مركز خدمة عملاء هيونداي ترحب باى شكوى من مالكي هيونداي

[Hyundai-CRM]

شكراً MSalah 2008

طبعاً مشاكل عملاء الـ Nile Motors أنا بتكفل بيها بنفسي و ده ألتزام الموضوع و أغلب مشاكل العملاء برضه لأن شغلتي كده ... بس أوضح حاجه :
أن يومياً بيخرج من مراكز خدمة غبور و المعتمدة منها ما يزيد عن 1200 سيارة و لازم يكون هناك شكاوي و سقطات أثناء الخدمة و لذلك أحنا موجودين .. و طبعاً الكمال لله وحده .. و لكن نسبة الشكاوي من عدد العملاء كام ... خلونا نشوف المنتدي كعينة ... الحمد لله أنا بستقبل ما لا يزيد عن 2 شكوي حقيقية يومياً من المنتدي .. علي مستوي جميع مراكز الخدمة ... و من خارج المنتدي .. أرقام ضعيفة جداً ... كل ده بالمقارنة بأعداد السيارات التي تخدم يضعنا تحت و بكل صدق الحدود الدنيا لنسب الشكاوي المسموحة .. و يشرفني أن أقول أن كلا من غبور و هيونداي يسعيان بكل جدية لريادة السوق فيما يتعلق بأرضاء العملاء ... نحن في مسارنا و نعلم أنه هناك جهد كبير لتحقيق ذلك و المحافظة كذلك علي هذا الهدف و لكننا قد أنجزنا الكثير ... و أطلب من جميع من تعاملوا مع هيونداي - غبور أ يقيموا بأنفسهم مستوي الآداء ... مع العلم بأنني أتابع جداً الأستبيان الموجود علي نفس الموقع و أراقب أنطباعات العملاء و مستوي التحسن.
أصدقائي نحن نعمل بعدة مشروعات كثيرة لتكون مجموعة غبور بالهيئة و الآداء العالمي .. حيث أدراكنا التام بأن العمولمة و الأنترنت سيجعلنا في مقارنة و ربما خيار مع منافسين خارج حدودنا ... و الأهم هو الأرتفاع المتوقع لتوقعات العميل Customer Expectations ... نعلم و ندرك ذلك جيداً و نستعد له بأذن الله.

وفقنا الله و وفقكم جميعاً ...

[Hyundai-CRM]

يا Matrixway باشا

في كل معرض و مركز خدمة فيه صندوق شكاوي خاص بأدارتنا و مسجل عليه رقم موبيلي .. و الأصدقاء من الـ Nile Motorsعمرهم ما طلبوني علي رقم موبيلي و وجدوه مغلق ... أيضاً علي الموقع العام لهيونداي موجود أيميلي و أرقام تلفوناتي و الفاكس ... و طرق كتيرة لمراقبة ما يحدث و تقريباً لكل عميل (بشكل أو بآخر) ... و الماتريكس اللي مزعلاك و مش عاوز تجبهالنا علشان نقطعلك رقبتها منها الآلاف بمصر و بنفس الأنذار و السنتر اللي عندك و منهم عربيتي ... الأنذار بنركبه في مصر لأنه ما بيتركبش بره و غالباً علي أغلب سيارتنا مش الماتريكس بس.

هات العربية و أن شاء الله نظبطلك الأنذار ...
تحياتي

[msalah2008]

شكراً MSalah 2008

طبعاً مشاكل عملاء الـ Nile Motors أنا بتكفل بيها بنفسي و ده ألتزام الموضوع و أغلب مشاكل العملاء برضه لأن شغلتي كده ... بس أوضح حاجه :
أن يومياً بيخرج من مراكز خدمة غبور و المعتمدة منها ما يزيد عن 1200 سيارة و لازم يكون هناك شكاوي و سقطات أثناء الخدمة و لذلك أحنا موجودين .. و طبعاً الكمال لله وحده .. و لكن نسبة الشكاوي من عدد العملاء كام ... خلونا نشوف المنتدي كعينة ... الحمد لله أنا بستقبل ما لا يزيد عن 2 شكوي حقيقية يومياً من المنتدي .. علي مستوي جميع مراكز الخدمة ... و من خارج المنتدي .. أرقام ضعيفة جداً ... كل ده بالمقارنة بأعداد السيارات التي تخدم يضعنا تحت و بكل صدق الحدود الدنيا لنسب الشكاوي المسموحة .. و يشرفني أن أقول أن كلا من غبور و هيونداي يسعيان بكل جدية لريادة السوق فيما يتعلق بأرضاء العملاء ... نحن في مسارنا و نعلم أنه هناك جهد كبير لتحقيق ذلك و المحافظة كذلك علي هذا الهدف و لكننا قد أنجزنا الكثير ... و أطلب من جميع من تعاملوا مع هيونداي - غبور أ يقيموا بأنفسهم مستوي الآداء ... مع العلم بأنني أتابع جداً الأستبيان الموجود علي نفس الموقع و أراقب أنطباعات العملاء و مستوي التحسن.
أصدقائي نحن نعمل بعدة مشروعات كثيرة لتكون مجموعة غبور بالهيئة و الآداء العالمي .. حيث أدراكنا التام بأن العمولمة و الأنترنت سيجعلنا في مقارنة و ربما خيار مع منافسين خارج حدودنا ... و الأهم هو الأرتفاع المتوقع لتوقعات العميل Customer Expectations ... نعلم و ندرك ذلك جيداً و نستعد له بأذن الله.

وفقنا الله و وفقكم جميعاً ...

استاذ عاطف
اولا انا شاكر جدا لسعة صدرك وتفهمك واحتواءك التام لكل الاّراء والشكاوى التى تطرح عليك
ولكن لا اود ان تفهم كلامى على ان غبور او سيارات هيونداى بها شىء والا ما كان هذا الانتشار الموجود ما شاء الله ولكن حضرتك تعلم ان كل انسان منا يريد ان يحصل على احسن خدمه ولا يريد اقل من ذلك وخصوصا عندما يتجه الى توكيل يعد من احسن التوكيلات فى مصر ان لم يكن احسنها على الاطلاق

[Hyundai-CRM]

و بأذن الله أحنا في نفس الأتجاه ... و أنتم رقم 1 في كل خططتنا ... أنتم السوق ... و التسويق ... و رواتبنا
و برضه أنصافاً للحق لم تنتشر سيارتنا بهذا الشكل لولا أنها حققت المعادلة الصعبة و أتفقت مع معادلة العميل نفسه ... و مش ببالغ لما أقول أن الناس في مصر و بره مصر تعرف مصداقية غبور كويس و أنها من أهم أسباب أنتشاره.

و شعارنا (بضمان غبور) مش من فراغ ..

و تقبلوار وافر شكري و تقديري

[theking2690]

يا جماعه الاستاذ عاطف ما بيتأخرش عن مساعدة حد خالص و الحمدلله وقف جنبى فى اكتر من موقف سواء فى استلام العربيه او فى اى موقف حصلى بعد ما استلمتها

[Mohamed.Fawzy]

لا هيونداى بعد اليوم

مع كامل الاحترام للأستاذ عاطف

http://www.nilemotors.net/Nile/showthread.php?p=291590#post291590

[Nile_Storm]

مع كامل احترامي لشخصك
الموضوع ده لمشاكل مالكي سيارات هيونداي فقط كما هنا في العنوان
ثانيا المهندس عاطف مشكورا بيدخل يرد علي المشاكل اللي بتتكتبله هنا فقط و مبيتأخرش
فبلاش نجر الراجل في مناقشات ملهاش لازمه
ومش هتجيب نتيجه

[timo_crosswind]

الضمان يتم تسليمه مع البيع في حالة البيع من معاض غبور ... أما الموزعين و التجار فيتم تسليم الضمان مع صيانة الألف ...

الأستاذ / حسام كان ضيفنا اليوم ... و هو يقدر يقول اللي اللي تم معاه ...

و تقبلوا وافر تحياتي

موبيل 0126778884

مرحب بيك يابشمهندس عاطف
علي فكره انا اشتريت عربيتي من غبور نفسه فرع عمارات العبور وبردو قلي الضمان مع صيانه الالف

[Matrixawy]

مرحب بيك يابشمهندس عاطف
علي فكره انا اشتريت عربيتي من غبور نفسه فرع عمارات العبور وبردو قلي الضمان مع صيانه الالف

للاسف هذا الموضوع من ضمن الكلام الذى يخالف الواقع
فقد حدث معى نفس الشىء و لم استلم كتيب الضمان عندما اشتريت السيارة و اخبرونى انى سوف استلمه فى صيانة الالف و فى صيانة الالف سألتهم على كتيب الضمان فى توكيل ابورواش اخبرنى المهندس ان كتيبات الضمان خلصت و افوت عليهم بعد اسبوع ممكن تكون موجودة و للاسف بعد اسبوع لم اجدها ايضا و قال لى المهندس انت قلقان لية فوت مرة تانية هتلاقيها موجودة ان شاء الله و المفروض انى اضرب كل شوية مشوار للتوكيل علشان اشوفهم طبعوا كتيبات ضمان و لا لا و انا و حظى اجده ام لا و ضياع وقت الناس و بعد المشوار ليس لهم قيمة فى هذا التوكيل و اذا كان كتيب الضمان ليس له اهمية و لا يتم تسليمه مع السيارة زى مخاليق ربنا لماذا لا يقولون هذا الكلام صراحتا فى التوكيل بدلا من هذا العذاب على الفاضى .
يا استاذ عاطف لماذا اجد كلامك يخالف الواقع فى كل ما حدث معى
اين المصداقية يا استاذ عاطف هو حضرتك شغال فى توكيل تانى غير غبور و لا اية الحكاية بالظبط

[msalah2008]

للاسف هذا الموضوع من ضمن الكلام الذى يخالف الواقع

فقد حدث معى نفس الشىء و لم استلم كتيب الضمان عندما اشتريت السيارة و اخبرونى انى سوف استلمه فى صيانة الالف و فى صيانة الالف سألتهم على كتيب الضمان فى توكيل ابورواش اخبرنى المهندس ان كتيبات الضمان خلصت و افوت عليهم بعد اسبوع ممكن تكون موجودة و للاسف بعد اسبوع لم اجدها ايضا و قال لى المهندس انت قلقان لية فوت مرة تانية هتلاقيها موجودة ان شاء الله و المفروض انى اضرب كل شوية مشوار للتوكيل علشان اشوفهم طبعوا كتيبات ضمان و لا لا و انا و حظى اجده ام لا و ضياع وقت الناس و بعد المشوار ليس لهم قيمة فى هذا التوكيل و اذا كان كتيب الضمان ليس له اهمية و لا يتم تسليمه مع السيارة زى مخاليق ربنا لماذا لا يقولون هذا الكلام صراحتا فى التوكيل بدلا من هذا العذاب على الفاضى .
يا استاذ عاطف لماذا اجد كلامك يخالف الواقع فى كل ما حدث معى

اين المصداقية يا استاذ عاطف هو حضرتك شغال فى توكيل تانى غير غبور و لا اية الحكاية بالظبط

معلش انا عندى سؤال لحضرتك ولاستاذ عاطف طب ايه اللى يثبت ان حضرتك عملت صيانة الالف مثلا الا يوجد اى ايصال او اى شىء مختوم من الصيانه يفيد بعمل الصيانه
واذا كان يوجد اذا لا جدوى من ذلك الكتيب لان بكده تكون معاك وثيقه تقول انك عملت الصيانه ولا انا غلطان
لو سمح الاستاذ عالطف يجيب علشان انا رايح ابو رواش النهارده اعمل صيانة الالف

[Adham_Sabry]

لا يوجد اثبات ولي مشاركه هنا هذا جزء منها

مركز صيانه ابو رواش لا يوجد به ختم غبور :
الصيانه خلصت الساعه 2 .. طلبت يختمولي كتيب الضمان .. قالولي لا يوجد لدينا ختم !!
ازاي يا جماعه انا عاوز اثبات اني عملت صيانه الألف .. وبعدين انا كنت شايف كتيب الضمان بتاع واحد جارنا مختوم بختم غبور .. قالولي الختم ده في مراكز الصيانه التانيه انما احنا مركز رئيسي لا يوجد لدينا ختم !!!!.

http://www.nilemotors.net/Nile/showt...=14777&page=12

علما بأن الأستاذ عاطف اهمل هذه المشاركات ولم يرد عليها

[zakiali]

خلي معاك ايصالات الصيانه الدورية وخلاص !؟ الكتيب ملوش لازمه

[Matrixawy]

لا يوجد اثبات ولي مشاركه هنا هذا جزء منها

http://www.nilemotors.net/Nile/showthread.php?t=14777&page=12

علما بأن الأستاذ عاطف اهمل هذه المشاركات ولم يرد عليها

يا جماعة الصح ان اى عربية فى الدنيا ان يكون معها كتيب ضمان و يختم بمواعيد الصيانة و انا اشتريت سيارتين قبل الماتريكس و استلمت كتيب الضمان فورا و لكن فى غبور واضح انهم بيسجدوا الناس و خلاص كما حدث معى .
و اللى اعرفه ان من حق اى شخص يشترى سيارة جديدة الحصول على كتيب يثبت حقه فى الضمان بدلا من شوية فواتير تثبت فقط عمل الصيانة الدورية و لا يجوز ان يقاضى بها هذا التوكيل فى حالة الاخلال بالضمان لانه لا يملك شهادة ضمان مختومة منه اظن الامور كدة وضحت.
و اذا كان كلامى غير صحيح يا استاذ عاطف و نيتكم سليمة فأثبتوا لنا ذلك بتوفير كتيبات الضمان و ختمها فى مواعيد الصيانة كما تقولون للناس.
شوية امور بسيطة و مبادىء بيع اى سيارة فى الدنيا لا تستطيعون توفيرها للناس و لا ادرى ازاى توكيل كبير بهذا الشكل يسلم السيارات بدون شهادة ضمان و يقولوا للناس انها خلصت و فوت علينا بكرة و افوت بكرة يقولوا فوت بعده يا اما مافيش ختم بصراحة منتهى المهزلة انا مش فهاهم انتم بتأدبوا الناس اللى بيشتروا سيارتكم و لا اية الحكاية بالظبط .

[bassam nagy]

كتيب الضمان محدش بيختمة فى التوكيل بس حضرتك بتاخذ فاتورة فيها اسم حضرتك ورقم العربية وامر الشغل فى العربية دى بيسجلوها عندهم ساعة ماحضرتك تروح وتسال بالاسم او رقم العربية هايقولك على كل الصيانات الية اتعملت فى العربية دى داخل التوكيل

[Nile_Storm]

ياجماعه الخير
ارجو الفصل بين الهجوم علي غبور و الهجوم علي شخص كل هدفه محاوله مساعدتنا