الهi20 >>>> تغـــــــــور في داهية من وش غبور ! كرهتها ! اسعار و مواصفات !

[mahamedaraby]

من عجائب غبور: ينزل عربيه كوري "فاضيه" ب92 لما تكون العربيه الايطالي (بونتو الايفو) الفيها يجي اضعاف الكماليات و اضعاف الجوده ب96!!!

هو ده الرد السليم بجد

احنا لو فى بلد فيها سوق سيارات محترم وعادل كان هينفع الكلام ده

لكن للاسف بكره هتنزل العربيه وتلاقيها بيعا اكتر من البونتو يبقى ده اسمه ايه

[gazzar91]

هو ده الرد السليم بجد

احنا لو فى بلد فيها سوق سيارات محترم وعادل كان هينفع الكلام ده

لكن للاسف بكره هتنزل العربيه وتلاقيها بيعا اكتر من البونتو يبقى ده اسمه ايه

إستغلال رجال الأعمال لغباء السوق و إشاعات التجار و سذاحة المشتري و المقولة المشهورة "اللي نعرفه أحسن من اللي ما نعرفوش"

[Mohamed.Ramah]

اى كلام فعلا لو بالسعر دة اجيب بنتو ايفو انضف

[frontera09]

رحت المعرض .. الي الناس كلها قالتلي لازم تروح لازم تروح !


و تحفة ! و جميل و فظيع ..

و كما توقعت .. معرض ملوش 3 تعريفة لازمة .. مفيش ولا شركة عاملة عروض يتقال عليها عروض محترمة غير يمكن كام شركة صيني و هما حرامية اصلا !

كالعادة الموديلات السيدات ! الي واقفين ولا يفقهوا اي شيء في اي حاجة و انا قاعد اكملهم الكلام !

حتى يا ربي في افخم الاجنحة مثل BMW واحد مش عارف سعر عربية او كمالية فيها و بيقولي روح للبيه ابو بدلة حيفهمك !

جاتكم الفرق معرض مقرف !

انا كنت رايح المعرض ده ل 4 اسباب شخصية ,

- Hyundai i20
-Fiat Punto Evo
- Greatwall Coolbear

وصاحبي كان حيموت على الاودي A3 .

---

المهم !

الi20 واقفة .. عجباني جدا جدا جدا بفتحة سقف و جنوط و كماليات اد كدة ... قلت بس ياولا !

غبور عملها و نزل العربية كاملة !!!!

لافاجئي !

بالاتي :

اولا الموديل ده للعرض فقط , العربية الفعلية حتنزل في نصف شهر 6 للبيع بالمواصفات المتشالة الاتية :

1600 سي سي بقت 1400 سي سي 100 حصان اوتوماتيك
- بدون فتحة سقف مش زي المعروضة
- زجاج كهرباء امامي فقط مش زي المعروضة
- الكاسيت الاصلي مع السلامة ! حيركب مكانه كاسيت معفن ! مش زي المعروضة!
- مفيش Cruise Control و لا تحكم سرعات من التارة زي المعرضوة !
- الملتفي فنكنش حيبقى للكاسيت فقط !
- ايرباج واحدة للسائق بدل ال 8 ايبراج في المعروضة !
- التابلوه كله اسود بدون اي تطعيم نيكل مش زي المعروضة !
- الجنوط ال 15 احتمال كبير تتشال !

من الاخر ماشاء الله " نفض " العربية كلها ! و البت تقولي حاجات قليلة اوي الي اتشالت ! مش مهمة !

بكام بفى في الاخر ؟ هي كاتيجوري واحدة ستيب ترونيك ب 92 الف عفريت يركبه غبور , استحرمت حتى اصورها بما انها مش دي الي نازلة !

و استرحمت اطلع الكاميرا من الجراب لاي سيارة في المعرض بصراحة غير يمكن الفئة الخامسة الجديدة .

وانا بتصفح احد المنتديات بالصدفة لاقيت واحد واخد التقرير دة COPY زى ما هو كدة
حقيقى اتضايقت تبقى عامل موضوع وتعبان فية ويجى واحد ينسبة لنفسة
* * * * * * * *

ممنوع وضع روابط لمنتديات أو مواقع أو أي وسيلة مقروءة أخرى

مشرف 12 ب

[CryptonX]

وانا بتصفح احد المنتديات بالصدفة لاقيت واحد واخد التقرير دة copy زى ما هو كدة
حقيقى اتضايقت تبقى عامل موضوع وتعبان فية ويجى واحد ينسبة لنفسة
* * * * * * * *

ياباشا ولا يهمك ...

التاني ده مش منتدى ولا حاجة ... ده سفينة اشباح .. و للاسف كنت مشترك و بشارك في زمان ..

بس بقى زي منت شايف كدة .. منتدى اشباح ..

ولا يهمنا ! دي من عندنا :)

[elassar2010]

- يعني غبور نفضها تماما ماشاء الله 1
ليه يافندم ! الزجاج الي وراء مش مهم ... الي وراء يظبط نفسه المهم انت تبقى متبظط ! و الكاسيت الي حنركبه " احلى " من الكاسيت الاصلي ! و ال 8 ايبراجز حيكلفلوك كتير لو لا قدر الله عملت حادثة ... و الكروز كنترول معقد ! و ممكن يعمل مشاكل في الصيانة ! و اللوت الاسود من جوا اشيك كتير من النيكل ! و فتحة السقف OPTIONAL بس ب 2000 حنيه زيادة .و الجنوط لو منزلتش ممكن تبقى تجنطها انت .

صفقة موفقة (كويس انهم ماقالوش احنا شيلنا الفوانيس عشان حضرتك عارف ان خلاص شوارع مصر كلها منورة و كمان شيلنا التكييف و لو حضرتك حسيت انك حران طلع راسك برا العربيه فى الهوا )[/QUOTE]

تعليقك تحفة

[elassar2010]

وانا بتصفح احد المنتديات بالصدفة لاقيت واحد واخد التقرير دة copy زى ما هو كدة
حقيقى اتضايقت تبقى عامل موضوع وتعبان فية ويجى واحد ينسبة لنفسة
* * * * * * * *

دة دليل على مدى انتشار ومصداقية نايل موترز واعضاءة

[frontera09]

ولا يهمنا ! دي من عندنا :)

ههههههه احنا الاصل

[shouk_1987]

هو يا جماعة مافيش مراقبة من الوكلاء (هيونداى كوريا فى حالتنا ديه) على وكلائها
ياعنى الوكيل ياعمل اللى هو عايزه فى العربية بدون رقابة !!!!
طب ما هو كده ممكن يضيع العربية فهيونداى كوريا تخسر

[Hosam_Optrawy]

انت نسيت كمان ان العربيه المعروضه فيها ESP ومرايات ضم :)

على فكره انا كمان متغاظ زيك

متغاظ من الازاز الكهربا الأمامى والكاسيت الأصلى اللى هايتشال ويتحط التعبان

غير كدا مش زعلان

وانا شخصيا أهدى هذه السياره الى الساده الاعضاء المهتمين بعوامل الأمان واللى دايما بينتقدوا غبور بسبب انه بينفض لعوامل الأمان وان الامان قبل كل شئ

العربيه فيها ABS و Air Bag

وواخده 5 نجوم فى ال EuroNcap

يلا عايز اشوف الحجوزات نازله ترف على غبور :)

[Ralliart]

الله ينتقم منهم كلهم
العربيات متنفضه صح في كل التوكيلات ما عدا فيات هما الوحيدين اللي عندهم اسعار معقوله على كماليات تحفه
والـi20 كنت بعيط وانا بسمع الحاجات اللي هتتشال منها ليه كده ؟؟ هو فاكرنا متخلفين؟؟ وكله كوم والمازدا ام 158 الف بتقولي دي غاليه علشان فيها دوال ايرباجز!! كتر خيره بصراحه نفض كل حاجه وساب اتنين ايرباج !!
ولا السيفيك ام 190 الف
غبور ومنصور وتويوتا والفطيم المفروض يتقاطعو لحد ما يتظبطو

[Hosam_Optrawy]

متغاظ من الازاز الكهربا الأمامى والكاسيت الأصلى اللى هايتشال ويتحط التعبان

لامؤاخذه ونسيت كمان الجنوط السبور اللى هاتتشال وهاينزل مكانها كاوتش 14 طاسات

[kasten]

تغور من وش غبور الامور

[Moe86]

هاهاها, جامد الحوار دة
بس great wall اية بس اللى بتبص عليها ؟ اذا كنت بتلاقى قطع للباليو بالعافية , دى مش هتلاقيلها قطع أصلا !!
اسأل اللى عندهم Gely
و بعدين لوهاتجيب صينى اقطع معايا بقة !

[Samir Elshahawy]

غبور ومنصور وتويوتا والفطيم المفروض يتقاطعو لحد ما يتظبطو

صح كده بس ياريت يكون في حملة مقاطعة للناس دي بجد