رابطة مالكى الاكسيل-الجزء الأول

[maro2007]

بسم الله الرحمن الرحيم

طيب الميكانيكي وهو بيغير الكرسي اللي من قدام عند الشنب مفكش الكمره اللي ماسكاه هو اللي من ورا ... لأن الكمره دي بتكون فيها 4 جلب كوتش برضه علشان تقلل الأهتزاز ... ودول لو تعبانين حتحس بموضوع الفايبريشن ده :)

مفكش الكمره اللي ماسكاه هو اللي من ورا
تقصد ايه بالكمره دى قصدك الحديده الى راكبه فيها القاعده
الاماميه والخلفيه الى ماسكين الموتور من تحت

وياريت توضحلى ال 4 جلب دول بيكونو فين بالظبط

[F170]

الساده الاعضاء كل ثوره وانتوا طيبين
إليكم اخر التطورات
أخيرا حليت مشكلة الزيت اللى كان بينزل من تحت المكنه ويغرق المكنه كلها من تحت واللى بسببه غيرت جوان كراتيرت الزيت مرتين
النهارده غيرت أويل سيل الكارنك الامامى وكان هوه السبب
والاويل سيل ده منه 2 واحد امامى وواحد خلفى الامامى كبير والخلفى صغير والامامى ناحية الفتيس والخلفى ناحية الشمال والثمن 10 جنيه والمصنعيه 80 جنيه مع الرأفه لانه بيفك المكنه من الفيتيس وكمان لقيت كاوتشت احد الكابالن مشققه غيرتها اشتريت واحده المانى ب 30 جنيه
وبعد كده غيرت زيت الفتيس واخد 2 كيلو ونص ب 30 جنيه ولكن النوع كان رقمه 140 التعاون والراجل قالى ده زيت للصيف وفى زيت للشتاء اللى هوه 90
علشان كده كنت عايز اسئل هل فى زيت للشتاء وزيت للصيف؟

بسم الله الرحمن الرحيم
تسضك انا كده اتضايقت من الموبايل .... لأني مسمعتش خالص الموبايل ومخدتش بالي غير وانا في البيت بعد ما روحت ان في مسد منك انت و واحد صاحبي ولما رنيت عليك لقيتك مرديتش كانت الساعه بتاع 4.30 فخفت تكون نايم .... انا اسف اني مسمعتوش ...
المهم هو احنا كنا اتكلمنا قبل كده عن الموضوع ده لو تفتكر ياباشا وقتلك انه الزيت بتاعها بيكون في منه جركن شيل لونه احمر صغير و رقمه 80w-90 انما ده تقيل وغالبا حيكون صوت الفتيس عالي وانت على الغيار التاني... عموما امشي بيه حبه بسيطه بس منين ما تسمع صوت الفتيس علي و تلاقي الغيارات خشنه غيره على طول ... و انا افضل انك في اقرب فرصه تفضى فيها تغيره على طول ...
ومبروك على شغل الكهرباء وربنا يباركلك في عربيتك وعربياتنا جميعا

[F170]

مفكش الكمره اللي ماسكاه هو اللي من ورا
تقصد ايه بالكمره دى قصدك الحديده الى راكبه فيها القاعده
الاماميه والخلفيه الى ماسكين الموتور من تحت

وياريت توضحلى ال 4 جلب دول بيكونو فين بالظبط

بسم الله الرحمن الرحيم

* انا مكتبتهاش صح لامؤاخذه اللي مسكاه هو واللي* ورا

اه هي الكمرة دي اللي بيركب عليها بيكون ليها جلبتين من قدام و اتنين من ورا
ودي صورتها



الدواير الحمرا هي دي الجلب اللي في الكمرة وده اللي في دماغى دلوقت للاسف تاني ممكن تكون سبب القرف ده ....

[magid1010]

بسم الله الرحمن الرحيم
معندناش للأسف موجوده في الأنجكشن بس احنا طرمبه ميكانيكيه ...
ممكن تعمل حاجه تاني ... تشيل الفيوز ال30 امبير بتاع المارش ده في علبه الفيوزات الي في الموتور بس مش عارف كل يوم قبل ما تشغل حتفتح الكبوت علشان تركبه ... ( انا مش مقتنع بده بس مع الظروف اليومين دول ممكن تجرب) ... انا مش متأكد هو انهي واحد حشوفه و ارد عليك بكره ان شاء الله

شكرا جدا لذوقك يا باشا الكبير كبيرمعلش سؤال العداد rpm مفيد لانى بفكر اشترى واحد و بفكر برده اغير الفتيس ب 5 غيار بدل 4 ايه رايك ؟

[maro2007]

بسم الله الرحمن الرحيم

* انا مكتبتهاش صح لامؤاخذه اللي مسكاه هو واللي* ورا

اه هي الكمرة دي اللي بيركب عليها بيكون ليها جلبتين من قدام و اتنين من ورا
ودي صورتها



الدواير الحمرا هي دي الجلب اللي في الكمرة وده اللي في دماغى دلوقت للاسف تاني ممكن تكون سبب القرف ده ....

متشكر جدا على زوقك وردك وفعلا انا عمرى ما كشفت على الجلب دى

هكشف عليهم واقولك على النتيجه وياريت يكونو منهم

[F170]

شكرا جدا لذوقك يا باشا الكبير كبيرمعلش سؤال العداد rpm مفيد لانى بفكر اشترى واحد و بفكر برده اغير الفتيس ب 5 غيار بدل 4 ايه رايك ؟

بسم الله الرحمن الرحيم
انا برضه بفكر جديا في موضوع الrpm ده لأنه مهم جدا و بيدلك احساس تاني بالموتور مظبوط ولا لأ (سالانسيه .... اقصى حمل و كده ...) و بالنسبه للفتيس اهم حاجه تاخده على تجربه و يستحسن تغير الزيت اللي فيه و يكون من موتور او نص عربيه قدامك ....
و الفايده الوحيده والرئيسية اللي حتاخدها ان صوت الموتور حيهدى بعد ما تعدي 100 بالغيار الخامس ... لأن باقي الغيارات هي هي

[magid1010]

الف شكر يا باشا و الله مش عارف اشكرك ازاى طيب معلش سؤال تانى انا غيرت زيت الفتيس لكن دلوقتى بالاقى صعوبه فى النقل الاول و الثانى بس بحس انه مش بيعشق بسهوله ده من الزيت؟

[F170]

[QUOTE=magid1010;3873312421]الف شكر يا باشا و الله مش عارف اشكرك ازاى طيب معلش سؤال تانى انا غيرت زيت الفتيس لكن دلوقتى بالاقى صعوبه فى النقل الاول و الثانى بس بحس انه مش بيعشق بسهوله ده من الزيت؟ [/QUOTE

بسم الله الرحمن الرحيم
غيرتة بزيت كام ؟؟؟ لزوجتة كام؟؟؟؟ والموضوع ده بيروح بعد ما تمشي شويه والعربيه تسخن ولا موجود على طول.....؟؟؟
المفروض تحط زيت فتيس لزوجته من75w لغايه 85w

[semsem7777]

شباب الله ينور على الموضوع واسمحولي انضم اليكم انا لسه شاري اكسيل 96

ليا كذا سؤال
1- الراجل صاحبها بيحط بنزين 90 مش ممكن اتدانئ واحط 80 لان فرق السعر مغري بجد بس ايه الخطورة ؟
2- الزيت المناسب للعربية لاني شايفه بيحط موبيل 5000
3- هل العربية تحتاج اغيرلها سيور ولا لأ وياترى هيا سير تقسيمة ولا كاتينة
4- انا امبارح نضفت الردياتير لان الماء داخله مصدي واصفر غامق بس ملقتش ماء اخضر فياترى اي نوع احسن للعربية
5- بالنسبة للعفشه بحس بالمطب جامد في الارضية ياترى هي العفشه كده ضعيفة ولا الكاوتشات متاكلة
6- العربية محتاجه جلد كاوتش للاسكترا - بيانو-
7- الراجل هوه اول مالك للعربية من الزيرو وعاملة 132 الف كيلو فقط بس محتاج بربريز قدام عشان التاني فيه شرخين بيعمل كام

على فكره المرور في اسكندرية بيقولوا لغوا النمر الجديدة عشان اتسرق منها 2000 نمره ودوني تصريح ل 3 شهور عشان يكونوا اشتغلوا

انا من اسكندرية واسف للاطالة بس ياريت لو تعرفوا ميكانيكي وعفشجي محترمين تقولولي

[نور القمر]

ممكن اعرف سعر الاسبراتير استيراد كام

[kabel_460]

hgs

السلام عليكم انا معايا حوالي 33 الف و عايز اجيب عربيه وكنت هجيب كيا برايد هاتش باك بس ناس قالولي هات إكسيل احسن فا انا عايز اعرف العربيه فيها مشاكل كتير او كده يعني و لا ايه نظامها انا كان معايا عربيه 128 نوفا وكانت مطلعه عيني وكنت بروح للميكانيكي مره او مرتين و يمكن اكتر في الشهر و كنت بصرف عليها في حدود من 200 ل 500 جنيه فا انا معقد من الموضوع ده فا العربيه دي ايه نظامها و اكون شاكر لو حد رد عليا

[magid1010]

[QUOTE=F170;3873312907]

الف شكر يا باشا و الله مش عارف اشكرك ازاى طيب معلش سؤال تانى انا غيرت زيت الفتيس لكن دلوقتى بالاقى صعوبه فى النقل الاول و الثانى بس بحس انه مش بيعشق بسهوله ده من الزيت؟ [/QUOTE

بسم الله الرحمن الرحيم
غيرتة بزيت كام ؟؟؟ لزوجتة كام؟؟؟؟ والموضوع ده بيروح بعد ما تمشي شويه والعربيه تسخن ولا موجود على طول.....؟؟؟
المفروض تحط زيت فتيس لزوجته من75w لغايه 85w

شكرا على اهتمامك مش عارف لزوجتة كام لانى اديته لواحد صحبى هو اللى غيره بس العربيه مش بتسخن و هو موجود على طول تفتكر ممكن يكون من الدبرياج لان واحد قالى ممكن تكون دبله الدبرياج ناطره من مكانه بس مش عارف يعنى ايه

[beshomilan]

شباب الله ينور على الموضوع واسمحولي انضم اليكم انا لسه شاري اكسيل 96

ليا كذا سؤال
1- الراجل صاحبها بيحط بنزين 90 مش ممكن اتدانئ واحط 80 لان فرق السعر مغري بجد بس ايه الخطورة ؟
2- الزيت المناسب للعربية لاني شايفه بيحط موبيل 5000
3- هل العربية تحتاج اغيرلها سيور ولا لأ وياترى هيا سير تقسيمة ولا كاتينة
4- انا امبارح نضفت الردياتير لان الماء داخله مصدي واصفر غامق بس ملقتش ماء اخضر فياترى اي نوع احسن للعربية
5- بالنسبة للعفشه بحس بالمطب جامد في الارضية ياترى هي العفشه كده ضعيفة ولا الكاوتشات متاكلة
6- العربية محتاجه جلد كاوتش للاسكترا - بيانو-
7- الراجل هوه اول مالك للعربية من الزيرو وعاملة 132 الف كيلو فقط بس محتاج بربريز قدام عشان التاني فيه شرخين بيعمل كام

على فكره المرور في اسكندرية بيقولوا لغوا النمر الجديدة عشان اتسرق منها 2000 نمره ودوني تصريح ل 3 شهور عشان يكونوا اشتغلوا

انا من اسكندرية واسف للاطالة بس ياريت لو تعرفوا ميكانيكي وعفشجي محترمين تقولولي

اولا مفيش مشاكل من بنزين 80 وانا بستعمله بس ممكن تظبط الكهربا فى العربية
ثانيا انا بحط زيت شل الاصفر 4000 كيلو وده ممتاز
ثالثا لازم تغير سيورها كلها وده أأمن لحضرتك جدا
رابعا افضل نوع مياه خضرا هو مياه موبيل ب 58 جنيه وتزودها مياه مقطرة واوعى تستعمل مياه عادية ابدااااااااااا بس قبل ماتزود المية الخضرا لازم تنضف الريداتير كوييييييييس جداااااااااااا
خامسا حضرتك ممكن عيب كاوتشات مش منفوخة كويس او المساعدين تعبانة
سادسا جلد كاوتش الاسكترا مش هقدر افيدك فيه صراحة لانى مجربتوش
سابعا حضرتك بتروح محل زجاج سيارات وبتسال على تمنه ويركبهولك

ولو اى حاجة انا فخدمتك

[beshomilan]

[QUOTE]السلام عليكم انا معايا حوالي 33 الف و عايز اجيب عربيه وكنت هجيب كيا برايد هاتش باك بس ناس قالولي هات إكسيل احسن فا انا عايز اعرف العربيه فيها مشاكل كتير او كده يعني و لا ايه نظامها انا كان معايا عربيه 128 نوفا وكانت مطلعه عيني وكنت بروح للميكانيكي مره او مرتين و يمكن اكتر في الشهر و كنت بصرف عليها في حدود من 200 ل 500 جنيه فا انا معقد من الموضوع ده فا العربيه دي ايه نظامها و اكون شاكر لو حد رد عليا ]QUOTE]



حضرتك راجع الموضوع ده وهتلاقى فيه ردود على كل اسالتك

http://www.nilemotors.net/Nile/200679-96.html

[beshomilan]

سؤال بس يا اخواتى

هو لما تنور لمبة البطارية واللمبة اللى جنبها اللى بتطفى لما تنزل فرامل اليد فى التبلوه معناه ايه؟؟؟
وولعوا حوالى 10 دقايق وطفوا لوحديهم فده معناه ايه؟؟

علما انها اول مرة تنور لمبة فرامل اليد دى وانا ماشى..ولمبة البطارية بقت فى الاونة الاخيرة تنور وانا ماشى وهى بترعش كده ولما ادوس بنزين تطفى يعنى بتنور وانا واقف بس او على سرعة بطيئة فده معناه ايه؟؟؟

علما كمان ان بطاريتى 44 امبير وسائلة وقديمة..ولو حبيت اجيب جديده اجيب 55 ولا 70 امبير وايه افضل ماركة وبكام؟؟

بس خوفى الاكبر من الموضوع ده ان يكون فيه مشكلة فى الدينامو من اللى بيحصل ده..ارجوكم طمنونى

وشكرا ليكم