رابطة مالكى الاكسيل-الجزء الأول

[F170]

بسم الله الرحمن الرحيم
مبدئيا يا هيما الأستهلاك مش حيفرق كتير غالبا لأن المفروض الكاربيراتير ده بيتم التحكم فيه بالكمبيوتر
وده بيتم من خلال الدايره دي اسمه (Feed Back carburetor) FBC


الحاجات اللي انا معلمها بدايره حمرا دي المكونات اللي جوه الكاربيراتير منهم التشوك اللي بيكون من فوايده المهمه جدا الدواره بتاعه العربيه في الصبح لو التشوك سليم بيقفل الفتحه بتاعه الكابيراتير الأساسيه و يخلي الموتور يسخن اوتوماتيك وده غالبا مش شغال فعلشان كده بتتطر انك اتتغل برجلك وتكاركلها شويه ... انا عندي الموضوع ده كله منيوال و التشوك شغال بكابل اشده واستنى دقيقتين كده احس العربيه انتظمت واتحرك واول ما الاقي العداد بتاع الحراره على شويه انزله لغايه اول تكه وبعد كده لما العربيه تسخن انزله خالص

المهم ... موضوعنا الأساسي ازاي نظبط السلانسيه بتاع الكاربيراتير ونخليها شغاله بأقل نسبه بنزين ممكنه في السلانسيه
وكل الضبط بتاع الهوا اللي من خلال المسامير مرتبط بالسلانسيه بس
الكاربيراتير بيتكون جوه ببساطة من كذا دايره ... دايره السلانسيه دي اللي بتدي البنزين للموتور في حاله اللا حمل و مفيش دوس على البنزين و كذا دايرة تاني للحمل و الحمل الزياده جدا و دايره علشان لما تشيل رجلك فجأة من على البنزين ... و كل الدواير دي مهمتها انها تدي الموتور مخلوط متزن من البنزين نسبه جزيئات الهوا للبنزين فيه 14.7:1 يعني كل جزيء واحد بنزين يلزمه 14.7 جزيء هوا علشان يتحرق تماما وميكونش فيه كربون زياده ( هباب اسود ) (يعني بنزين كتير) لو قل البنزين بيكون في العادم اكاسيد نيتروجين ودي سامه وضاره جدا بالغلاف الجوي ...
فبالتالي كون ان البنزين مش مظبوط في السلانسيه حيخلي البوجيهات تهبب واستهلاك البنزين يزيد و لو الدواير التانيه مش مظبوطه بيكون الكابيراتير محتاج حاجات تتغير جواه على حسب الدايرة ،،، بكات،،، عوامه جوانات ...
وانا للأسف اعرف ازاي تظبط الهوا والبنزين على السلانسيه بس الباقي او اني افك كايربيراتير مفتيش بصراحه بس انا بحاول اني الاقي فيديوهات تبع اللانسر عيون صفيه او الايكسيل او المواتير بتاعتنا عموما عن ازاي اظبط الكابيراتير عموما...
دي صور الكاربيراتير اللي عندي
دي من الجنب اليمين للكاربيراتير المسمار اللي من فوق ده بتاع الهوا واللي من تحت بتاع البنزين

ونخللي بالنا ان مسمار البنزين سهل جدا انه يبوظ ف محدش يقرص عليه في الربط لأنه من قدام عامل زي الأبره وممكن يبوظ بطل بساطه وميشتغلش زي ما احنا عايزين وده شكله

شايفين مدبب ازاي




ونيجي لطريقه الظبط
حكمل من البيت معلش والله وقت الشغل خلص والناس هنا عايزين يقفلوا و حيضربوني لو طولت اكتر
ان شاء الله ساعه كده واكمل الموضوع ان شاء الله رب العالمين متزعلش مني يا هيما

[hema_hn]

بسم الله الرحمن الرحيم
مبدئيا يا هيما الأستهلاك مش حيفرق كتير غالبا لأن المفروض الكاربيراتير ده بيتم التحكم فيه بالكمبيوتر
وده بيتم من خلال الدايره دي اسمه (feed back carburetor) fbc


الحاجات اللي انا معلمها بدايره حمرا دي المكونات اللي جوه الكاربيراتير منهم التشوك اللي بيكون من فوايده المهمه جدا الدواره بتاعه العربيه في الصبح لو التشوك سليم بيقفل الفتحه بتاعه الكابيراتير الأساسيه و يخلي الموتور يسخن اوتوماتيك وده غالبا مش شغال فعلشان كده بتتطر انك اتتغل برجلك وتكاركلها شويه ... انا عندي الموضوع ده كله منيوال و التشوك شغال بكابل اشده واستنى دقيقتين كده احس العربيه انتظمت واتحرك واول ما الاقي العداد بتاع الحراره على شويه انزله لغايه اول تكه وبعد كده لما العربيه تسخن انزله خالص

المهم ... موضوعنا الأساسي ازاي نظبط السلانسيه بتاع الكاربيراتير ونخليها شغاله بأقل نسبه بنزين ممكنه في السلانسيه
وكل الضبط بتاع الهوا اللي من خلال المسامير مرتبط بالسلانسيه بس
الكاربيراتير بيتكون جوه ببساطة من كذا دايره ... دايره السلانسيه دي اللي بتدي البنزين للموتور في حاله اللا حمل و مفيش دوس على البنزين و كذا دايرة تاني للحمل و الحمل الزياده جدا و دايره علشان لما تشيل رجلك فجأة من على البنزين ... و كل الدواير دي مهمتها انها تدي الموتور مخلوط متزن من البنزين نسبه جزيئات الهوا للبنزين فيه 14.7:1 يعني كل جزيء واحد بنزين يلزمه 14.7 جزيء هوا علشان يتحرق تماما وميكونش فيه كربون زياده ( هباب اسود ) (يعني بنزين كتير) لو قل البنزين بيكون في العادم اكاسيد نيتروجين ودي سامه وضاره جدا بالغلاف الجوي ...
فبالتالي كون ان البنزين مش مظبوط في السلانسيه حيخلي البوجيهات تهبب واستهلاك البنزين يزيد و لو الدواير التانيه مش مظبوطه بيكون الكابيراتير محتاج حاجات تتغير جواه على حسب الدايرة ،،، بكات،،، عوامه جوانات ...
وانا للأسف اعرف ازاي تظبط الهوا والبنزين على السلانسيه بس الباقي او اني افك كايربيراتير مفتيش بصراحه بس انا بحاول اني الاقي فيديوهات تبع اللانسر عيون صفيه او الايكسيل او المواتير بتاعتنا عموما عن ازاي اظبط الكابيراتير عموما...
دي صور الكاربيراتير اللي عندي
دي من الجنب اليمين للكاربيراتير المسمار اللي من فوق ده بتاع الهوا واللي من تحت بتاع البنزين

ونخللي بالنا ان مسمار البنزين سهل جدا انه يبوظ ف محدش يقرص عليه في الربط لأنه من قدام عامل زي الأبره وممكن يبوظ بطل بساطه وميشتغلش زي ما احنا عايزين وده شكله

شايفين مدبب ازاي




ونيجي لطريقه الظبط
حكمل من البيت معلش والله وقت الشغل خلص والناس هنا عايزين يقفلوا و حيضربوني لو طولت اكتر
ان شاء الله ساعه كده واكمل الموضوع ان شاء الله رب العالمين متزعلش مني يا هيما

الله يبارك فيك اخى الكريم ازعل ايه بس
والله يعجز كلامى عن شكرك
مش حقدر اقول غير جزاك الله عنا خيرا
خد وقتك اخى الكريم وعلى اقل من مهلك
انا بصراحة مش عارف انت صورت الصور دى ازاى
ربنا يبارك فيك
بس اكيد شحمت ايدك والتليفون فى الشغلانة دى وممكن كمان الهدوم دخلت فى الموضوع
معلش انا ازعجتك
خد وقتك
والف شكر ليك
بس انا عايز اناديلك باسم يريت تعرفنا بيك
اخوك ابراهيم الى هو هيما
وانت حتى لو اسم مستعار

[F170]

بسم الله الرحمن الرحيم

انا اسمي مصطفى..f170=fiho
خريج هندسة اسيوط قسم كهرباء الكترونيات واتصالات 2005
بحب العربيات والتكنولوجيا جدا و بموت في قرايه كتيبات التشغيل والصيانة بتاعه اي حاجه تقع تحت ايدي
نرجع للموضوع
بص يا استاذ ابراهيم
المفروض ان العربيه تشتغل في السلانسيه وبرضه (في جميه المراحل .. حمل خفيف .. حمل تقيل )بأقل كميه مخلوط (بنزين +هوا) ممكنه
والكاربيراتير فيه بوابه متركبه على أكس او دراع يعني متوصل بالسلك بتاع دواسه البنزين كل ما تدوس البوابه دي بتتفتح المفروض البوابه دي تكون حركتها محكومه كويس وعند السلانسيه بتكون فتحتها ديقه جدا او شبه مقفوله ( لو دي مش تمام بيعملو للكاربيراتير حاجه اسمها أكس وباب علشان يرجعها لأصلها) المهم مسمار الهوا اللي عمته بلاستيك ابيض ده بيتحكم في الفتحه بتاعه البوابه دي في السالانسيه كل ما تلفه لجوه (تقفله يعني) ( او مع عقارب الساعه يعني) بتفتح الباب اكتر يعني هوا اكتر يعني مخلوط اكتر يعني سرعه اكبر للموتور على السلانسيه ... ومسمار البنزين ده بيتحكم في كميه البنزين اللي بتتخلط مع الهوا في السلانسيه وبأكد تاني المسمار ده سهل جدا يبوظ اول ما تلاقيه مش عايز يلف لجوه تاني متجبروش على انه يلف او "متقرطش" عليه بمعنى اخر ابدا
طريقه طبط المخلوط على السلانسيه
في الأول الموتور لازم يكون سخن (المروحه تشتغل مره على الأقل ) ومعليهوش حمل (مروحه - كاسيت اي حمل كهربي مش عايزينه لو اشتغلت المروحه وانت شغال استناها تخلص مش حتاخد دقيقتين في الشتا ده )و حتظبط سرعه الموتور بتاعك بالمسمار بتاع الهوا (اللي عمته بلاستيك على حولي 750 - 850 rpm لو عندك rpm في العربيه يبقى على الشرطه اللي قبل الواحد لو معنكش حاول تشوف عربيه حد من زمايلك وياريت لو تكون انجكشن علشان بتكون مضبوطه على القيمه دي تقريبا ( انا ظبطت بتاعتي على صوت عربيه والدي نيو اكسنت ... وقفت العربيتين جنب بعض و ضبط سرعه موتوري زي سرعه موتوره بالسمع بالتقريب) وبعد كده نبدأ
1- حنلف (نربط )المسمار بتاع البنزين لجوه ( مع عقارب الساعه ) لفه لفه لغايه ما تلاقي العربيه بدأت متبقاش منتظمه تقف وترجع نص لفه
2- تلف المسمار بتاع الهوا لبره ( عكس عقارب الساعه)كأنك بتفك المفروض حتلاقي الموتور الrpm بتاعه زاد لغايه ما يوصل ل750 -850 تاني تقف وتعيد رقم واحد تاني
3- تفضل تكرر الموضوع ده لغايه ما توصل لأنك مش قادر تقفل مسمار البنزين تاني ويفضل الrpm على 750-850 (غالبا حيكون من تاني او تالت مره بالكتير)

احنا كده بنقلل البنزين فبتزين نسبه الهوا في المخلوط ( متبقاش 14.7:1) فبنقلل الهوا علشان تكون مظبوطه وبعد كده نقلل البنزين تاني ونقلل الهوا وهكذا ... علشان تشتغل العربيه بأقل نسبه بنزين هي محتاجاها فعلا....

يارب تقدرو تستفيدوا بجد

[singary2010]

المهندس مصطفى ممكن رقم تليفونك علشان عندى ليك اسئله لو سمحت

[dr3mb]

متشكر اوى يا جماعة على سرعة الرد

وربنا يعنى على افادتكم باى معلومة

بالنسبة للعربية موديل95 كاملة مانويل بس التكييف محتاج كمبروسر

شركة جوة بس رشة برة ماعدا السقف

موتورها80%

شاريها على 29.5

وصرفت عليها 1000 كان فيها حتة برومة عند الباب عملتها ورشيتها

وغيرت الفلاتر وسير الكاتينة

بس الرخصة بتاعتها هتخلص 3/2011

[wael6]

السلام عليكم
ايه اهم اجزاء الكربراتير الموصي بصيانتها او التى تسبب مثلا
1- صعوبة فى الدوارة
2- زيادة استهلاك البنزين
3- رعشة لمبة الزيت ع السلانسية
4-خنقة فى سحب طلعة العربيه (( عربيتي اكسيل 1500 اتوماتيك ))
5- هل الكربراتير يسبب رعشه للعربيه اثناء ما هى ع السلانسية ام قواعد الماتور علما بانى لما بدوس بنزين كل اصوات الرجه والرعشه بتروح خالص
6- النور ضعيف ع السلانسية ولما ادوس بنزين وامشي بيزيد ( ده ظبطة سلانسيه ولا شحن دينامو )
7- هو ثمن الكربراتير جديد كام واستيراد كام وما الافضل ؟؟؟
اسف للاطاله وارجو الافاده

[hema_hn]

بسم الله الرحمن الرحيم

انا اسمي مصطفى..f170=fiho
خريج هندسة اسيوط قسم كهرباء الكترونيات واتصالات 2005
بحب العربيات والتكنولوجيا جدا و بموت في قرايه كتيبات التشغيل والصيانة بتاعه اي حاجه تقع تحت ايدي
نرجع للموضوع
بص يا استاذ ابراهيم
المفروض ان العربيه تشتغل في السلانسيه وبرضه (في جميه المراحل .. حمل خفيف .. حمل تقيل )بأقل كميه مخلوط (بنزين +هوا) ممكنه
والكاربيراتير فيه بوابه متركبه على أكس او دراع يعني متوصل بالسلك بتاع دواسه البنزين كل ما تدوس البوابه دي بتتفتح المفروض البوابه دي تكون حركتها محكومه كويس وعند السلانسيه بتكون فتحتها ديقه جدا او شبه مقفوله ( لو دي مش تمام بيعملو للكاربيراتير حاجه اسمها أكس وباب علشان يرجعها لأصلها) المهم مسمار الهوا اللي عمته بلاستيك ابيض ده بيتحكم في الفتحه بتاعه البوابه دي في السالانسيه كل ما تلفه لجوه (تقفله يعني) ( او مع عقارب الساعه يعني) بتفتح الباب اكتر يعني هوا اكتر يعني مخلوط اكتر يعني سرعه اكبر للموتور على السلانسيه ... ومسمار البنزين ده بيتحكم في كميه البنزين اللي بتتخلط مع الهوا في السلانسيه وبأكد تاني المسمار ده سهل جدا يبوظ اول ما تلاقيه مش عايز يلف لجوه تاني متجبروش على انه يلف او "متقرطش" عليه بمعنى اخر ابدا
طريقه طبط المخلوط على السلانسيه
في الأول الموتور لازم يكون سخن (المروحه تشتغل مره على الأقل ) ومعليهوش حمل (مروحه - كاسيت اي حمل كهربي مش عايزينه لو اشتغلت المروحه وانت شغال استناها تخلص مش حتاخد دقيقتين في الشتا ده )و حتظبط سرعه الموتور بتاعك بالمسمار بتاع الهوا (اللي عمته بلاستيك على حولي 750 - 850 rpm لو عندك rpm في العربيه يبقى على الشرطه اللي قبل الواحد لو معنكش حاول تشوف عربيه حد من زمايلك وياريت لو تكون انجكشن علشان بتكون مضبوطه على القيمه دي تقريبا ( انا ظبطت بتاعتي على صوت عربيه والدي نيو اكسنت ... وقفت العربيتين جنب بعض و ضبط سرعه موتوري زي سرعه موتوره بالسمع بالتقريب) وبعد كده نبدأ
1- حنلف (نربط )المسمار بتاع البنزين لجوه ( مع عقارب الساعه ) لفه لفه لغايه ما تلاقي العربيه بدأت متبقاش منتظمه تقف وترجع نص لفه
2- تلف المسمار بتاع الهوا لبره ( عكس عقارب الساعه)كأنك بتفك المفروض حتلاقي الموتور الrpm بتاعه زاد لغايه ما يوصل ل750 -850 تاني تقف وتعيد رقم واحد تاني
3- تفضل تكرر الموضوع ده لغايه ما توصل لأنك مش قادر تقفل مسمار البنزين تاني ويفضل الrpm على 750-850 (غالبا حيكون من تاني او تالت مره بالكتير)

احنا كده بنقلل البنزين فبتزين نسبه الهوا في المخلوط ( متبقاش 14.7:1) فبنقلل الهوا علشان تكون مظبوطه وبعد كده نقلل البنزين تاني ونقلل الهوا وهكذا ... علشان تشتغل العربيه بأقل نسبه بنزين هي محتاجاها فعلا....

يارب تقدرو تستفيدوا بجد

مهندس مصطفى وان شاء الله تبقى دكتور مصطفى
جزاك الله خير يا بروف
اكيد استفدنا كتير منك باسلوبك السهل البسيط
معلش يا درش انا كنت قلتلك مشكلتى
العربية عندى بتبقى كويسة جدا جدا لما تسخن ومش بشتكى منها فى أى شئ بعد لما مؤشر الحرارة يوصل عند الشرطة
المشكلة عندى فى التسخين بحس انى بستهلك كمية بنزين كتيرة قوى عشان بقعد اكارك بنزين كتير
الى بيحصل عندى بالظبط
1) اقول بسم الله الرحمن الرحيم
2) سنة بنزين
3) اشغل العربية الار بى ام بيعلى لحد 2000 والعربية بتبقى زى الفل
4) بعد 20 ثانية اللاقى الر بى ام ينزل زى الصاروخ لتحت والعربية تبطل
5) بضطر انى اكارك بنزين عشان لو معملتش كدا العربية تبطل
بعد حوالى 8 دقائق من التسخين = استهلاك حبة بنزين حلوين مؤشر الحرارة وصل للشرطة والعربية بقت جاهزة فى الانطلاق ولو وقفت فى اشارة الار بى ام بيبقى على 850 زى محضرتك قلت

نسيت حاجه انا شلت العمة قبل الدوارة وفى خلال الـ 20 ثانية فى اول الدوارة قفلت البوابة الى فوق فى الكربراتير بلاقى العربية عالية بس لو شلت بلاقى البوابة بتتفتح على طول يعنى فى طريقها للفتح كأنه مثلا زى باب منزل وواحد زقه وبيفضل يتفتح بالراحة واول لما يبقى رأسى يعنى مفتوح لتحت مش بيقفل مرة تانية وان شاء الله حصورهولك واوريك البوابة دى
على فكرة انا عندى بكرتين عندى البلاستك الكبيره وجمبها وحده صغيرة وان شاء الله حصورهولك من الخلف

والف شكر ليك ولسعة صدرك يا هندسا قصدى يا دكتره
خد وقتك وبعد شغلك رد عليا
ولو مردتش والله انا مش زعلان كفاية شوية الزبد الى انت كتبتهم

[meller]

بسم الله الرحمن الرحيم
وش السلندر ضرب يعني جوان وش السلندر ضرب ومبيحكمش الكبس ودوره المياة والزيت
و طبيعي الميه ممكن تطلع من الشكمان في الحاله دي علشان المية شويه منها بيدخل غرفه الاحتراق

وش السلندر نفسه ساعات ممكن يقفع او ميبقاش سطحه مستوي وده بسبب الحراره الزياده اللي ممكن يوصلها حتت وحتت لأ بسبب ان دوره التبريد مش شغاله كويس

صباح الفل
الحمد الله ياجماعة طلع الموضوع عندي جوان وش السلندر والحمد الله خلصت الموضوع ده امبارح وكلفني 266 جنية والمصاريف كالاتي :-
2 جوان وش السلندر 40
فلتر زيت 15
اولسية كامة 5
كيلو ونص زيت 11
بوجيهات ngk 45 لاني كنت مطر
مصنعية 150 جنية

بس هنا فية سوال هل 150 جنية علي المصنعية كتير مع العلم ان الميكانيكي اشتغل في العربية من الساعة 5:30 حتي الساعة 12:30

[F170]

المهندس مصطفى ممكن رقم تليفونك علشان عندى ليك اسئله لو سمحت

رقمي حتلاقيه على الخاص عندك

[ABOASSEM]

متشكر اوى يا جماعة على سرعة الرد

وربنا يعنى على افادتكم باى معلومة

بالنسبة للعربية موديل95 كاملة مانويل بس التكييف محتاج كمبروسر

شركة جوة بس رشة برة ماعدا السقف

موتورها80%

شاريها على 29.5

وصرفت عليها 1000 كان فيها حتة برومة عند الباب عملتها ورشيتها

وغيرت الفلاتر وسير الكاتينة

بس الرخصة بتاعتها هتخلص 3/2011

اشكرك علي الرد وانشاء الله ربنا يعنيك وتشد لتكييف والعربية كلها وتمشي في طريق الخير ويحفظك ويحفظها من كل شر وتحياتي لاهل المحله الجدعان

[hema_hn]

صباح الفل
الحمد الله ياجماعة طلع الموضوع عندي جوان وش السلندر والحمد الله خلصت الموضوع ده امبارح وكلفني 266 جنية والمصاريف كالاتي :-
2 جوان وش السلندر 40
فلتر زيت 15
اولسية كامة 5
كيلو ونص زيت 11
بوجيهات ngk 45 لاني كنت مطر
مصنعية 150 جنية

بس هنا فية سوال هل 150 جنية علي المصنعية كتير مع العلم ان الميكانيكي اشتغل في العربية من الساعة 5:30 حتي الساعة 12:30

حمدللة على السلامة يا ميللر
بالنسبة للمصنعية انا كنت عملت الموضوع ده من خمس سنين بـ 150
سيبك من 150 كان اخانا المهندس مصطفى قلنا ان غلط جوانين وانت قلت ركبت جوانين
عيزين نسمع تعلقك وتعليق اخونا مصطفى

[hema_hn]

رقمي حتلاقيه على الخاص عندك

وانا كمان ربنا يخليك

[mero25]

الاسبوع دة حصل معايا مشكلة ان العدادات الحمد لله كلها شغاله
بس موشر الحرارة نايم كأن الكونتكت مقفول وبالتالى مش بتحرك ولا اعرف هل العربية سخنت ولا لاء
يا ترى حد وجهتة المشكاة دى او يعرف ممكن يكون عيب اية
طيب اوديها لمين يصلحة - اعتقد انه مهم جدا خاصة فى سيارة موديل 1996

ارجو المساعدة والاهتمام بالرد
فى الانتظار

[F170]

صباح الفل
الحمد الله ياجماعة طلع الموضوع عندي جوان وش السلندر والحمد الله خلصت الموضوع ده امبارح وكلفني 266 جنية والمصاريف كالاتي :-
2 جوان وش السلندر 40
فلتر زيت 15
اولسية كامة 5
كيلو ونص زيت 11
بوجيهات ngk 45 لاني كنت مطر
مصنعية 150 جنية

بس هنا فية سوال هل 150 جنية علي المصنعية كتير مع العلم ان الميكانيكي اشتغل في العربية من الساعة 5:30 حتي الساعة 12:30

بسم الله الرحمن الرحيم
يا ميللر مكنتش سيبته يركبلك جوانين وش سليندر ...
لأن ده مش صح خالص .... الصح لو هو خايف ان وش السليندر مقفع كان وداه لمخرطه سواه ببعضه تاني .... عموما ركز مع الحراره اليومين دول وقولنا ايه الأخبار ربنا يكفينا ويكفيك شر العربيات

[F170]

الاسبوع دة حصل معايا مشكلة ان العدادات الحمد لله كلها شغاله
بس موشر الحرارة نايم كأن الكونتكت مقفول وبالتالى مش بتحرك ولا اعرف هل العربية سخنت ولا لاء
يا ترى حد وجهتة المشكاة دى او يعرف ممكن يكون عيب اية
طيب اوديها لمين يصلحة - اعتقد انه مهم جدا خاصة فى سيارة موديل 1996

ارجو المساعدة والاهتمام بالرد
فى الانتظار

بسم الله الرحمن الرحيم
انت مقولتش الأول نوع العربيه 1500 ولا 1300 ولا انجكشن ولا ايه عموما ده غالبا حساس الحراره ( الميكانيكيه بيقولوا عليها ساعه الحراره ) يا اما باظ يا اما السلك اتقطع منه او وقع او في مشكله في التوصيل للعداد يا اما اخر حاجه يكون العداد نفسه بتاع الحراره باظ ....
و مكانها في المانيفولد تحت كوعه الثرموستات زي في الصوره كده