دليل شامل عن الفيرنا بواسطه اسئله الاعضاء - متجدد

[M.Osman]

اهم حاجه فى التليين ار بى ام لا يتخطى ال 2.5

بجد موضوع التليين ده مقلقني لأني حاسس اني ملينتش العربية صح

السؤال لو كنت زودت عن 2،5 اية اللي ممكن اقلق منه؟
شكرا

[dolly13]

انا النهاردة نزلت جربت العربية على خفف كدة ولقيتها ماشاء الله جميلة وانا تجربتى فى العربيات قبل كدة كانت الماروتى بتاعتى ولانسر اتوماتيك 1600 برده
بصراحة لقيت الفيرنا مستواها اكتر ماتخيلته بس اللى زعلنى المرايات مش كهربا مع ان اللى شفتها فى المعرض كانت مراياتها كهربا لكن مادون ذلك فهى تحفة لكن بصراحة الفتيس لازم يكون ليه حل لان الاول بتاعها بعلق جامد جدا وحسيت ان الدبرياج واطى قوى ياترى فيه حاجة اقدر اعملها والا لا
:k38:

[AHMEDCAR]

بجد موضوع التليين ده مقلقني لأني حاسس اني ملينتش العربية صح

السؤال لو كنت زودت عن 2،5 اية اللي ممكن اقلق منه؟
شكرا

مافيش مشكله ياباشا طول ما انت ايدك فى الزيت و الميه و على طول بتعمل الصيانه دو و لا يهمك العربيه مشاء الله تستحمل

فى ريفوهات ليها ان الموتور ده ممكن يعش لحد 500000 بدون اى مشاكل طالما مراعى الصيانه و مش بتحرق بيها

[AHMEDCAR]

انا النهاردة نزلت جربت العربية على خفف كدة ولقيتها ماشاء الله جميلة وانا تجربتى فى العربيات قبل كدة كانت الماروتى بتاعتى ولانسر اتوماتيك 1600 برده
بصراحة لقيت الفيرنا مستواها اكتر ماتخيلته بس اللى زعلنى المرايات مش كهربا مع ان اللى شفتها فى المعرض كانت مراياتها كهربا لكن مادون ذلك فهى تحفة لكن بصراحة الفتيس لازم يكون ليه حل لان الاول بتاعها بعلق جامد جدا وحسيت ان الدبرياج واطى قوى ياترى فيه حاجة اقدر اعملها والا لا
:k38:

الف مبروك و ياريت لو احتجتى اى حاجه ما تتر دديش فى السؤا

[M.Osman]

الف شكر ليك يا أخ احمد طمنتني

و الف مبروك للفيرناوية الجديدة

[dolly13]

الله يبار فيك وعقبال اولادنا كلنا لما يشتروا فيرنا

[taataa77]

شكراً جدا على النصائح الغالية وسوف اتبعها باذن الله

[AHMEDCAR]

يا جماعه الفيرنا عربيه ممتاز جدا و ياريت ما تخدوش فى بالكوا من كلام الناس اللى بتقول عليها مش كويسه

و الحمد لله حتى العربيه دى مالهاش عيوب مميزه غير الطنابير و دى بنغير فى الضمان

بعكس الانوس مثلا اللى بحتاج رشاشا و عفشه كل فتر

اه صحيح عفشه الفيرنا من احسن العفشات اللى فى الفئه السعريه دى و عن تجربه مع ناس اصحابى كتير

كفايه نظام التعليق بتعها هيه بس هاتحتاج تغيير جنوط و بعد كده متسالش فى حاجه تانى

و عموما لو محتاجين اى حاجه محدش يتردد و يطرح مشكلته علشان نحاول نساعح

و كفايه اوى ان الفيرنا هيه السبب فى معرفتكوا

[sasatony]

كلام احمد باشا صح
والله العربية مريحة لاقصي درجة وبجد بتستحمل البهدلة كفاية انها بتمشي في شوارعنا الحلوة المتسفلتة بكل هدوء
ربنا يباركلكو في عربياتكو باذن الله ويكفيكو شرها علي طول

[AHMEDCAR]

يا جماعه هاتيجوا مقابله مالكى هيونداى ولا لآ الموضوع بتعها معمول و متثبت فى قسم هيونداى معلش اصلى بدخل من الموبيل و مش عارف اجيب ليكوا اللينك

[rabet007]

انا والله يا رجاله هاتجنن على الفيرنا خلاص اتهبلت بيها وبضبط حاليا المقدمه دعواتكم يارب العالمين هاجيبها ان شاء الله كحلى هاف اوبشن
وابقي اركب سنتر وانذار ليها

[Nile_Storm]

بالتوفيق ان شاء الله
ميعاد المقابله قرب ياشباب مين جااااااااااااي

[mohamed_mohsen]

هي هتبقي امتي و فين بالظبط؟
يا رب تبقي بعد يوم التلات عشان عندي امتحان
و نبقي نظبط انا و انت يا نايل استورم و نروح سوا عشان انا مابعرفش الطرق خالص و لا بعرف احفظها:k26:

[elcomanda446]

ياجماعة انا لاحظت حاجة ان عندى زنة جاية من ناحية اليمين مش عارف دى جاية من التابلوة ولا من الباب
وفضيت درج التابلوة قولت يمكن حاجة من الى موجودة بس الصوت بردة مرحش
حد عندة فكرة الزنة دى عبارة عن اية وياريت لو حد عندة حل لمشكلتى يبقى تمام .
انا لسة فى الضمان بس للاسف مش فاضى اروح علشا الامتحانات ياريت تدعولوا ياجماعة
ولو حد عندة حل سريع علشان الصوت دة هيجننى

[Nile_Storm]

انا حصلتلي مره وغلبتني كان سبب غريب جدا
كان في البتاعه الي بيدخل فيها حزام الامان الي متثبته في الكرسي شوفها كده و قولي