رابطة مالكى الاكسيل-الجزء الأول

[mero25]

العربية هيونداى اكسيل 1300 مو 98 مصري

تكاليف عمل طقم شنبر:

1.طقم شنبر يابانى : 110 جنية مقاس standard ( لازم اخد معاية بستم بعد الفك عشان يقيس علية)

2.طقم جوانات كورى : 100 جنية و دى علبة كرتون مقفولة فيها كل حاجة : طقم اويل سيل صباب- جوان وش سلندر- أويل سيل كرنك أمامى - أويل سيل كامة - جوان وش تاكيهات و حاجات تانية كتير (يعنى كل الجوانات و الاويل سيلات) العلبة تجبها كلها أوفر من انك تجيب كل حاجة لوحدها.

3. خراطة: عمل رودية و قواعد نسيت اسمها فى وش السلندر عشان تحكيم الصبابات: 50 جنية
و لقى صباب معوج أخذت منه واحد استعمال :15 جنية

3. سير تقسيمة كورى:40 جنية
4. انبوبة سيليكون : 8 جنية
5. طقم لينات شنبر: 5 جنية
6. جركن زيت عادى: توتال : 37 جنية
7. فلتر زيت كوري : 15 جنية

الزيادات:
8. (خرطوم فايظ و وصلة مية) كوري أصلى و 2 افيز : 25 جنية
9. أويل سيل الكامة ضرب من الميكانيكى بعد التركيب جاب زيت فجبت واحد تانى: 15 جنية
10. قاعدة موتور أمامى: 30 جنية
11. تفويلة بنزين 80 عشان تلين بيها


12. مصنعية: 150 جنية و 10 من عندى: 160 جنية


الوقت : 3 أيام : يوم فتح الموتور و يوم الخراط و التركيب و اليوم التالت التشغيل و ملاحظة أى حاجة تسريب مية زيت و تليين على الواقف

انا شغال الان فى التليين على 60 كم و شوارع مفتوحة من غير وزن زائد و لا مطالع
المفروض اروح للميكانيكى بعد اسبوع عشان يضبط التاكيهات تانى عشان فى التليين هو سايبها مفتوحة ومعلى العربية .على 25 و حيخليها 20 او العكس حاجة زى كدة

المجموع: 610 جنية
الحاجات ممكن تلاقيها اغلى عند حد تانى عشان انا جبتها كلها مع بعض من عند واحد بس

الف الف شكر ليك يا عزيزى على التقرير الرائع وربنا يجعله فى ميزان حسناتك ويكون مفيد لكثير من الاعضاء

[aymankader]

الف الف شكر ليك يا عزيزى على التقرير الرائع وربنا يجعله فى ميزان حسناتك ويكون مفيد لكثير من الاعضاء

يا أستاذى. الله يباركلك
انا كدة كدة كنت حاكتب كل حاجة بس كنت مستنى اروح للميكانيكى بعد الاسبوع عشان تقريبا لسة فى تغيير زيت و فلتر تانى و بوجيهات و سير الدينامو اتقطع منة حتة فى الجنب فعامل صوت فممكن اغيرة و ممكن ماغيرش حاجة خالص مشعارف. و ربنا يستر

[mero25]

يا أستاذى. الله يباركلك
انا كدة كدة كنت حاكتب كل حاجة بس كنت مستنى اروح للميكانيكى بعد الاسبوع عشان تقريبا لسة فى تغيير زيت و فلتر تانى و بوجيهات و سير الدينامو اتقطع منة حتة فى الجنب فعامل صوت فممكن اغيرة و ممكن ماغيرش حاجة خالص مشعارف. و ربنا يستر

ان شاء الله تكون بسيطة الواحد مش ناقص مصاريف
شكرا مرة اخرى

[ppeto]

انا معايا اكسيل 1500 موديل 98 مانيول

المرش عندى باظ والدينمو كمان باظ هنزل بكرة الوكالة اجبهوم استراد بكرة الجمعة اجازة بقى وكدة
المهم انا بفكر اجيب فتيس اوتوماتيك بالمرة اية رأيكم ؟ وياترى سعرة تقريبآ كام شامل كل حاجة ؟
وهل هوا عملى ولا اية عمتآ انا سوقتى هادية بس لو حبيت اشد بيها هتبقى حلوة ولا اية؟


مستنى ردكم النهرضة ضرورى عشان بكرة اول ما هصحى هنزل اشترى الحاجة على طول

تقبلو تحياتى

[mohamedsaif]

هات الدينامو على التجربة وهاتو نظيف اما من الوكالة او الحرفيين او عزبة شلبى بس اهم حاجة زى ماقلتلك تجربة الدينامو هناك انا مريت بتغيير الاثنين من قبل وكانت مشكلتى اكبر مع الدينامو لانى غيرت 3 لحد ما لقيت المظبوط وهو اللى راكب معايا دوقتى وزى الفل وكان من عزبة شلبى لكن المارش اللى جابه الكهربائى بنفسه وكان سعره 150 وكذالك اليناو كان ب150

[ppeto]

طيب مقولتليش اية رئيك فى الفتيس الاوتوماتيك

اجيبو بالمرة ولا لاء؟
عشان سمعت ان المارش فى للأوتومايتك وفى مرش للمانيوال

[mohamedsaif]

بالنسبة للاتوماتيك فى الاكسيل انا اسمع انه مش حلو وفيه مشاكل انت عاوز تغير ليه عندك شكلة فى الفتيس ولا من باب الرفاهية والدليل على صحة كلامى الاتوماتيك ارخص سعرا من العادى

[mantar80]

طيب مقولتليش اية رئيك فى الفتيس الاوتوماتيك

اجيبو بالمرة ولا لاء؟
عشان سمعت ان المارش فى للأوتومايتك وفى مرش للمانيوال

باشا انا معايا اكسيل اوتوماتيك هوه مش ووحش بس لازم تحافظ عليه واهم حاجة انك تلاحظ الزيت باستمرار ومتقرس على العربية جامد هيبقى معاك زى الفل وفى الاخر الاوتوماتك فى الاكسيل انت وحظك

[osos38516]

اجد قطرات من الماء تتساقط اسفل الماتور اسفل الدينامو تحديد او بالقرب منه و قربه الماء عندما املاها تمشى السيارة حوالى 50 كيلو و لا اجد فيها ماء و لكن الراديراتير يكون ممتللئ
فما رأيكم اين المشكله !!!!!!

[ahmed_k_s]

اجد قطرات من الماء تتساقط اسفل الماتور اسفل الدينامو تحديد او بالقرب منه و قربه الماء عندما املاها تمشى السيارة حوالى 50 كيلو و لا اجد فيها ماء و لكن الراديراتير يكون ممتللئ
فما رأيكم اين المشكله !!!!!!

ألى عند الدينامو دى طرمبة المياة ممكن تكون بتسرب ميه أو من الماسورة الى طالعه منها ممكن تكون مشروخة وبتسرب أنا كان عندى كدة وطلعت من الماسورة دى

[Uranium]

اجد قطرات من الماء تتساقط اسفل الماتور اسفل الدينامو تحديد او بالقرب منه و قربه الماء عندما املاها تمشى السيارة حوالى 50 كيلو و لا اجد فيها ماء و لكن الراديراتير يكون ممتللئ
فما رأيكم اين المشكله !!!!!!

دى كدة طرمبة المية وش كدة ومش فاكر كنت شاريها جديدة من التوفيقية بي 80 ولا ب 120

[mohahm2]

مشكله فى دريكسيون الكسيل

برجاء من خبراء الأكسيل أنا معايا سياره هيونداى اكسيل موديل 1987 1300 سى سى عندى مشكله فى الدريكسيون مع العلم أنه مش باور
المشكله هى بعد المشلى بالسياره لفترع حوالى عشر دقائق بلاقى الدريكسيون بيتقل جدا وعند ميله يمن أو يسار مابيردش لوحده وخصوصاً فى الغيار الأول والثانى والشمكله ديه ظهرت عندى من أمس فقط وماكنتش موجوده قبل كده
ممكن أعرف سببها أيه ولو فيه مشكله أيه هيه وتكلفة تصليحها تكلف كام
وأشكركم وآسف على الإطاله

[good09]

يا شباب حد عنده فكرة بيض المقص مربوطه بمسامير فى المقص ولا متبرشمه على المقص

[WalidAdel]

طقم دبرياج ب 235 كوري
طقم جوان 80
سير كاتينه 40
سير دنمو 20 طقم بوجيهات ياباني 30
غطاء اسبراتير 25
ماكينة زيت (ساعة زيت) 12
طقم صباب ياباني 130
بعمل عمره في العربيه بس الميكانييكي قالي طالما فتحنا نعمل وش سيلندر لان الحريق كان غير مكتمل نعمل طقم شنبر بالمره يعني و غيرنا طقم الدبرياج علشان العربيه مش بتسحب خالص

[aymankader]

معلش ياباشا اصلي بعمر نفس الموديل بتاعة واحد صحبي بس في كامن سؤال كده عايز رد من حضرتك عليهم
1- بالنسبه للشنبر ازاي الخراط بيقولك مقاس الشنبر الجديد من غير مايقيس الشميز مع البستم و بشوف الفرق يبقي هو ده الشنبر علشان يبقي محكوم كويس
2- مش لازم ياخد الشميز علي المخرطه شويه علشان مايبقاش فيه عالي وواطي ولا الحاجات دي بتتعمل و البلوك راكب ولا ايه
3- بعدين الشنبر اللي طالع من المكنه انا قيسته علي الشميز لاقيته محكوم كويس و اصلا اخره فارق ميلي او اتنين بين طرفين الشنبر لما اتحط في الشميز مش حاسس انه عايز يتغير اصلا
4- حريق العادم اللي طالع من الوش من عند المنفول كده ناشف و مش معرق زيت خالص
المشكله الاكبر اني روحت مشوار و رجعت لاقيت الميكانيكي مطلعهم من المكنه لييه معرفش اقوله يابني ماتفقناش علي كده يقولي اومال احنا قولنا هانحكم فوق ازاي مالازم نغير كله علشان نظبط كويس اصل الميكانيكي ده من انصار احنا مش هانفتح المكنه كل يوم فتحت بقي هات كله جديد
طقم صباب - طقم شنبر - ودي الوش عند المخرطه - فريزه - جوانات ..... كده يعني


معلش اصل انا متنرفز اوي و مش لاقي حد اساله و يجاوبني بصراحه

الميكانيكيه دول عايزين يعملوا شغل و خلاص المهم عنده يكبر المصنعيه بتاعته و خلاص مش مهم اذا كانت العربيه محتاجه ده ولا لأ

بص ياباشا
انا عملت نفس اللى انت عملتة بالضبط الفرق انى غيرت صباب واحد بس و انت غيرت الطقم كله:

1. الشنبر الجديد بتاع قطع الغيار هو اللى يقولى على مقاسة من قياس البستم لان البستم فية تجويف بيتحط فية الشنبر تمام.
الميكانيكى فرتك المكنة و اعطانى بستم فى ايدى من غير شميز و قالى هاتلى شنبر على مقاسة لما بتاع قطع الغيار قاسة قالى دة استاندارد يعنى" البلوكات ماتخرطتش قبل كدة وماغيرتش البساتم "

2. لما المحرك يقدم والشانبر تتآكل و الضغط يهرب و الزيت يهرب
تظهر الدخان الابيض وعندى كان فية 2 شنابر مكسورين ممكن عندك يكونوا متآكلين بس.

3. الشمايز أو الكرنك لو فيها حاجة بتبان بالنظر و بتروح المخرطة . الشميز ممكن تعرف اذا كان بايظ ولا لاء بالنظر تحط ايدك علي الحافه بتاعته و تشوفه مستوي ولا فيه تآكل(معتب يعني).

4. اللى كان طالع من من خرطوم الفايظ كان فى الاول دخنة بس .مع الوقت بقى معاة زيت

5.موضوع انة يحكم فوق انا اعرف انة لازم يتعمل فوديت الوش مع الصبابات عند الخراط و عمل رودية و فريزة ايضا و كشف على الصبابات و لقى واحد بس معوج من الصغيرين فغيرتة بواحد استعمال من عندة و دة اللى يعرفة الخراط مش الميكانيكى عشان بيقيسة و يحكمه على الوش


6. الموتور بدل اتفتح فلازم تغير الجوانات والاويل سيلات.

الميكانيكى لو انت واثق فية يبقى قالك على الحاجات اللى عايزة تتغير بالضبط و كلة حيبان بعد التركيب. ان شاء الله تبقى تمام و تطمئن

انا ماغيرتش الدبرياج بس حاسس ان العربية الحمد لله اتغيرت جامد السحب اختلف تماما تماما بعد الشنبر

و الله أعلم ولو فى حد من الباشمهندسين ممكن يفيدك أكثر منى

"البستم المصنوع من الأنتيمونيا لا يتحمل الأحتكاك بجدران الإسطوانة(الشميز) وهايتنحل بسرعة، علشان كدة البستم مش هوا االلى بيكون ملامس لجدران الإسطوانة(الشميز) لكن البستم بكون قطره اقل حاجة بسيطة(جزء من المللى متر) من القطر الداخلى للشميز، والبستم بيكون فيه من الجانب تلات تفريغات تحت بعض، كل تفريغ منها واخد جدار البستم داير مايدور، إرتفاع كل تفريغ حوالى 3 مللى وعمقة برض حوالى 3 مللى، التفريغات دى بيتركب في كل واحد منها غويشة صلب، الغويشة دى بيكون قطرها قد قطرالشميز الداخلى بالضبط، الغوايش دى بنسميها شنابر جمع شنبر، والشنابر دى هى اللى بتحبك الحريق والضغط فوق البستم وتمنعه من الهروب لغرفة الكرنك والزيت اسفل البستم، وهى برضه اللى بتمنع دخول الزيت الى غرفة الحريق اعلى البستم، علشان كدة لما المحرك يقدم والشانبر تتآكل الضغط بيهرب الى غرفة الزيت والزيت بيدخل الى غرفة الحريق ويتحرق مع الوقود ويطلع من الشكمان فى شكل دخنة بيضا ويقال ان الموتور فاوت، وفاوت معناها انه بقى منفد من فوق البستم لتحت البستم" منقول