واحد من جوه التوكيل

[enghany]

الخ tayaam
الاكسنت 1300 او 1500 كويسه و معمره و لكن تاكد من الحاله جيدا قبل الشراء اما با لنسبه للسعر ماليش خبره فيل اما بالنسبه للزجاج اعرف انه ممنوع اما موضوع الباور في ناس بتعمله بره و ما تسالش مين علشان ماعرفش

[enghany]

الاستاذهw_abd kereem
الجيتز سياره محترمه جدا هي و النيو اكسنت و هم اقل السيارات من حيث المشاكل اشتريها و علي ضمانتي

[enghany]

الاخ soda2020 اولا عند هذه العيوب صعب تشخيصها صعب بدون ارن اراها و هنا حل من 2
اولا ان ذلك طبيعه السياره
او احضار الساره الي مركز قليوب او ابو رواش و لك الشكر

[enghany]

الي الساده العضاء مستمر في الاجابه عن تسائولات الاعضاء المحترمين فقط و اشكر اسلوبكم المهذب ولكن خدوا الرد المناسب من الاشخاص ذوي الخبره فقط و المعلومه العلميه و ليس التجارب و لكم جزيل الشكر

[mohamedibk]

ازاى حضرتك يا بشمهندس هانى
اريد شراء سيارة نيوالنترا زيرو مانيوال او نيواكسنت زيرو مانيوال فاى من تلك السيارتين اقل فى المشاكل والاعطال والاصلاحات وقطع الغيار

[ابو فرح]

لوسمحت انا صيانه ال30 قربت ايه المفروض يتغير فيها علما انى مروحتش صيانه ال25 وغيرتزيت فى البنزينه وشكر مقدما

[mhassan9]

أهلا يا بشمنهدس
أنا عندي زنه جايه من طرمبة البنزين فهل هي كدا عايزه تتغير و لا ممكن تتنضف بس و هل لو مركب إنذار بره التوكيل يبقي العربيه خرجت كهربا بره الضمان وهغيرها علي حسابي فعلا

[dr_walid]

ارجو من سيادتك توضيح نقطة الدبرياج العالي بيحافظ على الاسطوانه والواطي يقصر عمرها دي لان معلوماتنا من زمان ان الواطي هو اللي بيحافظ على الاسطوانه والعالي هو اللي بيضرها عشان التحميل عليها

شكرا

ممكن توضحلنا النقطة دى
و لك جزيل الشكر

[mado85]

باشمهندس هاني ازي حضرتك, انا عندي استفسار لسة شاري نيو النترا وعملت بيها حادثة جامدة و قادرتها كدة لو هتتعمل في التوكيل هتكلفني كتير اوييي فقررت اصلحها برة . هية العربية فيها شغل عفشة و سمكرة ودهان طبعا كنت عايز اعرف لو عملت الكلام ده برة هخرج من الضمان كدة ولا لأ علما باني هركب كل حاجة اصلية زي التوكيل. وكمان كنت عايز اعرف انا هظبط زوايا برة طبعا هل قطمة الدريكسيون لازم تتبرمج تاني ولا مش لازمز ارجو الافادة

[w_abedelhakim]

انا سمعت ان هيونداي هتنزل اشكال جديدة من الالنترا والفيرنا علي اخر الشهر
هل الجيتز شكلها هيتغير قريب

[BassamHafez]

الاخ المحترم بسام
لا املك نت في المنزل و دخولي صعب شويه علشان كده بتاخر بس برد و لو انت شايف كده ده رايك و يجب احترامه

كان الله في العون يا بشمهندس

[BassamHafez]

الي الساده العضاء مستمر في الاجابه عن تسائولات الاعضاء المحترمين فقط و اشكر اسلوبكم المهذب ولكن خدوا الرد المناسب من الاشخاص ذوي الخبره فقط و المعلومه العلميه و ليس التجارب و لكم جزيل الشكر

شكرا جزيلا على النصيحه يا بشمهندس ولكن الخبرة المدعمه بالتطبيق والتجربه افضل من الخبرة فقط

لان في بعض الاحيان التجربه تثبت عكس المعلومه النظريه فقط

مش بيقولك اسال مجرب ولا تسال طبيب هاهاها طبعا مش في كل الحالات

وفي النهايه نرجو ان اهل الخبرة يكون صدرهم واسع لاهل التجارب لان التجربه ممكن تفيد الخبير والعكس صحيح

ولا انا غلطان

[BassamHafez]

البشمهندس هاني عندي ليك سؤال في موضوع الضمان

انا عربيتي عامله 30000 وبطلت اروح التوكيل من بعد صيانه ال 15000

وعندي شك ان العربيه ممكن يكون فيها اسطوانه فهل ممكن تتغير في الضمان ولو الاجابه لا

ايه اللي ممكن يتعمل عشان العربيه ترجع الضمان تاني وتتصلح فيه

ولا لا يوجد امل

[mshmshm3]

باشمهندس هاني مارديتش عليا فى موضوع صوت ونة الموتور لما امشي بسرعة شوية بسمع صوت ونة في الموتور ولما اقف دقيقة كدة واجى امشي الصوت يروح ولما امشي بسرعة تاني الصوت يرجع تاني وكان عندى استفسار تاني ينفع اعمل الصيانة في مودرن سيرفس مصر الجديدة العربية ما تطلعش برة الضمان ده مركز خدمة معتمد وشكرا لحضرتك

[dodocai]

مهندس/ هانى ، أشكر لك ردلك

بالنسبة لزيارة أبو رواش
المرة الأولى تم تغيير الكاسيت بسبب عيب فى اليو بى اس وظبط زوايا وفحص الدبرياج وتغيير بطارية السيارة من عادية إلى جافة بعد الخروج من المركز ، تلاحظ كسر فى سارينة الانذار ، استمرا الحدفة اليمين وان كانت بسيطة ، استمرار نفس العيب فى الكاسيت اليو بى اس لا يعمل.
بعدها بيومين تم افحص الزيت فوجدت انخفاض فى مقياس الزيت بعد ما بين علامة الفول واللو ذهبت ثانى يوم صباحا الى مركز لمصيلحى ، تم ظبط الزوايا للمرة الثانية ، تم تزويد زيت المحرك بمعدل نصف كيلو مع التأكيد على استمرار الفحص للزيت وملاحظة مستوى الزيت فى المحرك.

الزيارة الثانية لمركز أبو رواش:
تم الشكوى من رجة عن بداية المشى بالسيارة كع الاشارة ان العيب قد يكون من طقم الدبرياج، تم الشكوى من مقياس الزيت
- تم تغيير الكاسيت للمرة الثانية
- تم الكشف على مقياس الزيت للأسف اكتشفت انه يتم الفحص والسيارة سخنة
- تم تغيير قاعدة المحرك العلوية
- تم وضع المحرك على الكمبيوتر حسب التقرير النهائى
- تم رفع الشكوى لمدير مركز الخدمة وقام بالمتابعة بنفسه

النتيجة نفس الرجة بعد الوصول للمحور
نفس العيب فى الكاسيت اليو بى اس لا يعمل مع التشكيك فى مشكلة للفلاشة الموجودة ، تم شراء فلاشة جديدة ولكن نفس العيب ، الحدفة اليمين لم تختفى

بعد مشوار للعين السخنة
تم الكشف على مقياس الزيت وجدت أن مقياس الزيت ناقص بمقدار حوالى ثلاثة ملليمتر

الزيارة الثالثة لأبو رواش
تم الشكوى من مقياس الزيت
تم الشكوى من تقل فى باور الدريكسيون
تم الشكوى من رعشة فى السيارة فى محرك السيارة ودواسة البنزين والدركيسيون على السرعات العالية وتحديدا 140 كيلو

ما تم عمله
- تم تجربة السيارة من قبل الفنى (مستهتر بعض الشىء)
- اشار كبير مهندسى الورشة بأن الشكوى ليست فى محلها حيث أن الثلاثة مللى لا تعتبر شكوى ، مع العلم بأننى أخبرته بما حدث سابقا وسبب زيارتى لمركز المصيلحى
- طلبت فحص الكاسيت مرة أخرى وأشرت على فنى الكهرباء بفحص وصلة اليو بى اس وكان ظنى فى محله أن السبب هو الوصلة ، تم تغيير وصلة اليو بى اس والكاسيت يعمل الأن والحمدلله
- قام الفنى بفحص مستوى الزيت والسيارة سخنة واشرت اليه بذلك ولم يعر كلامى اى انتباه
- تم تجربة السيارة على سرعة 140 لعدة ثوانى ولم يكن هناك فرصة على الطريق للجرى ، وشعر بالرعشة وقال انها بسيطة ، وأشرت اليه أنه لم يقد السيارة بسرعة 140 الى ثوانى وانا شعرت الرعشة لأننى قدت السيارة لفترة على سرعات مختلفة
- تم ظبط الزوايا للمرة الثالثة وما زالت الحدفة موجودة ولو بشكل بسيط

استملت السيارة وتركت المركز على أساس أنى أتباع جيدا مقايس الزيت والرجوع الى المركز لو أنا هناك نقصا فى مستوى الزيت

أسف للاطالة ولكن وجدت منك رغبة فى الاطلاع

شكرا لسيادتكم



بالنسبة لزيارتى لأبو رواش حتى الآن تم زيارة المركز مرتين فى خلال أسبوع وقبلهم زيارة لمركز مصيلحى ، المرة قبل الأخيرة لأبو رواش تم تغيير قاعدة المحرك العلوية ، لوم يختفى العيب للأسف كما لاحظت أن هناك نقص فى مقياس الزيت بعد زيارتى الأولى لأبو رواش