دليل شامل عن الفيرنا بواسطه اسئله الاعضاء - متجدد

[Ashraf_Ibrahim]

بعد البحث فيما يخص زيت الفتيس المانيوال
الفتيس بياخد كمية تعادل 2.25 ليتر يعني هتشتري 3 عبوات لكل منها ليتر
اللزوجة اللي اجمع عليها الصانع في توتال وليكوي موالي وفالفولين وشيل هي 75/90 او 80/90
الزيت يكون gl-4
اعتقد ان توتال او شيل هيكونوا كويسين جدا وسعرهم كويس برده
ولو قدرت تحصل على اللزوجة 75/90 هيكون شيء رائع جداااااا

[sewefy]

انا وقفت تحت عربيتي الحقيقة بس مش متذكر القصة دي !
هل اللون برتقالي فعلا واللا دا نتيجة صدأ؟!

معلش يا استاذ اشرف يعنى اللون ده عند حضرتك ولا مش موجود وكمان فى واحد قالى ده ممكن يكون بريمر وبصراحه العربيه عجبانى والموضوع ده مقلقنى منها فياريت تبصلى على عربيتك وتقولى واسف انى متقل عليك

[Ashraf_Ibrahim]

البريمر احمر مش برتقالي
لا مش المفروض يكون فيه لون مخالف للون العربية مطلقا الا لو مكان اللون اتشال فيه نتيجة اي عامل زي مثلا عندي مكان البطارية الطلاء اتشال وظهر المعدن بلون برتقالي -نتيجة تأثير مية البطارية-
غير كدة مينفعش يبقا لون تاني مخالف للون العربية
طيب التقرير من الوكيل لما كشفت على العربية ايه؟!

[sewefy]

البريمر احمر مش برتقالي
لا مش المفروض يكون فيه لون مخالف للون العربية مطلقا الا لو مكان اللون اتشال فيه نتيجة اي عامل زي مثلا عندي مكان البطارية الطلاء اتشال وظهر المعدن بلون برتقالي -نتيجة تأثير مية البطارية-
غير كدة مينفعش يبقا لون تاني مخالف للون العربية
طيب التقرير من الوكيل لما كشفت على العربية ايه؟!

تقرير البنزيمه جاب حوالى 4 منهم المهندس وكام واحد يجى يقول بريمر واحد تانى قالى متغير وتالت قال دى رشه واللهى وانا شاكك اساسا انهم بيفهموا ومش عارف واللهى يا استاذ اشؤف وانا لما شفت العربيه ورفعها قدامى بصراحه العربيه نضيفه جدا ومش باين اى اثر للحام ولما قولتلو فين اللحام مردش عليه ومخدتش اجابه مفيده

[m7mda7md]

طب انا دلوقتي قدامي تامويل لزوجه 75-90 و gl-4 بس حاسس انه رخيص كده و مش عاطفي و بصراحه خايف منه و بفكر اشوف حد يبعتلي شل 80 90

[Ashraf_Ibrahim]

تقرير البنزيمه جاب حوالى 4 منهم المهندس وكام واحد يجى يقول بريمر واحد تانى قالى متغير وتالت قال دى رشه والله وانا شاكك اساسا انهم بيفهموا ومش عارف والله يا استاذ اشؤف وانا لما شفت العربيه ورفعها قدامى بصراحه العربيه نضيفه جدا ومش باين اى اثر للحام ولما قولتلو فين اللحام مردش عليه ومخدتش اجابه مفيده

الكلام دا كان في التوكيل ؟!
بص انا عندي سمكري لو تحب اخليه يبصلك عليها بس الكلام دا في شبرا

طب انا دلوقتي قدامي تامويل لزوجه 75-90 و gl-4 بس حاسس انه رخيص كده و مش عاطفي و بصراحه خايف منه و بفكر اشوف حد يبعتلي شل 80 90

انا رأيي تجيبه الحقيقة هو مش رخيص ولا حاجة
انت عارف ان الشيل ب 20 جنيه والتعاون ب 15 جنيه
بص حطه ولو لقيت مشاكل منه كتقل الفتيس او حاجة غيره لكن ما دام الحل متفور قدامك وهو الافضل من ال 80/90 يبقا حطه يا عزيزي دا مش بعيد اخليك تبعتهولي :p

[m7mda7md]

ده كمان في عضو فاضل قال انه جاب الشل ب 18........بس بردو قلقان منه......لو عاوز ابعتهولك انا عنيا ليك.....شاور انت بس و تلاقيه عندك تاني يوم بإذن الله

[Ashraf_Ibrahim]

هو اسمه Tamil ?!
عشان بس عاوز أسأل عليه واطمنك !

[m7mda7md]

ياريت و الله يبقي كتر خيرك فعلا.......هو اسمه tamoil

[m7mda7md]

بقولك ايه.......مش عارف ليه مرتاح للفالفولين!!!!!!!!!!!!! قالولي ممكن نبعتلك علي اسيوط......هكلمهم النهارده ان شاء الله و اشوف تكلفه الشحن كام و لو لقيتها معقوله هتكل علي الله و اجيبه و علي فكره كاتبين ع موقعهم انه بيتغير كل 120 ألف كيلو يعني ألسطا.........!!

[Ashraf_Ibrahim]

تامويل دا مش لاقيله حاجة على النت !
فالفولين هو الأفضل طبعا بس السعر بصراحة عالي جدا وانا عن نفسي مش هحطه
ميبقاش قدامي شيل ب 20 جنيه واحط فالفولين الليتر ب 75 جنيه وخلي بالك هتجيب 3 ليتر يعني 225 جنيه !
دا تكلفة عالية جدا انا عن نفسي مش هعملها انا هشوف توتال ال 75/90 دا لو لقيته هجيبه ملقتهوش هجيب شيل 80/90
لما اجيب عبوة ب 20 جنيه يبقا التكلفة ب 60 جنيه دا كويس اوي يعني بصراحة !
فالفولين افضل بس اسأل فالفولين هيتغير بعد كام كم ؟!
زي الفتيس المفروض يتغير كل 40000 كم لو فالفولين هيتغير بعد 150000 كم يبقا هنا المعادلة كويسة :d

[m7mda7md]

هو فعلا غالي بس كاتبين ع موقعهم انه بيتغير كل 120 ألف كيلو و بصراحه انا بحب اكرم الموتور و الفتيس و ادلعهم لأن اهم حاجه عندي السحححححححب........المشكله اني لسه عاوز اغير فلتر هوا و بنزين و بوجيهات و كنت ناوي ع الايريديوم !!!!!!!!!!!!كده غالبا هصرف نظر عن الفالفولين

[Ashraf_Ibrahim]

يا عزيزي هو شيل 80/90 يبقا انت بتهي الفتيس؟!
انت كدة بتكرمه برده والله
ولو حطتله تعاون 80/90 دا برده بتكرمه ما دام ان المواصفات المطلوبة هي اللي انت بتحطها
بتهينه لما تسيب زيت الفتيس تغيره على 60000 زي ما عمل واحد صاحبي لما الفتيس كان بيتعذب منه
دي كدة اهانه اه
انما دا اسمه اكرام انك تعمل الصيانات في مواعيدها وتغير الحاجة وهي شغالة

[m7mda7md]

لأ اطلاقا بس المشكله اني مش لاقيه ف اسيوط و هضطر اشوف حد يبعتهولي من القاهره......حوار يعني

[Ashraf_Ibrahim]

ازاي مش لاقيه في اسيوط
طب بلاش شيل التعاون وموبيل اخبارهم ايه؟!
وطنية مثلا ؟! واللا مفيش هناك ؟! او هاته من المنيا مثلا قريبة منكم واعتقد فيها برده بس اتأكد الاول