دليل شامل عن الفيرنا بواسطه اسئله الاعضاء - متجدد

[elcomanda446]

ازيكم يا فرناوية بقالى كتير ماقرتش ماوضيعكم الحلوة
انا كان عندى سؤال عن فرش السيارة يا ترى فيه حد بيبيع فرش مخصوص ليها يعنى يحافظ على شكل الكنبة منفصلة والا مفيش واجسبه منين

موجود ياجميل فرش مخصوص للفيرنا ومحفور علية اسم فيرنا كمان بالخياطة وموجود منة لونين الاسود والرمادى
وممكن تجيبة من شارع دمشق فى مصر الجديدة
وسعرة غالبا 250 جنية بالتركيب
بس لو نويت تجيبة خلى بالك وخلى الراجل يفتحلك مكان السقاطة علشان لو حبيت تقفل الكنبة علشان الفرش مفهوش مكان مخصوص للسقاطة

[mohamed_mohsen]

ايه اخبار الشد علي حسكوا؟

[AHMEDCAR]

الحمد لله الشد فى السليم بس اخرى 90

[EslaM_NagY]

ana el 3adad 3andy fasal el wa7do mara wa7da ya3ni 3amal pause msh 3aref leh?? 3aiz a3raf makan el fuse beta3o 3ashn asala7o w hal law shelt el fuse w rakbto tany haysafar el 3ada wala hay3mel pause ??/

انا فاهم من كلامك ان العداد واقف على صفر ومش بيتحرك خالص.
لو كلامى صح يبقى انت خت مطب او حفرة فالكابل بتاع العداد اتفك.
بص افتح الكبوت واقف كانك بتبص على الانجكشن من جنب الرفرف الشمال وبص تحته بالظبط حتلاقى كابل بكلبس فكه وركبه تانى وقولى ايه الاخبار.

[EslaM_NagY]

ايه اخبار الشد علي حسكوا؟

الحمد لله ما زال التخيييط مستمراااااااااا

[M.Osman]

اهلا شباب الفيرنا ... وحشتونى جدا جدا ...

دلوقتى عندي سؤال فنى جدا جدا : الكل عارف ان السرعات المناسبة لتغير الجير او النقل لغيار أعلى هى:
20
40
55
75
كم/س

تمام؟

تخيل معى السيناريو التالى: ماشي وسط البلد على الثالث و طبعا اضطريت تهدى فوصلت سرعتك لــ30 كم/س مثلا ... اللى اصبحت بعمله حالياً انى مش بنزل للجير التانى ... بل بكمل بالثالث ... هل كدا صح ولا غلط ؟؟
مع العلم انى لو وصلت سرعة 30 و نزلت للتانى بحس العربية بتنط منى كدا و صوتها بيعلى ... فبقيت بستسهل و كمل بالتالت ...

اية رأيكم؟

شكراً

[EslaM_NagY]

اهلا شباب الفيرنا ... وحشتونى جدا جدا ...

دلوقتى عندي سؤال فنى جدا جدا : الكل عارف ان السرعات المناسبة لتغير الجير او النقل لغيار أعلى هى:
20
40
55
75
كم/س

تمام؟

تخيل معى السيناريو التالى: ماشي وسط البلد على الثالث و طبعا اضطريت تهدى فوصلت سرعتك لــ30 كم/س مثلا ... اللى اصبحت بعمله حالياً انى مش بنزل للجير التانى ... بل بكمل بالثالث ... هل كدا صح ولا غلط ؟؟
مع العلم انى لو وصلت سرعة 30 و نزلت للتانى بحس العربية بتنط منى كدا و صوتها بيعلى ... فبقيت بستسهل و كمل بالتالت ...

اية رأيكم؟

شكراً

سؤال فى الجوون

فى حالة انك مشغل التكيف لالالالالازم تنزل للتانى عشان على الثالث العربية حتسقف ولا كانك فى الاستاد.

بدون تكيف :-
لو الطريق مسطح ( يعنى مش مطلع ) وانت مش مركب ناس كتير يعنى واحد او اتنين مفيش مشكلة تفضل على الثالث.
والعكس صحيح لو الطريق مطلع لازم تنزل للتانى حتى لو لوحدك.

لو فى استفسار انا تحت امرك.

[sasatony]

ازيكو يااحلي ناس
انا دلوقتي حاسس العجل ريح شوية
وانا عاوز ازود الكاوتش عاوز اعرف بقي الضغط كام بتاع العجل الامامي والخلفي وانا نوع الكوتش عندي نسر وياريت تقوليلي بنزينة محترمة في الهرم ازود عندها عشان ابقي مطمن يعني
وشكرا ليكو

[mohamed_mohsen]

ازيكو يااحلي ناس
انا دلوقتي حاسس العجل ريح شوية
وانا عاوز ازود الكاوتش عاوز اعرف بقي الضغط كام بتاع العجل الامامي والخلفي وانا نوع الكوتش عندي نسر وياريت تقوليلي بنزينة محترمة في الهرم ازود عندها عشان ابقي مطمن يعني
وشكرا ليكو

عليك و علي شل بنزينه محترمه من كل النواحي
لو عايز تغسل العربيه-تغيير او تزوييد زيوت يا ريت يبقي من عندها
و البنزين كمان و اوعي تمون من بنزينه كالتيكس اللي عند شارع سهل حمزه لحسن بيغشوا البنزين علي طول(قصاد بيتي و كنت بستقرب)و بصراحه السحب كان ابتدي يقل قوي و البنزين كان بيطير و بعد ما عرفت شل بقيت امون من عندهم علي طول
دي تجربه و حبيت اقول عليها
تحياتي

[Nile_Storm]

فعلا شل اهرم ممتازه بستخدمها علي طول

[mohamed_mohsen]

بالنسبه للضغط انا شخصيا بظبطه علي 30 في الشتا و 28 في الصيف

[mohamed_416]

شكر خاص للمنتدى و لاعضاء المنتدى

احبائي الاخوة الفرناوية بعد السوبر تحية
دى اول مرة اشارك فى موضوع و انا اعتذر عن ذلك لقلة الوقت عندى . المهم لا انكر المعلومات الهامة جدا اللى استفدت منها كثيرا عند شراء سيارة بالفعل قمت بشراء فيرنا 2008 فول اوبشن مانيوالو بالفعل كل اللى قرائه هنا من مميزات و عيوب شفتها بس المضمون الكلى انها عربية ممتازة جدا. هاكون سعيد جدا لو قابلتونى عضو فى نادى الفرناوية

[dolly13]

انا فعلا غيرت الفرش

انا متشكرة على الاهتمام انا فعلا ركبت فرش الفيرنا وجبته جلد بس سعره 290 من مدينة نصر لكن ماخدتش بالى من موضوع السقاطة دى لكن تشكر على ذوقك:k38:

[marines]

انا عايز اشكركم واسئلكم في نفس الوقت

انا عايز اشكركم كمنتدي على كم المعلومات اللي استفدتها وقريتها في القسم بتاع الهيونداي الفيرنا
تاني حاجة عايز اخص بالشكر احمد كار لانه لم يبخل عليا باي اجابة لاسئلتي الي طلعه من واحد مبتدئ لسه في العربيات
تالت حاجة انا طبعت ال 100 صفحة بتوع دليلي الفيرنا وسيبت نسخة هنا لواحد من المبيعات في غبور واستغرب لما شاف كم المعلومات اللي موجود في شكل اسئلة واجوبة وقولتلوا انتو السبب عشان بلاويكم

انا دلوقتي خلاص إن شاء الله اني اعمل صيانة الالف فعايز اعرف هتكلف كام وايه الحجات اللي اخليهم يأكدوا عليها واحط زيت 5000 ولا 10000 وبكام
وكمان عندي تطبيقة في الجنط بسيطة من حفرة منيلة خلتنتي متدايق اوي..انا عملتلها استعدال بس لازلت موسوس..هل ده في اي خطر على العفشة او الكوتش؟ ولا اشتري جنط 14 من التوكيل ؟ هل اخليهم يعملولي في صيانة الالف ترصيص عجل وزوايا
شاكر ليكم ردكم

[Nile_Storm]

يااااااااه
و دي كانت فكرتي في الاول لما عملته انه يبقي سين و جيم زي ماكان في اول صفحه
بس بعد كده اصبح بيت لكل الفيرناويه
تصدقو بفكر اغير اسمه لرابطه الفيرناويه ايه رايكو
و ممكن فعلا نجمع المعلومات بصوره مركزه
بس دي عاوزه مجهود جامد