مشاكل هيونداي الانترا (متجدد)

[HamadaMOMO]

العربية الالنترا اعطيها تقدير ممتازة مع مرتبة الشرف مقارنة لنفس فئتها فى السعر فى جمهورية مصر العربية

[Ghost2]

مشكورين طبعا على الردود ... بس انا عايز نعمل حاجه حلوة اوي للعربية دي .. احنا عايزين نعمل ملف كامل للعربية دي .. يعني التقييمات عن الاداء والتسارع والثبات والاعتمادية ومشاكل العربية ومشاكل الوكيل و قطع الغيار .. و نفسك يكون العربية دي فيها ايه زيادة .. ارخص قطع غيار بره الوكيل فين .. احسن زيت حطيته للعربية .. احسن مراكز الخدمة .. يعني ملف كامل .. عشان احنا وغيرنا نستفيد .. وتقبلوا فائق تحياتي

[Ahmed_Gadalah]

متابع

[m_s_h_a]

انا بفكر اشترى النيو الانترا و شفت السيراتو وفكرت كتير اوى بصراحه الالنترا اضمن بكتيير من السيراتو و افضل
بس المشكله انه كان معايا لانسر و بجد الانسر عربيه محترمه مشكلتى دلوقتى انه خايف اجيب النترا واندم او احس بفرق
المشكله الوحيده فى الانترا بعد سماع وجهات نظر كتير هى انها خفيفه اوى و بتحك فى المطبات اى حاجه تانيه فى الفاضى موضوع الباور عادى و الناس اتكلمت عليه

السياره الالنترا جميله وقليلة المشاكل واعتماديه لكن يعيبها وكيلها ثانيا بتبصم على كل مطب لو معاك حد على الكراسي الخلفيه وبصراحه موضوع مزعج ومحرج الباور الكهربا دى تكنولوجيا جديده وفى عربيات كتير اولهم هوندا ولانسرودى مش عيب
انا جازفت واشتريت السيراتو لانى شوفت انا عايز ايه توكيل محترم على الاقل فى الاول ودى ضمان 5 سنين ثانيا شكل جديد وشيك تالتا بحمل اوزان وبضاعه يبقى لازم عفشه ناشفه ورياضيه والحمد لله ومش ندمان لكن كل واحد لازم يعرف هو عايز ايه من العربيه وكل عربيه لها ميزتها وعيوبها وبالتوفيق للجميع فى حسن الاختيار لانسر اسف مش هتندم لوغيرت

[migomax]

صباح الفل على الكل

كل سنة وانتوا طيبين جميعا ..

فكرة الباب قوية جدا جدا.. بس مع اعتذاري لكل الاخوة اللي شاركوا لسه ما حطناش ايدنا على المطلوب من الباب ده..

احنا جميعا كملاك النترا عاوزين نحط ايدنا في ايد بعض ونحل المشاكل اللي بتقابلنا ..

سواء كانت مشكلة صغيرة أو مشكلة كبيرة.. فيه مشاكل بتبقى صغيرة بس عند ناس بتقبى كبيرة جدا لأنهم ما سبقش ليهم ان مروا بالتجربة.. معلش مطلوب نساعد بعض ..

واللي عاوز يقول رأيه في العربية دي سواء بصراحة او عن تجربة شخصية يبقى مكانه مش هنا لأن المنتدى فيه ابواب كتير لأبداء الرأي فيها..

بالنسبة للباور بتاع الألنترا لا يوجد به عيب.. بس بالنسبة للأخوة اللي غيروا عربياتهم وخصوصا كانوا بيتعاملو مع عربيات من نوعيات اقل تكنولوجيا حيكونوا محتاجين شوية تدريب لغاية ما الموضوع يبقى سلس معاهم..

المشكلة بتاعة احتكاك السيارة في المطبات يوجد اخ عزيز رد رد مقنع جدا .. فعلا المشكلة في مطبات بلدنا العشوائية.. بس ياريت لو حد يوضحلنا وعن دراية مش اي رد والسلام.. كل مرة العربية بتحك في المطب .. بتحك في ايه بالظبط .. وهل فيه حاجة بتتأذي ولا هناك تصفيح بيحمي..

علشان انا في احدى عربياتي السابقة ومش ح اقول نوعها علشان ما يطلعش حد يقول انت بتهاجمها اتكسر مني الشكمان في احدى المطبات وطبعا عمري ماعرفت اصلحه تاني زي بتاعها الاصلي..

اسف اني طولت عليكم ..

[tarekabosdera]

لما تبقي حضرتك امتلكت الاتنين ممكن نتناقش مع بعض
انا كان معايا النترا 2007 وقعدت معايا سنتين يعني انا عارف بقول ايه
اركب حضرتك السيراتو خمس اشهر الاول وقيمها زيي وتعالي ناقشني بعد كده
لكن كده انت هتقيم من جهه واحده ماينفعش
وبعدين انت الوحيد اللي اعترضت عليها مش ملاحظ كده؟؟؟؟

اول مشكلة انك كان لازم تقول من الاول انك بتحكم على النترا 2007 لان في فرق بينها وبين 2009 وهو الباور مختلف تماما .

ثانيا : انا مبتكلمش على الحاجات اللي تخص السراتو خالص . كل اللي قلته ان بعض المعلومات اللي ذكرتها عن ( الالنترا ) غلط او مبالغ فيها .

ثالثا : انا الوحيد او مش الوحيد المهم اني امتلك النترا وعارف مدى صحة الكلام اللي بيتكتب عنها كويس او اذا كان مبالغ فيه زي موضوع التكييف مثلا . وفي كذا واحد في المشاركات قالك انك متحيز للسيراتو .

انا بفكر اشترى النيو الانترا و شفت السيراتو وفكرت كتير اوى بصراحه الالنترا اضمن بكتيير من السيراتو و افضل
بس المشكله انه كان معايا لانسر و بجد الانسر عربيه محترمه مشكلتى دلوقتى انه خايف اجيب النترا واندم او احس بفرق
المشكله الوحيده فى الانترا بعد سماع وجهات نظر كتير هى انها خفيفه اوى و بتحك فى المطبات اى حاجه تانيه فى الفاضى موضوع الباور عادى و الناس اتكلمت عليه

انا متفق معاك .

احب اقولك كام نقطة : - اذا كان معاك لانسر بومة فمتقلقش خالص بالعكس هتحس بفرق كبير لصالح الالنترا لانها متفوقة عليها في كثير من النقاط وعندك الموضوع في قسم المقارنات .

- اللي قالك ان الالنترا خفيفة ومش ثابتة غلطان .

- فعلا بتحك في المطبات لما تكون محمل حمولة كاملة ومش كل انواع المطبات غير المطبات الغشيمة اوي .
- الباور بتاعها متطور جدا بس الناس لسه مش مستوعبة التكنولجيا الحديثة .

[Salah_sr]

انا بفكر اشترى النيو الانترا و شفت السيراتو وفكرت كتير اوى بصراحه الالنترا اضمن بكتيير من السيراتو و افضل
بس المشكله انه كان معايا لانسر و بجد الانسر عربيه محترمه مشكلتى دلوقتى انه خايف اجيب النترا واندم او احس بفرق
المشكله الوحيده فى الانترا بعد سماع وجهات نظر كتير هى انها خفيفه اوى و بتحك فى المطبات اى حاجه تانيه فى الفاضى موضوع الباور عادى و الناس اتكلمت عليه

أنا لن أرد علي الحوارات السابقة لأن بها تعصب للألنترا أو ضد الألنترا و لكن ردي سيكون لك لأني كان عندي لانسر 2002 ثم أنتقلت للألنترا 2007 و حتي الآن لم أندم أو أعتبر إنه قرار خاطئ و الشيئ السيئ في العربية هو الصاج و لكن هذه مشكلة في كل العربيات الياباني و الكوري الجديدة و يمكن زيادة شويه في الهيونداي أما بالنسبة للمطبات فعادة ماسورة الشكمان هي بتخبط و يوجد لها شدات تسمح لها بالصدمات الخفيفة و لم يحدث حتي الآن أي أضرار أسفل العربية و كل مأغسلها أرفعها و شوف العربية من تحت و مفيش أي خربوش واحد و بالنسبة للدركسيون سوف تتعود عليه و هو الآن راكب في عربيات كثيرة غير الألنترا و هو أسلوب سواقه مختلف و الناس الكبيرة أمثالي يعرفوا لم زودت الفرامل بالسرفو زمان مكنوش عرفين يركبوا العربيات و متعودين إنه يكارك للفرامل عدة مرات و شكرا معلومة أخيرة شركة هيونداي هي صاحبة شركة كيا فلا داعي للتعصب

[KSA2011]

شكرا جزيلا يا جماعه والالنترا من اول ما نزلت وانا بفكر فيها و ان شاء الله ناوى اجيبها هجيب اول فئء بضمان الوكيل ال 103 ان شاء الله فيها فتحه سقف هى مفيش فيها وسائل امان بس فيه ناس شكرت فى الفرامل بتاعتها و افضل حل ليا دلوقتى بس انا هستنى الشهر ده لما اشوف السوق رايح على فين
شكرا جزيلا لحضراتكم

[Ghost2]

ان شاء الله سيتم التنسيق مع ملاك الالنترا عشان نعمل ملف كامل عن العربيه

[semsem8080]

والله انا معاكم بس انا عرضت عليكم مشكلة في العربية الخاصي بي ومفيش حد عبرني بأي راي ولا حت كلمة واحدة مهتمين بس بالنقاش الحاد وخلاص
ولو حد عنده معلومه يقولها
وشكرا اخوكم اسامة

[mody100]

مع احترامى الشديد لكل الاعضاء العربية دى فاشلة بمعنى الكلمة العربية دى انا كنت حاموت بيها بسبب الزفت الباور بتاعها ده بجد انصح كل اللى بيفكر فيها انو يبعد عنها خالص (عربية فاشلة)

[M_Abdallah]

مع احترامى الشديد لكل الاعضاء العربية دى فاشلة بمعنى الكلمة العربية دى انا كنت حاموت بيها بسبب الزفت الباور بتاعها ده بجد انصح كل اللى بيفكر فيها انو يبعد عنها خالص (عربية فاشلة)

ياريت توضح موديل السنه بتاع عربيتك ايه.




__________________
محمد عبدالله

[Ahmed Sharaf]

مع احترامى الشديد لكل الاعضاء العربية دى فاشلة بمعنى الكلمة العربية دى انا كنت حاموت بيها بسبب الزفت الباور بتاعها ده بجد انصح كل اللى بيفكر فيها انو يبعد عنها خالص (عربية فاشلة)

يا ريت لو حضرتك توضح لنا ( نحن ملاك الالنترا ) و غير ملاكها :
1- حضرتك دى عربيتك ولا كنت مأجرها ولا بتاعة واحد صاحبك ( وعربيتك نوعها اية لو كانت دي مش عربيتك )
2- لو حضرتك من ملاكها , الكلام دة بعد وقت اد اية من امتلاكها وهي موديل سنة كام.
3- السرعة كام اللي حضرتك كنت ماشي بيها.
4- كنت ماشي بيها على اي طريق.
5- ياريت حضرتك تشرح لنا الموقف كان إزاي.

ودة علشان نستقيد كلنا من تجربة حضرتك سواء كنت من ملاكها أو مستلفها.

[Ghost2]

يا ريت نعرف تفاصيل الحادث عشان يكون الحكم موضوعي اكتر من كده

[Lion_Heart]

يا ريت نعرف تفاصيل الحادث عشان يكون الحكم موضوعي اكتر من كده

فعلا ياريت تفاصيل