مركز خدمة عملاء هيونداي ترحب باى شكوى من مالكي هيونداي

[memo1271971]

ألف شكر لإهتمام حضرتك وسرعة الرد وربنا يبارك فى حضرتك
ومعلومه للجميع أكتشفت إن نفس نوع الكاوتش التركى اللأسا عمل 100ألف كيلو مع أحد الأصدقاء وألف شكر مره ثانيه

[msalah2008]

تحياتى الى الاستاذ عاطف والف شكر له على سعة صدره واستجابته الى كل الاستفسارات المطروحه
لى استفسار بسيط عندى السياره صوتها عالى شويه وهيه عامله 2700 ك م فقط وعملت صيانة الالف وطلبت ان حد يظبط الموتور لن لما العربيه بتاخد التانى واشيل رجلى خالص من على الدبرياج والبنزين بتفضل ماشيه وقولتلهم ده هناك حتى اللى استقبلنى وكتب ده فى طلب الصيانه (كتب صيانة الالف + ضبط الموتور) اسمه المهندس محمد حسن ولكن لما استلمت العربيه تم عمل تغيير الزيوت وكل شىء تمام الا القصه ديه فهل لو سيبتها لغاية صيانة ال 5000 يبقى فيها مشكله
وكمان استفسار اخر كنت قد طلبته من حضرتك فى اتصال تليفونى قبل كده بخصوص كتيب الضمان وحضرتك مشورا قولتلى انى اجيلك واخد الكتيب من عند حضرتك لكن انا قدرت اجيبه من ايتامكو اللى فى الدقى اللى امام المصل واللقاح وهو كتيب ليس به اى اختام او اى شىء وقالولى لما تروح فى صيانة ال 5000 هيثبتولك الصيانة اللى فاتت من الخاصه بال 1000 وكذلك الجديده فهل هذا صحيح وهل لو انا جيت بيها دلوقتى علشان اختم الكتيب علشان اثبت الصيانه الخاصه بالالف هل هاخد وقت برده ولا هيختموها بسرعه علشان بصراحه انا عايز اعمل صيانة ال 5000 فى مركز صيانه يكون قريب شويه عن ابو رواش وخصوصا انا فى الدقى وفيه مركز صيانه بجوارى امام المركز القومى للبحوث
اسف للإطاله على حضرتك وشكرا مره اخرى على تعاونك معنا

[Hossam.Hamdy]

أ.عاطف باشا ..ايه الاخبار ان شاء الله تكون بالف خير و صحه....انا عايز اعرف ايه نوع المساعدين الموجوده فى الفيرنا سواء 1500 او 1600 و هل هناك اختلاف بين العفشتين ؟؟؟

[Hyundai-CRM]

حضرتك ذكرت كل حاجة الا نوع العربية .. علي كل حال لازم الصيانة الجاية أن شاء الله تجيبها أبو رواش أو قليوب علشان نعمل تشك علي الماكينة و نشوف أيه حكاية الصوت العالي .. أما كتيب الضمان هايكون بأبو رواش أو قليوب علشان نختمهولك.

تحياتي

[Hyundai-CRM]

تمام يا باشا ... الحمد لله ... شوية توضيبات في البيت و واخد أجازة علشان أقف مع العمال ... بالنسبة للعفشة و تحديداً المساعدين ... نفسهم .. الـ 1500 هي الـ 1600.
تحياتي

[Hossam.Hamdy]

تمام يا باشا ... الحمد لله ... شوية توضيبات في البيت و واخد أجازة علشان أقف مع العمال ... بالنسبة للعفشة و تحديداً المساعدين ... نفسهم .. الـ 1500 هي الـ 1600.
تحياتي

شكرا على الرد و ان شاء الله تخلص على خير...
المساعدين نوعهم ايه؟؟؟مونروو؟!!!

[msalah2008]

حضرتك ذكرت كل حاجة الا نوع العربية .. علي كل حال لازم الصيانة الجاية أن شاء الله تجيبها أبو رواش أو قليوب علشان نعمل تشك علي الماكينة و نشوف أيه حكاية الصوت العالي .. أما كتيب الضمان هايكون بأبو رواش أو قليوب علشان نختمهولك.

تحياتي

شكرا على اهتمام حضرتك واسف على تأخيرى فى الرد وشكر حضرتك نظرا لعدم وجدى بمكان فيه انترنت
على العموم العربيه فيرنا 1600 وهل معنى كلام حضرتك انى لو سيبتها لغاية الصيانة اللى جايه مافيش مشكله ؟
ثانيا هل اقدر اجى مثلا بكره علشان اختم الضمان ؟ علشان اعمل الصيانه اللى جايه فى المركز اللى جانبى فى الدقى ولا لازم اروح ابو رواش او قليوب؟
وشكرا مره تانيه على سعة صدرك

[M_KING20102]

رسالة خاصة للمهندس عاطف عبد السميع
انا محمد الديب من شركة ماسترز أوتوموتيف كمبانى موزع رسمى لغبور .
فى بعض تعلقات على مركز الخدمة وهى اراء وممكن أتشرف باضافه ايميلى ونتكلم فى الموضوعm_king20102@hotmail.comوانا فى ادارةالمبيعات للشركات ولى الشرف ان نتعاون مع بعض لهدف ارضاء العملاء...وشكرا

[Hyundai-CRM]

مونرو ..
تحياتي

[Hyundai-CRM]

خلينا بقليوب أو أبو رواش ... يعني مراكز غبور .. و بعدين تابع مع المركز اللي قريب منك مش مشكلة ...

تحياتي

[Hyundai-CRM]

أستاذ محمد الديب
أنا شخصياً يشرفني وجودك ... ياريت تتوجه لأدارة الموقع لأنهم أصحاب المكان

تحياتي

[arch_peter]

استاذ عاطف سؤال من فضلك لو تكرمت
انا عربيتى فيرنا فيفا 2008 عاملة حوالى 4200 كم - المهم انى من حوالى 700 كيلو كده فاتوا بدأت اسمع صوت صفارة خفيفة جدااااااااااا تكاد تكون غير مسموعة - لكن انا باسمعها واول ما ادوس على الدبرياج او المسه الصوت يختفى ؟؟
ياترى ايه السبب مع العلم انى مش من النوع اللى باشد بالعربية او اقرص عليها بالعكس - كمان انا مش متعود انى المس الدبرياج الا عند النقلات بس يعنى مش بافضل اريح رجلى عليه على طول ؟
ياترى ايه السبب ؟؟
كمان احيانا لما بافرمل باسمع برضه صفارة غلسه ولكن مش عالية اوى؟؟ برضه ايه السبب مع انى مش بادوس جامد على الفرامل ؟

شكرا على تعبك

[Hyundai-CRM]

لها عدة أحتمالات و كلها أن شاء الله بسيطة ... لازم طبعاً تجيب العربية لمركز الخدمة علشان نكشف عن مصدر الصوت و نعالجه.
مش محتاج تحجز لأن الأعطال بدون حجز ... شوف اليوم اللي يناسبك و هاتها علطول بس يا ريت يكون من أول اليوم .. و نسق معايا علي تليفون 0126778884 و يشرفني خدمتك و خدمتكم جميعاً.

تحياتي

[arch_peter]

لها عدة أحتمالات و كلها أن شاء الله بسيطة ... لازم طبعاً تجيب العربية لمركز الخدمة علشان نكشف عن مصدر الصوت و نعالجه.
مش محتاج تحجز لأن الأعطال بدون حجز ... شوف اليوم اللي يناسبك و هاتها علطول بس يا ريت يكون من أول اليوم .. و نسق معايا علي تليفون 0126778884 و يشرفني خدمتك و خدمتكم جميعاً.

تحياتي

شكرا على اهتمامك وردك وان شاء الله انا جاى فى صيانة ال 5000 قريبا
شكرا مرة تانى

[kmansy]

والله كزيس إن السيد غبور بدأ يفهم إنه حيخسر مستقبلا كتير وبدأ يدخل عن طريق النت علشان يحل مشاكل الناس واللى أصبحت ضخمة جدا لضعف مراكز الخدمة وقلة عددها ثم إفتاءات غبور نفسة بس اللى نفسى أفهمة السادة مدمنى هيونداى إزاى تروح تجيب عربية مستوردة بالشيئ الفلانى وتلاقى فيها حاجات مصرى رديئة زى الكاسيت - الريمت - الكلاكس ....
ممكن حد يرد عليا الكلام ده ممكن لو العربيات دى رخيصة بحيث إن الفرق يكون مجزى لكن العربيات دى غاليه وفى مستوى سعرى لعربيات محترمه فى السوق ( بتكلم عن عربيات هيونداى الكبيرة) .
وكمان أحب أضيف إن دى هيونداى مش مرسيدس يعنى عربيه على قدها عموما وبالش نتكلم إنها رقم 5 أو 6 فى العالم (مبيعات فقط) لإنها بتبيع فى العالم كله بأسعار رخيصه جدا علشان تشجع الناس على إقنائها وعموما ممكن تدخلوا على النت وتعملوا سيرش فى جوجل Never buy Hyundai
على فكرة أنا مش من شركة منافسة ولا حاجة انا عميل سابق لهيونداى والحمد لله ربنا تاب عليا بس جوايا غل منهم لإنى إتعذبت فعلا وانا حكون دايما ضد هيونداى دى فى كل مكان لغاية ما السادة المدمنين ربنا يتوب عليهم ويخفوا