دليل شامل عن الفيرنا بواسطه اسئله الاعضاء - متجدد

[campsun48]

السلام عليكم ورحمة الله وبركاته
انا عضو جديد و يا رب اكون خفيف الظل على المنتدى, عندي بعض الاستفسارات عن الهيونداي لاني اول مرة بشتريه.
من اسبوعين اشتريت اكسنت 2004 gls تقفيل خليجي ( اللي هية اسمها فيرنا بمصر) الجير اتوماتيك, الماتور 1495 سي سي, السيارة ممتازة جدا لكن مش عارف بالنسبة لسحب البنزين فيها هل السيارة مصروفها عالي و لا هو الاكسنت كده, دورة المحرك طبيعية و هادئة, لكن السيارة بتمشي 7 كيلو على لتر البنزين
فلو سمحت تقولي هل هذا الاستهلاك طبيعي و لا في مشكلة

و شكرا

[eng_ah_am]

الرجاء من الاداره حذف المداخلات اللي مالهاش لازمه
ويبقوا فقط ع المشاكل والاعطال والحلول
لان الموضوع زاد جدا وبقي تقيل حبتين

[maged_verna]

الازاز مايطلعش لوحده لان العربيه مافيهاش وحدات رفع بس ممكن تضاف للعربيهوالايريال طبيعى انه يطلع مع تشغيل الباور بتاع الكاسيت سواء سى دى او راديو

[m7mda7md]

من مده كده المرايه اللي في الازاز اللي في الصالون وقعت
رحت عند بتاع الازاز و لزقها مكانها
و بعديها بكام شهر كده لقيت الازاز ورا المرايه مشروخ و فضل الشرح يكبر و يتمدد و يتوغل و ينتشر لحد ما جاب من اول المرايه و مشي بالعرض شويه و بعدين راح نازل لتحت جاب اخر البربريز
رحت عند دكتور خالد و حط عليه ماده غريبه كده و قالي تعالي تاني بعد 10 ايام
الحوار اتكلف 150 جنيه
حاسس اني اتخميت

[mohamed_mohsen]

من مده كده المرايه اللي في الازاز اللي في الصالون وقعت
رحت عند بتاع الازاز و لزقها مكانها
و بعديها بكام شهر كده لقيت الازاز ورا المرايه مشروخ و فضل الشرح يكبر و يتمدد و يتوغل و ينتشر لحد ما جاب من اول المرايه و مشي بالعرض شويه و بعدين راح نازل لتحت جاب اخر البربريز
رحت عند دكتور خالد و حط عليه ماده غريبه كده و قالي تعالي تاني بعد 10 ايام
الحوار اتكلف 150 جنيه
حاسس اني اتخميت

طب ما كنت تسأل علي البرابريز الجديد بكام و لو أغلي سنه كنت استنيت شويه و اشتريت واحد جديد

و لو حاسس إنك إتخميت ما تزعلش علي فلوس الواحد ما بيتعلمش ببلاش

ملحوظه: لي صديق كانت عنده نقره في الإزاز الأمامي برضه و رحت أنا و هو و للدكتور خالد و حط عليها نفس الماده الغريبه و خد فيها 50 جنيه
بالنسبه للوصف اللي أنت بتقوله,,,,اعتقد المبلغ اللي أنت دفعته مش كبير

[shouk_1987]

أنا مغير البربريز الأمامى ب 300 جنيه بالتركيب بتاع د.جريش أخو الأصلى عند اللى ورا قسم أول م.نصر بس مش فاكر اسم المحل

[m7mda7md]

طب ما كنت تسأل علي البرابريز الجديد بكام و لو أغلي سنه كنت استنيت شويه و اشتريت واحد جديد

و لو حاسس إنك إتخميت ما تزعلش علي فلوس الواحد ما بيتعلمش ببلاش

ملحوظه: لي صديق كانت عنده نقره في الإزاز الأمامي برضه و رحت أنا و هو و للدكتور خالد و حط عليها نفس الماده الغريبه و خد فيها 50 جنيه
بالنسبه للوصف اللي أنت بتقوله,,,,اعتقد المبلغ اللي أنت دفعته مش كبير

طمنتي و الله يا باشا
بس اللي محسسني اني اتخميت ان الراجل اللي بيشتغل هناك مكتبش في الدفتر المبلغ اللي انا دفعته و بالتالي اكيد هيضرب منهم مبلغ محترم

[m7mda7md]

أنا مغير البربريز الأمامى ب 300 جنيه بالتركيب بتاع د.جريش أخو الأصلى عند اللى ورا قسم أول م.نصر بس مش فاكر اسم المحل

اه فعلا سعره عندي كده
بس لماا رحت للراجل اساسا كنت فاكر الحوار 20 او 30 جنيه
قالي 150 كلمت ابويا قالي ماشي قلت خلاص اشتغل يا باشا
و بعدين بصراحه كنت خايف ع البدجات اللي ع الازاز

[SPoOKy]

انا هعمل صيانة ال 40 الف ان شاء الله قريب في مودرن سرفيس م. الجديده ممكن حد يفيدني هتتكلف كام تقريبا
تاني حاجه كنت عايز اتاكد هوا زيت الفيتيس بيتغير في ال 40 الف ولا امتى؟ و سعرو كام بظبط و اشتريه من برا ولا اغيروا من عندهم و خلاص؟؟

[midoonesaid]

ياجماعة انا عندي العربية لما امشي بيها وافتح الكبوت الاقي الحرارة عالية اوي احط ايدي على غطا التكيهات مثلا الاقي بيلسع من كثر السخونية فهل دا طبيعي في الحر دا مع العلم ان امبير الحرارة عندي اقل من النص طمنوني جزاكم الله خيرا العربية 1500 ماشية 150 الف

[mohamed_mohsen]

المفروض ما تحطش إيدك علي غطا التاكيهات لازم هيلسعك
أنا الكبوت عندي نار برضه و بيطلع منه صهد غريب بس متطمن مادام الحراره ما بتعديش النص و الميه ما بتنقصش

[midoonesaid]

المفروض ما تحطش إيدك علي غطا التاكيهات لازم هيلسعك
أنا الكبوت عندي نار برضه و بيطلع منه صهد غريب بس متطمن مادام الحراره ما بتعديش النص و الميه ما بتنقصش

دايما تطمني يامحمد باشا ربنا يباركلك

[m7mda7md]

دايما الفيرناويه يشتكوا من السخونه دي

[mido_1311]

السلام عليكم , كنت عايز اعرف هو فيه حساس هوا في الفيرنا Inlet Air temprature ولا لاء
و لو فيه مكانه فين بالظبط و لكم جزيل الشكر

[AHMEDCAR]

فى حساس هواء موجود فى الفيرنا طبعا