رابطة مالكى الاكسيل-الجزء الأول

[semsem_uno]

بص يا استاذ اشرف122

انا باعمل الشغل ده في محطة كالتكس اللي جنب سالي كمبيوتر مول (وراء السراج مول) و قطع الغيار باجبها من برجن اللي في الحي السابع اللي وراء سوبر ماركت مصر و السودان

[ashraf122]

بص يا استاذ اشرف122

انا باعمل الشغل ده في محطة كالتكس اللي جنب سالي كمبيوتر مول (وراء السراج مول) و قطع الغيار باجبها من برجن اللي في الحي السابع اللي وراء سوبر ماركت مصر و السودان

اشكرك جدا على اهتمامك والرد ، وياترى المصنعية فى حدود كام لتغير سير الكاتينة وياترى ممكن اكشف على العفشة هناك

[Nader]

ميرسى يا نادر

اهلاً بك.

بجد يا نادر الموضع دة مكنش هيبقي متميز بالشكل دة ألا بوجودك وتفاعلك فية
جزاك الله كل خير

جزانا الله واياكم.

[Nader]

بص يا استاذ اشرف122

انا باعمل الشغل ده في محطة كالتكس اللي جنب سالي كمبيوتر مول (وراء السراج مول) و قطع الغيار باجبها من برجن اللي في الحي السابع اللي وراء سوبر ماركت مصر و السودان

ممكن تلاقي قطع الغيار برضة عند خالد اللي في السادس قصاد الموقف.

[enashelmy]

نادر انا اتعرض عليه اكسيل هاتشباك 1300 سىسى
عى شكلها كويسه بس فى حاجتين قلقونى
اولا ان فيها تكييف خايفه يكون تركيب مش اصلى
ثانيا صاحبها بيقول انها 1997 وانا اسمع ان اخر الهاتشباك هو 94
انا قلت اكيد انت عارف فى المواضيع ده
فعلا فى 97 وهاتشباك
وكمان تكييف 1300 بيكون كويس ولا لا
وسعرها قالى 33
حسه انه عالى شويه

[ashraf122]

نادر انا اتعرض عليه اكسيل هاتشباك 1300 سىسى
عى شكلها كويسه بس فى حاجتين قلقونى
اولا ان فيها تكييف خايفه يكون تركيب مش اصلى
ثانيا صاحبها بيقول انها 1997 وانا اسمع ان اخر الهاتشباك هو 94
انا قلت اكيد انت عارف فى المواضيع ده
فعلا فى 97 وهاتشباك
وكمان تكييف 1300 بيكون كويس ولا لا
وسعرها قالى 33
حسه انه عالى شويه

السلام عليكم ، انا معى اكسيل هاتشباك 1997 و 1300 سىسى و دى بتكون مصرى لان اخر الكورى كان موديل 1994 و هى كانت بتنزل بالتكييف و سعرها ممكن يكون زيادة حوالى 2000 جنية بس برضة دة على حسب حالة العربية

[enashelmy]

ومبسوط منها يا اشرف يعنى مرتاح فيها
والسرعه وكده

[Nader]

نادر انا اتعرض عليه اكسيل هاتشباك 1300 سىسى
عى شكلها كويسه بس فى حاجتين قلقونى
اولا ان فيها تكييف خايفه يكون تركيب مش اصلى
ثانيا صاحبها بيقول انها 1997 وانا اسمع ان اخر الهاتشباك هو 94
انا قلت اكيد انت عارف فى المواضيع ده
فعلا فى 97 وهاتشباك
وكمان تكييف 1300 بيكون كويس ولا لا
وسعرها قالى 33
حسه انه عالى شويه

موديل 97 مصري مش كوري. وكان بينزل منها بالتكيف طبعاً

بس العربية لازم تكشفي عليها كويس جداً خصوصاً الشاسية والعفشة.


العربية لو بحالة جيدة يبقى السعر كويس.

[ashraf122]

ومبسوط منها يا اشرف يعنى مرتاح فيها
والسرعه وكده

العربية كويسة جدا و التكييف بتاعها كويس بس زى ما قال الاخ نادر اكشفى عليها كويس و خاصة العفشة ، لان انا عندى العفشة بطلع مزيكا فى المطبات وعايز عفشجى كويس يعملها
وعلى فكرة العربية بتمتاز انها سحبها حلو وقطع غيارها معقولة جدا

[kokmedo]

في كهربائي أسمة مهندس تامر في محل في الكوربة لو حد يعرف العنوان ممكن يعطيهولي ولو حد جربة يقولي اخبارة إية

[adelit]

اولا اشكركم على هذا المنتدى الجميل ولى سؤال محيرنى :
عندى سيارة أكسيل مو1997 أتوماتيك 1500والغريب أن الأتوماتيك ساعات بيعلق يعنى يثبت على سرعة واحدة ولا ينقل إلا اذا اوقفت السيارة وبطلتها ودورتها من جديد فيعود طبيعى
فما رأيكم العيب ممكن يكون ايه ؟ وبصراحة لسة شارى العربية ومش فاهم فيها حاجة

[y_ammar2000]

السلام عليكم
حصلت معايا النهارده الصبح جيتادور العربيه مرديتش تدور خليت عامل الجراج يزوقنى
برده مفيش فايده الكونتاك اللمبه بتاعته مكنتش بنور الكلكس بلما بدوس عليه صوته عامل زىواحد بطلع فى الروح المهم روحت جبت كهربائى من اقرب مكام للجراج
وقولته على الى حصل فجاب معاه بطاريه مشحونه وكابلين ولجيه ووصل الكبلين بين البطاريتين ودوت وفعلا العربيه دارت فقولت لما اروح معاه عشان اشوف ايه الموضوع ولو فى مشكله احلها ورحت فعلا للورشه وكشف على مياه البطاريه قالى دى قليله جداا مع انى مش شايفها قليله ثم زودها وقالى دور وفعلا العربيه دارت المهم شويه وانا بتلم معاه قالى البطاريه شكلها عاوز يتغير قولت وماله اغيرها بعدين عشان معنديش وقت وعاوز الحق معاد الشغل المهم جيت ادور عشان اطمن العربيه مرضيتش تدور فكشف على المارش لقها شغال عشره لى العشره المهم جاب الكابل والبطاريه المشحونه ووصل
دايركت على الكابل الى واصل للماتور فلقى العربيه دارت وقالى العبي فى الكابل فخرج الكابل وسنفره وركبه وقالى دور والحمد لله العربيه دارت وقالى كونا فاكرين ان العيب فى البطاريه طلع العيب فى الكابل وطمنى على البطاريه والمارش والحمد لله العربيه دارت كويس بعده المهم طلب قولته الحساب فخد منى عشره جنيه فقط فى كل الشغل الى عمله .... معلش انا حكيت القصه بالتفصيل عشان دا اول موقف يحصل بينى وبين العربيه ثانيا عشان اى حد يقرا ويستفييد ثالثا عشان انا لسه مببتدىء
واخير سورى عشان انا طولت عليكوا على فكره دى مش حدوت قبل النوم دى حصلت معايا النهارده الصبح وانا الان فى الشغل ادعولى لما انزل واروح بيها تدور ومتعملش نفس المشكله

[Nader]

السلام عليكم
حصلت معايا النهارده الصبح جيتادور العربيه مرديتش تدور خليت عامل الجراج يزوقنى
برده مفيش فايده الكونتاك اللمبه بتاعته مكنتش بنور الكلكس بلما بدوس عليه صوته عامل زىواحد بطلع فى الروح المهم روحت جبت كهربائى من اقرب مكام للجراج
وقولته على الى حصل فجاب معاه بطاريه مشحونه وكابلين ولجيه ووصل الكبلين بين البطاريتين ودوت وفعلا العربيه دارت فقولت لما اروح معاه عشان اشوف ايه الموضوع ولو فى مشكله احلها ورحت فعلا للورشه وكشف على مياه البطاريه قالى دى قليله جداا مع انى مش شايفها قليله ثم زودها وقالى دور وفعلا العربيه دارت المهم شويه وانا بتلم معاه قالى البطاريه شكلها عاوز يتغير قولت وماله اغيرها بعدين عشان معنديش وقت وعاوز الحق معاد الشغل المهم جيت ادور عشان اطمن العربيه مرضيتش تدور فكشف على المارش لقها شغال عشره لى العشره المهم جاب الكابل والبطاريه المشحونه ووصل
دايركت على الكابل الى واصل للماتور فلقى العربيه دارت وقالى العبي فى الكابل فخرج الكابل وسنفره وركبه وقالى دور والحمد لله العربيه دارت وقالى كونا فاكرين ان العيب فى البطاريه طلع العيب فى الكابل وطمنى على البطاريه والمارش والحمد لله العربيه دارت كويس بعده المهم طلب قولته الحساب فخد منى عشره جنيه فقط فى كل الشغل الى عمله .... معلش انا حكيت القصه بالتفصيل عشان دا اول موقف يحصل بينى وبين العربيه ثانيا عشان اى حد يقرا ويستفييد ثالثا عشان انا لسه مببتدىء
واخير سورى عشان انا طولت عليكوا على فكره دى مش حدوت قبل النوم دى حصلت معايا النهارده الصبح وانا الان فى الشغل ادعولى لما انزل واروح بيها تدور ومتعملش نفس المشكله

فعلاً عندما تكون قواطش البطارية مملحة أو يكون الكبل غير مثبت

باحكام فتحدث هذه الاعراض.


شكراً لمساهمتك.

[adelit]

محدش عايز يرد عليا ليه ؟

[wesam_salom]

محدش عايز يرد عليا ليه ؟

انا رديت عليك فى ورشه نايل موتورز

http://www.nilemotors.net/Nile/showthread.php?t=43138

اخى العزيز
بالنسبه للاكسيل الاوتوماتيك فى الاكسيل
هو ناعم جدا وجميل جدا
بس نفس المشكله حصلت معايا وهحكى لك الوضع
الاول العربيه كاننت مترضاش تنقل من الاول للتانى
ولو نقلت احس بخبطه جامده
وساعات ترجع من التانى للاول وتعمل فرمله جامده
مشيت ورا الميكانيكى
قاللى سهله هنحل الفتيس وننضف البلوف ونغير الزيت
هتاخد كام يا عم
قالى 50 جنيه قلت اشتغل ومش هنخسر حاجه
فكينا ونضفنا باسبراى وتمام
صرفت حوالى 200 جنيه مصنعيه +زيت فتيس +اسبراى+جوان للمصفاه بتاعت الفتيس
المهم الفتيس راحت منه الحركه دى بس لقيت حاجه تانيه
ساعات بحس صوت العربيه على والسرعه مازادتش
يعنى كان العربيه بتنقل على وضع التموير وبعدين ترجع
قالولى علشان الحساسات
فكينا ونظفنا تانى وصرفت حوالى ال100 جنيه
بقت تمام
بس فضل مشكله صغيره
فيه نتشه بسيطه فى النقل
قالولى ده علشان وحده الكنترول يونت عاوزه تتغير ودى بحوالى 250 جنيه
قلت خليها دى حتى بتحسسنى انى سايق مانيوال ومستنى العربيه تنقل
المهم بعدها باسبوعين تقريبا الفتيس جاتله سكته قلبيه ومات
يعنى ولا كأنك بتنقل
سألت فى الحرفيين على الفتيس لقيتهم بيقولوا 1500 جنيه كامل(ده اول كلام)
المهم كلام التنفيذ 1100 جنيه
عرفت انى صرفت نص تمن الفتيس وبعدين خسرته
بس اتعلمت حاجه بالنسبه للاوتوماتيك
الفتيس بيستهبل
غيره فورا وخلى القديم عندك كقطع غيار
وعلى فكره انا كنت ببيع العربيه واللى كان عاوزها طلبها مانيوال
قلبتها مانيوال وصرفت حوالى 1400 جنيه شامل كل حاجه
اتوكل على الله وغير الفتيس احسن وارخص
غير انه مش غالى مقارنه بأى نوع تانى
وهتلاقيه موجود كتير فى بورسعيد والحرفيين ومش عارفين يبيعوه لان العربيات الاستيراد اغلبها اوتوماتيك والناس عاوزه المانيوال
وابقى طمنى