رابطة مالكى الاكسيل-الجزء الأول

[kokmedo]

السلام عليكم ورحمة الله وبركاتة
أنا عندي عربية أكسيل 95 1500cc
وكنت خلاص بفكر أبيعها وبعد تفكير عميق قررت الاحتفاظ بها ولكن عايز أظبطها وأروشها
أولا عايز أجيب ماتور وعايز أظبط العفشة وأجيب مساعدين علشان احس بالراحة في المطبات وأجيب أكصدامات وأخيرا اروشها بحاجات كثيرة ممكن تساعدوني أعمل اية وأبداء الزاي واهم حاجة متخمش لأني خيبة في الحاجات دية ودة كان من أسباب أني عايز أبيع العربية وأجيب حاجة جديدة
أرجو المساعدة
والسلام عليكم

[strongxx]

بالنسبة للأخ kokmedo :-

عايزين منك تفسير أفضل من كده لحاله العربيه بتاعتك يعني انت شكلك كده من كتر الحوارات إلي حصلت معاك في العربيه متهيألك انها مش نافعه وكل حاجه فيها عايزه تتغير....وكمان مش من السهل أننا نقول عايزين نغير الموتور مره واحده والحاجات إلي قلت عليها دي....واحده واحده كده علي نفسك وقول لنا بالظبط ايه حاله العربيه وبتشتكي من ايه واحنا بإذن الله نعمل إلي يقدرنا عليه ربنا


بالنسبة للأخ mero 25 :-

راجع علي أربع حاجات مهمه جدا بالنسبة لغليان الميه لانها كانت مشكله معكننه عليه كل فسحه ولا كل مشوار بطلعه

اولا :
عايزك تراجع علي الثيرموستات وتشوف حالتها

ثانيا :
عايزك تراجع علي طلمبه الميه بتاعت الموتور ممكن تكون عايزه تتغير

ثالثا:
راجع علي المروحه بتاعت الرادياتير هل فيها صوت زنه او لفتها ضعيفه وبتلف بالعافيه او واقفه خالص ومش بتلف

رابعا:
راجع علي مجاري الميه في قلب الرادياتير نفسه وشوف الميه الداخله هيه هيه نفس كميه الميه الخارجه لربما يكون فيها انسداد او صدأ أو ممكن يكون اتحط عليها ميه ساقعه وهيه سخنه وواقفه ويكون الألمونيوم اتكرمش وكش....لأن طبعا لازم لازم وانت بتزود الميه تبقي العربيه دايره


شوف الحاجات دي وبعون الله مش حتخرج منها العيوب دي إلا ولازم تلاقي عيب منهم

[strongxx]

كيف حالك يا أخ mobitek

علي فكره انا نزلت اجرب العربية بعد ما الفتيس اتغير زي ما قلت لك وجربتها علي ال خمس سرعات بسم الله ما شاء الله ولا حول ولا قوه إلا بالله

(((.....صلوا علي النبي.....)))

العربيه اتغيرت طحن للأحسن طبعا السحب بقي رهيب زيها زي الزيرو الموتور صوته هادي جدا والعربيه نفسها حاسس انها بقت ناعمه جدا عن الأول بشد بيها وهيه مرتاحه

لالالالالالا بصراحه الأوتوماتيك كان ملجمها ومش مطلع كل طاقة الموتور

(((..... صلوا علي النبي كمان مره .....)))

معلش اعذروني خايف من الحسد

وعلي راي سواقين التوك توك والميكروباص عضة أسد ولا نظرة حسد


وقريب جدا جدا جدا حنزل صور العربيه وهيه حالتها قبل السمكره وهيه في السمكره وشكلها بعد السمكره كمان

وحبقي طبعا أبعت لكم في الرد الجاي ده عنوان الميكانيكي وكمان عنوان السمكري لو الشغل عجبكم يعني......انا من سكان الإسكندريه علي فكره من المندرة علي جمال عبد الناصر والورش دي في أسكندريه برضه

[kokmedo]

بصراحة مش عارف بس قبل كدة وديتها لميكانيكي كان بيعمل حاجة فيها وبثق فية قال العربية دية متهانة وخلي بالك الماتور صوتة مش حلو وفية نقرة فية وكمان الفيتيس مش اوي الاحسن لك أنك تبعها وتغيرها
وبصراحة شديدة انا لحد دلوقتي محتار جدا ومش عارف اقرر اعمل اية ومشكلتي أني مش بعرف وخايف أتخم مع الصنيعية وأضيع وقت وفلوس علي الفاضي
أشيروا علية ماذا أفعل

[m00dy]

بصراحة مش عارف بس قبل كدة وديتها لميكانيكي كان بيعمل حاجة فيها وبثق فية قال العربية دية متهانة وخلي بالك الماتور صوتة مش حلو وفية نقرة فية وكمان الفيتيس مش اوي الاحسن لك أنك تبعها وتغيرها
وبصراحة شديدة انا لحد دلوقتي محتار جدا ومش عارف اقرر اعمل اية ومشكلتي أني مش بعرف وخايف أتخم مع الصنيعية وأضيع وقت وفلوس علي الفاضي
أشيروا علية ماذا أفعل

صوت النقر دا يا باشا ممكن يروح مع الضبط
لو ما راحش ابقى غير سبيكة الكرنك
بالنسبة للفتيس ما تحاولش تصلحه امشي بيه لحد ما يبوظ خالص و ابقى غيره بس ما تجيبش الكوري

[Lion_Heart]

ياريت لو تدلونى افضل انواع الكوبلن صناعة ايه الالمانى و لا الكورى ولا التايوانى ...
و كذلك المقصات الامامية
مع الشكر

[emadsenger]

ارجو الافادة عن معدل استهلاك السيارة الاكسيل الـ 1500 للبنزين وهل في حد حول عربيته للغاز وايه اخبارها معاه.

[Lion_Heart]

ارجو الافادة عن معدل استهلاك السيارة الاكسيل الـ 1500 للبنزين وهل في حد حول عربيته للغاز وايه اخبارها معاه.

من 260 ل 280 كم للصفيحة , و بلاش حكاية الغاز لأنه بيهلك العربية و ممكن تظبط العربية على بنزين 80 للتوفير .

[Johnny82]

مساء الفل ياجماعة الاكسيل عربية تمام جدا وعربية نضيفة اوى,
انا عندى موديل 94 فيها تكييف بس وانا ركبتلها الاسبوع دة باور ستيرينج والموضوع ده مهم جدا
ياريت كلة يركب باور ياجماعة عشان هتفرق معاه جامد

[Lion_Heart]

مساء الفل ياجماعة الاكسيل عربية تمام جدا وعربية نضيفة اوى,
انا عندى موديل 94 فيها تكييف بس وانا ركبتلها الاسبوع دة باور ستيرينج والموضوع ده مهم جدا
ياريت كلة يركب باور ياجماعة عشان هتفرق معاه جامد

و كلفك كام ؟؟

[announcer]

ياريت لو تدلونى افضل انواع الكوبلن صناعة ايه الالمانى و لا الكورى ولا التايوانى ...
و كذلك المقصات الامامية
مع الشكر

انا مركب كبالن تايوانى ب200 جنيه الاثنين بقالهم سنة تقريبا او اقل شوية وشغالين زى الفل...مع العلم ان بعدى على حوالى 8 مطبات (بالمواصافات المصرية) كل يوم ده غير الحفر والطوب والزلط والخخخخ..بالاضافة انى لما بنزل القاهرة بعدى على 69 مطب فى مسافة 60 كيلو وبسلم على نفس المطبات وانا راجع وده مرة كل اسبوع...

[announcer]

وحدة الرفع للزجاج الأمامى 300 جنيه و كذلك الخلفى
الانذار من 80 ل 150 حسب النوع اللى انته عاوزه
الباور يدخل تقريبا من 600 ل 800 جنيه مش متذكر الصراحة

و ياريت حضرتك تقلب فى الصفحات (رابطة أكسل ) و انته هتلاقى كل حاجه ان شاء الله

ربنا يوفقك .

ايه يامان ده....300 جنيه ايه...دا وحدتين الرفع بيعملوا حوالى 110-120 جنية وولف كمان...انت جبت 300 دى منين...!!!!!!!!!!!

[mcshareb]

السلام عليكم يا جماعه
انا معايا اكسل هاتش باك 94 ومغلبانى ، العربيه كانت ماشيه زى الفل لحد ما جت مره واحده قطعت ومش عايزه تدور الميكانيكى قاللى ده المشط اللى فى الاسبراتير رحت اشتريت واحد من عند الزرانى فى اسكندريه ب 240 جنيه ، ركبته الميكانيكى قاللى انه مش اصلى وبيخلى الموتور مش مضبوط ، المهم رحت للزرانى قاللى ان المشط سليم بس الكهرباء الى رايحاله ضعيفه وراح مركب كتاوت على الموبينه
لقيت العربيه تقيله وبتغلبنى فى الدواره ، رجعتله تانى قاللى العيب فى الكربراتير والميكانيكى يقوللى المشط
مش عارف اعمل ايه
فى حاجه كمان كل ما اى اشاره العربيه تقطع منى و ما بتسحبش
افيدونى لو سمحتم

[Nader]

ياريت لو تدلونى افضل انواع الكوبلن صناعة ايه الالمانى و لا الكورى ولا التايوانى ...
و كذلك المقصات الامامية
مع الشكر

الكوري والالماني والايطالي هم الأفضل بدون ترتيب وهتلاقي اسعارهم في الصفحات الاولى بس غالباُ هتكون رخصت.

[Nader]

السلام عليكم يا جماعه
انا معايا اكسل هاتش باك 94 ومغلبانى ، العربيه كانت ماشيه زى الفل لحد ما جت مره واحده قطعت ومش عايزه تدور الميكانيكى قاللى ده المشط اللى فى الاسبراتير رحت اشتريت واحد من عند الزرانى فى اسكندريه ب 240 جنيه ، ركبته الميكانيكى قاللى انه مش اصلى وبيخلى الموتور مش مضبوط ، المهم رحت للزرانى قاللى ان المشط سليم بس الكهرباء الى رايحاله ضعيفه وراح مركب كتاوت على الموبينه
لقيت العربيه تقيله وبتغلبنى فى الدواره ، رجعتله تانى قاللى العيب فى الكربراتير والميكانيكى يقوللى المشط
مش عارف اعمل ايه
فى حاجه كمان كل ما اى اشاره العربيه تقطع منى و ما بتسحبش
افيدونى لو سمحتم

اكشف الأول على المبينة، احتمال يكون العيب من المبينة نفسها.

فى حاجه كمان كل ما اى اشاره العربيه تقطع منى

شوف كهربائي كويس يظبط لك كهربة العربية.