رابطة مالكى الاكسيل-الجزء الأول

[ahmedhtaher]

عقبال عندكو انا نويت اشد العربية بتاعتي لان خلاص البوية شوية وهتشتمني

اللمهم كنت عاوز كتالوج اكسيل 96 علشان اراجع المقاسات مع السمكري ولو في اي نصايح ياريت لاني اول مرة اجدد العربية

[Lion_Heart]

ده كتاب عام عن الاكسل بالرابط التالى

http://www.nilemotors.net/Nile/21398-a-99.html

وده الكتالوج المطلوب و ماتنساش كلمة السر بالرابط التالى

http://www.nilemotors.net/Nile/21398-a-66.html

[osos38516]

لسة مغير شمبر داخلى للكاوتش فيتنامى ب 35 جنية ما رأيكم و اذا كان احد لدية فكرة عن اسعار الكاوتش الجديد و انواعة رجاء الرد
و شكرا !

[dodo20102010]

السلام عليكم ورحمة الله وبركاته انا معايا اكسيل 94 فيها مشكلة كل محد يقعد ورا تهبط جدا جدا لدرجة ممكن تخبط فى الاسفلت فما السبب وكيف يتم علاجة واسف على الاطالة

[Lion_Heart]

السلام عليكم ورحمة الله وبركاته انا معايا اكسيل 94 فيها مشكلة كل محد يقعد ورا تهبط جدا جدا لدرجة ممكن تخبط فى الاسفلت فما السبب وكيف يتم علاجة واسف على الاطالة

خللى عفشجى يكشفلك على المساعدين و السست اللى ورا شكلهم كده فى الضياع

[Lion_Heart]

لسة مغير شمبر داخلى للكاوتش فيتنامى ب 35 جنية ما رأيكم و اذا كان احد لدية فكرة عن اسعار الكاوتش الجديد و انواعة رجاء الرد
و شكرا !

الجى تى كويس و الكومهو و دول بحوالى 220 للفرده
لكن الافضل على مستوى العالم هو البريدجستون من 275 الاندونيسى و 345 اليابانى
و الميشلان360
وده رابط للانواع الشهيرة
----EGYTYRES----

[dodo20102010]

العربية عندى بطلع دخان ابيض حتى بعد مستخن وانا ماشى فما السبب ؟ وايضا تم شراء كبالن جديدة وبعد شهر سمعت صوت طققطقة الكبالن فهل يتم المشى بها ام لا وشكرا

[dodo20102010]

خللى عفشجى يكشفلك على المساعدين و السست اللى ورا شكلهم كده فى الضياع

شكرا على الرد

[devil-lid]

السلام عليكم يا معشر الاكسلاويين انا ظبطت العفشه كلها أمامى وخلفى هواء على زيت وكله تمام بس العربيه فى المطب بتسمع صوت "دنه"تقيله لما رحت للعفشجى تانى قالى لانك مركب جنط سبور فهل اشيله وارجع بتاعها العادى ؟؟؟ أفيدونى

[devil-lid]

مع العلم ان الجنط اللى مركبه برده مقاس 13

[modynet16]

يا شباب الاكسل كل سنة وانتوا طيبيين

انا معاى اكسل 94 بس الفرش الداخلى بتاع الابواب استهلك فمش عارف اعمل لية اية هل فى جديد منة ؟ ولا فية استيراد؟ ولا اية فهل من مجيب

[rabeasaber]

يا جماعة من فضلكم لو حد جرب علبة الدريكسون العاده (مش باور) الصينى يقول رأيه ايه وايه أحسن نوع وبكام لأنى لقيت الصينى ب 190 جنية.

[mdrezk]

استفسار م. نادر

السلام عليكم يا بشمهندس نادر انا محمد معايا اكسيل بقالها خمس شهور موديل 97 كاملة 1500 سي سي ممكن لو سمحت تجاوبنى على الاستفسارات على سيارتى :

1- العربية الصبح لازم تسخن كويس عشان لو طلعت بعد ما دور بحوالى دقيقتين مثلاُ بيقى الفتيس تقيل جدا وخشن فى الغيار ( وسألت الميكانيكى قالى ممكن يكون الزيت تقيل سخن العربية كويس )

2- العربية عالية من الجنب اليمين مع العلم انا فيها مساعدين جديدة (روحت للميكانيكى ركبلى علياه شمال اللى هى المطاط حسيت ان العربية مظبوطة لكن دلوقتى بشوف نفس الميل ده وانا راكب العربية ولكن وانا موجود ادامها بحس انا مظبوطة )

3- كتير قوى وانا على السرعات العالية العربية بتحدف شمال وده لو شيلت ايدى من على الطارة بس وسعات تانى مش بتتحدف فقول لنفسي يمكن الطريق فيه ميل

4- ايه ظبط زاويا وواعرف منين انها كدا صح وفين افضل مكان اظبط فيه الزوايا مع العلم انا ساكن بالمهندسين

5 - العربية بتنتش لما اكون ماشي على سرعة عالية واهدى وانزل للغيار التانى بلاحظ ده انت بتنتش على الغيار بعد السرعة ( قولت الميكانيكى قالى الكهربا وظبط الاسبراتير اكتر من مرة لكن لحياة لمن تنادى العيب موجود )

6 - أخيرا رجة الموتور انا ظابط الموتور على (rpm)على قبل الواحد بشرطة لكن فى رجة

7 - لما اشتريت العربية صاحبها قالى انا موترها خفيف بس يمشي طبعا الراجل اللى اشترالى العربية قالى انى موتورها كويس يمشي( قولت للميكانيكى قالى كبس الموتور كويس بس مش طبعا حالته كويس قوى وده انا بحسه لما بدوس على العربية فى مطلعة وبركن ولا حاجة لازك ادوس جامد على الموتور عشان تطلع )هل ممكن اقيس كبس الموتور فين واعرف ازاى انا كبسه كويس

وبالذات التابلوه بيصدع وكمان لو معاك حد راكب معاك بتحس انا راكب عربية من موديل الخمسينات
واخيرا اشكركم على روح التعاون الموجودة بنايل موتورز ورابطة الاكسيل واكون شاكر لحضرتك يا بشمهندس نادر لو رديت على ااستفسارتى وشاكر لأعضاء الرابطة لو شاركونى ارائهم
مع العلم انى دى اول سيارة ليا

[Uranium]

انا شلت الموتور اللى كان جى مع العربية 1300 كاربيرتير - لأنة خلاص تم استهلاكة - وسقطت واحد 1500 انجكشن للعربية فارقها فى السحب والشد جامد جدا وخصوصا بفلتر اسبور نضيف

للعلم بالشئ : القدرة الحصانية لمواتير الاكسيل كالأتى :

الموتور 1300 كاربيراتير القدرة الحصانية 62 حصان
الموتور 1500 كاربيراتير القدرة الحصانية 73 حصان
الموتور 1500 كاربيراتير القدرة الحصانية 84 حصان

[osos38516]

الجى تى كويس و الكومهو و دول بحوالى 220 للفرده
لكن الافضل على مستوى العالم هو البريدجستون من 275 الاندونيسى و 345 اليابانى
و الميشلان360
وده رابط للانواع الشهيرة
----egytyres----

جزاك الله خيرا على المساعدة