رابطة مالكى الاكسيل-الجزء الأول

[alaamousa]

السلام عليكم مالكي الاكسيل

الى اعضاء الرابطة الكرام اذا كان حد عايز يبيع عربيته وتكون كويسة وبيتي وفابريكة دواخل انا شاريها لاني اتفرجت على عربيات معيوبة كتيير ولثقتي في اعضاء المنتدى الكرام فحبيت اسيب طلبي لمالكي الاكسيل في الرابطة وفي انتظار الردود

[alsayedsabry]

صيانة حلاوتهم

السلام عليكم ورحمه الله وبركاته على احلى ناس انا بقالى فترة مش بشارك ببخل بالمعلومات اللى عندى ()
بس ان شاء الله اكون عضو مفيد المهم ... احتاجات حلاوتهم اللى هى سيارتنا الموقرة الى شوية اصلاحات الفترة الماضية انا قلت اكتبها للعبرة والتذكرة
دينامو استيراد ..... 170جنيه
مارش استيراد 1510 جنيه

مروحة ردياتير 150 جنية من عند المنير
تقوية لمبات النور العالى بعمل كتاوت لها وتغير اللمبات 0 لانى مكنتش بشوف وانا ماشى

طلمبة بنزين بحوالى 130 جنية
وده كله فى اخر 12 شهر بس ولله الحمد

اه نسيت اقول
سلك دبرياج كورى 45 جنية وجارى تركيبه

[Tarek_Swelm]

السلام عليكم
ممكن اعرف سعر بايونير 3150 كام جديد ؟
وايه رايكم فيه ولا 2150 ؟؟؟ كامكانيات وهل جديد ولا 3150 مستعمل
معروض عليا ب 400 ج مستعمل لمدة سنه ومحل الكاسيتات بيشكرلي فيه وبيقولى انا فتحته ونضفته بس ومش معمول فيه تصليحات
وياريت كمان اعرف ايه اقل سعر بايونير فيه امكانية تركيب شاشة عرض عليه
وايه معنى كاسيت جرافيك ؟ هل بيعرض ميديا على شاشه ولا رسومات على شاشة الكاسيت نفسه فقط اثناء الاغنيه ؟
اسف للاطاله
وشكرا جزيلا

البيونيير 4250 عامل 900 و اول فئة في البيونير اللي تقريبا 2150 بتبتدي ب 560 اقل او اكتر شوية
بس انا مش مش مركبهم عندي بس اعرف ان البيونيير ممتاز
انا مركب سوني اكسبلود 500 و دة عمل 650 و سماعات 400 وات عملة 300 و اتنين ادام مش فاكر كام وات عملو 130 و صوتة حلو و شكلة شيك بس مش بيشغل شاشات عرض
علي فكرة الشاشات الجديدة بيركب عليها فلاشة علي طول و بيبيق فيها فتحة aux و توصلها للكاسيت علشان يشغل الصوت , دة نظام الاكسبلود اللي عندي
بالنسبة للكاسيت اللي اتفتح و اتنضف , هو الموضوع دة حسب معرفتك و ثقتك في كلام صاحب الكاسيت او المحل
بس نصيحتي , ابعد عن المستعمل و غنيلة طالما انك تقدر تشتري جديد , بالتوفيق ان شاء الله

[kmfb78]

هههههههههههه
حبيبي يا هندسة :)
بص ..انا هقولك الفولة
المفروض بيبقي في نسبة هوا لبنزين وتوقيت شرارة معين
أزاي بقي نعملها !
الخلطة ده بتبقي نسبة البنزين فيها قليلة بالنسبة للهوا
يعني مثلا .. كل جرام بنزين قدامهم 10 جرام هوا
بتتعمل أزاي ؟
قتفل مسمار البنزين لغاية ما تلاقي العربية هتبطل .. كأنه مقفول بس مش قوي
وبعدها تلعب في الهوا لغاية ما يوصل ال rpm للشرطة اللي قبل الواحد
مفيش rpm ... شوف عربية تانية جنبها وأسمع صوت الأتنين
لقيت العربية ملخبطة سنة وحاسس ان الموتور في زي نتشة بسيطة علي السلانسيه .. هتقوم مقلل كهربا شوية
بس :)

حكاية التزويد والتقليل ده مش لازم بعقارب الساعة ... خليها بالصوت
هو عامة زي المسامير العادية .. لما بتفتح المسمار( عكس عقارب الساعة ) بتزود البنزين أو الهوا
والعكس
ولما اظبط الهوا ده و اعلى او اوطيه له تاثير على استهلاك البنزين بالرغم من انا مجتش جمب مسمار البنزين

[kmfb78]

الف سلامه يا باشا والحد لله علي كل شيء وربنا يكرمك يا رب ويعوضك خير ان شاء الله
اخرجك بقي من الزعل انا هاعمل موضوع في منتدي التعديل قريب وهاحط اللينك لان خلاص الخطوات تمت وان شاء الله
قريب جدا هاركب شدادات علوي وسفلي انا النهارده رفعت العربيه والمقاسات جاهزه بس هادور علي حاجه اروجينال الاول لو ما اتوفقتش ان شاء الله هاصمم الموضوع
هاوريك الشكل اللي ينفع عندنا في الاكسيل

لانه هيركب علي المسامير اللي في الركبه والبار التاني هيركب علي مسمار المقص اللي قدام
والاهم بار من فوق وكده نمسك العربيه فوق وتحت وتبقي حمايه للركب وحمايه للحوض من ان الشرخ الشهير يفتح اكتر او انه يحصل لانه عندي الحمد لله لسه ما حصلش

ايه هو الشرخ الشهير ده

[Dojuar]

عندي رجرجة في الدركسيون لما أوصل بالعربية لسرعة 100 ...سببها ايه؟؟

[M.FOUAD]

دلوقتى الميكانيكى فكلى الريداتير ووداه لواحدة نضفه وسلكه وركبته والدنيا تمام
بس المية بتنقص ربع القربة كل مشوار اخرج فيه رغم ان ده مكانش بيحصل قبل فك الريداتير وتسليكه وكان ربع القربة كان بينقص وبزوده كل شهر مثلا او اكتر
ومفيش خروج للمية من القربة او الريداتير ولا اى حاجة بتنقط ولا اى خرطوم بيطلع اى حاجة
علما انى حاطط مية موبيل وبزود ميه مقطرة
بس بشغل التكييف فكل خروجه..فيمكن هو اللى بيستهلك المية دى ولا ايه؟؟

مش عارف العيب ف ايه

وفيه مشكلة تانى بهد اذنكم

العربية اكسيل وبتكركر بعد rpm 3000 على كل الغيارات علما انى بستخدم بنزين 80 ومظبط الكهربا ومبقدرش احرق على اى غيار اكتر من كده لان الكركرة بتعلى..ياترى المشكلة فين؟؟؟

نفس اللي حصل معايا بالضبط من اسبوع في موضوع الراداتير دة و مش لاقيلة حل هجرب اغير الغطا جايز يكون هو السبب و التكييف ملوش دعوة خالص
مشكلة البنزين كدة الكهرباء مش مظبوطة روح لميكانيكي تاني و شوف البوجيهات اخبارها اية

[Eng.Geo]

ولما اظبط الهوا ده و اعلى او اوطيه له تاثير على استهلاك البنزين بالرغم من انا مجتش جمب مسمار البنزين

ماهي نسبة
يعني لو قللت الهوا كدة نسبة البنزين كأنها زادت
يعني أستهلاك أعلي

عندي رجرجة في الدركسيون لما أوصل بالعربية لسرعة 100 ...سببها ايه؟؟

ترصيص

[aboharb]

ايه هو الشرخ الشهير ده

الشرخ ده بيظهر فى مهظم العربيات فى الكارتيره اليمين من العربيه اعلى المساعدين بسبب المساعدين

وبيدى شكل زى شرخ الزجاج وده بيبان فى حوض الموتور

[wael6]

البيونيير 4250 عامل 900 و اول فئة في البيونير اللي تقريبا 2150 بتبتدي ب 560 اقل او اكتر شوية
بس انا مش مش مركبهم عندي بس اعرف ان البيونيير ممتاز
انا مركب سوني اكسبلود 500 و دة عمل 650 و سماعات 400 وات عملة 300 و اتنين ادام مش فاكر كام وات عملو 130 و صوتة حلو و شكلة شيك بس مش بيشغل شاشات عرض
علي فكرة الشاشات الجديدة بيركب عليها فلاشة علي طول و بيبيق فيها فتحة aux و توصلها للكاسيت علشان يشغل الصوت , دة نظام الاكسبلود اللي عندي
بالنسبة للكاسيت اللي اتفتح و اتنضف , هو الموضوع دة حسب معرفتك و ثقتك في كلام صاحب الكاسيت او المحل
بس نصيحتي , ابعد عن المستعمل و غنيلة طالما انك تقدر تشتري جديد , بالتوفيق ان شاء الله

معلش هطول عليك
انا فهمت من كلامك ان شاشة العرض بتشتغل لوحدها من غير كاسيت
بتكون منها فيها بتعرض اللى ع الفلاشه
ودى بتكون اسعارها ايه لو سمحت
ولو انا فهمت غلط
نرجو تصحيح المعلومه
وشكرا جزيلا

[wael6]

السلام عليكم ورحمه الله وبركاته على احلى ناس انا بقالى فترة مش بشارك ببخل بالمعلومات اللى عندى ()
بس ان شاء الله اكون عضو مفيد المهم ... احتاجات حلاوتهم اللى هى سيارتنا الموقرة الى شوية اصلاحات الفترة الماضية انا قلت اكتبها للعبرة والتذكرة
دينامو استيراد ..... 170جنيه
مارش استيراد 1510 جنيه

مروحة ردياتير 150 جنية من عند المنير
تقوية لمبات النور العالى بعمل كتاوت لها وتغير اللمبات 0 لانى مكنتش بشوف وانا ماشى

طلمبة بنزين بحوالى 130 جنية
وده كله فى اخر 12 شهر بس ولله الحمد

اه نسيت اقول
سلك دبرياج كورى 45 جنية وجارى تركيبه

ربنا يباركلك
بس المارش بكام ؟
هل غالى كده فعلا ؟
وشكرا جزيلا

[Survival]

السلام عليكم . عندى الباور بيتقل لما العربية تسخن يمعنى فى فرق كبير بين الباور اول ما اتحرك بالعربية الصبح عن لما اجى اركن العربية بعد اما اخد بيها مشوار لدرجة ان ساعات بحس ان العربية مفيهاش باور و انا ملاحظ ان الموضوع ده زاد مع دخول الصيف و بتاع العفشة قالى غيير الزيت و غيرته بزيت توتال و الموضوع اتحسن شوية لكن لسه فى فرق.
معنى الكلام ان لما زيت الباور بيسخن. الباور بيقل بنسبة كبيرة تصل الى 50% يا ترى دا عيب ايه هل الطرمبه ضعفت و لا فى هوا فى دورة زيت الباور ؟؟
يا ريت اللى يعرف تمن طرمبة الباور يقلى تقريبا كام جديد و استراد
و ايه هى طريقة تفريغ الهوا من دورة زيت الباور

[dotsalah]

السلام عليكم . عندى الباور بيتقل لما العربية تسخن يمعنى فى فرق كبير بين الباور اول ما اتحرك بالعربية الصبح عن لما اجى اركن العربية بعد اما اخد بيها مشوار لدرجة ان ساعات بحس ان العربية مفيهاش باور و انا ملاحظ ان الموضوع ده زاد مع دخول الصيف و بتاع العفشة قالى غيير الزيت و غيرته بزيت توتال و الموضوع اتحسن شوية لكن لسه فى فرق.
معنى الكلام ان لما زيت الباور بيسخن. الباور بيقل بنسبة كبيرة تصل الى 50% يا ترى دا عيب ايه هل الطرمبه ضعفت و لا فى هوا فى دورة زيت الباور ؟؟
يا ريت اللى يعرف تمن طرمبة الباور يقلى تقريبا كام جديد و استراد
و ايه هى طريقة تفريغ الهوا من دورة زيت الباور

خلوا بالكو با جماعة اللى مش مضبوطة بتاعة الباور اللى سعرها 10 جم بتفسد ماكينة الباور و كلفتنى حوالى 200 جم تصليح و الراجل قال دة من الزيت التعابن اللى انتى حاطة فى الماكينة
فية نوع بـ 15 جم كويس او زيت اسو كويس برضة هذا للعلم و شكرا

[Tarek_Swelm]

معلش هطول عليك
انا فهمت من كلامك ان شاشة العرض بتشتغل لوحدها من غير كاسيت
بتكون منها فيها بتعرض اللى ع الفلاشه
ودى بتكون اسعارها ايه لو سمحت
ولو انا فهمت غلط
نرجو تصحيح المعلومه
وشكرا جزيلا

انت فهمت صح , شوف اللينك دة
7†Headrest Car TFT LCD Monitor with USB and SD
دي فيها سماعات
و دي شبة اللي شفتها بس كان لونها ابيض كريمي
7 Inch Car Headrest LCD Monitor wih SD Card Slot TV USB [m715] - US$68.50 : Cars-electronics.com

كانت عاملة من 450 ل 600 مش فاكر بصراحة و كان فيها بورت usb و بتعرض اللي في الفلاشة و علشان تشغل صوت لازم الكاسيت يكون فية فتحة aux و تركب الخرج بتاع الشاشة فية علشان الصوت يشتغل علي سماعات العربية

[Tarek_Swelm]

لا مفيش اختلاف ملحوظ قبل التنضيف او بعده والمؤشر دايما فى الوسط او قبل الوسط بشوية
غطا الريداتير غيرته من مده بواحد يابانى ضغطه 0.9 والقديم كان ضغطه 15 بس كان اتهلك..قلت العيب يمكن من الغطا ركبت القديم يوم لقيت المية نقصت كتير جدا فرجعت للجديد تانى
وغطا القربة محكم الغلق جدا وانا بقرص عليه يمين وشمال لما بقفله يعنى بقفله جامد جدا
مش عارف كده العيب فين

انا اول مرة اعرف ان غطاء الريداتير فية منة انواع حسب الضغط , انا اشكرك يا باشا علي المعلومة الجديدة دي
انت تقصد ان الجديد ضغطة 0.9 و القديم 1.5 ولا 15 ؟؟
طيب ما كدة فية احتمال ان الجديد علشان ضغطة ااقل من القديم لما العربية بتسخن و الضغط يعلي عن 0.9 بيسرب بخار من الغطاء , لكن القديم كان بيستحمل الضغط لغاية الضعف تقريبا
.فالبتالي حتلاقي تسريب المية زاد في صورة بخار من الغطاء
انا كان معايا فيورا و كنت لما بفتح الغطاء بتاع الريداتير و هيا باردة بسمع صوت شفط , يعني الدورة محكمة جدا بس برضة كانت المية بتنقص بعد كام مشوار ,دلوقتي بس بعد ما بعتها اتاكدت ان غطاء الريداتير اللي كنت جايبة جديد كان ضغطة قليل و بيسرب البخار اول ماتسخن
, انا بيني و بينك عايز برضة اغسل الريداتير علشان الصيف بس خايف علشان مش عايز اصحي العفريت اللي قاعد في الريداتير و بيتلكك لأي حاجة تحصل علشان يفوق عليا و يلاعبني
ساعات بحس ان كل حتة في العربية فيها عفريت لو نكشتة حيفوق و يلعب و يبهدل الدنيا و يلفف الواحد حوالين نفسة و يدوخة السبع دوخات علشان تلاقي الحل و في الاخر تلاقي المشكلة اتحلت لوحدها .