دليل شامل عن الفيرنا بواسطه اسئله الاعضاء - متجدد

[Ashraf_Ibrahim]

40000 يعني مانيوال لو مانيوال هتاخد 2لتر وربع زيت
ممكن تحط زيت شيل هيلكس
Spirax S6 GXME 75W-80
او
Spirax S3 G 80W-90

[m7mda7md]

ألف شكر يا باشا......معندكش فكره عن سعره و هل ينفع اغيره بنفسي ولا يفضل ميكانيكي؟

[Ashraf_Ibrahim]

في الحقيقة معنديش علم عن السعر
والافضل ميكانكي طبعا بلا شك بلاش انت تغيره لأول مرة بس تابع مع الميكانيكي هيعمل ايه وعلى ال 80000 كم غيره انت بنفسك ان شاء الله

[m7mda7md]

ألف شكر يا باشا بس المشكله اني كرهت كل الصنايعيه عشان محدش فاهم حاجه و بينيلوا الدنيا و مباخدش منهم غير الضغط......يعني مثلا ف موضوع الباشمهندس هاني تقريبا قريت ان في مغناطيسات مع زيت الفتيس المفروض تتشال و تتنضف هيه كمان و السيناريو المتوقع ان الميكانيكي اما هيبقي مش عارف كده و لو قولتله مش هيعرف يفكهم و لو فكهم مش هينضفهم زي الناس و ف الآخر مش هيعرف يركبهم زي ما كانوا!!!!!!!!!!!!! ونا واقف اتفرج و الضغط عمال يعلي يعلي يعلي و المراره تكبر تكبر تكبر تكبر

[hanyemad123]

ياجماعه فى حد ركب سينسور بارك فى فيرنا

اللى ركب يا ريت يقول على التجربه

و اجيب الحاجات منين و بكام

[AHMEDCAR]

الفتيس المانيوال مافيهوش المغناطيس ده و افضل زيت هو شل انا بغيره كل 30 الف فى المحطه بياخد حوالى 2 كيلو و نص

السينسور تجيبه من شارع دمشق و تركبه هناك

[m7mda7md]

تمام يا احمد بك......ربنا يخليك لينا......هو تغييره سهل ممكن اي حد يغيره زي زيت الموتور ولا عاوز صنايعي دماغه متصنفره.......بالنسبه لنوع الزيت شل ياريت لو تأكدلي علي باقي الاسم.....الكميه حتي الآن سمعت 2 لتر و 2 و ربع و اتنين و نص......... ياتري مين ادق و اخيرا الزيت بكام؟ ألف شكر يا رجاله و آسف ع الأسئله الكتير بس للأسف الصنايعيه الموهوبين همه السبب

[lost2008]

تمام يا احمد بك......ربنا يخليك لينا......هو تغييره سهل ممكن اي حد يغيره زي زيت الموتور ولا عاوز صنايعي دماغه متصنفره.......بالنسبه لنوع الزيت شل ياريت لو تأكدلي علي باقي الاسم.....الكميه حتي الآن سمعت 2 لتر و 2 و ربع و اتنين و نص......... ياتري مين ادق و اخيرا الزيت بكام؟ ألف شكر يا رجاله و آسف ع الأسئله الكتير بس للأسف الصنايعيه الموهوبين همه السبب

اهم حاجة يكون الزيت مواصغاته 75w-90 GL-4 اوعى تحط زيت GL-5 لانه حياكل فرش الفتيس و يعمل مشاكل انا لحد دلوقتى ملقيتش المواصفات المظبوطة الا عند موزع فالفولين بس للاسف غالى اللتر ب 75 جنيه.

[Sh_sunsea]

بعد ما كرهت خلاص غبور ربنا ما يحوجني ليهم - مش عايز أعمل الصيانات عنده خلاص - تعبت وزهقت

كنت عايز الاخوة يساعدوني بموعد تغيير كل حاجة علشان العربية ما يحصلهاش حاجة - فهاكتب الي أعرفه وأرجو ان حد يكمل أو يعدل

10: الزيت وفلتر الزيت وتربيط العفشة
20: تغيير فلتر الهواء والبنزين والبوجيهات
40: تيل الفرامل وماء الريداتير ((وزيت الفتيس..؟؟))
60: (( السيور وسير الكاتينة وزيت الكورونة ..؟؟؟))

[essam2z2]

يا جماعة عايز اعرف بطارية الفيرنا كام امبير واتاكد منين لما اشترى انها فعلا الامبير الانا عايزو عشان بس محدش يضحك عليا ويارت لو حد يعرف واحد بتاع بطاريات كويس فى الهرم يقولى

[dolly13]

الفتيس المانيوال مافيهوش المغناطيس ده و افضل زيت هو شل انا بغيره كل 30 الف فى المحطه بياخد حوالى 2 كيلو و نص

السينسور تجيبه من شارع دمشق و تركبه هناك

الزيت بيتغير على 30 الف بجد ؟
انا العربية عدت عندى 60 الف ولسة ماغيرتوش هل ده فى ضرر والا ايه ؟
ولما اغير زيت الفتيس هل بيتغير اى حاجة تانية معاه والا الزيت بس ؟

[m7mda7md]

طب يا جماعه لفيت البلد كلها ملقتش غير شل من ده S2 a 80w-90 و الباقي موبيل......اعمل ايه؟

[m7mda7md]

الصنايعيه و البياعين اشتغلوني اشتغاله السنين ......حسبي الله و نعم الوكيل ف اي نصاب او بياع كذاب.......رحت اغير ميه الرادياتير و الصنايعي عنده محل قولتله وريني الميه ال عندك.......وراني جركنين واحد اصفر لبناني تقريبا و واحد شفاف سعودي و يتشال و يتحط دول انضف حاجه.......عنده كانز ابرو و يقولي لأ الأنواع اللقيطه دي انضف!!!!!!!!!!!المهم العلبه مكتوب عليها بالبنط العريض don't dilute و يقولي الا بالدين نزود عليها ميه..اقوله يابني آدم مكتوب عليها متتخففش يقول تقيله ع العربيه ونا مش مسىئول عن اي حاجه تحصل...........قولتله غور ف داهيه و بلاش أبرو و هجلك جركن موبيل علي بعضه طالما هنحتاج كميه كبيره.......رحت لمحل اعتقد ان البياع بتاعه امين و نضيف قالي خد ميه حمرا و بما اني بحب الافتكاسات قولتله هات ياعم ميه حمرا.......جركن أبرو 4 لتر تقريبا ب 50 جنيه و اخدت عليها علبه لتر نوع اسباني اسمه كوول ماكس تقريبا ب 25 جنيه و رحت للباشا بتاع الرادياتير و كأني قتلت ابوه ازاي و ازاي تجيب ميه حمرا دي بتبوظ الرادياتير و حطيتها ف عربيه تاني يوم الرادياتير باظ!!!!!!!!!!!!!!!!! ياعم معقول جركن امريكي ماركه محترمه مش مكتوب عليها اي تحذير هتبوظ عربيات الناس!!!!!!!!قولتله حط الميه الحمرا و ربنا يستر..............ياتري ف القصه دي مين الصح؟

[m7mda7md]

بطاريه الفيرنا 55 امبير بس انا عن نفسي جايبلها بطاريه 70......سمعت عن عربيه ياريس صاحبها جاب امبير اعلي ف الضفيره اتحرقت!!!!!!!!!!انا عندي الحمد لله ال 70 امبير شغاله ليها اكتر من سنه و نص.........بالنسبه لزيت الفتيس لو مانيوال يتغير كل 40 ألف بس كل مستخدم بيحافظ علي عربيته بطريقته و ممكن يغير الزيت قبل معاده حفاظا عليها.......الفتيس الأوتوماتيك بيتغير تقريبا كل 80 او 60 ألف مش فاكر بصراحه

[essam2z2]

شكرا على اهتمامك انا انشاء الله حروح اجبلها بطارية 55 امبير acdelco واخلينى فى المضمون احسن