طب لو فيرنا اوتوماتيك ولا مانوال

[M.Osman]

انا قدامي اختيارين يا إما 1600 هاف اوبشن مانيوال ودي هستلمها بعد اسبوعين أو اوتوماتيك وطالما هي اوتوماتيك بيتهيئلي هتبقى فول اوبشن ودي هستلمها بعد شهرين لان غبور بيقول ان الانتاج عنده محدود ومش هيقدر يسلم قبل شهر 8

نصيحة من مالك للهاف اوبشن ...اصبر و هاتها فل اوبشن احسن

اوعى تجيبها هاف
فاضية جدا
فاضية خالص
فاضية اوي

[m_mekkawy]

انا رايى المانيول لان الأوتوماتك ع المكاين الصغيره وانت مشغل التكييف سحبه زباااااااااااااااااااااااااااااله

[shouk_1987]

انا رايى المانيول لان الأوتوماتك ع المكاين الصغيره وانت مشغل التكييف سحبه زباااااااااااااااااااااااااااااله

معلش هو إحنا هنجيب إيه أكتر من 1600 فى بلدنا اللذيذة
لو الجمارك إتشالت مش هنقدر على البنزين

[chicobon]

المنيوال افضل بكتير

[kamatsho]

لا انا مش قصدى ان الاتوماتيك الكورى بيبوظ بسرعة
انا قصدى ان سحب العربية بيبقى ضعيف قوى
انا جربتها كذا مرة وحسيت بكدة
وجربت برده اللانسر الاوتو 1600 وطبعا الفرق رهيب
ده كان قصدى

الاوتوماتيك فى اللانسر تعبولى جدااااااااااااا فعلا

بس اوتوماتيك الفيرنا مش زى اللانسر يا معلم

الفيرنا اشد منها فى الاوتوماتيك

[kamatsho]

باشا النيك نيم مستر دايفر مش درايف .. دايفر يعنى غواص
ثانيا انت عارف يا ابو حماد انا بجد بحس بطيبة واخلاق عاليين جدا مع الناس اصحاب الفرنا
وبفرح جدا لما بشوف حد منهم بيدخل يناقش وشكرا يا جميل على مدخلتك
وعلى فكرة الفرنا الاوتوماتيك فيه غيار اسمه l ودة للجرى والفرك والذي منه وفيه زرار بيقفلها على 80 متتجوازهمش
الاوتوماتيك اغلى ب 6 الاف جنيه ولذيذ جدا في القيادة الكلاسيك وكمان مقاس جنطها اكبر 14
انا برده عربيتى كاملة 1600 بس ينقصها الجنط ال14 ((اسمحلى اعمل ريبورت سريعللفرنا يا احمد باشا))
الفرنا فى كلا الاحوال من وجهة نظر شخص بيركب عربيات من 17 سنة وبيسوق ترلات من 9 سنين وعندى خبرة كبيرة بين الاتنين اقدر اقولك ان الفرنا صفقة نااااجحة جداا
اولا الصاااج والاكصدمات انا مجربهم وبصراحة اقسم بربي انى مصدقتش
ثانيا العربيا خفيفة ومعرفش ايه العربيا الاخف هيا العربيا الانجح مفيش حاجة اسمها خفيفة
فيه حاجة اسمها ضايعه فى المنورات
ثالثا العربيا على شاسيه كريستالة 98 اللى الكل قال عال توازنها ومنورتها جبارة ((بس أول متحط على الكبوت علامة هيونداي ابتدة فئة من الشعب المصري تزاول نشاطها( ديه هيونداي ورق وزفت) بس عادى))
رابع الفرامل هتلاحظها بنفسك اقوى من اللنوس كتييير
الموتور ال1600 دة تجربها انت وربنا يستر عليك مشهينفع نتكلم عنه
العربيا فى الملفات تمام وأسألنى انا بمارس هويتى المفضلة بعد الساعه 4 الفجر على البحر من المندرة لحدكيلوباترا في 6 دقايق
الفتيس بتاعها المنيوال ميعرفهوش غير اللى ركبها منتهى السلاسة والنعومة
العزل بالنسبة للدوشة والعربيات تمام
البور مظبوط ليها جدا
العفشة اعتمادية عالية
الات الجر حمالة اسيا بصراحة اكتر من الانوس
تجميع بيكسر ال 200 عن تجربة انا وناس بالهبل (( بس منصحكش)) خطر جدا
تكييف تلاجة
الشنطة اكبر من اللنوس
الابعاد واضحة اكتر من الانوس
العربيا سنترهاجميل
الاضواء جواه العربيا كفايا اوى حتا لليجانزا بالنسبة للصالون
بالنسبة للنور الواطى والعالى برده عاليين جدا مش محتاج زينون
العربيا لو نسيت الكاسيت والنور العالى بمجرد مبتشيل مفتاح الكونتاك بتفصل كل حاجة معادا اضائة الصالون لو انت سايبها ومشغالها
الكاسيت بتاعها جميل جدا وسماعتها لذيذة هتسمع صوت حلو منغير متغير حاجة
طبعا سي دى امبثري
مخدع لكرسي السائق
الكرسي بيتحرك فى 6 اتجاهات
قطع الغيار رخيصة ومعمرة
اي ميكانيكى بيشتغل فيها
_____________
ثالثا العيوب
العربيا بجد محتاجة عفشة رياضية بسبب انها بتجرى جاامد ومغريا اوى
لو انت ليك فى الجري نصيحة ليك تكبر الطنابير وتغير التيل لاكبر
الموتور صوته عالى وبصراحة بيبئه مزعج مع القيادة لمدة كبيرة
لان العزل بتاع الموتور مش موجود
التكييف مفهووش فلتر
العربيا صالونها اضيق من الانوس بالنسبة للعرض فقط
بتستهلك بنزين بصراحة يمكناكتر من اللنسر ال 1600
بدون انحياز ديه هيا الفرنا((مميزات وعيوب )) وملكش دعوة بالكلام التانى ويشهد عليا ربنا في كلامى

مش لاقى حاجه اضيفها تانى اساعده بيها

بجد


استاااااااااااذ

بس نصيحه متشتريش العربيه هاف اوبشن

اشتريها فل اوبشن واصبر وتعالى على نفسك ومن رأيي ان المانيول اشد ف السحب ده لو انتا من هواة الجرى والشد لكن لو ملكش ف الكلام ده وبتحب الراحه وترويق البال يبقى هاتها اوتوماتيك

ولو جبتها ان شاء الله مانيوال حاول تجنطها ف أقرب وقت مقاس 15 195/50

هتفرق معاك ف الثبات شويتين

ومبروووك مقدما وربنا يكفيك شرها ويعطيك خيرها ان شاء الله

تحياتى

[dolly13]

بصراحة يا كاماتشو وارجو ان الاسم يكون صح ده احلى واروع تقييم للفيرنا قراته لحد دلوقتى
تحياتى لك

[hamdy]

بصراحة يا كاماتشو وارجو ان الاسم يكون صح ده احلى واروع تقييم للفيرنا قراته لحد دلوقتى
تحياتى لك

كنت لسة هقلهاااااااااااا

[kamatsho]

كماتشو مش كاماتشو
عموما مش هتفرق كتير

فعلا التقييم اديلو 100/100

عشان هوا جامع كل حاجه عن العربيه مميزات وعيوب

[tamer_a7]

الاوتوماتيك فى اللانسر تعبولى جدااااااااااااا فعلا

بس اوتوماتيك الفيرنا مش زى اللانسر يا معلم

الفيرنا اشد منها فى الاوتوماتيك

علشان هيه اخف بكتير انما لو هتتكلم علي سحب بثبات رائع غيار الدي اس في اللنسر ال1600 حاجه كده وهم

[nasroo]

استلمتها امبارح يا جماعة اوتوماتيك فول اوبشن 1600 الحمد لله بس انا حاسس انها في المطالع عزمها ضعيف مش زي الانوس لما بجيبها على الاول او التاني ممكن اطلع بيها على الحيطة ولا يمكن عشان لسا بلين انا ماشي بيها 100 كم بس

[DOCTORBADRAN]

هو ممكن اقلب من مانيوال الى اوتماتك و اغير الجنط الى 14 بدل 13 ولا بلاش؟؟؟
هى فيفا 2008

[kamatsho]

استلمتها امبارح يا جماعة اوتوماتيك فول اوبشن 1600 الحمد لله بس انا حاسس انها في المطالع عزمها ضعيف مش زي الانوس لما بجيبها على الاول او التاني ممكن اطلع بيها على الحيطة ولا يمكن عشان لسا بلين انا ماشي بيها 100 كم بس

اولا مش مستحب فى فتره التليين طلوع مطالع كبيره او كبارى عشان دى فتره تليين

ثانيا العربيه اوتوماتيك برضو سحبها فى المطالع مش زى المانيوال

ثالثا هتتفرج على العربيه بعد فتره التليين وهيعجبك سحبها اوووووى بس خليك على الاوفر درايف

[kamatsho]

هو ممكن اقلب من مانيوال الى اوتماتك و اغير الجنط الى 14 بدل 13 ولا بلاش؟؟؟
هى فيفا 2008

ينفع طبعا والثبات معاك هيزيد وهيفرق اووى

[DOCTORBADRAN]

ينفع طبعا والثبات معاك هيزيد وهيفرق اووى

تتكلف كام تقريبا؟؟؟؟