واحد من جوه التوكيل

[alivara]

لو سمحت عندي تزييق في العفشة وقولتلهم في التوكيل في صيانة ال 5000 و ربطوها اي كلام و رجع التزييق تاني , ممكن تكون فيه مشكلة غير تربيط العفشة ؟ و ممكن اربطها برة و لا لأ ؟
الزجاج الامامي بتاع السواق بييجي عندي في الاخر و يبقى بطئ لحد ما يقفل و قلتلهم برضه قبل كده و بقى سريع لمدة اسبوع واحد بس و رجع بطئ تاني ايه الحل ؟
العربية هيونداي النترا 2009 عاملة 7000 كم

عايز اعرف اسعار الكماليات دي في التوكيل لو سمحت :
فوجات بذراع و من غير ذراع
كونسول (مسند السائق الامامي)
لمبة ستوب خلفية
سبويلر

و شكرا مقدما

[SamirSabry]

أرجو ان الباشمهندس هانى من التوكيل ميكونش زهق من كتر اسئلتنا
انا عندى أكسنت 2005 1300 سى سىعاملة 124000 كم
مشكلتى بقالها سنه تقريبا ان العربية بتقطع تقطيع جامد بعد 10 كم من التحرك مثلا لدرجة انها تبطل خالص
وعلى مدار السنة يا سيدى روحت لكل تخصصات دكاترة الصيانة
مركز خدمة هينداى فى صقر قريش اتحفنى بتغيير البوبينا ب 275 جنية وقبل ماطلع الدائرى كانت بتقطع تانى
ومالا يقل عن 3 دورات غسيل تانك ومواسير بنزين وكل مرة زى الفل
وتغيير عدد 4 طلمبات بنزين مابين البوش 4 بار وعدد 2 طلمبة استيراد وواحدة صينى

ومش طايق نفسى ...نفسى فى دكتور يقولى اعمل اية؟؟؟
بطلت اركبها ...واستغلت المدام الفرصة وركبتها وعينك متشوف الا النور
العربية اتمكيجت بالعربى...بونية من هنا على نص اكصدام من ورا على نغزة فى الشنطة
شكلى هاسرح بيها بشوية بطاطا من شكلها الغلط
الله يسامح الستات واللى بيطلعلهم رخص واللى بيوافق انهم يركبوا اصلا ان جيت للحق

يا ريت يكون عندك مكان امين يحل مشكلتى ووكمان يرم الخبطات دى ويعيد دهانها بشكل لائق ويا حبذا لو يشوف الخبطات دى ثرت على حاجة فى مقاسات العربية....وربنا ما يوريكم فى عزيز لديكم

[ahmedxxz]

عندى دايوا اسبيروا وبتجيب زيت بسيط من تحت اية المشكلة ياترى ارجوا الافادة والسيارة اتوماتك وموديا 94 ارجوا الرد السريع والفتيس ملحوم ممكن يفك وكفاية توصيل واحدة رفع الرجاج

[mshmshm3]

باشمهندس هاني شاكرين لحضرتك على مجهودك / عندي استفسار معايا فيرنا 1600 / 2008 وهاعمل صيانة ال 20 الف قريب ينفع اركب فلتر هواء k&n هل هايخفض صوت الموتور شوية او يخليه حتي ناعم شوية ؟

[hanyfarrag]

أرجو ان الباشمهندس هانى من التوكيل ميكونش زهق من كتر اسئلتنا
انا عندى أكسنت 2005 1300 سى سىعاملة 124000 كم
مشكلتى بقالها سنه تقريبا ان العربية بتقطع تقطيع جامد بعد 10 كم من التحرك مثلا لدرجة انها تبطل خالص
وعلى مدار السنة يا سيدى روحت لكل تخصصات دكاترة الصيانة
مركز خدمة هينداى فى صقر قريش اتحفنى بتغيير البوبينا ب 275 جنية وقبل ماطلع الدائرى كانت بتقطع تانى
ومالا يقل عن 3 دورات غسيل تانك ومواسير بنزين وكل مرة زى الفل
وتغيير عدد 4 طلمبات بنزين مابين البوش 4 بار وعدد 2 طلمبة استيراد وواحدة صينى

ومش طايق نفسى ...نفسى فى دكتور يقولى اعمل اية؟؟؟
بطلت اركبها ...واستغلت المدام الفرصة وركبتها وعينك متشوف الا النور
العربية اتمكيجت بالعربى...بونية من هنا على نص اكصدام من ورا على نغزة فى الشنطة
شكلى هاسرح بيها بشوية بطاطا من شكلها الغلط
الله يسامح الستات واللى بيطلعلهم رخص واللى بيوافق انهم يركبوا اصلا ان جيت للحق

يا ريت يكون عندك مكان امين يحل مشكلتى ووكمان يرم الخبطات دى ويعيد دهانها بشكل لائق ويا حبذا لو يشوف الخبطات دى ثرت على حاجة فى مقاسات العربية....وربنا ما يوريكم فى عزيز لديكم

العيب فى مشط الكهرباء - الإسبراتير

[mayoush133]

يا بشمهندس أنا كنت عايزة أسأل لو ممكن أركب sensors ل عربيتي I30 high line model 2010 في العربية و يا ترى ده يتعمل في التوكيل ولا بره و لو عملت ده يخرجها من الضمان ولا ايه ؟؟

[ahmedsameir]

يا باش مهندس التوكيلات بقت حاجه غريبه كنت فى التوكيل النهارده لان العربيه بقالها يومين بتسخن جامد جدا لحد ما توصل للعلامه الحمراء و بضطر ابطل العربيه و اقف قعدوا فوق ال 3 ساعات يجربوا و فى الاخر قالى ده من الصدء اللى فى الردياتير روحت المحط و عملتها و نظفت الدوره بالكامل و حطيت مياه خضراء زى ما قالوا و لكن اللى حصل ان السخونيه بقت اسرع من الاول فى حالة تشغيل التكييف او فى حالة عدم تشغيله
نسيت اقولك ان العربيه فيرنا اوتوماتيك موديل 2004 و العداد عامل 78000 كم و صيانتها كلها فى التوكيل
يا ريت تشور عليا لان الدنيا حر و العربيه مش طبيعيه و ربنا يستر

[mavrck75]

synthetic gear oil

طيب يا عم ياللى فى التوكيل ليه مش بتجيبوا زيت فتيس مانيوال تخليقى

[alsonbati5]

عزيزي المهندس هاني ارجوا الافاده معي سياره النترا 2005 اتوماتيك عامله45000كم عاملتها الصيانه النهارده غيرت زيت الموتور موبيل وان وفلتر الموتور وفلتر الهواء وفلتر التكييف وغسلت الرشاشات وغيرت التيل الامامي ورجلشت التيل الخلفي وغيرت زيت الفتيس لكن لي ملحوظتين الاولي ان كميه زيت الفتيس في الكتالوج 6كيلو بالرغم من ان العربيه اخدت 3كيلو فقط والراجل قالي ان المقاس كده مظبوط فايهما الاصح الراجل ام الكتالوج مع العلم انا ماغيرتش فلتر الفتيس ثانيا انا حاسس بعد الصيانه ان السحب قل شويه والنقله بقت بطول وحاسس بيها عن الاول فهل هناك سبب لذلك مرتبط بالصيانه

[alsonbati5]

باشمهندس هاني ارجوا الرد عليا لاني خايف يكون زيت الفتيس اقل من اللازم ويكون هو السبب في طول النقله واخفاض السحب وارتفاع صوت الموتور صحيح ان ذلك كله ليس بدرجه كبيره ولكني احس به فما السبب في ذلك هل هو زيت الفتيس ام زيت الموتور ام تغير فلتر الهواء ام ضبط السياره وغسيل الرشاشات ام بسبب تيل الفرامل الجديد مش عارف ارجوا الافاده

[amgadtoma]

مشكلة فى سحب النيو أكسنت اوتوماتيك 2010

الساده اعضاء نايل موتورز لكم منى الف تحيه،
الموضوع ببساطه عندى مشكله حصلت من بعد صيانة الالف كيلو
العربيه كانت ممتازه جدا وقشطه زى ما بيقوله وزى السكين فى الحلاوه على الطريق.
المهم عملت صيانه الاف من شهر ونص وعملت فى العربيه الاتى
1- تربيط عفشه
2- وضع السياره على جهاز الجى سكان لبيان حالة الموتور بعد اول الف كيلو
3- غيار زيت شيل 7500
4 مراجعة وتظبيط دورة التكييف

المهم خرجت من التوكيل حسيت ان العربيه متكلبشه وبتمشى بالعافيه يعنى عشان اجرى بحس ان الموتور بيتعب اوى يعنى بيبذل جهد عشان يجرى عكس ما قبل ما كنت ادخل التوكيل يعنى حسيت كده فى ساعتها
المهم طلبت تحديد موعد صيانه اخر ولكن كان رد مسئول قسم الصيانه بعد ارسال احد مندوبيه معى لتجربة السياره ان الفرامل مشدوده شويه ومع الوقت هتلاقى العربيه رجعت زى الاول
المهم قولت امشى واسمع الكلام لغاية اما اشوف ايه هيحصل بعدد شويه
الهاند بريك بدأت احس انو بقى اخف من الاول وبقى يطلع معايا عادى مثلا 5 تكات ولكن استيل العربيه لسه تقيله وخصوصا لما اشغل التكييف
حجزت موعد صيانة تانى وروحت وواحد طلع معايا وجرب العربيه وحطها على جهاز الجى سكان للكشف اذا كان هناك عيب بالموتور او الفتيس وكنت معاه ساعتها لكن العربيه ما طلعتش اى عيوب على الجهاز وقالى ان العربيه ما فيهاش حاجه يا بيه
المهم انا ما كنتش عارف اعمل ايه بس انا عارف عربيتى وعارف كانت ايه قبل صيانة الالف
لكن دلوقتى مش عارف احل الموضوع ده ازاى وخايف امشى بيها كده كتير يكون ده مؤثر على الموتور او الفتيس
يبقى بدل ما كنت لحقت حل المشكله يبقى نيلتها اكتر

المهم انا عاوز مساعدتكم واقتراحتكم وخبراتكم فى انى اعمل ايه دلوقتى

وشكرا