ايه رأيكم ياجماعه فى الهيونداى جيتز ؟؟؟؟

[M_HaFeZ]

انا بافكر فى جديد وعايز عربيه متتعبنيش معاها وتكون واسعه من جوه
بعد ماكنت ناوى على جولف Ii واسقطلها موتور 1800 ناس خوفونى من البنزين وقطع الغيار الغاليه وكمان كثره الصيانه
فلما فكرت فى جديد الصراحه اللى شايف انها اول المعقول فى الهيونداى هى الجيتز ولكن رأيكم ايه فيها من ناحيه الثبات والتسارع والصاج والاتساع من جوه وخصوصا انى سمعت انها واسعه

[Hesham A.Megid]

عربيه ممتازه و هيا نفس وسع الفرنا و الافيو من جوه علي فكره...دور هنا في المنتدي هتلاقي معلومات كتير عنها

[tutankhamoun]

العربية الجيتز مميزاتها الآتي
شكل إلى حد ما معقول ( أذواق )
موتور قوي على حجم سيارة صغير ( ممتاز في السرعات المنخفضة ) تحت 90
كماليات جيدة
ليست ضيقة قوي بالنسبة لحجمها

العيوب

لا يوجد أي اتزان للسيارة فوق سرعة 100 ( موتور قوي على سيارة صغيرة و خفيفة )
غالية الثمن بالنسبة لهذا السعر افيو أفضل بكثير
و أعتقد أن فيرنا المصري أيضا أفضل

و لو معاك فلوس تزود عندك ....... جين 2 و هوندا سيتي .......
و عندك أختيارات أخرى في نفس الفئة السعرية أو أقل أو أكثر قليلا
هيونداي فيرنا المصري ..... شيفرولية أفيو ..... و فيات بونتو 1300

[M_HaFeZ]

شكرا لكلامك ياخ توت
بس بالنسبه للافيو الصراحه عجبنى ارتافعها وخصوصا انى طويل بس فى ناس بتقولى عيبها ان الموتور ضعيف ! وبرضه ناس كتير بتتكلم على البروتون عموما ان قطع الغيار غاليه وهى عربيه غاليه على تمنها لان فيها عيوب ومحدش وضح بالظبط بس بيقولوا قطع الغيار قليله جدا

[Ahmed Anwer]

الجيتز ممتازة و أفضل من الفيرنا و الأفيو ،،

عربية نظيفة

[Hesham A.Megid]

العيوب

لا يوجد أي اتزان للسيارة فوق سرعة 100 ( موتور قوي على سيارة صغيرة و خفيفة )
غالية الثمن بالنسبة لهذا السعر افيو أفضل بكثير
و أعتقد أن فيرنا المصري أيضا أفضل

وزن العربيه هو وزن الفرنا بالضبط و ال wheelbase هيا هيا و ممكن اجيب لحضرتك المقاسات بالمللي.
بالنسبه لوضوع الاتزان...لو حضرتك اللي جربت العربيه يبقي اكيد العربيه اللي جربتها ماكنتش مضبوطه...لو سمعت الكلام ده من الناس يبقي متصدقهمش، عشان الناس بتشوف عربيه شكلها يوحي بأنها صغيره و موتورها قوي يقولوا انها مش ثابته و خلاص من غير ميجربوها حتي.

[dooody_2007]

على فكره العربيه مش صغيره انا الحمد لله استلمتها من شهرين وسافرت يها وتقريبا وصلت لسرعة 180 والعربيه الحمد لله (الله اكبر) ممتازه وباخد غرز على كده وهى بتقول كمان لان العربيه مش صغيره العربيه لما تشوفها عالطبيعه تلاقيها عريضه زيها زى العربيات السيدان ومقاس العجله برضه مش صغير بس هو اللى لفت نظرى ان الموتور كان صوتوا عالى حبتين مش عارف ده غلط وا ده اختلاف عربيات عى اساس انى كان معايا كورولا قبلها بس هى عربيه جامده اووووووووووى وخصوصا لو انت بتحب السواقه الرياضيه صدقنى علمت بيها على 318i بسبب قوه الموتور اللى زياده عن اللزوم وفى نفس الوقت بتخش بيها فى اديق غرزه

[fahd_628]

البروتون قطع غيارها مش غالية ولا حاجة دية سعرها مقارب للكورى

و الحين 2 عربية ممتازة من ناحية الشكل و الثبات ( ممتاز جدا جدا ) و المحرك ( قوى جدا ) و المشاكل كلها على ما اسمع اتحلت فى موديلات 2007

[M_HaFeZ]

يارجاله هى تقفيلها كورى ولا انا غلطان وده من الاسباب اللى مشجعانى ليها
طيب ولا ستاذ دودى ايه رأيك فى اتساعها حيث انى طويل اوى

[tarekkasaby]

الجيتز اختيار ممتاز وو اضح ان حضرتك عندك استعداد للهاتشباك
بالنسبه للثبات انا مجربه وهوه ممتاز زى ماقالdody_2007
و حجمها من جوه ممتاز زى اى عربيه سيدان ماعدا الشنطه طبعا
وتقفيلها كورى 100% ماعدا الكاسيت والانذار بيركبو فى مصر
بالنسبه للسعر هوه مش غالى قوى لاحظ انها كورى و سعرها بيبتدى من 73000
بالنسبه للافيو هيا مع اخويا و هيا عربيه ممتازة بردوه بس هوه معاه الكورى مش المصرى اللى نزل و بنفس السعر !! موتورها 1500 و ده 83 حصان
فى حين ان الجيتز 1600 و 105 حصان
واستهلاكها فى البنزين قليل مش عالى على ما اذكر انى قريت انه 6.5 ليتر لكل 100 كم انا شخصيا ماحسبتوش بس هوه فى الرينج ده
لو موضوع الشنطه مش هايعملك مشكله يبقى جيتز

بالنسبه لردك يا توت انصحك انك تجربها الاول فى موضوع الاتزان لانه عن تجربه زى ماقولتلك ممتاز و حايعجبك

[M_HaFeZ]

ممكن ياستاذ فهد معلومات اكتر عن الجين 2 اللى معاك وتقييمك لها
اللى مستغربله فعلا السوق المصرى الجاهل واحد مجربش العربيه ولا ركبها ويقيمها وده اظنه سبب احجام الناس عن الجين 2 رغم انها امكانيات وكماليات ممتازه مقابل السعر لكن الشعب المصرى لما بيحب حاجه بيحبها وخلاص ولما بيكرها بيكره من غير سبب

وبرضه باستغرب جدا عن عدم انتشار بعض السيارات الممتازه زى هوندا سيفيك وهى قريبه من الكورولا وموتورها اقوى من الكورولا وعدم انتشار الافانسيس رغم انها افضل من الاوكتافيا

[tutankhamoun]

ممكن ياستاذ فهد معلومات اكتر عن الجين 2 اللى معاك وتقييمك لها
اللى مستغربله فعلا السوق المصرى الجاهل واحد مجربش العربيه ولا ركبها ويقيمها وده اظنه سبب احجام الناس عن الجين 2 رغم انها امكانيات وكماليات ممتازه مقابل السعر لكن الشعب المصرى لما بيحب حاجه بيحبها وخلاص ولما بيكرها بيكره من غير سبب

وبرضه باستغرب جدا عن عدم انتشار بعض السيارات الممتازه زى هوندا سيفيك وهى قريبه من الكورولا وموتورها اقوى من الكورولا وعدم انتشار الافانسيس رغم انها افضل من الاوكتافيا

بعد اذن فهد باشا .....أنا هارد

راجع الروابط التالية يا باشا و أنت تلاقي معلومات جمة عنها

http://www.nilemotors.net/Nile/showthread.php?t=10722

http://www.nilemotors.net/Nile/showthread.php?t=12445

http://www.nilemotors.net/Nile/showthread.php?t=2266

http://www.nilemotors.net/Nile/showthread.php?t=12300

http://www.nilemotors.net/Nile/showthread.php?t=4222

و أنا أرفقت مواضيع تتكلم بالسلب على السيارة بالإضافة لشرح كل من جرب السيارة بما فيهم العبد لله الفقير

[M_HaFeZ]

الف شكر ياتوت على الللينكات دى