الهi20 >>>> تغـــــــــور في داهية من وش غبور ! كرهتها ! اسعار و مواصفات !

[CryptonX]

رحت المعرض .. الي الناس كلها قالتلي لازم تروح لازم تروح !


و تحفة ! و جميل و فظيع ..

و كما توقعت .. معرض ملوش 3 تعريفة لازمة .. مفيش ولا شركة عاملة عروض يتقال عليها عروض محترمة غير يمكن كام شركة صيني و هما حرامية اصلا !

كالعادة الموديلات السيدات ! الي واقفين ولا يفقهوا اي شيء في اي حاجة و انا قاعد اكملهم الكلام !

حتى يا ربي في افخم الاجنحة مثل BMW واحد مش عارف سعر عربية او كمالية فيها و بيقولي روح للبيه ابو بدلة حيفهمك !

جاتكم الفرق معرض مقرف !

انا كنت رايح المعرض ده ل 4 اسباب شخصية ,

- Hyundai i20
-Fiat Punto Evo
- Greatwall Coolbear

وصاحبي كان حيموت على الاودي A3 .

---

المهم !

الi20 واقفة .. عجباني جدا جدا جدا بفتحة سقف و جنوط و كماليات اد كدة ... قلت بس ياولا !

غبور عملها و نزل العربية كاملة !!!!

لافاجئي !

بالاتي :

اولا الموديل ده للعرض فقط , العربية الفعلية حتنزل في نصف شهر 6 للبيع بالمواصفات المتشالة الاتية :

1600 سي سي بقت 1400 سي سي 100 حصان اوتوماتيك
- بدون فتحة سقف مش زي المعروضة
- زجاج كهرباء امامي فقط مش زي المعروضة
- الكاسيت الاصلي مع السلامة ! حيركب مكانه كاسيت معفن ! مش زي المعروضة!
- مفيش Cruise Control و لا تحكم سرعات من التارة زي المعرضوة !
- الملتفي فنكنش حيبقى للكاسيت فقط !
- ايرباج واحدة للسائق بدل ال 8 ايبراج في المعروضة !
- التابلوه كله اسود بدون اي تطعيم نيكل مش زي المعروضة !
- الجنوط ال 15 احتمال كبير تتشال !

من الاخر ماشاء الله " نفض " العربية كلها ! و البت تقولي حاجات قليلة اوي الي اتشالت ! مش مهمة !

بكام بفى في الاخر ؟ هي كاتيجوري واحدة ستيب ترونيك ب 92 الف عفريت يركبه غبور , استحرمت حتى اصورها بما انها مش دي الي نازلة !

و استرحمت اطلع الكاميرا من الجراب لاي سيارة في المعرض بصراحة غير يمكن الفئة الخامسة الجديدة .

[mahamedaraby]

بجد احنا لازم نحاكم غبور عدو الساميه

قصدى عدو وسائل الامان اللى خلاص مبقتش كماليات فى زمنا ده واللى بقت من الاساسيات زى ABS و AIRBAG على الاقل

[ash257]

على فكرة نفس انطباعي برضو الله ينتقم من اللي ف بالي
مع اني مارحتش المعرض بس العربية دي كانت من اهم العربيات اللي كنت مستنيها الله يسامحه

[Mostafa.Mahran]

العالم دى معندهاش ضمير

[CryptonX]

ملخص حواري مع عارضة الازياء الي كانت واقفة :

- مساء الخير ! عايز اعرف شوية حاجات عن ال i20
تحت امرك

- سعرها ؟
92 الف - ستيبترونيك فئة واحدة

- هي المعروضة ؟
لا دي للعرض بس التانية بالحجز دلوقتي و تنزل في نصف 6

- ايه الي " اتشال " منها ؟
ها ها ها ها حضرتك عارف يعني !!
بقت 1400 بدل 1600 .. ايبراج واحدة .. كاسيت عادي مش بلت ان .. ملتي فانكنش للكاسيت فقط ... كلها سوداء مفيش نيكل .. زجاج امامي فقط .. مفيش فتحة سقف ... و غالبا من غير جنوط و من غير كروز كنترول و كومبيتور رحلات مبسط شوية ... و و و .

- يعني غبور نفضها تماما ماشاء الله 1
ليه يافندم ! الزجاج الي وراء مش مهم ... الي وراء يظبط نفسه المهم انت تبقى متبظط ! و الكاسيت الي حنركبه " احلى " من الكاسيت الاصلي ! و ال 8 ايبراجز حيكلفلوك كتير لو لا قدر الله عملت حادثة ... و الكروز كنترول معقد ! و ممكن يعمل مشاكل في الصيانة ! و اللوت الاسود من جوا اشيك كتير من النيكل ! و فتحة السقف OPTIONAL بس ب 2000 حنيه زيادة .و الجنوط لو منزلتش ممكن تبقى تجنطها انت .

- ......... ( ذهول ) ........
-- صاحبي : هاهاهاهاهاهاهاهاها ... انا عمري ماحركب هيونداي دي ولا اعرف الناس بتشتريها ليه

- شكر !
ممكن رقم تليفونك علشان نكلمك لما تنزل ...

- و ماله ! حسبي الله و نعم الوكيل !

[amirshan]

- يعني غبور نفضها تماما ماشاء الله 1
ليه يافندم ! الزجاج الي وراء مش مهم ... الي وراء يظبط نفسه المهم انت تبقى متبظط ! و الكاسيت الي حنركبه " احلى " من الكاسيت الاصلي ! و ال 8 ايبراجز حيكلفلوك كتير لو لا قدر الله عملت حادثة ... و الكروز كنترول معقد ! و ممكن يعمل مشاكل في الصيانة ! و اللوت الاسود من جوا اشيك كتير من النيكل ! و فتحة السقف OPTIONAL بس ب 2000 حنيه زيادة .و الجنوط لو منزلتش ممكن تبقى تجنطها انت .

[/QUOTE]
صفقة موفقة (كويس انهم ماقالوش احنا شيلنا الفوانيس عشان حضرتك عارف ان خلاص شوارع مصر كلها منورة و كمان شيلنا التكييف و لو حضرتك حسيت انك حران طلع راسك برا العربيه فى الهوا )

[romioaccent]

سيبك انتا يباشا
المهم العارضه كانت مزه
:d:d:d:d:d

[ahmedbasto]

سيبك انتا يباشا
المهم العارضه كانت مزه
:d:d:d:d:d

لو بالمنظر دة فالتعامل بناقصها يا راجل

[Samir Elshahawy]

أنتوا مضايقين نفسكوا ليه ؟؟

هو بس غبور (الامور) اللي عمل كده ؟؟
كل التوكيلات وحياتكم عملت نفس الشئ .... مافيش عربية ألا و شالوا منها كل حاجة نفضوها و نزلوها بسعر خرافي

- تويوتا (منهم لله) نزلوا الياريس 1500 سي سي فاضية منزوعة الكماليات و بسعر وهمي
- سوزوكي نزلوا ال sx 4 ذات الدفع الرباعي ناقصة و بسعر غالي 137000 و كسور
- مازدا 3 الجديدة مش زي اللي شوفتها علي الصور بره حاجة تقرف

بصراحة مافيش غير فيات و سكودا اللي محترمين نفسهم نوعا ما

جابوا لي أحباط منهم لله و كأنها مؤامرة من اتحاد الوكلاء اللي واكلينها .......

[mody07775000]

ده على كده الاكسنت السبورت فيها كماليات ازيد على الاقل فيها ازاز كهربا ادام ووا وفيها مرايات كهربا بس كويس الايرباج الي سابها ربنا يخليه بصراحه مقصرش يعني وبعدين سعرهم متقارب متهيئلي حيقطعو على بعض جامد يلا هو الخسران في واحده فيهم سوقها حينام كده الفرق حوالي 4000 تلاف بس وكمان الاكسنت 1600 يا جماعه مش 1400 ايه ده غاليه اوي كده وهيا فاضييييه

[M.Osman]

Teeeeeeeeeeeeeeeeeeeet

[ASSASSIN]

كان ناقص يشيل التكييف عشان إستهلاك البنزين

[zico900]

من عجائب غبور: ينزل عربيه كوري "فاضيه" ب92 لما تكون العربيه الايطالي (بونتو الايفو) الفيها يجي اضعاف الكماليات و اضعاف الجوده ب96!!!

[gazzar91]

صفقة موفقة (كويس انهم ماقالوش احنا شيلنا الفوانيس عشان حضرتك عارف ان خلاص شوارع مصر كلها منورة و كمان شيلنا التكييف و لو حضرتك حسيت انك حران طلع راسك برا العربيه فى الهوا )

LOL
بجد في الجون دي

[ahmed_khalil]

ليه يافندم ! الزجاج الي وراء مش مهم ... الي وراء يظبط نفسه المهم انت تبقى متبظط ! و الكاسيت الي حنركبه " احلى " من الكاسيت الاصلي ! و ال 8 ايبراجز حيكلفلوك كتير لو لا قدر الله عملت حادثة ... و الكروز كنترول معقد ! و ممكن يعمل مشاكل في الصيانة ! و اللوت الاسود من جوا اشيك كتير من النيكل ! و فتحة السقف optional بس ب 2000 حنيه زيادة .و الجنوط لو منزلتش ممكن تبقى تجنطها انت .

و ممكن متشتريش العربيه و تبقى حضرتك وفرت تمنها و تركب مواصلات