رابطة مالكى الاكسيل-الجزء الأول

[M.FOUAD]

انا عندي مشكلتين وعايز حد يقولي اعمل اية فيهم:-
المشكلة الاولي :-
وانا ماشي بالعربية بتكون مايله نحية الشمال مش عارف لية

المشكلة التانية :-
امبارح الحمد الله ربنا كرمني وجبت كاوتش جديد وروحت عند بتاع كاوتش علشان اركبهم المهم والراجل بيشيل العاجله الا وارء يمين لاقيت ان الجنط مليان زيت من جوه وبعدين شوفت زيت الباكم لاقيته ناقص فكملت علية ومش عارف برده العيب ده يكون من اية

بالنسبة للمشكلة الاولى اتاكد الاول ان المساعدين اللي قدام سلام و مبيعرقوش زيت لو فيهم حاجة غيرهم علطول عشان الاكسيل صاجها ضعيف و ممكن تشرخ الركب
لو طلعوا سلام خلي العفشجي يركبلك علاية و مش هتكلفك غير 10 جنية
بالنسبة للتانية زي ما الاخوة قالولك يا اما ماستر خلفي و وصلة زيت و لازم تحلها بسرعة عشان كدة زيت الباكم هيفضل يقل منك و ممكن باقي الوصلات تتسد

[ahmedzizo131]

و ماستر الفرامل مين اللى بيغيره ميكانيكى ولا عفشجى ؟

بسم الله الرحمن الرحيم
طبعا المكيانيكي بس و لازم ياخد هواء من الفرامل بعد التركيب

[hema_hn]

بالنسبة للمشكلة الاولى اتاكد الاول ان المساعدين اللي قدام سلام و مبيعرقوش زيت لو فيهم حاجة غيرهم علطول عشان الاكسيل صاجها ضعيف و ممكن تشرخ الركب
لو طلعوا سلام خلي العفشجي يركبلك علاية و مش هتكلفك غير 10 جنية
بالنسبة للتانية زي ما الاخوة قالولك يا اما ماستر خلفي و وصلة زيت و لازم تحلها بسرعة عشان كدة زيت الباكم هيفضل يقل منك و ممكن باقي الوصلات تتسد

احسن تحية واحلى سلام لفؤاد باشا نورتنا يا باشا ويريت متحرمناش من مشاركاتك

[hema_hn]

آخر صيانة لينا كانت امبارح وغرمتنى 100 على الفاضى وكان حلها سهل جدا هو ربط مسمارين
الشكوى ان العربية وهى ماشية على الاول او الثانى وارفع رجلى من على البنزين احس بخبطه ولما اجى احمل بنزين اسمع الخبطه تانى والعيب ده بيديقنى لما اجى انقل من سرعة لسرعة لازم اسمع الخبطه دى زى مكان عندى فى العربية الجر خلفى كان عندى بوش فى الكرونة وعلبال ما النقله التانية تحمل اسمع رزعه خلف العربية
الراجل العفشجى قلى العربية متربطة وكله تمام رو للميكانيكى لي يبصلك على قواعد الموتور الميكانيكى قلى القواعد سليمة وكيويسة بس عندك الشداد الى تحت الجيربوكس عايز يتغير جبت واحد بـ 45 جنيه وركبه بـ 10 وطبعا ورانى القديم مقطوع عشان مفتحش بقى معاه والصوت زى ما هو قلى العيب ده فى الكوبلن الداخلى فى الجمب اليمين
رحت للعفشجى بس الغلط بتاعى انى قلتله الميكانيكى قال ايه عشان اللفندى على طول حل الكوبلن ودخلنى فى دايرة مغلقة بس عدت على خير ركبه تانى واطلع جرب وكل حاجه زى ما هيا
المهم قلت للعفشجى انزل البير وانا اسمعلك الصوت قعدت اجيب الاول واسمعه الصوت واجيب مرشدير واسمعه الصوت لحد لما طلع ان فيه قعده مسكه الموتور بالشاسيه متثبته بمسمارين واحد مش موجود والتانى مفكوك وتم ربطهم وطبعا اللفندى حس انه عمل انجاز كبير وضرب منى 40 جنيه
الظاهر ان مفيش صنيعى بيفهم اليومين دول حتة عيب مش عرفين يطلعوه اذا كان عفشجى ولا ميكانيكى
والحمد لله
معلش طولت عليكم بس حبيت اشرحكم بالتفصيل عشان الناس تستفاد

[Lion_Heart]

الحمد لله انها جت على كده كان ممكن تصرف اضعاف المبلغ و كمان ما تعرفش توصل للعيب
انته فى مصر

[hema_hn]

الحمد لله انها جت على كده كان ممكن تصرف اضعاف المبلغ و كمان ما تعرفش توصل للعيب
انته فى مصر

شكرا يا ليون مش عارف حنلاقى ناس بتفهم امتى

[dr_raveheart84]

انا عندي رجه في العربيه بحس بيها في التابلوه والدركسيون
الغريب انها بتختفي لما بزود شويه بنزين

غيرت قواعد الماتور ولسه موجوده انتو ايه رايكم؟

[ahmedzizo131]

انا عندي رجه في العربيه بحس بيها في التابلوه والدركسيون
الغريب انها بتختفي لما بزود شويه بنزين

غيرت قواعد الماتور ولسه موجوده انتو ايه رايكم؟

بسم الله الرحمن الرحيم
اظبط الكربيرتير
و على الموتور شوية

[hema_hn]

انا عندي رجه في العربيه بحس بيها في التابلوه والدركسيون
الغريب انها بتختفي لما بزود شويه بنزين

غيرت قواعد الماتور ولسه موجوده انتو ايه رايكم؟

تعرف انا انهرده لقيت الرجه دى فى العربية وفعلا فكيت السماعات الى على اليمين والشمال بقول يمكن حاجه مفكوكه هى الى بتعمل الصوت ده تخيل لقيت ايه الكبوت هو الى بيعمل الصوت ده ومسمع فى التابلوه اول ميعمل الصوت ده طلع ايدك من الشباك وحطها على الكبوت لعل وعسى يطلع هو السبب زى عندى وتبقى حاجه سهله

[hasyou2004]

انا عاوز عربية اكسيل 1500 من 94 ل 98 حالة كويسه و سعر كويس حد يقدر يفيدنى

عندي 98 1500 تكييف وسنتر وانذار حالة ممتازه في المنصورة

[dr_raveheart84]

بسم الله الرحمن الرحيم
اظبط الكربيرتير
و على الموتور شوية

اوك هجرب واقول لحضرتك

[ahmedzizo131]

اوك هجرب واقول لحضرتك

بسم الله الرحمن الرحيم
و انا مستنى ردك بالنتيجة
باذن الله خير

[meller]

اولا شكر لا كل الاعضاء الا ردوا علي مشركتي واحب اسرد الحل بالنسبة للمشكلة التانية وهو فعلا مستر فرامل زي ما كل معظم او كل الاعضاء قالوا وانا جبت 2 كوري علشان الافضل والامن انك تغير الاتنين معا والسعر موجود في رابطة قائمة الاسعار .

اما بالنسبة للمشكلة الاولي لم يتم الحل بعد وان شاء الله اول ما يتم الحل سوف اضعة هنا لتعم الفائدة

[meller]

انا كنت طرحت الموضوع ده قبل كدة بس عايز اسئل فية تاني وهو موضوع الزيت فيه ناس قالولي حط زيت شل الاحمر بس الميكانيكي قالي حط زيت تعاون وغيره كل 1000 كم وعلي فكرة الميكانيكي بتاعي كويس جداااااااااااااااااااااااااا
اية راي الاعضاء في الموضوع ده ياريت حد يقولي اية اخبار زيت التعاون معاه ؟

[ahmedzizo131]

انا كنت طرحت الموضوع ده قبل كدة بس عايز اسئل فية تاني وهو موضوع الزيت فيه ناس قالولي حط زيت شل الاحمر بس الميكانيكي قالي حط زيت تعاون وغيره كل 1000 كم وعلي فكرة الميكانيكي بتاعي كويس جداااااااااااااااااااااااااا
اية راي الاعضاء في الموضوع ده ياريت حد يقولي اية اخبار زيت التعاون معاه ؟

بسم الله الرحمن الرحيم
بصراحة عن نفسي انا بستعمل شيل الاحمر بحوالى 61.00 جنيها و بيغيرة كل 3000 كم