رابطة مالكى الاكسيل-الجزء الأول

[magid1010]

ممكن حد يساعدنى

السلام عليكم ورحمة الله وبركاته

اشتريت عربية اكسيل 96 1300ؤؤ ولسة بتعلم السواقة و السؤال واحد قلى ممكن اغير صندوقالتروس و اقلنها اتوماتيك طيب لو ينفع عند مين ؟فى التوكيل مثلا؟ و بكام؟
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[domain]

بلي العجل الامامي

انا عاوز رد في بلي العجل الامامي و الخلفي السعر....النوع الافضل...و من عند مين ؟؟؟؟ ارجوا الرد للاهمية وشكرا

[m3touk_85]

السلام عليكم ورحمة الله وبركاته

اشتريت عربية اكسيل 96 1300ؤؤ ولسة بتعلم السواقة و السؤال واحد قلى ممكن اغير صندوقالتروس و اقلنها اتوماتيك طيب لو ينفع عند مين ؟فى التوكيل مثلا؟ و بكام؟
سبحانك اللهم وبحمدك ، أشهد أن لا إله إلا أنت أستغفرك وأتوب إليك

انا لسه شاري اكسيل 95 برجو مانول وانا متعود على الاتوماتيك بس خفيف بس بصراحة المنوال احسن بكتييييييييييير مع اني لسه مبتدئ بردوا ما بقاليش 3 ايام بسوق المشكلة بس اللي بتقابلني الطلعة فقط وتوازن الدبرياج مع البنزين بس بدات تخف الحمد لله وبالذات على مطلع كوبري لازم يكون معاك حد فاهم فى القيادة يكون معاك وانزل شوارع مصر كلها وجرب علشان تبعد الخوف اهم حاجة ما تنزلش الدائري الا بعد ما تتمكن ( لسه امبارح كنت فى مشوار المهندسين يوم عذاااااااااب بس زود لي الثقة الحمد لله بدون اصابات وربنا معاك )

[m3touk_85]

بعض العمليات اللتي تمت على السيارة :
فلتر زيت
فلتر هواء
مسمار طنبورة الكرنك
وش تقسيمه النصفين بالمسمامير ( استيراد )
كارتيرة زيت
اويل سيل
تغير جميع الزيوت
مسمار خراطة لتثبيت الماتور
بطارية نوع stone كوري الصنع
تنظيف الكاربرتير
تظبيط الفتيس
تظبيط مجموعة الدبرياج
كاوتش كوبلن وتظبيط الفرامل
تظبيط التاكيهات
فيوز عمومية جديدة
تغير سير الكاتنة
تغير البوجيهات
وفي حاجات تانية بس ناسيها حاليا

مصنوعية : 300 جنيه ( انا عارف انو غالي بس الراجل ده محترم ووائق فيها وامين )
المواد : 1100 تقريبا

[magid1010]

السلام عليكم ورحمة الله وبركاته
شكرا جدا على الرد
m3touk_85
ححاول اتعلم عليها و هى مانويل ولكن شوارع مصر دى بصراحة عايزة حاوى علشان يمشى فيها ربنا يوفقك و يوفقنا و شكرا مرة تانية على النصيحة بتاعة السواقة

[ahmed_k_s]

انا عاوز رد في بلي العجل الامامي و الخلفي السعر....النوع الافضل...و من عند مين ؟؟؟؟ ارجوا الرد للاهمية وشكرا

حضرتك أنا لسه مغير البلى الخلفى مرتين فى أسبوع واحد الاولنى كان يبانى وكان سعرة 25 جنية للبليه الواحده بعد الفصال منهم واحده مكملتش تلت أيام فغيرتة تانى بس الحمد لله الميكانيكى راح جاب 2 تنين كورى زى الى طلعين منها بالظبط وكانو ب 35 جنية الواحده

[Tamert]

انا عاوز رد في بلي العجل الامامي و الخلفي السعر....النوع الافضل...و من عند مين ؟؟؟؟ ارجوا الرد للاهمية وشكرا

السلام عليكم و رحمة الله و بركاته
بص يا باشا : البليه في حدود 35 جنية
البلي الامامي : كل عجله ليها بلتين يعني الفرده بـ 75 جنية بالاضافه الي 10 جنية اويل سيل و طبعا 10 - 15 تركيب عند الخراط . يعني الفرده امامي حوالي 95 جنية
الخلفي بليه واحده و اويل سيل يعني 45 جنية و اللي بيركبها المكانيكي يعني مش عايزة خراط
و في بعض الميكانيكية بيخليك تشتري علبه شحم ب 15 جنية
طبعا المصنعية حسب الميكانيكي

[ahmedzizo131]

بعض العمليات اللتي تمت على السيارة :
فلتر زيت
فلتر هواء
مسمار طنبورة الكرنك
وش تقسيمه النصفين بالمسمامير ( استيراد )
كارتيرة زيت
اويل سيل
تغير جميع الزيوت
مسمار خراطة لتثبيت الماتور
بطارية نوع stone كوري الصنع
تنظيف الكاربرتير
تظبيط الفتيس
تظبيط مجموعة الدبرياج
كاوتش كوبلن وتظبيط الفرامل
تظبيط التاكيهات
فيوز عمومية جديدة
تغير سير الكاتنة
تغير البوجيهات
وفي حاجات تانية بس ناسيها حاليا

مصنوعية : 300 جنيه ( انا عارف انو غالي بس الراجل ده محترم ووائق فيها وامين )
المواد : 1100 تقريبا

شوية شغل 10/10
بس يا ريت توضح لنا سعر كل حجة منفصلة لاافادة

[mahmmoud1980]

هل ممكن الاكسيل تدور من غير مادوس دبرياج عند بدء التدوير ولو ممكن ايه هي الطريقة

[ahmed_k_s]

السلام عليكم و رحمة الله و بركاته

الخلفي بليه واحده و اويل سيل يعني 45 جنية و اللي بيركبها المكانيكي يعني مش عايزة خراط
و في بعض الميكانيكية بيخليك تشتري علبه شحم ب 15 جنية
طبعا المصنعية حسب الميكانيكي

الخلفى بليتين بيركبو عكس بعض مش بلية واحدة وأحسن نوع شحم بترومين

[وائل رفيق]

فكرة الرابطة شئ جيد وياريت تستمر.
عندى إكسيل 97 1500 cc والحمد لله هى سيارة جيدة وأصيلة، وعمرها ما خذلتنى, وعائلية وبتسد ف السفر وارتفاعها عن الأرض معقول مقارنة بالعديد من الموديلات الأخرى والحديثة, والمهم حالة العفشة، وللآسف إن إنتاجها وقف على الرغم إن الـ 1500 منها فيها كماليات مش موجودة في موديلات حديثة، أو تعتبر أوبشن أعلي في بعض الموديلات، وخاصة إن كل إنتاجها كورى.

بالنسبة لقطع الغيار دى بعض الأسعار:
كشاف إشارة أمامي ديبو تايواني 25 ج.
فانوس أمامي ديبو تايواني 100 ج.
إكصدام امامي تايواني 140 - 160 ج.
إكصداك خلفي كوري 400 - 450 ج.
كارتيرة رفرفر أمامي بلاستيك 25 ج.
طلمبة مياه 60 ج.
مساعد خلفي ياباني ( زيت وهواء) الواحد 150 ج.
سكترا بور استيراد بالتركيب 500 - 550ج وشغالة كويس.
زوج الكبالن التايوانى 200-250ج.
سير دينامو 30ج.
سير كاتينة 60ج.
سير باور، تكييف، 25ج.
كاوتش تيوبلس ( بيرللى تركى سرعات) 185-220ج.
طقم طاسات 40-55 ج.
طقم كابلات فتيس 125ج.

أفضل محل لشراء قطع غيارها الاصلى وافضل أسعار عن تجربة، إبراهيم البنا بشارع التوفيقية بوسط البلد، الفرسان ش أحمد سعيد بالعباسية أمام سنترال العباسية.

أرجو أن تكون المعلومات السابقة مفيدة لأعضاء الرابطة.

[وائل رفيق]

الآخ / محمود
السلام عليكم ورحمة الله وبركاته


يمكن إدارة الإكسيل بدون الضغط علي بدال الدبرياج عن طريق إلغاء الفبرة المرتبطة بالدائرة الكهربائية للكونتاكت والمارش، وذلك بواسطة كهربائي كويس، وإن كانت هذه العملية خاصية تميز الإكسيل ولا تسبب أي مشاكل بل تحافظ على السيارة من العبث وتخميها من السرقة.

ارجو أن تكون الإجابة وافية.

[farawl]

السلام عليكم
اللي ماعندوش خبرة بيقي محتار جدا في شراء العربية وعمال اعمل مقارنات بين الاكسيل والاكسنت انا معايا 35 الف ومحتار اشترى اية انهي احسن واخر موديلات الكوري اية في الاتنين ؟ لو انت مكاني تشترى اية ماعلش تعيينك معنا
انا شفت اكسيل النهاردة 95 العربية اول ما دارت بقي فيه رعشة جامدة واول ما التكييف اشتغل الرعشة ذادت دة يبقي عيب اية ؟ وخلي بال حضرتك انا طويل وعايز عربية تكون صالونها واسع !
وفي حد اقترح عليا سوزوكي فيتارا وانا قلقان من اسعار قطع غيار رائيك اية

[ahmedzizo131]

فكرة الرابطة شئ جيد وياريت تستمر.
عندى إكسيل 97 1500 cc والحمد لله هى سيارة جيدة وأصيلة، وعمرها ما خذلتنى, وعائلية وبتسد ف السفر وارتفاعها عن الأرض معقول مقارنة بالعديد من الموديلات الأخرى والحديثة, والمهم حالة العفشة، وللآسف إن إنتاجها وقف على الرغم إن الـ 1500 منها فيها كماليات مش موجودة في موديلات حديثة، أو تعتبر أوبشن أعلي في بعض الموديلات، وخاصة إن كل إنتاجها كورى.

بالنسبة لقطع الغيار دى بعض الأسعار:
كشاف إشارة أمامي ديبو تايواني 25 ج.
فانوس أمامي ديبو تايواني 100 ج.
إكصدام امامي تايواني 140 - 160 ج.
إكصداك خلفي كوري 400 - 450 ج.
كارتيرة رفرفر أمامي بلاستيك 25 ج.
طلمبة مياه 60 ج.
مساعد خلفي ياباني ( زيت وهواء) الواحد 150 ج.
سكترا بور استيراد بالتركيب 500 - 550ج وشغالة كويس.
زوج الكبالن التايوانى 200-250ج.
سير دينامو 30ج.
سير كاتينة 60ج.
سير باور، تكييف، 25ج.
كاوتش تيوبلس ( بيرللى تركى سرعات) 185-220ج.
طقم طاسات 40-55 ج.
طقم كابلات فتيس 125ج.

أفضل محل لشراء قطع غيارها الاصلى وافضل أسعار عن تجربة، إبراهيم البنا بشارع التوفيقية بوسط البلد، الفرسان ش أحمد سعيد بالعباسية أمام سنترال العباسية.

أرجو أن تكون المعلومات السابقة مفيدة لأعضاء الرابطة.

الله يبركلك
معلومات فى منتهى الجمال و تفيد السادة اعضاء الرابطة الكرام

[magid1010]

السلام عليكم ورحمة الله وبركاته
انا معجب جدا بالمنتدى الجميل دة و شكرا للمعلومات الجميلة دى انا اشتريت عربية اكسيل 96 1300 و كانت عوامة البنزين مش شغالة رحت مغيرها و جبت واحدة جديدة ب 85 جنية بس ما اشتغلتش بردة طلع المشكلة فين؟ ان تانك البنزين كان معزول عن جسم العربية ب حزام كاوتش يعنى ما كانش واخد ارضى راح الكهربائى ربط سللك من المسامير تثبيت العوامه للجسم و المشكلة الحمد للة اتحلت قولت اقولكم عليها