مركز خدمة عملاء هيونداي ترحب باى شكوى من مالكي هيونداي

[sh23]

لا يمكن لنا أستقبال أي سيارات خليجي سواء للصيانة أو الأصلاحات في الوقت الحالي ... أما بالنسبة لتركيب abs ... ممكن طبعاً بس هايكلفك شوية زي تغيير الفتيس المانوال لأتوماتيك ... طبعاً لا أقصد الكلفة و لكن المفهوم.

تحياتي ...

---
*معلهش ..... فهمني أكثر
* وكمان سؤال ... سيارة ماتريكس 2008 مانيوال لو ركبت لها abs تتكلف في حدود كام ؟؟
* وعلي فكرة المفروض أن التوصيلات الكهربائية جاهزة لأن علبة الفيوز فيها مكان لفيوز ال abs؛ بمعني أن التكلفة ها تكون ثمن ال abs+المصنعية

[Hyundai-CRM]

اللي يفيدك في التكلفة مركز الخدمة ... ارجو تشريفنا و أن شاء الله نسعرلك اللي عاوزه ...

تحياتي ..

[Ahmed.TV]

ممكن اعرف ليه مش بتقبلوا صيانات الخليجى
هو مش انتم توكيل معتمد لشركة هيونداى اللى فى كوريا وفرع ليه فى منطقة الشرق الاوسط ومفروض تعملوا اى صيانات عندكم سواء كانت العربيات من طرفكم او ومش من طرفكم
اللى انا اعرفه ان ممكن صيانات الحليجى تكون اغلى من اللى بضمان الوكيل تبعكم
وبعدين انا ممكن اعمل ضمان تبع اى شركة تامين ضدد عيوب الصيانة وبيكون مع شركة التامين بس اللى اعرفه ان الصيانة بتكون عندكم

[Mohamed.Ramah]

اظن ان اى مركز صيانة تبع هيونداى يصلح العربية ولايفرق من توكيل لخليجى غير الضمان ودة بيحصل فى كيا

[ahmedsamir5edr]

أنا عندي نفس مشـــــكله عضه الفتيس

[hossamelsaqqa]

تمااااااااااام

[atamim]

السلام عليكم ورحمه الله و بركاته

ارجو الرد على موضوع ظهر الصدئ فى عربيتى

http://www.nilemotors.net/Nile/129059-a.html

[Hyundai-CRM]

أرجو أحضار السيارة لأي مركز هياكل للفحص و معالجة شكواك .. ( مراكز الهياكل الرئيسية : أبو رواش - قليوب )

تحياتي

[minaghopreal]

عندي مشاكل في الماتريكس 2010 اوتوماتيك:

1- حاسس ان الفرامل بقت سايبة سنة يعني الدوسة على الفرامل نابقتش توقفها زي الاول بقيت لازم ازود الدوسة سنة

2- حاسس (برضه) ان العربية بقت تتأخر في الغيار لغاية آر بي ام عالي 2750

3-الموتور صوته بقى عالي و فيه سخونة بتيجي من تحت التابلوه بصيت لقيت فيه أسلاك مدلدلة !!!!!

العربية عاملة 2500 كيلو

[Hyundai-CRM]

عملت صيانة الألف و لا لأ؟

علي كل حال أرجو التوجه لأقرب مركز خدمة لك

تحياتي

[atamim]

أرجو أحضار السيارة لأي مركز هياكل للفحص و معالجة شكواك .. ( مراكز الهياكل الرئيسية : أبو رواش - قليوب )

تحياتي

هل فية مراكز اخرى للهياكل قريبة من اسكندرية ؟؟؟؟؟؟؟

[wmostafa]

السلام عليكم ..
لسه شاري عربية النترا 2010 fo/at من عند عبداللطيف جميل بالتقسيط .

العربية بسم الله ما شاء الله زي الفل ... (بعد 300 كم ) ولكن الشئ الوحيد اللي قالقني هو الآتي :
1- يوجد عوجه بسيطه في الدركسيون ... ودا منرفذني شويه ... وبعدين حاسس انها بتعوم بسيط جدا على سرعات منخفضة 80 كم ... فهل دا بسبب عوجة الدركسيون .... ولا ده نتيجة اني أول مرة أسوق عربية فيها بور .

2- المعرض قالي مامشيش بسرعات عالية لحد 1000 كم عشان بتلين ... فهل في التليين طبيعي أشم روائح نفاذه (هي على خفيف جدا) من الموتور ؟

فايه رأي حضرتك

[Hyundai-CRM]

لا ... ابو رواش أو قليوب
تحياتي

[Hyundai-CRM]

مبروك
في صيانة الألف هايعالجوا لك موضوع الطارة ... بسيطة ما تقلقش ... ما فيش تليين دلوقتي للعربيات الجديدة و لكن ننصح الحذر حتي صيانة الألف و فيها هانراجع علي الزوايا... لأننا بنعتبرها فحص ما بعد التسليم ... وارد قوي أنك تشم روائح بسبب بعض Under Coat بيكون علي الشكمان و مع حرارة الشكمان بتشم رائحته ... هاتروح خلال 500 كلم ...
منتظرينك في صيانة الألف أن شاء الله

تحياتي

[minaghopreal]

عملت صيانة الألف و لا لأ؟

علي كل حال أرجو التوجه لأقرب مركز خدمة لك

تحياتي

عملت صيانة الالف في غبور السلطان حسين (أنا من الاسكندرية)
لكني لم ألاحظ هذه المشاكل إلا مؤخراً