دليل شامل عن الفيرنا بواسطه اسئله الاعضاء - متجدد

[M.Osman]

في عرض بمناسبة اوتوماك (تاني)

تبدأ من 62500 للهاف
و 64500 للستار هاف اوبشنز

و المصرية كانوا عاملين عرض على موديلات 2009 ... (59,000)
في ملحق الأهرام النهاردة

[m7mda7md]

لو ساحب و بتشد بتنقل عند 3؟ أنا ماعنديش آر بي أم بس لما بشد بقرص جامد

اصل الصراحه ما شاء الله العربيه مفيش حاجه بتجيب معاها و الناس عرفت اللي فيها و بطلت تشد مع الفيرنا
بس طبعا لو شده نار يبقي مش هغير علي 3
انا قصدي لما اكون مستعجل يعني ..... بصراحه اكتر من 3 ده بالنسبالي حرام
بس....

[kamatsho]

اصل الصراحه ما شاء الله العربيه مفيش حاجه بتجيب معاها و الناس عرفت اللي فيها و بطلت تشد مع الفيرنا
السلام عليكم ورحمه الله وبركاته اولا
ثانيا طبعا العربيه ماشاء الله عليها تشد مع معظم العربيات اللى فى حدود سعرها واللى اعلى من سعرها كمان

بس طبعا لو شده نار يبقي مش هغير علي 3

اكيد طبعا لو شده نار مش هتغير ع التالت بس ده برضو هيتحسب على عمر الماتور
النهارده وانا راجع من الجامعه ف اشاره كوبرى قصر النيل الاشاره اول ما فتحت انا قرصت ع العربيه ع الاول وصلت ال ار بى ام ل 5 وبعدين غيرت ع التانى بس ببص ورايا مشفتش اى عربيه من اللى كانو معايا ف الاشاره رغم ان كان فى عربيات كويسه واقفه ف الاشاره بس فعلا موتور الفيرنا شديد على العربيه وحجمها ف بتسحب بضميييييييييييييييييييييير:f_eyeb1[1]:
انا قصدي لما اكون مستعجل يعني ..... بصراحه اكتر من 3 ده بالنسبالي حرام
بس....

حاول تنقل الغيار عند 3 فى الأر بى ام ف الاوقات العاديه والطبيعيه عشان تريح العربيه معاك

[kamatsho]

ناوى اشتريها بس خايف من اسعار قطع غيارها الكهربا والميكانيكا والصاج والعفشه لطفا افيدونى

معروف ان قطع غيار الفيرنا ميكانيكا او صاج او عفشه احن اسعار مقارنه ب اى عربيه تانيه موديل حديث

انا عن نفسي بغير علي 2
3 ده لو ساحب و بشد كمان

خير الامور الوسط لما تنقل على ار بى ام 2
يبقى انتا كده بتخنق العربيه وهتحس انها بتتقل ومش بتسحب صح.... وده مش مستحب برضو
انقل على 3 أر بى أم ده هيكون مريح العربيه وفـ نفس الوقت مش خانقها ولا قارص عليها

[mido_1311]

يا جماعه حد يعرف مكان inlet air temprature سينسور في الفيرنا و ياريت لو يصوره اكون شاكر

[madkoos]

سلام عليكم يا شباب

انا معايا فيرنا 2006 كاملة اوتو ماتيك

عندى حاجة غريبة

اوقات وانا بدور التكييف الاقى مؤشر الحرارة رفع ورحت للكهربائى قالى كلو تمام فى الكهرباء ممكن يطلع الريداتير

قولولى رايكم يا فيرناااااااااوية

[omarsaied123]

الهيواندى الفيرنا 2004 بأمانه عربيه حصان ما شاء الله ربنا يحفظ لكل واحد عنده واحده
بس عيبها الوحديه متنفعش فى مصر بتاتا
مفيش مطب فيكى يا مصر نمشى عليه إلا لما يحك فيها من تحت
حد يقلى يجدعان بليز الحك ده ف العفشة ولا ف الشكمان ولا إيه حكايتو ليكون بيخرب فيها بس
شكرا

[mido_1311]

ارفع علبه الشكمان و مش هتسمع صوت حك تاني ان شاء الله

[zakiali]

انا عاوز اسأل عن العمر الافتراضي لبلية العجل الأصليه في الفيرنا يعني بتتغير عند كام .. انا عندي خشونه في البلية القدامانيه شمال وماشي 54 ألف .. هل اغيرها ؟ ولا اسيبها كده وخلاص ولا استني لحد صيانه ال 60 الف واغيرها ولا اعمل ايه انا كرهت موضوع البلي ده انا أول مره اعرف ان بلي العجل بيتغير اصلا فيه عربيات من التمانينات البلي لسه زي ما هو وماشيين بيها زي الفل هل المشكله فين بالضبط هل ده عيب في الفيرنا بس ؟؟ لدرجه ان بسأل اي سوافق تاكسي بيقولي انا بغير البلي كل 3 شهور !! فيه كده في الدنيا يا عالم !!

[omarsaied123]

علبه الشكمان مرفوعة على فكرة على قد ما أقدر بس بجد بقت حاجة أوفر أينعم المطبات أساسا تصميمها غلط
بس برده الواحد بيقلق
لو مثلا يبقا الحك ده فى الشكمان تبقا بسيطه لكن الواحد مش عارف
ولا إيه؟

[mido_1311]

الحك غالبا من الشكمان لانك لو لاحظت انهم عدلوا العيب ده في موديل 2010 رافعين علبة الشكمان صح شوفها و انت هتلاحظ الفرق

[mohamed_mohsen]

انا عاوز اسأل عن العمر الافتراضي لبلية العجل الأصليه في الفيرنا يعني بتتغير عند كام .. انا عندي خشونه في البلية القدامانيه شمال وماشي 54 ألف .. هل اغيرها ؟ ولا اسيبها كده وخلاص ولا استني لحد صيانه ال 60 الف واغيرها ولا اعمل ايه انا كرهت موضوع البلي ده انا أول مره اعرف ان بلي العجل بيتغير اصلا فيه عربيات من التمانينات البلي لسه زي ما هو وماشيين بيها زي الفل هل المشكله فين بالضبط هل ده عيب في الفيرنا بس ؟؟ لدرجه ان بسأل اي سوافق تاكسي بيقولي انا بغير البلي كل 3 شهور !! فيه كده في الدنيا يا عالم !!

أنا غيرت البلي برضه عند حاجه و خمسين الف,,,مش عارف بقي ده عيب فيها و إلا إيه
لو حد غيره تاني يا ريت يقول

[kamatsho]

الهيواندى الفيرنا 2004 بأمانه عربيه حصان ما شاء الله ربنا يحفظ لكل واحد عنده واحده
بس عيبها الوحديه متنفعش فى مصر بتاتا
مفيش مطب فيكى يا مصر نمشى عليه إلا لما يحك فيها من تحت
حد يقلى يجدعان بليز الحك ده ف العفشة ولا ف الشكمان ولا إيه حكايتو ليكون بيخرب فيها بس
شكرا

معظم الحك بيبقى ف الشكمان متقلقش

واكيد بتسمع صوت علبه الشكمان ف المطب بتبقى واضحه كأنك بتحك صفيحه ف الاسفلت بالظبط هوا ده صوت الشكمان
ومفيش حك ف العفشه عشان المطب قبل ما يلحق يحك ف العفشه هيكون لحق اجناب العربيه من تحت ف هيحك فيها هيا بس

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى

11/6/2010
1:42 am

مشرف 12 ب

[kamatsho]

ارفع علبه الشكمان و مش هتسمع صوت حك تاني ان شاء الله

يرفع علبه الشكمان ازاى ؟؟؟


مينفعش يرفعها عشان علبه الشكمان بينها وبين جسم العربيه من تحت حوالى 2 سم ولو اترفعت ال 2 سم دول هتكون ملمسه لجسم العربيه وهتعملك صوت ذبذبه ف العربيه رخمه

ممكن على ما اعتقد يغير علبه الشكمان ويجيب بتاعت موديل 2010 او 2009 الجديده
اصغر ف الحجم


ملوظه: كل ما تصغر علبه الشكمان كل ما تساعد العربيه انها تسخن بدرى بدرى

[kamatsho]

سلام عليكم يا شباب

انا معايا فيرنا 2006 كاملة اوتو ماتيك

عندى حاجة غريبة

اوقات وانا بدور التكييف الاقى مؤشر الحرارة رفع ورحت للكهربائى قالى كلو تمام فى الكهرباء ممكن يطلع الريداتير

قولولى رايكم يا فيرناااااااااوية

اكيد مش عيب كهربا
عندك احتمالات كتير
1- لو بتشغل التكييف والعربيه واقفه او ف شارع مكتوم او مكام مغلق يبقى دا طبيعى عشان مفيش تيار هواء
داخل للرادتيير عن طريق المروحه عشان يبرد الراديتيير والمحرك
2_ اتأكد من غطاء الراديتيير موجود او لاء واتأكد من نظافه الراديتيير ( علما بأن يجب تنظيف الراديتيير من الاتساخات او الصدأ سنويا )
3- اتأكد ان المروحه الى بتسحب الهواء من الخارج ل غرفه المحرك بالداحل
4_ الثرموستات تأأكد انها سليمه
5_ تأكد من منسوب المياه داخل مضخه المياه ( مكان تزويد المياه)
6_مروحه المحرك ليس بها اى خلل ؟