رابطة مالكى الاكسيل-الجزء الأول

[M.FOUAD]

اولا شكرا علي ردك
ثاينا افهم من كلامك اني المساعدين kyb زيت علي غاز ودا احسن حاجة

حسب انت عايز اية لو بتسافر كثير و عايز ثبات اكثر هات زيت بس اما لو اغلب حركتك جوة البلد هات غاز على زيت و افضل كمان الغاز بس لو ملكش في السرعة هتحس بنعومة العربية اوي في مطبات شوراع المحروسة

[M.FOUAD]

انا عايز اشتري مساحات للاكسيل هل في منها الاصلي ولو مفيش ايه احسن حاجة موجودة ونوعها ايه ومنين وبكام

هو نوع واحد موجود ب 20 جنية التوفيقية كلها بتبيعة الموضوع مش مستاهل اصلي و لا مضروب

[M.FOUAD]

انا ناوى اشترى اكسيل بس عايز اعرف يلترى اية الفرق بين ال1300 و 1500
وهل 1300 فيها عيوب عن 1500 مثل كفاءة التكيف
وشكرا جزيلا يا شباب

الفرق في الكمالييات ال 1300 تكييف بس
1500 تكييف و باور و سنتر و زجاج كهرباء و اريال كهرباء و rbm و سبويلر على الشنطة
و طبيعي كل ما جبت مكنة اكبر كفاءة التكييف بتبقى احسن

[mahmmoud1980]

الفرق في الكمالييات ال 1300 تكييف بس
1500 تكييف و باور و سنتر و زجاج كهرباء و اريال كهرباء و rbm و سبويلر على الشنطة
و طبيعي كل ما جبت مكنة اكبر كفاءة التكييف بتبقى احسن

انا عندي اكسيل 1500 بس ماعرفش ايه سبويلر ده شكله ازاي واجيبه منين
وشكرا

[ahmedhtaher]

الاسبولير يكون متركب علي الشنطة وفيه لمبة ستوب حمراء وممكن تجيبها من التوفيقية وترشها بلون العربية

[ahmedhtaher]

اولا شكرا فؤاد علي ردك
ثانيا المساعدين kyb فيه كل النواع ديه ( غاز - زيت - غاز علي زيت )

[thegeorge3000]

شكرا يا باشا

شكرا جدا يا فؤاد على ردك ..

[thegeorge3000]

مكان للفحص قبل الشراء

طب انا دلوقتى قدامى عربية 1500 مو96 معروضة على 32.500 هو صاحبها فى جسر السويس عند حديقة بدر...كنت عايز اعرف ممكن اكشف عن العربية فين الصراحة انا خبرتى فى العربيات زيرو ..فلو فى مركز خدمة يدينى تقرير عن كل حاجة او حد تعرفوة ممكن يساعدنى ياريت تقولولى ..وياترى اية الحاجات اللى ابص عليها وتكون مهمة فى مرحلة الشراء دى يعنى اتفادى العربيات اللى فيها عيوب معروفة للاكسل ازاى ...وشكرا جزيلا ليكم يا شباب

[y_ammar2000]

السلام عليكم
ممكن تروح بنزيمة مساكن الشيراتون وتكشف عليها هناك
اهم حاجة تتكد منها هى عدم وجود باروما فى الشاسيه وحالة العفشة وتتاكد ان التكيف شغال
تشغله بنفسك وكمان تفتح الشنطه وتشوفمكان الاستبن فيه باروما
وحالة الابواب هل لما بتتقفل بتكون سكنت فىت فى مكانها و فيها حاجة مش مضبوطه
وتتـكأكد كمان من هل العربية عملت حادثه قبل كداااااا
شوف عشان مطولش عليك خد حد كويس ثقه وخليه يكشف عليها لان فى عيوب مش حيعرفها لا انا ولا انت إلا من خلال حد مختص
وبالتوفيق بإذن الله
انا معيا اكسل بقاله سنه وبصراحة حالتها كويسه جداا بفضل الله ومصاريفها قريبه

[M.FOUAD]

حسب انت عايز اية لو بتسافر كثير و عايز ثبات اكثر هات زيت بس اما لو اغلب حركتك جوة البلد هات غاز على زيت و افضل كمان الغاز بس لو ملكش في السرعة هتحس بنعومة العربية اوي في مطبات شوراع المحروسة

انا متاسف يا باشا لخبطت و انا بكتب
لو عايز ثبات هات غاز بس اما لو حركتك جوة البلد هات غاز على زيت و افضل حل انك تجيب غاز ورا و غاز على زيت قدام

[ahmedhtaher]

انا متاسف يا باشا لخبطت و انا بكتب
لو عايز ثبات هات غاز بس اما لو حركتك جوة البلد هات غاز على زيت و افضل حل انك تجيب غاز ورا و غاز على زيت قدام

ياباشا متتاسفش علي حاجة جلا من لا يسهو
بس لو جبت غاز ورا العربية مترزعش في المطبات وما ادراك ما المطبات في بلدنا

[M.FOUAD]

ياباشا متتاسفش علي حاجة جلا من لا يسهو
بس لو جبت غاز ورا العربية مترزعش في المطبات وما ادراك ما المطبات في بلدنا

هي العربية بتبقى ناشفة شوية في المطبات بس بتعطي ثبات على سرعات عالية

[good09]

حضرتك تقصد الطقم كله ولا الاسطوانه بس
وهل هيفرق كتير اليابانى من الكورى

معلش ياريت تحاول تقولنا اليابانى اسمه ايه و هل الطقم بييجى كامل

و ايه راى حضرتك فى ان قطع الغيار بدات تقل للاكسل

ياريت يا مهندس نادر تقولنا رايك او حد من الاخوة جرب اليابانى يقولنا ايه رايه
و الطقم عبارة عن البلية ة الاسطوانه و الديسك و لا كمان اجيب حاجة اسمها بلية الفتيس او الدريك مش فاكر

[AVODAFONE1]

طب انا دلوقتى قدامى عربية 1500 مو96 معروضة على 32.500 هو صاحبها فى جسر السويس عند حديقة بدر...كنت عايز اعرف ممكن اكشف عن العربية فين الصراحة انا خبرتى فى العربيات زيرو ..فلو فى مركز خدمة يدينى تقرير عن كل حاجة او حد تعرفوة ممكن يساعدنى ياريت تقولولى ..وياترى اية الحاجات اللى ابص عليها وتكون مهمة فى مرحلة الشراء دى يعنى اتفادى العربيات اللى فيها عيوب معروفة للاكسل ازاى ...وشكرا جزيلا ليكم يا شباب

انزل لحد عباس العقاد في بنزينة كالتكس فيها مهندس محترم جدا ولو العربية فيها اي حاجة بيعرفك وهو اسمر ولة دقن بس للاسف مش فاكر اسمة بس هو معروف

[thegeorge3000]

شكرا يا احلى شباب