استشاره في شراء نيو اكسنت

[zain2007]

طيب معلش هلخبطك شويه... متشوفي النيسان صني اللي فيها abs خصوصا انهم عاملين خصم

أنا دخلت النهارده فعلا على المنتدى بتاع نيسان وشوفت صورتها على كونتاكت لكن حسيت من كلام الأعضاء أن فيها مشاكل كتير
حضرتك تعرف هى سعرها كام بالنسبه للمانيوال

وعلى فكره أنا دخلت تانى دلوقتى على كونتاكت كل الفئات بتاعة الصنى 2010 ما فيهاش abs

[zain2007]

ردي سريعا بصي التقسيط اسلامي عند بنك فيصل ولو اتخرتي مايخدش فايده وممكن تدفعي جزء مره واحده تاني حاجه الون النبيتي للبنات حلو وخصوصا لما تمليه دباديب وقلوب وبسمك بسم جوزك مش فارقه ربينا يسعدكوا مع بعض وعلي فكره هوا معاه حق السيدان اشيك تشيل شنط تنفع في السفر والمشتروات واختيار صائب النيو اكسينت

طيب سؤالى لحضرتك هل بنك فيصل بيطلب تحويل المرتب لأن مرتب جوزى ما ينفعش يتحول لأنه أصلا متحول على بنك سوسيتيه جنرال ومش هاينفع يتغير لأسباب معينه فياريت لو
حضرتك او حد من الأخوه يعرف نظام بنك فيصل يفيدنى

فعلا هى السيدان أشيك وتنفع وعمليه اكثر أنا بس كل خوفى من المقاسات يعنى أنى أبقى هايبه العربيه فى الأول
حكاية الاسم دى والله ما فارقه خالص أنا بس حبيت أتأكد من كلام التوكيل لا يكون بيضحك علينا

جزاك الله كل خير

[weta]

مش عارف الصراحه حكايه تحويل مرتب ممكن تجيبي الرقم من الدليل وتسالي الكول سنتر وحولي تدخلي علي الوقع بتاعهم وابعاد العربيه هتلقيها علي موقع هونداي ايجيبت

[zain2007]

مش عارف الصراحه حكايه تحويل مرتب ممكن تجيبي الرقم من الدليل وتسالي الكول سنتر وحولي تدخلي علي الوقع بتاعهم وابعاد العربيه هتلقيها علي موقع هونداي ايجيبت

أكيد أن شاء الله أتصل أشوف الوضع جزاك الله خيرا

[Ahmed Hassan]

أنا دخلت النهارده فعلا على المنتدى بتاع نيسان وشوفت صورتها على كونتاكت لكن حسيت من كلام الأعضاء أن فيها مشاكل كتير
حضرتك تعرف هى سعرها كام بالنسبه للمانيوال

وعلى فكره أنا دخلت تانى دلوقتى على كونتاكت كل الفئات بتاعة الصنى 2010 ما فيهاش abs

فيه منها فيها و فيه من غير

انا مش عارف السعر بالضبط... بس الاوتو اللي فيها ايه بي اس في التسعينات تقريبا

[zain2007]

فيه منها فيها و فيه من غير

انا مش عارف السعر بالضبط... بس الاوتو اللي فيها ايه بي اس في التسعينات تقريبا

شوف يا سيدى زى ما قولتلك دخلت على كونتاكت ولقيت كل الفئات الصنى من غير abs حتى الاوتو أم حاجه وتسعين والهاى صالون أم 100كمان ما فيهومش برضه
والاهم من ده كله أنى مش بأحب الأوتو لأسببين السبب الاول أنى مش بأعرف اسوق أوتو مع انهأسهل لكن مسألة تعود أصلى بعيد عنك ما أقدرش أعيش من غير دبرياج عارف لما أبقى ماشيه وعاوزه اهدى شويه لازم فرامل ودبرياج كأنى لو دوست فرامل بس العربيه هتزعقلى ولا حاجه وجوزى مليون مره يقولى هدى بفرامل بس وأنا لا حياة لمن تنادى
وتانى سبب أنى أسمع أن الجير الأوتو مشاكله كتير وفيه فرق فى التمن 10 ألاف تقريبا وبصراحه أحنا أولى بيهم ولا أيه

[Ahmed Hassan]

شوف يا سيدى زى ما قولتلك دخلت على كونتاكت ولقيت كل الفئات الصنى من غير abs حتى الاوتو أم حاجه وتسعين والهاى صالون أم 100كمان ما فيهومش برضه
والاهم من ده كله أنى مش بأحب الأوتو لأسببين السبب الاول أنى مش بأعرف اسوق أوتو مع انهأسهل لكن مسألة تعود أصلى بعيد عنك ما أقدرش أعيش من غير دبرياج عارف لما أبقى ماشيه وعاوزه اهدى شويه لازم فرامل ودبرياج كأنى لو دوست فرامل بس العربيه هتزعقلى ولا حاجه وجوزى مليون مره يقولى هدى بفرامل بس وأنا لا حياة لمن تنادى
وتانى سبب أنى أسمع أن الجير الأوتو مشاكله كتير وفيه فرق فى التمن 10 ألاف تقريبا وبصراحه أحنا أولى بيهم ولا أيه:b4_444:

المعلومات اللي في كونتاكت قديمه

فيه اي بي اس حتى فيه مانيوال بيجي بيه. المانيوال طبعا ارخص و ده يقربك من العربيه اكتر

[ashouhdy]

نصيحة ابعدى عن المانيوال متعب متعب متعب الايام دى بالذات فى الزحمة و حضرتك بتقولى لازم تدوسى دبرياج مع الفرامل يعنى ممكن تقابلك مشاكل من نوع تانى ذى تلف الاسطوانة لا قدر الله ... الاوتوماتيك مفيش فية اى مشاكل نهائى و عن ثقة و الاكسينت بالذات الاوتوماتيك بتاعها روعة و مش حيتبعها لأن موتورها ماشاء الله ممتاز
التقسيط أعتقد ان أقل فايدة ممكن تلاقيها هى ال 8و نص دى
و البنوك كلها اشتراطتها واحدة معنديش اى فكرة عن التقسيط الاسلامى دة
الاستلام المفروض يكون فورى فى اى مكان من اى معرض بتستلمى بعد بالكتيير 48ساعة
الفرج البيج بيتوسخ بسرعة جدا جدا بيجرب يعنى بس لا شك انة اشيك و بيدى وسع للعربية من جوة
حكاية الالوان دى حاجة شخصية وبالنسبة ليا اختيار اللون اصعب من اختيار العربية اساسا !

بس فى حاجة مهمة ان الاكينت مش بيليق عليها غير الوان معينة واكترها الفواتح للاسف !

[A.Saad]

أسمحلى مش قادره أفهم وجهة نظر حضرتك يعنى أيه مش حابب أن العربيه تبقى بأسمى هى مش عربيتى ما لازم تبقى بأسمى أومال بأسم الجيران ولا يمكن هاخدها وأهرب بره البلد

زى ما قولت جوزى رافض العربيات الصغيره وعلى فكره والله والله هو اللى موصر أنها تبقى بأسمى مش انا خالص أصله الحمد لله متفتح

شكرا جزيلا على ردك وكل سنه وأنت طيب

[hide]

اما العربية تبقى باسمك مش باسم الجيران زى ما بتقولى
هتدبسى فى مشاوير البنك والمرور
ولاحظى انك لازم ترخصى كل سنة علشان قسط
وتروحى شركة التامين كمان كل سنة

شوفى الحلو والوحش فى الموضوع [/hide]

[mizamega]

لو هتش باك ومنيول ممكن حضرتك تشوفي الرينو لوجان هتش باك (شكلها جميل - امكنيات حلوة مش موجودة في البيكانتو -الشنطة واسعة)
اما بخصوص ان العربية تبقي باسمك ممكن بعد الاقساط ينقل الملكية باسم حضرتك

[zain2007]

نصيحة ابعدى عن المانيوال متعب متعب متعب الايام دى بالذات فى الزحمة و حضرتك بتقولى لازم تدوسى دبرياج مع الفرامل يعنى ممكن تقابلك مشاكل من نوع تانى ذى تلف الاسطوانة لا قدر الله ... الاوتوماتيك مفيش فية اى مشاكل نهائى و عن ثقة و الاكسينت بالذات الاوتوماتيك بتاعها روعة و مش حيتبعها لأن موتورها ماشاء الله ممتاز
التقسيط أعتقد ان أقل فايدة ممكن تلاقيها هى ال 8و نص دى
و البنوك كلها اشتراطتها واحدة معنديش اى فكرة عن التقسيط الاسلامى دة
الاستلام المفروض يكون فورى فى اى مكان من اى معرض بتستلمى بعد بالكتيير 48ساعة
الفرج البيج بيتوسخ بسرعة جدا جدا بيجرب يعنى بس لا شك انة اشيك و بيدى وسع للعربية من جوة
حكاية الالوان دى حاجة شخصية وبالنسبة ليا اختيار اللون اصعب من اختيار العربية اساسا !

بس فى حاجة مهمة ان الاكينت مش بيليق عليها غير الوان معينة واكترها الفواتح للاسف !

مش عارفه والله ما جربتش أبدا الأوتو وخايفه أجرب و أرجع أندم حيث لا ينفع الندم
لأنى لو ما قدرتش أتأقلم مع الاوتو مش هأقدر أبيعها على الأقل طول فتره القسط

الناس خوفونى من المعارض جدا لأن فى التوكيل العربيات بتيجى من المينا على عربيات كبيره لكن فى المعارض بتيجى بسواق وقالو ممكن لا قدر الله تكون أتخبطت أو أتحكت وصلحوها وباعوها من غير ما يقولو وكمان فى المعرض بتبقى أغلى شويتين

حضرتك بتقول عن الألوان الفاتحه مع أن الغوامق فيها جنان أنا رايحه كمان شويه أشوف النبيتى فى الشمس لأنى شوفتها بالليل أن شاء الله يطلع لون كويس
حكاية الأسم دى مش فارقه خالص أنا بس حبيت أتأكد من كلام التوكيل

جزاك الله كل خير

[zain2007]

لو هتش باك ومنيول ممكن حضرتك تشوفي الرينو لوجان هتش باك (شكلها جميل - امكنيات حلوة مش موجودة في البيكانتو -الشنطة واسعة)

اما بخصوص ان العربية تبقي باسمك ممكن بعد الاقساط ينقل الملكية باسم حضرتك

الحمد لله رب العالمين أستقريت على الأكسنت بس سؤالى فى أكتر من حد كتبلى بلاش تجرى بيها ليه هو الجرى بيها فيه مشكله

حكاية الأسم مش فارقه خالص أنا بس كنت حابه اتأكد من كلام التوكيل
جزاك الله خير

[besso1011]

يا جماعه الوان الاسود شيك جدا ومشكلة النظافه مش صعبه قوى برضو

اللون الاسود اعلى فى السعر عن اى لون تانى وكمان الراجل دا عايز يبيع اى لون غير الاسود علشان دا مطلوب كتير
انا اشتريت 3 عربيات لانسر من خمسين معرض علشان اللون الاسود العربيات كانت داخله دوره ايجار تابع بنك
وكان اللون مطلوب اسود فقط وصعب جدا ان حد يشترى او يلاقى هذا اللون

[ADELHASANALSHAAIRYN6]

++++++++++++++++++++++ 100%

[R A N A]

اهلا وسهلا بحضرتك انا وصلتني رسالتك على البروفايل وقلت ارد هنا عشان اتكلم بالتفصيل ويمكن حد تاني يحب يستفيد اي معلومات موجودة في من ردي برده .
مبدئياً العربية النيو اكسنت معايا بقالها حوالي 5 او 6 شهور ومفيهاش مشاكل جوهرية والحمد لله (طبعاً للأمانة دي فترة غير كافية للحكم على اداء اي عربية لإن العربية لسة زيرو ) عموما قسم هيونداي فيه ناس كتير العربية معاهم بقالها فترة كبيرة يقدروا يدوكي معلومات اكتر مني طبعا لو حبيتي.
هي طبعاً زي ماناس كتير بتقول عنها العفشة بتاعتها ناشفة شوية وده موجود في عربيات كتير حديثة وكمان العفشة الناشفة عمرها الإفتراضي اطول وبتدي ثبات اكتر للعربية وعموما بالنسبة ليا مش فارقة كتير هو اينعم انتي بتسمعي صوت هبد او تخبيط (بتحسي بالعربية يعني) لو اخدتي مطب سخيف بطريقة غلط ولو ماشية في شارع مكسر مثلا بس انا بحاول اتعامل مع المواقف دي بإني باخد الملف براحة وبحاول الف العجل قبل ماطلع وارجعه تاني قبل مانزل من المطب ومبجريش في الشوارع المكسرة وكمان انا مجربتش عربية عفشتها ناعمة قبل كدة فمش حاسة بالفرق الفظيع يعني .
طبعا زيها زي اي عربية بتظهر فيها مشاكل بسيطة بس بتتظبط لوحدها او في التوكيل بيظبطوها عادي زي مثلا اول ماجبتها كان الفتيس تقيل شوية واتظبط بعد التليين كمان لو مشغلة CD وحاطة الفلاشة ساعات لو اخدت مطب يقلب فلاشة او راديو لوحده وفي التوكيل قاللي حاولي تفصلي الفلاشة لما تكوني مشغلة ال CD والموضوع اختفي لوحده وعادي كمان السنتر عندي باب واحد ابتدي يعلق ولازم اقفله بإيدي لو فتحته وده هاروح التوكيل اشوف ايه نظامه وودي كلها مشاكل بسيطة والحمد لله غير كدة انا معنديش اي مشاكل والعربية مريحاني حتى الان وموفية احتياجاتي والحمد لله
بالنسبة للأبعاد كنت زيك تمام وكنت خايفة موت وحاسة ان العربية كبيرة بس مع الوقت ابتديت اتعود على ابعادها واكتشفت ان الاكسنت اصلا من العربيات الصغيرة مش كبيرة زي ماحنا متخيلين (يعني بالنسبة للانسر ولا الصني مثلا هاتحسي كإنك راكبة سفينة مش عربية ) بس طبعاً هي واقعياً اكبر من البيكانتو في الحجم.
وبرده العربية الصغيرة فيها ميزة انك بتمشي في شوارع ضيقة وانتي مش خايفة كمان لو بتركني في مكان صغير مش هايبقي في مشكلة
لكن برده الاكسنت فيها ميزة انها من جوه هاتكون اوسع وكمان موضوع الشنطة ده مهم خصوصا اني عرفت انك عندك طفلين منهم بيبي صغير وعربية البيبي أو كرسي البيبي اعتقد هيحتاجوا مكان كبير وكمان اعتقاد ان العربية الكبيرة اقيم واشيك وبرستيج ده صحيح عند بعض الناس خصوصاً انك ممكن تتعاملي وانتي سايقة في الطريق من المنطلق ده
يعني لو عربيتك صغيرة هاتلاقي ناس كتير تكسر عليكي وتدخل قبلك وتستفزك علي اعتقاد انها عربية لعبة او امكانياتها علي قدها مثلا (دي طبعاً مش وجهة نظري لكنها وجهة نظر بعض سائقي الميكروباص او ضيقي الافق مثلا ) .

عموما زي ماقلتلك هي مسألة وقت وهاتتعودي على الابعاد متخافيش خصوصا انك بتقولي سوقتي عربية جوزك وكانت سيدان فالاكسنت مش هاتكون صعبة بالنسبة ليكي.

بالنسبة للون انا معايا النبيتي وصورته موجودة في التوقيع ولونه مش باهت ولا حاجة وانا برده في البداية كان نفسي في الاسود لكني الحمد لله سمعت نصيحة الناس ومجبتوش لإنه بيتبهدل بسرعة فعلا وممكن يجرب بعد فترة كمان
مع ان النبيتي برده محتاج عناية مستمرة هو وكل الالوان الغامقة (بس ارحم من الاسود طبعاً) وكمان لو كل يوم تخلي سايس الجراج او البواب ينضفهالك وتغسليها مرة كل اسبوع او اسبوعين خلاص الموضوع انتهي يعني مش مشكلة.
انا عن نفس محبتش الكحلي وطبعاً الالوان دي وجهات نظر يعني
بس ناس كتير اجمعت ان النبيتي والفيراني هما افضل الوان ولو اني شايفة ان الفيراني رجالي شوية.
بالنسبة للفرش طالما ناوية على غامق يبقي مقدامكيش غير فرش بيج ممكن بعد كدة تبقي تركبي فرش تاني لو حسيتي انه هايتبهدل بس للأمانة الانتريور البيج مع اللون النبيتي رائع .

بالنسبة للتقسيط انا قسطت اسلامي مع البنك الوطني للتنمية (وهومش بيشترط تحويل مرتب على فكرة) حضرتك ممكن تشوفي موضوعي اللي في اللينك ده انا شرحت فيه الاجراءات بالتفصيل بس حاولي تقري كل الردود:

http://www.nilemotors.net/Nile/86261-2010.html


وانا على فكرة برده اشتريت من موزع معتمد وخفت التوكيل يأخرني في الاستلام (هاتلاقي التفاصيل في موضوعي)


اه بالنسبة للجري الناس بتقولك متجريش بيها كتير لأن العربية جراية فعلا ولو نسيتي نفسك وانتي سايقة هاتلاقي العربية كسرت ال100 وانتي مش حاسة بحاجة لإن الموتور قوي ومساعد على الجري وطبعاً الجري في طرقنا الجميلة غير مأمون شوية وكمان في ناس بتقول ان الفرامل مش قوية مع اني محسيتش بالموضوع ده تماماً وكتير جريت بيها وفرملت وسيطرت عليها في وقت قليل والفرامل ساعدتني والحمد لله.
معلش ردي طويل شوية لا شويتين تلاتة كمان بس حبيت افيدك وارد على كل استفساراتك على قد ماقدر.
ولو في اي استفسار تاني انا تحت امرك .
ولو حبيتي تشوفي العربية وتجربيها كمان معنديش مانع