مركز خدمة عملاء هيونداي ترحب باى شكوى من مالكي هيونداي

[ranyrany]

انا عامل سكان لكل الدلائل التى تشير الى عيوب السيارة نيو اكسنت 2010

يا جماعة انا رافع 3 ورقات بتواريخ مختلفة بتاكد موضوعى ان مواتير النيو اكسنت 2010

فيها مشاكل وانا واحد من الناس دول

ماتور السيارة فوت بعد 1500 كم وبدات تاكل زيت
والتوكيل رافض اكد ان الموتور غير صالح واستبدله بواحد غير صالح والعيب مازال موجود
اليكم الورق يوضه ان كل مرة تدخل العربية بسبب تاكل الزيت

[snifro]

Sorry but i have a complain about wind shield prices ,last week my front windshield for my 2010 new accent was broken , when i asked customer service about its price , i was shocked its 1950 egp. Without sales tax and replacment , which means it will cost me nearly 2450 .egp
that is a very expensive price because 220 dollars in the usa so how it could cost here double the usa price

[ranyrany]

يا جماعة احذروا من شراء سيارات من هيونداى - غبور

يا جماعة انا عايز حد يفدنى مش عارف ارفع 3 صور توضح ان التوكيل كل مرة بياخد العربية عشان تاكل زيت المحرك

حد يفدنى ازاى ارفع الصور
السيستم بيقولى حجم الصور كبيرة
اعمل ايه

[A_A_ELAZIZ]

جرب كده الموقع ده ImageShack® - Online Media Hosting

[verna4lody]

الفيرنا بتحدف يمين جااااااااااااااامد اوى والزوايا بتاعتها زى الفل على الجهاز
الراجل قالى العيب فى طلمبة الباور صح الكلام دة ولا اية؟؟؟

[elmontig]

الرجاء افيدوني

السلام عليكم ورحمة الله وبركاته
يا جماعه انا ذهبت الى التوكيل خمس مرات مع الصيانات من اول عشرة الاف الى الان عشان طقة فى الدركسيون وما فيش فايدة ما حدش عمل حاجة والمهندس يقولي الطقة البسيطة لازم تبقة ظاهرة اوى عشان نعملها ....حسبي الله ونعم الوكيل...... وما زاد الطين بله عملت صيانة الثلاثين الف فى اسكندرية يوم الجمعه وانا راجع على الصحراوي يوم الاحد الساعة 2 ليلا ومعايا الاولاد الفرامل افشت. العجلة الخلفية شمال وسخنت جدا وظهرت ريحة شياط وقفت هذا الوقت وفكيت العجلة بعد ما بردت وحاولت احرك جهاز الفرامل يمين وشمال لحد ما ربنا سهل وعرفت اتحرك بيها طيب هم عملوا ايه فى التوكيل كانت تمام قبل الصيانة ؟ والله اتبهدلت اخر بهدلة انا عايز ارفع قضية على غبرو. الرجاء انصحوني اعمل ايه ؟ عربيتي النترا 2009!!!!!!!!!!!!!!!!!

(اريد كام واحد يجتمعوا اللى عندهم مشكلة ونتحد مع بعض ينروح جهاز حماية المستهلك او نرفع مع بعض قضية)

[R A N A]

أنا كان عندي كام مشكلة في عربيتي (نيو اكسنت 2010) بدأو يظهروا من فترة قصيرة انها كانت بتحدف وبتعوم على السرعات العالية بالإضافة إلى صوت صريخ في الفرامل وصريخ في الملفات وكمان الكاسيت الجديد (اللي لسة مغيرينهولي في صيانة ال 5 الاف عشان اللي قبيله كان السي دي بيعلق) بعد فترة ابتدي يعلق هو كمان وانا مشغلة الفلاشة وبناءاً على مكالمتي للمهندس عاطف عبد السميع طلب مني التوجه لمركز صيانة قليوب وبالفعل روحت هناك واستلم مني العربية المهندس / نبيل الشيمي وسمع شكوتي وبمجرد ماقولتله اني من طرف مهندس عاطف عبد السميع الراجل بصراحة اهتم جدا وقاللي احنا تحت امرك.
وسلمتهم العربية وكلمت مهندس عاطف وانا هناك واديت التليفون للمهندس / نبيل الشيمي وبصراحة وصاه عليا جدا واهتم بشكوتي بشدة.
ولما العربية خلصت ندهولي ونزلت في الورشة قاللي كان في مشكلة في الزوايا وظبطناها وغيرنا الكاسيت وركبنالك كاسيت جديد (على حسابهم في الضمان) وشيكنا على العربية وطلع جرب معايا العربية وفعلا موضوع الحدفة اختفي ولاحظ ان الدريكسيون عايز يتظبط سنة صغيرة ورجعنا الورشة تاني وخليى العامل يظبطه وطلع يجرب معايا العربية تاني لحد ماتأكد بنفسه ان كله تمام.
وفعلا انا حسيت ان العربية ادائها بقي افضل كتير وبقت Stable اكتر من الأول والمشاكل اللي كنت بشتكي منها اختفت والحمد لله.

شكر كبير جدا لحضرتك يابشمهندس عاطف على تعاونك معايا و إهتمامك بمشكلتى (بجد حضرتك شخص خدوم ومتعاون لأقصى درجة) وشكر خاص للمهندس نبيل الشيمي على حسن معاملته واهتمامه.

وعلى فكرة دي مش اول تجربة جيدة ليا مع التوكيل والحمد لله مواجهتش معاهم اي مشاكل حتى الآن بالعكس مشوفتش منهم غير معاملة راقية واهتمام وتأكيد على حل اي مشكلة في العربية واتمنى انهم يفضلوا محتفظين بهذا المستوى الجيد من الخدمة والحرص على ارضاء العميل والي الأمام دائماً.

[Hyundai-CRM]

لا شكر علي واجب ...
تحياتي

[ahmedabutaleb]

م\ عاطف انا لسه مستلم العربية يوم الخميس اللى فات وفيه شوية مشاكل بسيطة
خبط مع الفرامل
الدريكسيون معوج سنه بسيطة
لمبة الحزام لا تعمل الا عند ادارة السيارة فقط وبعد كده بتطفى حتى لو الحزام مش مربوط
الانذار مش واصل لغاية الشنطة
ومش عارف بصراحة اعمل ايه
وبعدين فى مركز اسمه تكنو وان فى الحرفيين هوا قريب من البيت هل ده معتمد وممكن اعمل فية الصيانات الدورية ولا احسن اروح اللى فى قليوب

[mshaarawy]

كنت عايز اعرف تكلفة صيانة 5000كم للاكسنت بدون تغيير زيت وفلتر

[Hyundai-CRM]

جنع كل ملاحظاتك لصيانة الألف ... أو كلمني علي الموبيل أشرحلك

تحياتي

[Hyundai-CRM]

صيانة الـ 5000 بـ 150 جنيه ... أجور يد فقط

تحياتي

[El Prince]

الفيرنا بتحدف يمين جااااااااااااااامد اوى والزوايا بتاعتها زى الفل على الجهاز
الراجل قالى العيب فى طلمبة الباور صح الكلام دة ولا اية؟؟؟

احتمال
لأنى لما رحت أظبط زوايا - عند ناس محترمين فى مصر الجديده
قالولى مافيش عيب فى الزوايا لكن الدركسيون مش فى النص تماماً
حاولوا يظبطوهالى والنتيجه ان العيب تقريباً زى ما هو

[Ahmed.TV]

استاذ عاطف , بنحييك على سعة صبرك وتقبلك لاى انتقاد ومساعدتك لكل العملاء ,
وبجد مقدرين ذوقك وكل مجهوداتك معانا
وفعلا انت انسان ذوق جدا ومبسوطين انك وسطينا ومعانا

ليه سؤال بسال بعد اذنك

انا بسال على i20 حتنزل امتى رسمى باذن الله
وهل حيكون فيها وسائل امان من فرامل abs ولالا وجنوط سبور

[vbshar]

السلام عليكم جميعا
استفساري هنا هو سؤال
نويت اني اجيب فيرنا ان شاء الله
سامع كدة ان الاوتوماتيك منها ماعدش بينزل
هل دة صحيح
مع العلم اني من المنصورة