رابطة مالكى الاكسيل-الجزء الأول

[mohammed2005s]

ازيكو يا جماعه
انا اول مره اشارك فى الموضوع ده هنا وبصراحه فكرته عجبانى رغم انى مش من مالكى الهيونداى لسه
بس انا عاوز اعرف من الساده اصحاب الهيونداى اكسيل ايه عيوب العربيه لان مزايها معروفه زى عين الشمس لاى حد ،بس خباياها مش هيعرفها غير مالكيها واللى مشهور قوى فى عيوبها هيا عفشتها لان انا اخدت بالى ان لما اتينين بيقعدوا قدام وواحد بس حتى بيقعد ورا بنبص نلاقى العربيه بتاخد اى مطب ولا كانها لانوس او فيرنا مع انها وهيا فاضيه بتبقى عاليه جدا (ياريت لو فيه حل لحكاية العفشه دى غير العلايات عشان كده كده العربيه هتنزل هتنزل وتاخد المطب )
ياريت تفيدونى وتفيدوا الناس التانيه اللى مقبلين على شراء عربيه اكسيل

[johnnaguib]

ممكن المصنعية تفرق من واحد لواحد 150 جنيه

الموضوع دة بيختلف على حسب الصنيعى الى بيرفع السعر شوية علشان لما تفاصل معاة كمان الصنيعى الى بيقى معروف انة محترف فى صنعتة بيبقى اغلى شوية
ببساطة حاجة ممكن ما يعرفهاش الى فنى متخصص شوية لو البوية فيها عالى و واطى فى حتت معينة دية لو الصنيعى شاطر طبعا عمرة ما يطلع شغل كدة
و احسن حل شوف صنيعى اتعامل معاة حد قبل كدة و شوفت شغلة

[johnnaguib]

ازيكو يا جماعه
انا اول مره اشارك فى الموضوع ده هنا وبصراحه فكرته عجبانى رغم انى مش من مالكى الهيونداى لسه
بس انا عاوز اعرف من الساده اصحاب الهيونداى اكسيل ايه عيوب العربيه لان مزايها معروفه زى عين الشمس لاى حد ،بس خباياها مش هيعرفها غير مالكيها واللى مشهور قوى فى عيوبها هيا عفشتها لان انا اخدت بالى ان لما اتينين بيقعدوا قدام وواحد بس حتى بيقعد ورا بنبص نلاقى العربيه بتاخد اى مطب ولا كانها لانوس او فيرنا مع انها وهيا فاضيه بتبقى عاليه جدا (ياريت لو فيه حل لحكاية العفشه دى غير العلايات عشان كده كده العربيه هتنزل هتنزل وتاخد المطب )
ياريت تفيدونى وتفيدوا الناس التانيه اللى مقبلين على شراء عربيه اكسيل

اى عربيىة ليها مميزات و عيوب لو انت حابب العربية اشتريها و خلاص لانك هتعقد نفسك لما تقعد تسال عن المميزات و العيوب فى كل عربية و فى الاخر مش هتشترى
بس اهم حاجة تبقى عربية معروفة و قطع غيارها متوفرة و معقولة فى السعر

[faraha]

كنت عايزة اغير موكيت العربية ياترى ده موضوع صعب ويضر العربية؟ وياريت حد يقولى التكلفة قد ايه
وكان نفسى اعمل فيها شوية تعديلات خارجية ياريت حد يقولى اى افكار

[osos38516]

كنت لما ادور العربية متدورش و البطارية شغالة
جبت كهربائى فحص الكهربا حتة حتة من المارش حتى الفيوزات و الكتاوت
و فى النهاية قالى كتاوت المارش هى السبب و مكانها تحت الدريكسيون كان فى اربعة تقريبا فى التابلوة
غير واحد منهم بواحد جديد و قالى ان سعر الكتاوت 35 جنية اخذ كلة بالمصنعية 40 جنية
كم سعر هذا الكتاوت فلقد احضرة من ورشتة و لم اشترية !
و ما رايكم !

[dr_raveheart84]

كنت عاوز اجيب طقم بوجيهات للاكسيل اجيب نوع ايه وعامل كام؟

[osos38516]

كنت دائما اجد زيت اسفل الماتور تقريبا اسفل الدينامو و كانت لمبة الزيت مبتنورش و طلع عيب ساعة الزيت و اشتريتها ب 25 جنية و غيرت الزيت و الفلتر كله مع بعضة مصنعية 20 جنية
الماتور بياخد 3.5 كيلو زيت لو مش هغير الفلتر و بتغيير الفلتر حط الجركن كلة 4 لتر جبت زيت التعاون سوبر الفلتر اشتريتة 15 جنية و لكن كان بيتباع فى محل امام الميكانيكى ب 20 جنية

اللهم اكسبنا علما نافعا و قلبا خاشعا

[Most_H]

مساء الخير عليكوا :)

كنت عاوز اسأل على سعر جوز الفوانيس الأمامية

وهل فهم منهم بى وش شفاف (أكليريك) ، ولا كله وش مش شفاف؟؟؟

[Most_H]

كنت عاوز اجيب طقم بوجيهات للاكسيل اجيب نوع ايه وعامل كام؟

اللى اعرفه انه ngk شمعة واحدة

كنت عايزة اغير موكيت العربية ياترى ده موضوع صعب ويضر العربية؟ وياريت حد يقولى التكلفة قد ايه
وكان نفسى اعمل فيها شوية تعديلات خارجية ياريت حد يقولى اى افكار

تنجدى يعنى ولا تحطى فرش؟؟

[osos38516]

دائما اجد بقعة زيت فى الارض بجوار العجلة الخلفية ناحية السائق بين العجلتين بالقرب من هذة العجلة على بعد حوالى 20 سنتيمتر
ما رأيكم من اين هذا الزيت !!!!!!!!!

[kmfb78]

بصوا فى محل فى التوفيقية اسمة ابراهيم البنا بتاع قطع غيار كورى - (الكوفت) هتلاقية عندة وان شاء الله تلاقى عندة البيكاات بتاعت العربية
انا جبت من عندة دراع الاشارات جديد اللى لفيت علية الكرة الأرضية وملقتووش والحرفيين كلها كل واحد عايز يبعلى القطمة كاملة بالدراع

[kmfb78]

ايه رايكو يا جماعة نعمل ملف نشارك فيه كلنا ونكتب فيه
1- ايه الاشياء التى يتم تغيرها باستمرار و كل كام كيلو و افضل الانواع
2- ايه الاشياء التى يفضل تغيرها عند تغير شيئ اخر ( بليه الفلام مثلا- اولسية الكرنك و بلية الشداد)
3- قسم للتعديلات الفنية
4- جدول للاسعار والو رش و الصنعية و المناطق

[ahmed_k_s]

يا شباب بك السلانسيه وقع ولفيت عليه التوفيقيه لكها لو حد عرف اى مكان بيبع قطع غيار للاكسيل ياريت يقولى عشان انا تعبت من التدوير وجزاكم الله خيراً

فى حضرتك مركز صيانة فى جسر السويس أسمة مركز الصفا دة متخصص كاربيراتير وعندهم كل قطعة فى الكاربيراتير وناس محترمة جدا هما فى اول جسر السويس عند عمارات الفاروقيه تسئل على شارع ثلاجة الزهراء والتليفونات 0125873240 -0182285283-26995551 وبالتوفيق أن شاء الله

[Dojuar]

ايه رايكو يا جماعة نعمل ملف نشارك فيه كلنا ونكتب فيه
1- ايه الاشياء التى يتم تغيرها باستمرار و كل كام كيلو و افضل الانواع
2- ايه الاشياء التى يفضل تغيرها عند تغير شيئ اخر ( بليه الفلام مثلا- اولسية الكرنك و بلية الشداد)
3- قسم للتعديلات الفنية
4- جدول للاسعار والو رش و الصنعية و المناطق

Totally agree with you

[kamose]

السلام عليكم ورحمة الله وبركاته

عربيتي اكسل 97 كامله 1500 اتوماتيك خليجي
لسه مخلص عامره الاسبوعين الي فاتوا
قبل العامره كان في رجه في العربيه من الامام وهي واخده غيار
ولما امور علي ال n يعني بتهدي والميكانيكي قال انها هتروح
بعد العمره المهم عملت عامره كامله وغيرت كمان القواعد الي شك فيها
بس بعد العامره لسه الرجه موجوده وكمان الميكانيكي قال انها مش هتروح بعد ما حاول وراجع كل الاجزاء المرتبطه بالموتور وقال
الاكسل كله كده. الرجه دي بتدايقني جدا وكمان بدأت اكره العربيه
افيدوني يا زوي الخبره الاكسلا وييين علي حل

وشكرا لحسن استماعكم