مركز خدمة عملاء هيونداي ترحب باى شكوى من مالكي هيونداي

[sh23]

هو ضمان الماتريكس 2010 60الف كم ولا 100 الف كم ؟؟؟

............
كل الهيونداي بقت 3 سنوات او 100000 كم ايهما اقرب

[spiky1]

هو ال 100000 الف دول على ايه بالظبط يعنى متهيالى كانو قالو فى التوكيل ان ضمان الاسطوانة والدسك طقم الدبرياش 7000 كيلو فاحنا عايزين نعرف ضمان ال 100 ده بيغطى ايه وضمان الكهربا بالذات اد ايه

[Lion_Heart]

م عاطف بالنسبة لانتاج الاكسل هل من الممكن انه يتم اعادة انتاجها ولا الامر ده مستحيل
و ياريت تلقى نظرة على بعض اراء الاعضاء

http://www.nilemotors.net/Nile/124699-a.html

[memo1455]

السلام عليكم ا/ عاطف
انا دايخ على بك السلانسيه للاكسنت بقالي شهر ومش لاقيه
ولما لاقيته كان ب 650 جنيه .. ممكن اعلاف هل ده مظبوط
ولو مظبوط ليه هوا بالسعر الفظيع ده ؟ علما بانه في جميع السيارات الالماني والياباني تمنه لايتعدى 80 جنيه
وشكرا جزيلا

[kewies]

يا شباب كنت محتاج احدث جدول و اسعار الصيانة الدورية لكل انواع هيونداى ... و لكم جزيل الشكر .:b4_564:

[loayegypt]

مشكلة إلنترا 2010

بعد السلام والتحية والتقدير لأعضاء المنتدى الكرام
وشكر خاص خاص لكل من ساهم فى هذا المنتدى من مشاركات فعالة (أ\عاطف وأحمد كار ومشرفى المنتدى وغيرهم من الأعضاء )

عندى مشكلة وعايزكم تساعدونى بخبراتكم لأنى تعبت جدااااا

والدى إشترى إلنترا 2010 من أحد المعارض الكبرى بالمعادى وهى خليجى وإستلمناها من شهرين وفعلا ممتازة بس للأسف بعد 1800 كم فجأة لمبة الفرامل نورت رحت تانى يوم جرى على التوكيل بأبو رواش لأصطدم بواقع أن توكيل الهيونداى الوحيد بمصر يرفض دخول الخليجى وعاملونى كأنى جايبلهم عربية لادا مع العلم إنى على إستعداد تحمل المصاريف كاملة ..... ولكن دون جدوى وبعدين ناس نصحونى اروح لمركز صيانة تخصص هيونداى فقط بطريق مصر حلوان الزراعى وفاجئنى المهندس إن فى تسريب فى الماستر العمومى والواجب تغييره .... وبعد مشورة والدى وافقنا وكان طبعا مضايق على الاخر وبعد التغيير وأنا بستلم السيارة حسيت إن الفرامل محجرة ويا ريت لحد كده .... ده كمان قوتها قلت 80 % والمهندس قاللى إن الماستر العمومى القديم سرب زيت داخل السيرفو ولازم ده كمان يتغير .... ... ودى كانت صدمة كبيرة لينا لدرجة إننا عملنا مشكلة مع المعرض اللى وافق إنه ياخدها يصلحها بطريقته وخصوصا إنه أقنع والدى إن المركز ده نصابيين وبعد غياب يومين رجعلنا مغير السيرفو برده بس فى مكان تانى ... وطبعا الفرامل أحسن كتيير لكن للأسف مش زى الأول ومش عايز أتعامل مع حد برة تانى ونفسى مهندس محترم يشوف العربية ويطمنا لأن كل البيت خايفين يركبو العربية لحسن تروح مننا لا قدر الله ..... أنا تعبت ووالدى إتعقد من العربية

أسف للإطالة وفى إنتظار ردكم

[loayegypt]

فينكم يا مشرفين ويا خبراء أنا مستنى ردكم بفارغ الصبر

[hefzyhefzy]

باشمهندس عاطف بعد التحية لقد قمت بعمل صيانة 100000 لهيونداى أكسنت الشكل القديم بقليوب وتم تغيير فلتر هواء و فلتر بنزين الشكوى باختصار عند محاولتى بعد حوالى 2000 كم تنظيف فلتر الهواء وجدت عدد 2 مسامير تثبيت عمة الهواء مفوتة مما أضطرنى لتفوير المسمارين 1-هل هناك خطورة من بقاء عمة الهواء بهذا الشكل 2 مسمار مربطين فقط
2-ماسعر عمة الهواء أكسنت 1300 -2007
3- أنا مستاء جدا من أداء التوكيل لأن المفترض لهذه الأخطاء عند الورش العادية وليس توكيل محترم مثل غبور

[ashouhdy]

بعد السلام والتحية والتقدير لأعضاء المنتدى الكرام
وشكر خاص خاص لكل من ساهم فى هذا المنتدى من مشاركات فعالة (أ\عاطف وأحمد كار ومشرفى المنتدى وغيرهم من الأعضاء )

عندى مشكلة وعايزكم تساعدونى بخبراتكم لأنى تعبت جدااااا

والدى إشترى إلنترا 2010 من أحد المعارض الكبرى بالمعادى وهى خليجى وإستلمناها من شهرين وفعلا ممتازة بس للأسف بعد 1800 كم فجأة لمبة الفرامل نورت رحت تانى يوم جرى على التوكيل بأبو رواش لأصطدم بواقع أن توكيل الهيونداى الوحيد بمصر يرفض دخول الخليجى وعاملونى كأنى جايبلهم عربية لادا مع العلم إنى على إستعداد تحمل المصاريف كاملة ..... ولكن دون جدوى :i_angr1[1]: وبعدين ناس نصحونى اروح لمركز صيانة تخصص هيونداى فقط بطريق مصر حلوان الزراعى وفاجئنى المهندس إن فى تسريب فى الماستر العمومى والواجب تغييره .... وبعد مشورة والدى وافقنا وكان طبعا مضايق على الاخر وبعد التغيير وأنا بستلم السيارة حسيت إن الفرامل محجرة ويا ريت لحد كده .... ده كمان قوتها قلت 80 % والمهندس قاللى إن الماستر العمومى القديم سرب زيت داخل السيرفو ولازم ده كمان يتغير ....:i_angr1[1]: ... ودى كانت صدمة كبيرة لينا لدرجة إننا عملنا مشكلة مع المعرض اللى وافق إنه ياخدها يصلحها بطريقته وخصوصا إنه أقنع والدى إن المركز ده نصابيين وبعد غياب يومين رجعلنا مغير السيرفو برده بس فى مكان تانى ... :o_stupid[1]: وطبعا الفرامل أحسن كتيير لكن للأسف مش زى الأول ومش عايز أتعامل مع حد برة تانى ونفسى مهندس محترم يشوف العربية ويطمنا لأن كل البيت خايفين يركبو العربية لحسن تروح مننا لا قدر الله ..... أنا تعبت ووالدى إتعقد من العربية

أسف للإطالة وفى إنتظار ردكم

روح التوكيل تانى كأنك معكش ضمان

[loayegypt]

روح التوكيل تانى كأنك معكش ضمان

شكرا للرد ولكن المشكلة إن رقم الشاسيه بيتعاملو عليه فقط ونفسى مهندس من غبور يرد علي فى النقطة دى لأن مشوارهم صعب عليه وبضطر أستأذن من الشغل

[osos_lion]

عضه فتيس النيو اكسنت برجا الاهتمام لان كتييير من الملاك بيشتكو منها

http://www.nilemotors.net/Nile/124475-a.html

[dfsdfsdfs]

انا عندي مشكله في عربيتي الفيرنا 2009 1600سي سي عامله حوالي 9000 كيلو ولسه في الضمان المشكله ان الفتيس تقيل وبعدين لما بحرق علي الاول لحد ار بي ام 4 مثلا واجيب التاني بسرعه الفتيس بيزعق اكني مش دايس دبرياش كويس يعني لازم اجيب التاني براحه علشان ميعملش كدا انا عايز اعرف ايه الحل وانا لما رحت عملت صيانه ال1000 كيلو قولتلهم ان الفتيس تقيل ولسه زي ما هوه

[M.Gamaledeen]

السيد مسئول خدمة العملاء
برجاء اعطاء رد وافي حول تلك المشكلة ،،،،

http://www.nilemotors.net/Nile/126187-a.html

[A_Gamaledeen]

السادة الأعضاء و الزائرين
تحية طيبة و بعد

أعتذر بشدة عن غيابي عنكم و ذلك لمواظبتي علي الدخول علي مثبت (شكراً هيونداي -- ميتسوبيشي) لعدم علمي بهذا المثبت و لولا تصحيح صديقي المهندس /أحمد منذ دقائق ... لبقيت هناك الي مالا نهاية و يمكنكم قراءة مساهماتي هناك ...

سوف أرد علي جميع المشاركات و لكم أرجو من الجميع أن يتصلوا بي علي موبيلي (0126778884) في أي وقت عندما يتطلب الأمر سرعة تلبية أو طوارئ لا قدر الله ...
أكرر أعتذاري ... و أيضاً يجب الوضع في الأعتبار سرعة الشبكة حيث أنني كتبت هذه الرسالة حتي الآن 3 مرات.

أدعو الله أن يوفقني في خدمتكم و أرضاؤكم
و تقبلوا وافر تحياتي
أخوكم

اعتذار مقنع ومقبول يا باشمهندس...بس ليه دايما العيب مش من عندك,من الشبكه طبعا ,,ااااه نسيت .حضرتك شخصيه قوية الحجه ,اتذكر موقفك معي لما عرضت مشكلة البارومة عليك بالمكتب بأبي رواش ,وما شاء الله عليك ,قلت لي "ماتصلحش العربيه,وسيبني يومين وهاكلمك ,وهايكون فيه ريسبونس كويس" وفعلا كما وعدت,اتصلت انا بيك بعد المعاد ولقيتك نسيت كلللللللللل حاجه ماعدا"تعالى ..فيه ريسبونس كويس..,"ولما اخذت اجازة من شغلي لمقابلتك, كان ال ريسبونس بتاعك "سيبهم يصلحوهالك",,انا متأكد ان العامل اللي عندك مجرد عامل نفسي",,,"الكلام ده من11/2009..و حتى الان.....صحيح :اذا وعد...........دي أمانه في رقبتك يا أستاذ.

[AboMaro]

من غير ما ادارة المنتدى تزعل :
ايه لازمة الموضوع ده اصلا طالما ان الحديث فيه من طرف واحد
يعني الكل يسأل و لا احد يجيب

اكيد حصل مساعدات لناس و فيه فايده بس خلاص - لم يعد هناك تجاوب
تقريبا المهندس عاطف زهق من المشاكل
[overline]وانا عن نفسي مستني رده على موضوع عضة الفتيس ف لنيو اكسنت و مفيش رد [/overline]