مشكلة فتيس الأتوماتيك فى النيو أكسنت

[احمد فهمى]

دى فى الضمان متعملش اى حاجه روح ادهلهم وملكش دعوه اكيد عيب صناعه وده وارد حتى فى البى ام

[dramir1]

متابع بأهتمام

[Mohamed_Gamil]

اولا ربنا معاك يا باشا

ثانيا الوتوماتيك الكوري كان زمان غير اعتمادي دلوقتي كويس كوريا بقالها كام سنة بتنتجو و فيه كام عربية كوري اوتو ماشية و الدنيا كويسة هو اه مش بجودة الاوروبي و الياباني بس مش خرابة يعني

عندك حق هو شغال بس مش تحفة يعنى جمب اليابانى

حضرتك حاول تخلي اي حد بيسوق اوتوماتك يسوق عربيتك

عشان ممكن حضرتك تبقى في حاجه غلط في اسلوب سواقتك

بس لو طلع المشكله في القتيس تروح التوكيل تبات عندهم لحد ما العربيه تتصلح

رأي صائب .

بالإضافة انك تخلي حد من المهندسين في التوكيل يجربها معاك

أنا هعمل كدة فعلآ

دى فى الضمان متعملش اى حاجه روح ادهلهم وملكش دعوه اكيد عيب صناعه وده وارد حتى فى البى ام

انا حجزت ميعاد تانى يوم السبت القادم وإن شاء الله مش همشى من عندهم إلا لما يشفولى حل نهائى للمشكلة، ربنا يسهل بقى

[zicooo2008]

انا مش عارف حضرتك مين كل الناس اللى شهدت بالكلام ده!!! ... انا معايا نيو اكسنت اوتو عامله 20,000 كيلو و الفتيس الحمدلله زى الفل .. و اعرف ناس كتير معاهم اكسنت و جيتز و النترا عاملين اكتر من 100,000 و كلهم اوتو و زى الفل برضه .... بلاش نطلع اشاعات و نعمم من غير دليل بعد اذنك!!!!!!!!!!!!!!!!!!

الاخ العزيز ايه اخبار استهلاك البنزين معاك ايه:b4_611:

[amooor22]

ان شاء الله خير

[karakero]

الاخ العزيز ايه اخبار استهلاك البنزين معاك ايه:b4_611:

الاستهلاك بيبقى حسب السواقه و الله يا باشا .. بس يعنى لو جريت كتير و بحرق على الغيارات و كده بوصل ل 8.5 كيلومتر لكل 1 لتر .. لو سقت على الهادى و كده بوصل ل 11.5 كيلومتر لكل 1 لتر
سواقتى نصها طرق سريعه (اوتوستراد و دائرى) و نصها جوه البلد و زحمه و كده.

[samehrty]

شوف كابل الاوفر درايف ده كابل بيبقى من بدال البنزين للجير بوكس ومسئول عن الاوفر درايف وانه ياخر الغيار في حالة الدوس جامد على البنزين وده بيتعمله ريجلاش عشان تاخر او تقدم الغيار وكده .
ف نقطة تانية كمان هي لما بتيجي تغير بتعمل صوت حكه او كده للغيار لان انا كان عندي مشكلة مشابهه في النوبيرا ولما روحت التوكيل المهندس قالي يا كابل الاوفر درايف يا موزع الزيت للاسف كان موزع الزيت في حالتي بس ان شاء الله تتطلع حاجة بسيطة عندك وهو عامة طول ما العربية موقفتش منك وانت تدوس بنزين وهي متمشيش يبقى كل حاجة تمام

[Adham]

شوف كابل الاوفر درايف ده كابل بيبقى من بدال البنزين للجير بوكس ومسئول عن الاوفر درايف وانه ياخر الغيار في حالة الدوس جامد على البنزين وده بيتعمله ريجلاش عشان تاخر او تقدم الغيار وكده .
ف نقطة تانية كمان هي لما بتيجي تغير بتعمل صوت حكه او كده للغيار لان انا كان عندي مشكلة مشابهه في النوبيرا ولما روحت التوكيل المهندس قالي يا كابل الاوفر درايف يا موزع الزيت للاسف كان موزع الزيت في حالتي بس ان شاء الله تتطلع حاجة بسيطة عندك وهو عامة طول ما العربية موقفتش منك وانت تدوس بنزين وهي متمشيش يبقى كل حاجة تمام

دة كابل الكيك داون

الاوفر درايف بيبقى بزرار او من السيليكتور (إن وجد)

و حضرتك مشاكل الفتيس الاوتوماتيك تبدي بتأخير في الغيار او ان الغيار ينعر من غير مالعربية تسحب

و تزيد لغاية ماتلاقي العربية مابتمشيش

يبقى مش مفروض يستنى عليها لما تجيب اخرها و انما يلحقها من الاول بدل ما يشتري فتيس

[Mohamed_Gamil]

دة كابل الكيك داون

الاوفر درايف بيبقى بزرار او من السيليكتور (إن وجد)

و حضرتك مشاكل الفتيس الاوتوماتيك تبدي بتأخير في الغيار او ان الغيار ينعر من غير مالعربية تسحب

و تزيد لغاية ماتلاقي العربية مابتمشيش

يبقى مش مفروض يستنى عليها لما تجيب اخرها و انما يلحقها من الاول بدل ما يشتري فتيس

يا جماعة انا رحت التوكيل للمرة التانية بس المره دى كنت واخد معايا واحد معرفة شغال عند احد موزعين هيونداى المعتمدين وهو عارف كل المهندسين والعمال هناك المهم اول لما وصلت التوكيل لقيت معاملة مختلفة تمامأ و مستنتش طبعأ الساعة إلا ربع اللى بستناها كل مرة لحد لما المهندس يتكرم ويجى يستلم منى العربية وجالى المهندس على طول بأمر من رئيس المهندسين اللى بيبقى موجود هناده على طول ده ، وركب العربية ودخلنى الورشة على طول وطلع معايا مهندس تانى من اللى جوا وجرب معايا العربية وقاللى العربية طبيعية جدأ ومفهاش اى حاجة وطول ما البنزين مش بيدوس على الفاضى او الفتيس بينتش مثلأ او العربية عزمها ضعيف او مش بتجمع سرعة يبقى متقلقش من حاجه وكده كده عربيتك فى الضمان واى حاجة تحسل بتاعتنا !!!

طبعأ انا مكنتش مصدق نفسى ان المعاملة دى من مهندسين فى غبور ، المهم انى اطمنت ان كل حاجة تمام