتها
3- الباور مكنتش بحس إنه بيتقل على السرعات العالية و ما جربتش أشوف هو تقل ولا لأ و مش عارف الناس بتجرب ازاى لأن علشان تحس بالباولر لازم تحرك الدريكسون حركة كبيرة - يا ريت حد يفهمنى
4- التوكيل مش حلو و إن كنت إستنتجت كدة من المعاملة فى الفيرنا بتاعت المدام كمان الحاجات اللى مركبه غبور كانت وحشة زى الكاسيت و الإنذار

باقى القصيدة

1- الباور الكهرباء ده ولا أروع -- مزيكا كأنك بتنوى بس تلف فيلف معاك خصوصا فى الركنة برغم العربية كبيرة بس تقريا عمرى ما ركنت على مرتين- كمان المسألة مش مجرد نعومة و لكن حساسية يعنى نسبة زاوية لف الدركسيون لنسبة كسر العجل.
2- القوة - الأحصنة ال 121 دول بيخلى ال response بتاع العرية خرافة و خصوصا مع الباور بتحس إنك سايق مارد بصباعك.
3- الثيات معقول بس طبعا مش زى الأوروبى و لكن لحد 110 ممكن ماتمسكش الدريكسون و لا تركز و لحد 130 تسوق مستريح و تركز كويس بعد كده لكن لا أنصح.
4- الوسع الصالون و الشنطة حكاية
5- جودة التصنيع و الإهتمام بتفاصيل دقيقة داخل الصالون جيدة جدا على سعرها
6- الفرامل روعة برغم إنها بدون abs و لكن كنت معتمد عليها و مطمن لها وحاسس إنها مش ممكن تخذل فى أغلب و أحلك الظروف
7- شكلها الخارجى (بدون تعديلات) فى رأيى روعة وتقاطيعها تجنن و تقربا مفيش أحلى منها فى فئتها إلا الكروز و بأكد فى الشكل الخارجى فقط

كفاية كدة

[mohbasyouni]

انا معايا النترا 2010 نازل بيها من الكويت ورخصتها ودفعت جماركها بجد عربية مالهاش حل انا مشيت بيها 220 كيلو من غير ماتتعبنى نهائى ومالهاش حل فى الثبات والى معايا اعلى فئة منها مابتحكش نهائى فى المطبات واحلى مليون مرة من كيا سيراتو وقطع غيارها موجودة ومتوفرة ورخيصة ومعمرة

-
-------------------------------------------------------
ممكن اعرف من حضرتك دفعت جمرك كام ؟ لان انا عندى النترا 2008 فى السعودية و عايز انزلها مصر نهائى و شكرا

[professorx]

أنا معايا النترا بالها سنة ولسة ماشكيتش من أي حاجة وموضوع الثبات كويس أنا مشيت بيها لغاية 175 وكانت ثابته وال بور حلو جدا جوه ال بلد وعلى الطريق البور عادي ماشتكتش مش عارف البور عملكم إيه

[professorx]

نسيت أقول حاجة نوع الكويتش بتاعها وحش ناشف شوية غبور الله يسامحه وحاجة ماحدش يعرفها إن توكيل العربية كويس وحاجتها موجودة عن أي حد ده بجد

[M.Elhamy]

نسيت أقول حاجة نوع الكويتش بتاعها وحش ناشف شوية غبور الله يسامحه وحاجة ماحدش يعرفها إن توكيل العربية كويس وحاجتها موجودة عن أي حد ده بجد

فعلا تم تغير الكويتش بعد 2500 كيلو

[top_10group]

2500 كيلو بس ولا قصد حضرتك 25000 ؟