رابطة مالكى الاكسيل-الجزء الأول

[Lion_Heart]

حسب الحالة و العفشجى اللى يحكم ممكن لو فى حاجة عاوزة تتغير حالا او ممكن تستنى شوية لكن نصيحة ما تاخرش حاجة فى العفشة لانها مؤذية

[haitham83]

انا كنت عاوز اركب تكييف فى اكسيل 1300 فعاوز اعرف اجيبو استعمال ولا اركب الساندن اليابانى و تكلفه دة كام و دة كام و ياريت احسن واحد يعمل الشغل دة فى اسكندريه و عنوانو

[hakim]

فكرة تنضيف التابلوه كويسة جدا وخصوصا التلاجه والمراوح وبمجرد ما تفك الدركسيون والجزء الشمال واللي في الوسط والجزء اليمين اللي راكبين في التابلوه خلاص كدا مفضلش حاجه وممكن تنضف براحتك وتشيك على الاسلاك والاحسن يكون معاك الكتالوج علشان تعرف مكان المسامير وطريقة فك اي قطعة .
ربنا يوفقك وبصراحة هتحس براحة نفسية بعد ما تفك التابلوه وتنضفه.

الله يكرمك بصراحة احنا عندنا في الفيوم التراب رهيب والشوارع اتردمت تراب واصلا الفيوم منخفض وسط الصحراء يعني التراب عندنا بالكوم فالعربية محتاجة تنظيف باستمرار ده انا بشيل الغطا من عليها الصبح الاقي التراب تحتيها رهيب وانا الصراحة معتقد ان تحت التابلوه عينك ما تشوف الا النور اكيد ما اتفكش التابلوه ده من عمر السيارة 1995 بس ان شاء الله لما افضى لانه عايزله يوم كامل

[aboharb]

احترت جدا ومش عارف اعمل ايه

العربيه بتاكل بنزين فى الزحمه تصل الى 80 كيلو فى الصفيحه داخل الزحمه وعلى الطوالى170 وده طبعا بنزين 90 + دخان اسود ولما رحت لبتاع الكاربرتير قعد يشتغل شويه وينضفه وبعدين ركب قلتله الدخنه لسه موجوده قلى ده تخزين وهتروح بعد كده خد مشوار طوالى علشان البوجيهات تحرق وللاسف لم يتحسن الامر الا قليلا جدا ومازالت الدخنه موجوده والجديد اللى عكننى انى بلاقى الزيت لونه اسود ولزوجته خفيفه جدا مع انه شل الاصفر والفلتر جديد والعربيه لسه مجبتش 300 كيلو من تركيب الفلتر وتغير الزيت رحت للميكانيكى قلى اصل المكنه وسخه من جوه تلاقى اللى قبلك مكنش بيغير زيت فى ميعاده مقتعنتش بالكلام لان الزيت لزوجنه ضايعه خالص مش لود اسود وبس بس الزيت بردك مظبوط ومش بيخس خالص بعد 300 كيلو المهم الى يعرف يشور عليه بمعلومه يا ريت يساعدنى وجزاه الله خيرا العربيه 1500 موديل 96

[a7medsh3rawi]

العربيه بتاكل بنزين فى الزحمه تصل الى 80 كيلو فى الصفيحه داخل الزحمه وعلى الطوالى170 وده طبعا بنزين 90 + دخان اسود ولما رحت لبتاع الكاربرتير قعد يشتغل شويه وينضفه وبعدين ركب قلتله الدخنه لسه موجوده قلى ده تخزين وهتروح بعد كده خد مشوار طوالى علشان البوجيهات تحرق وللاسف لم يتحسن الامر الا قليلا جدا ومازالت الدخنه موجوده والجديد اللى عكننى انى بلاقى الزيت لونه اسود ولزوجته خفيفه جدا مع انه شل الاصفر والفلتر جديد والعربيه لسه مجبتش 300 كيلو من تركيب الفلتر وتغير الزيت رحت للميكانيكى قلى اصل المكنه وسخه من جوه تلاقى اللى قبلك مكنش بيغير زيت فى ميعاده مقتعنتش بالكلام لان الزيت لزوجنه ضايعه خالص مش لود اسود وبس بس الزيت بردك مظبوط ومش بيخس خالص بعد 300 كيلو المهم الى يعرف يشور عليه بمعلومه يا ريت يساعدنى وجزاه الله خيرا العربيه 1500 موديل 96

انت كل مشكلتك في البوجيهات لانها المسئولة عن حرق البنزين واخراج الدخان والمطلوب عمله :
أولا: تكشف على الزيت اللي موجود حاليا في الموتور وهو بارد ولو محروق لازم تغيره ولو عندك الموتور خفيف وعايز طقم شنبر يبقى تضيف مع الزيت علبة زيت شنبر .
ثانيا: تتأكد ان مفيش زيت بيخرج من عند غطاء التاكيهات ومنه الي البوجيهات.
ثالثا:هتمسك الكابل اللي داخل على كل بوجيه وشوف في كهربه واصله وهتسمع صوت بمجرد ما تقربها لطرف البوجيه .
رابعا:لو الموتور بيرج جامد وهو سخن يبقى لازم تظبط الهواء مع البنزين عن طريق المسمارين اللي ورا العمه .
جرب اللي قلتلك عليه وان شاء الله المشكلة هتتحل وابقى طمنا عملت ايه

[magid1010]

انا كنت عاوز اركب تكييف فى اكسيل 1300 فعاوز اعرف اجيبو استعمال ولا اركب الساندن اليابانى و تكلفه دة كام و دة كام و ياريت احسن واحد يعمل الشغل دة فى اسكندريه و عنوانو

احسن تكيف ساندين ويتكلف في حدود 2500 جنيه وده تقرير جميل عن تركيب التكيف http://www.nilemotors.net/Nile/216353-a.html
بس اعتقد إنه مش حيبقى كويس على 1300

[ahmedzizo131]

بسم الله الرحمن الرحيم
انا بأذن الله نازل بكرة المرور علشان عندى تجديد
و طبعا فحص ( بسبب حرق الملفات للسيارات )
و ان شاء الله الخطوط اللى بعدها هى تركيب الباور للاكسيل 1300
ادعولى ان اخلص من موضوع المرور
اليوم دة تقيل على قبلى اوى اوى اوى و ناعى همة من شهر تقريبا

[magid1010]

بسم الله الرحمن الرحيم
انا بأذن الله نازل بكرة المرور علشان عندى تجديد
و طبعا فحص ( بسبب حرق الملفات للسيارات )
و ان شاء الله الخطوط اللى بعدها هى تركيب الباور للاكسيل 1300
ادعولى ان اخلص من موضوع المرور
اليوم دة تقيل على قبلى اوى اوى اوى و ناعى همة من شهر تقريبا

ياه واحشني كتير يا أحمد

فينك من زمان
أنا كنت بكلم أبوعاصم وسألنا عليك\
ربنا يوفقك أنا كمان عندي تجديد وفحص ونمر جديدة ونقل ملف مش عارف حاعمل كل ده إزاي

[Tarek_Swelm]

بسم الله الرحمن الرحيم
انا بأذن الله نازل بكرة المرور علشان عندى تجديد
و طبعا فحص ( بسبب حرق الملفات للسيارات )
و ان شاء الله الخطوط اللى بعدها هى تركيب الباور للاكسيل 1300
ادعولى ان اخلص من موضوع المرور
اليوم دة تقيل على قبلى اوى اوى اوى و ناعى همة من شهر تقريبا

ربنا يقويك يا باشا , انا حاسيس بيك والله علشان لسة طالع من مشوار نقل ملكية و فحص من شهرين و لسة رايح تاني علشان ادوني تصريح مؤقت كارتون و نمر مؤقتة
احلي حاجة في حوار نمر المؤقتة دة ان زمايلي في الشغل فاكرين ان العربية نازلة جمرك علشان كدة مترخصتش بنمر عادية
متقلقش من الفحص الفني , ان شاء الله خير , المهندسين بقو كويسين بعد الثورة , اللي تقلق منهم الموظفات ولاد التييييييييتتت , دول اللي عمرهم ما حيتغيرو
الكلام دة بعد فحص و مطابقة بصمة و شهادة بيانات من ابيس
و فحص تاني و نقل ملكية و رخصة جديدة من محرم بك
والله لو كنت اجازة بكرة كنت جيت معاك , ربنا يسهلك امورك ان شاء الله .

[ahmed_h_g]

السلام عليكم ورحمة الله وبركاته
يا جماعه حد يعرف ميكانيكى أو ورشه متخصصه فى تصليح فتيس غير ورشة صليب اللى فى شبرا
معايا فتيس مركون عايز أغيرله غويشتين وعند واحد متخصص علشان هبيعه

[alaamousa]

عربيتي اتخبطت والفانوس كله اتكسر اليمين بفانوس الاشارة ياريت حد يقولي سعره وازاي اعرف انه اصلي ياريت اعضاء الرابطة المحترمين يردوا عليا

[Eng.Geo]

عربيتي اتخبطت والفانوس كله اتكسر اليمين بفانوس الاشارة ياريت حد يقولي سعره وازاي اعرف انه اصلي ياريت اعضاء الرابطة المحترمين يردوا عليا

فانوس الأشارة ب 25
الفانوس الكبير مش فاكر بكام بس تقريبا في حدود 60
أصلي هيبقي مكتوب عليه made in يا أما كوريا أو أندونيسيا
أكتر ناس أبقي ضامن انه أصلي من عندهم
البنا في التوفيقية
يوسف عباس والفرسان وفي برضه محل كمان .. دول في أحمد سعيد .. المحل اللي مش فاكر أسمه في أحر أحمد سعيد جنب قهوة
وفي محل في مدينة نصر في السادس قريب من أبو رامي .. اسمه برجن توني
ده أكتر أماكن انا بثق فيها وبجيب وانا مغمض

[Eng.Geo]

يا أهل الرابطة :)
انا ببيع عربيتي
لو حد عايز يقول
كاملة مانيوال 97 لون زيتي
فبريكة جوة رشة برة نضافة
زجاج كهربا ووحدة رفع
عاملة 142.000 كم
لو في حد عايز يبعتلي علي الخاص
مع اني مش عايز أسيب الرابطة
بس بيعي ليها ميمنعنيش أخشها
بعد أذنكوا طبعا :)

[aboharb]

انت كل مشكلتك في البوجيهات لانها المسئولة عن حرق البنزين واخراج الدخان والمطلوب عمله :
أولا: تكشف على الزيت اللي موجود حاليا في الموتور وهو بارد ولو محروق لازم تغيره ولو عندك الموتور خفيف وعايز طقم شنبر يبقى تضيف مع الزيت علبة زيت شنبر .
ثانيا: تتأكد ان مفيش زيت بيخرج من عند غطاء التاكيهات ومنه الي البوجيهات.
ثالثا:هتمسك الكابل اللي داخل على كل بوجيه وشوف في كهربه واصله وهتسمع صوت بمجرد ما تقربها لطرف البوجيه .
رابعا:لو الموتور بيرج جامد وهو سخن يبقى لازم تظبط الهواء مع البنزين عن طريق المسمارين اللي ورا العمه .
جرب اللي قلتلك عليه وان شاء الله المشكلة هتتحل وابقى طمنا عملت ايه

شكرا على الرد وجارى اختبار الملاحظات اللى حضرتك كتبتها مع العلم ان البوجيهات لسه راكبه من اسبوع دنسون يابانى ولما غيرتها لم اجد اى بوجيه من القديم وصل ليه زيت كانو مهببين بس

[Eng.Geo]

يا أهل الرابطة :)
انا ببيع عربيتي
لو حد عايز يقول
كاملة مانيوال 97 لون زيتي
فبريكة جوة رشة برة نضافة
زجاج كهربا ووحدة رفع
عاملة 142.000 كم
لو في حد عايز يبعتلي علي الخاص
مع اني مش عايز أسيب الرابطة
بس بيعي ليها ميمنعنيش أخشها
بعد أذنكوا طبعا :)

أه نسيت
العربية 1500 فيها تكييف تلاجة