مركز خدمة عملاء هيونداي ترحب باى شكوى من مالكي هيونداي

[BassamHafez]

نفس المشكله عندى نيو اكسنت 2010 ماشيه 1300 كيلو فقط
يبدو ان العيب جماعى وكنت فاكر انه عندى فقط

على فكرة يا جماعه النيو اكسنت 2010

احنا عملنا مقابله لجروب النيو اكسنت وكان معانا واحده 2010 كان فيها نفس الموضوع بتاع السحب ده

وكان سببه ان الدبرياج عالي جدا وروحنا وطيناه والسحب اتحسن قوي

تقرير المقابله في اللينك ده


http://www.nilemotors.net/Nile/10430...post3872452452 (اقتراح رابطة لملاك النيو اكسنت)

ارجو اكون افادتكوا

[osamaos20022]

i30

باختصار كده
الديسك والاسطوانه باظوا مره واحده بلا مقدمات
العربيه 2009
ماشيه 45 الف في 20 شهر

التوكيل مش راضي يغيره وعاوز يشيهولي
حد عنده حل
الصيانه في التوكيل بالكامل5/10/20/30/40
التقرير بان الديسك بايظ من توكيل دفره مركز معتمد
الاعراض ريحه شياط وصعوبه نقل

عاوز حل
د.اسامه زغلول
0100027667

[barakat_1986]

انا لسة مستلم فيرنا والزجاج الحرارى مش شغال؟؟؟؟؟؟؟؟؟؟؟؟؟؟؟

[Hyundai-CRM]

حضرتك عاوز تغيرهم علي الضمان ؟

[Hyundai-CRM]

أ/ محمد هندي
الف مبروك ... انا بحب الماتريكس قوي ... ربنا يديك خيرها و يكفيك شرها

[Hyundai-CRM]

بارك الله فيك يا باشا انت اللي نورتنا

[عبدالحميد]

فرامل الفيرنا

الأخ المهندس عاطف عبدالسميع
الأخوة الأعضاء مالكى هيونداى فيرنا

أولا: شكرا جزيلا للمهندس عاطف و لإدارة المنتدى على هذه الخدمة الممتازة
ثانيا : عندى فيرنا 2008 و من يوم ماشتريتها و أنا برخصها فى مرور الأسكندرية و لاحظت صوت خشونة فى الطنابير الأمامية و رحت التوكيل تانى مباشرة و قابلنى المهندس جمال (على ما أذكر ) و قاللى ده فى الأول و لما تمشى الصوت هيروح -- قلتله يعنى هيطبع (مصطلح بيتقال على التيل الجديد كنت فاكره كده) فهو أومأ بإنه حاجة زى كدة و دلوقتى العربية عاملة 26000 و لسة فى صوت
ثالثا : الفرامل بعد شوية كدة أصبحت وحشة جدا و بتحجر و مابتربطش و لو كنت ماشى على 70 و دوست جامد الفرامل بتجر و العربية لا تقف إلا بعد مدة طويلة و لازم أكارك و إلا حيطلع صوت الخشونة بتاع الطنبور المذكور فى أولا

أنا ماشى على جدول الصيانات زى الألف و طلبت ضبط الفرامل كذا مرة منهم ما ينسى تماما و كأن ملاحظة الفرامل دى مكتوبة بحبر سرى و منهم مرات ألاقى الفرامل محجرة أكتر لما أطلع من التوكيل و بعدين ترجع لعادتها

فى الأخر فكرت أصلح برة برغم إنى لسة فى الضمان لحد ما لقيت الموضوع ده قلت هو ده اللى هينصفنى

فيا ريت يا باشمهندس عاطف توصيهم عليا خصوصا إنى باقيلى حوالى شهر على نهاية الضمان
علشان أنا سمعت إن فرامل الفيرنا وحشة بس مش ممكن للدرجة دى و يا ريت نقدر نغير هذة الفكرة دى عند العملاء

و لكم منى جزيل الشكرو جزاكم الله خيراً

[AHMEDCAR]

العربيه دى عاوزه يتكسف على السيرفو بتعها او على الخرطوم اللى واصل بين السيرفو و المنافولد

[عبدالحميد]

شكراً

العربيه دى عاوزه يتكسف على السيرفو بتعها او على الخرطوم اللى واصل بين السيرفو و المنافولد

بارك الله فيك يا أستاذ أحمد - أنا هاقترح على المهندس فى غبور الموضوع ده بكل أدب إن شاء الله بس ياريت المهندس عاطف يوصيهم عليا

[BassamHafez]

العربيه دى عاوزه يتكسف على السيرفو بتعها او على الخرطوم اللى واصل بين السيرفو و المنافولد

يا عم انت فين من زمان بكلمك على الموبايل مش بترد قلقتني عليك

المهم انت كويس ولا ايه

[M.Osman]

http://www.nilemotors.net/Nile/133871-a.html#post3872467689

[alzaaaem]

السلام عليكم

انا عربيتى فيرنا 2008 عمله 33 الف كيلو
كل مشكلتى انا صوت العربيه سعات بييزيد وانا واقف يعنى
انا لو واقف بالعربيه فى اشاره صوت العربيه بيكون عالى اوى
يعنى لو عندى ار بى ام ممكن يكون على 4 وطبعا بتكون متموره مش مديها غيار ولو وخده غيار ودوست دبرياج صوتها بيزيد
وطبعا ودتها التوكيل مرتين
اول مره قالى هى كده
والتانى خليتو يجربها بنفسو وعملت معا المشكله و اللى عاملو نضف
البوابه وحساس ال نى بى اس
والصوت ده بيروح ويجى يعنى مش على طول بس فى الصف لاحظت انها زايده اوى
ارجو اتقولى على حل المشكله وايه اللى فيها.

اسف على الاطله ... وجزاك الله كل خير

[Hyundai-CRM]

ازيك يا أستاذ أحمد ... و الله واحشني

[Hyundai-CRM]

و جازاك خيراً
العربية الفرينا 33 الف كيلو:
المشكلة في الأصوات أو المشاكل اللي مش ثابته بمعني بتروح و تيجي ... بتكون صعبة في التشخيص شوية ... علي كل حال رتب معايا و نشوفها

[Hyundai-CRM]

العربية الفرينا بتاعة الأسكندرية
بأذن الله تروح قبل الضمان ما يخلص للصيانة و كلمني من هناك علشان أوضح مع مدير الصيانة حالة عربيتك.

تحياتي