رابطة مالكى الاكسيل-الجزء الأول

[ABOASSEM]

تسلم ايدك يا ابو عاصم عندك حق يا صديقي العربية فعلا الله يسامحه صاحبها كل حاجة غيرتها من طقم سيور وزيت بارور وسير كاتينه وسير تكييف وطرمبة تكييف وزيت فتيس وزيل ماتور وطقم بوجيهات وفلتر هواء وفلتر زيت وفلتر بنزين واسبراي تنظيف كارباراتير ولمبة الصالون كانت محروقة ومكنة المياة بتاعت المساحات مش موجودة وكلاكس مش شغال وفيه فيوزات كانت طايرة ومن غير كاسيت ولا سماعات شال اللي كان مراكبهم والتكييف شحنته معلش يا حبيبي طولت عليك بس قولت افضفض مع الاكسلاوية بس الصراحة العربية فابريكة بس الميكانيكة كانت ضايعة ولسة ان شاء الله بكرة هعمل دورة ريداتير باذن الله وهروح للعفشجي وهثولكم عملت ايه ان شاء الله اه على فكرة غيرت بلية العجلة اليمين وهما عبارة عن بليتين ب 70 جنيه بس مقرفين في تركيبهم الصراحة بس الحمد لله عدت على خيير المهم اني صرفت كتيير بس الحمد لله ادعيلي يا ابو عاصم ان شاء الله العفشة ميبقاش فيها حاجة مع اني شاكك ربنا يستر وانا مبسوط اوي اني انضميت للرابطة وبارك الله فيكم وتسلم على ردك الجميل يا ابو عاصم كلك زوق يا جميل

ربنا يباركلك يا علاء وشكرا علي ذوقك
ومعلش لازم تصرف في الاول عشان ترتاح
بعد كدة وربنا يباركلك في اللي انته بتعمله ...
وانا معملتش اي حاجة رجالة الرابطة من قبل الاوائل في الربطة يعني ربنا يباركلهم وهي دي
ربطة الاكسيل رجالة رجالة علي طول
هههههههه

[ABOASSEM]

رحت اربط على العفشه راح الراجل رافع العربيه و بصيت تحتها لاقيت فيه تنقيط بنزين من ناحيه الماسوره اللى موديه على الخزان اتارى الافيز اللى راكب مشبك و مترحل زى اللى فى الصوره اشتريت واحد مسمار و ركبته يا ريت كل واحد يبص عليه و يغيره لو مسرب

قدر ولطف يا مجود الحمد لله انك عرفت بدري واجازة سعيدة ...كدة ممكن تشك في الاستهلاك
بتاع ال1000 كيلو يا هندسة ... خد اجازة تاني فورا
ورح طنطا عشان تحسب صح هههههههههه
وبكرر شكرى علي الرسائل الجميلة بتاعتك

[hakim]

اخواني الكرام طلب اعتقد كتير جدا بيطلبوه وهو طريقة فك التابلوه ( دون فك العدادات ) نفسي افكه لاني متاكد ان فيه بلاوي تحتيه من التراب يا ريت يا ريت حد يكون جرب يفكه ويقولنا الطريقة مشكورا لاني بحثت عن مسامير ما لقيت غير القطعة اللي بتبقى راكبة في جانب التابلوه من ناحية السائق والتانية يمين التابلوه هما بس اللي عرفت افكهم انا يهمني قوي الجزء اللي راكب فيه السماعات

ايه يا اخواني هو الموضوع مش مهم للدرجة دي
دنا هتجنن وافك التابلوه علشان كل حاجة تبقى واضحة قدامي واظبط اللي عايز يتظبط

[singary2010]

ايه يا اخواني هو الموضوع مش مهم للدرجة دي
دنا هتجنن وافك التابلوه علشان كل حاجة تبقى واضحة قدامي واظبط اللي عايز يتظبط

السلام عليكم ورحمته الله وبركاته اخى الكريم
الموضوع طبعا مهم مادام انت اللى كتبته وان شاء الله هتلاقى احد الاعضاء هيرد عليك بس ممكن يكون مشغول فى شغله او فى بيته او فى حياته او فى ميدان التحرير ومش موجود على الرابطه اليومين دول فمعلش اصبر وان شاء الله هيجيلك رد قريب

[singary2010]

اه بص يا حكيم التابلوه فى كمية مسامير لا بأس بها ان مثلا فاكر لما كنت بنظف الثلاجه بتاعت التكيف واللى موجوده خلف التابلوه من الناحيه اليمن يعنى خلف الدرج
الراجل فك مسامير كتير وفى مسامير تانيه موجوده فى الوش بتاع الكاسيت مثلا وفى مسامير موجوده فى الناحيه الشمال لما كنت بركب الانذار اتفكوا شويه حلوين بردوا
فمتستعجلش على فك التابلوه وتأكد من نفسك قبل ما تفك اى حاجه انك هتعرف تركبها تانى وربنا يكفيك شرها ويديك خيرها

[alaamousa]

الحقوني يا رجالة

رجالة الرابطة السلام عليكم انهاردة سمعت صوت تكتكة من ناحية اليمين ادام ده ايه كوبلن ده ولا ايه بالظبط ارجو الرد لاني قلقان ومش عارف اعمل ايه
مستني باذن الله ردودكم

[hakim]

اه بص يا حكيم التابلوه فى كمية مسامير لا بأس بها ان مثلا فاكر لما كنت بنظف الثلاجه بتاعت التكيف واللى موجوده خلف التابلوه من الناحيه اليمن يعنى خلف الدرج
الراجل فك مسامير كتير وفى مسامير تانيه موجوده فى الوش بتاع الكاسيت مثلا وفى مسامير موجوده فى الناحيه الشمال لما كنت بركب الانذار اتفكوا شويه حلوين بردوا
فمتستعجلش على فك التابلوه وتأكد من نفسك قبل ما تفك اى حاجه انك هتعرف تركبها تانى وربنا يكفيك شرها ويديك خيرها
جزاك الله خيرا يا اخ سنجاري اه بالمناسبة هو حضرتك لما نظفت الثلاجة الصنايعي فك الثلاجة من مكانها ولا نظفها وهي في مكانها ؟

[singary2010]

حكيم
الراجل فك التلاجه من مكانها وطلعها بره ونظفها بره العربيه

[Eng.Geo]

معلش يا رجالة
انا مبخشش بقالي فترة
بس جاي أسلم عليكوا :)

[wael6]

معلش يا رجالة
انا مبخشش بقالي فترة
بس جاي أسلم عليكما :)

الله يسلمك

[Tarek_Swelm]

اية احسن نوع زيت يتحط لطلمبة الباور يا شباب ؟
انا لقيت اللي محطوط عندي نوع اسمة (حاجة wolf) مش فاكر الاسم بالظبط , بتاع الجيربوكس الاتوماتيك , احط منة ولا اغير لنوع تاني ؟؟

[magid1010]

قدر ولطف يا مجود الحمد لله انك عرفت بدري واجازة سعيدة ...كدة ممكن تشك في الاستهلاك
بتاع ال1000 كيلو يا هندسة ... خد اجازة تاني فورا
ورح طنطا عشان تحسب صح هههههههههه
وبكرر شكرى علي الرسائل الجميلة بتاعتك

حبيب قلبى ابو عصوم الف شكر بس بصراحه الاستهلاك كده زى الفل اسكت و انا راجع من طنطا على الطريق اسكندريه الزراعى دخلت الدائرى اللى بعد قليوب و انى الاقى حاجه تعدينى الناحيه التانيه علشان اروح طريق الاسماعليه الصحراوى ما فيش لاقيت نفسى رحت صفت اللبن هههههههههه و بعدين سالت روحت على الدائرى التانى حاجه صعب بس الحمد لله الواحد بيتعلم و العفو انت اللى شكر على رسايلك و يارب الزمالك ياخد الدورى ههههه

معلش يا رجالة
انا مبخشش بقالي فترة
بس جاي أسلم عليكما :)

جو وحشتنا و الله احنا قولنا انك بعت الاكسيل و نسيتنا ههههههه الامتحانات خلصت عايزين نشوفك هنا كتير

ماجد لازم كنت تاخد بالك من التنقيط ده على الارض ولا ايه
المهم قدر الله وماشاء فعل نقول الحمد لله وياريت تاخد بالك من استهلاك البنزين بعد ربط الافيز كويس وتعرفنا طبعا

حبيب قلبى محمد و االله تقريبا الراجل اللى بيفول فى البنزينه قعد يملا لحد العربيه كانت عايزه تبوس ايده علشان يبطل ههههههه و حقوللك على استهلاك البنزين لما اسافر بيها تانى او انت تقولنا لو جيت هنا فى شغل و نشوفك و تنورنا

[hakim]

حكيم
الراجل فك التلاجه من مكانها وطلعها بره ونظفها بره العربيه

جزاك الله خيرا معلش اتاقلت عليك شوية يا اخ سنجاري طبعا واضح كده اني ما اقدرش افكها بنفسي لان الفريون كده هيتسرب وهضظر اروح اشحن عموما انا هحاول انظفها وهي في مكانها
طبعا هتقولي ليه الغلب ده كله ما تروح للصنايعي يقوم بالمهمة !!!
ارد عليك واقولك عندي مبدا هو اني لا الجأ للصنايعي الا للاضطرار فقط من اللي شفته من معظمهم ومش هقول كلهم من قلة الذمة
وكمان انا بستمتع وانا بعمل حاجتي بايدي والشغلانة كلها تنظيف مش تصليح

[magid1010]

جزاك الله خيرا معلش اتاقلت عليك شوية يا اخ سنجاري طبعا واضح كده اني ما اقدرش افكها بنفسي لان الفريون كده هيتسرب وهضظر اروح اشحن عموما انا هحاول انظفها وهي في مكانها
طبعا هتقولي ليه الغلب ده كله ما تروح للصنايعي يقوم بالمهمة !!!
ارد عليك واقولك عندي مبدا هو اني لا الجأ للصنايعي الا للاضطرار فقط من اللي شفته من معظمهم ومش هقول كلهم من قلة الذمة
وكمان انا بستمتع وانا بعمل حاجتي بايدي والشغلانة كلها تنظيف مش تصليح

والله معاك حق الواحد يستمتع وهو بعمل الحاجة بايده بدل قرف الصنايعية

[singary2010]

حبيب قلبى محمد و االله تقريبا الراجل اللى بيفول فى البنزينه قعد يملا لحد العربيه كانت عايزه تبوس ايده علشان يبطل ههههههه و حقوللك على استهلاك البنزين لما اسافر بيها تانى او انت تقولنا لو جيت هنا فى شغل و نشوفك و تنورنا:b4_033:

ماجد باشا ازيك ؟
على العموم لو سافرت مشوار كبير هحسب الاستهلاك طبعا وهقولك عليه اكيد بس يارب يكون المشوار مش فى العريش ههههههههههههههههه بس من غير ما ماجد يزعل
انا بهرج يا ماجد