رابطة مالكى الاكسيل-الجزء الأول

[m_elmahdy]

طيب انت كنت بتكارك بنزين قبل ما تدور؟

تدوير العربية صباحا بيحتاج كمية اكبر من البنزين، في معظم السبارات التي تعتمد على الرشاشات كوسيلة لحقن الوقود الشفاط بيكون اوتوماتيك ومرتبط بوحدة التحكم لتحدد له فترة عملة ومتى يتوقف عن العمل.

اما السيارات التي لا يتوفر بها شفاط كهربائي فيقوم السائق بشد الشفاط قبل إدارة المحرك لتساعد على إدارة المحرك من أول محاولة.


يعني لو عاوز تستغنى عن الشفاط يبقى هتدوس بنزين وانت بتدور والموتور بارد والزيت راكن في الكرتيرة = احتكاك اكثر.

قبل ما اركب المنفول الإستيراد كنت بدور العربية وبعدين اكارك بنزين واثبت رجلى على البنزين لحد ما العربية تسخن
لما غيرت المانفول الميكانيكى قاللى ان المانفول الإستيراد بيبقى فيه ترموستات علشان يساعد فى عملية التسخين الصبح فى البلاد الباردة والمفروض انه يشيله بس احنا هنسيبه ونلاحظ اذا كانت العربية بتسخن زيادة عن المعتاد يبقى نشيله
الترموستات دة لسة موجود لحد دلوقت
وبعد ما ركبت المانفول الإستيراد بقيت احتاج دايما الصبح اشد الشفاط علشان ادور العربية وساعات كمان تفصل وانا شادد الشفاط
يا ترى الترموستات دة هوه اللى ممكن يكون عمل الحكاية دى يعنى اشيله ولا اخليه
وجزاك الله خيرا

[mero25]

الاخ نادر والاخوة الاعضاء شكرا للجميع تم حل مشكلة ارتفاع درجة حرارة الموتور بعد ما غيرت ثيرموستات الردياتير بواحد 80-85
بس للاسف ملقتش غير الصينى ابو 30 جنية

شكرا للجميع

[wesam_salom]

مبروك يا باشا

عرفت ان المشكله كانت بسيطه

بس العيب فى الصنايعيه

[gamaleltouny]

اخى العزيز الكوبلن الالمانى افضلة والشحم والكوتشة معهويقوم بتركيبها بتاع العفشه ذوخبره وشكرا

[Nader]

السلام عليكم يا شباب

أنا عندي مشكلة إن العربية بتنقط زيت موتور من تحت، غسلتها من تحت وبعدين روحت لميكانيكي قاللي إن جوان الكرتيرة عايز يتغير، بعد شوية الميكانيكي قفل وفضل الوضع على ماهو عليه لغاية ميعاد تغيير الزيت ما جه، روحت لميكانيكي تاني علشان الأول كان قفل، راح بص بصة سريعة كده وبعدين قاللي لأ ده مش جوان كرتيرة ده أوسيل الكبلن الخلفي، وإن كل الإكسيل بيظهر فيها العيب ده، وقال إنه محتاج يشيل الفتيس من مكانه ويغير الأوسيل وإحتمال يغير طقم دبرياج لو لقاه مش كويس وقال إن الموضوع هيتكلف مصنعية 150 جنيه وهياخد يوم...

تفتكروا أيهما كلامه صح؟؟؟

أنا مش عايز أجرب، عايز أصلحها مرة واحدة وخلاص

برجاء الرد من الأخ نادر

جزاكم الله خيراً

وعليكم السلام ورحمة الله وبركات

مشكلة تسريب الزيت مش هينفع يتعرف سببها غير لما تغسل الموتور من تحت وتمشي شوية بالعربية شوية واطلع على ميكانيكي ثالث يبص لك عليها علشان تقطع الشك باليقين وإن شاء الله يطلع جوان الكارتيرة، لان مصنعية فك الفتيس مش قليلة.

[Nader]

قبل ما اركب المنفول الإستيراد كنت بدور العربية وبعدين اكارك بنزين واثبت رجلى على البنزين لحد ما العربية تسخن
لما غيرت المانفول الميكانيكى قاللى ان المانفول الإستيراد بيبقى فيه ترموستات علشان يساعد فى عملية التسخين الصبح فى البلاد الباردة والمفروض انه يشيله بس احنا هنسيبه ونلاحظ اذا كانت العربية بتسخن زيادة عن المعتاد يبقى نشيله
الترموستات دة لسة موجود لحد دلوقت
وبعد ما ركبت المانفول الإستيراد بقيت احتاج دايما الصبح اشد الشفاط علشان ادور العربية وساعات كمان تفصل وانا شادد الشفاط
يا ترى الترموستات دة هوه اللى ممكن يكون عمل الحكاية دى يعنى اشيله ولا اخليه
وجزاك الله خيرا

شوف بالنسبة للدوارة الطبيعي انك تشد الشفاط وتدور بدون ما تدوس بنزين اثناء التدوير، ممكن قبل التدوير.

اما بالنسبة للثرموستات فمفيش مشكلة من وجودها، كانت راكبة عندي لمدة سنة بدون أي مشاكل، بس انا شيلتها الصيف السابق وانا بغسل دورة التبريد وبسلك الردياتير. وطبعاً ملهاش علاقة بتدوير العربية.

[Nader]

الاخ نادر والاخوة الاعضاء شكرا للجميع تم حل مشكلة ارتفاع درجة حرارة الموتور بعد ما غيرت ثيرموستات الردياتير بواحد 80-85
بس للاسف ملقتش غير الصينى ابو 30 جنية

شكرا للجميع

مبروك، الصنايعية هما اللي دوخوك :)

[Lion_Heart]

اولا الف مبوك على التثبيت مع انه اتأخر اوى :
وانا بأدور على الجديد بخصوص أكسل
عرفت يجب الاهتمام بحاله المساعدين الاماميين لان عدم تغيرهم بأنتظام بيتسبب فى شرخ مشهور فى الركبه اليمين ويعتقد ان ده عيب فى تصميمها والشرخ ده بيكبر مع المطبات وبيعيب العربيه عند البيع

هى الركبة دى ممكن تتغير ولا تتلحم وخلاص و هى فعلا مشهورة فى الاكسل ؟؟؟؟.
وده الرابط اللى كان فيه الموضوع
http://www.nilemotors.net/Nile/showthread.php?t=65924

[Lion_Heart]

هل الكبالن الجديدة بيجى معاها الكاوتش الخارجى ولا بيجى لوحده ؟؟

[midoonesaid]

هل الكبالن الجديدة بيجى معاها الكاوتش الخارجى ولا بيجى لوحده ؟؟

الكبالن الجديدة بيجي معاه الكاوتش الخارجي والشحم بتعها كمان

[m_elmahdy]

شوف بالنسبة للدوارة الطبيعي انك تشد الشفاط وتدور بدون ما تدوس بنزين اثناء التدوير، ممكن قبل التدوير.

اما بالنسبة للثرموستات فمفيش مشكلة من وجودها، كانت راكبة عندي لمدة سنة بدون أي مشاكل، بس انا شيلتها الصيف السابق وانا بغسل دورة التبريد وبسلك الردياتير. وطبعاً ملهاش علاقة بتدوير العربية.

طيب لو باضطر أدوس بنزين واكارك وانا شادد الشفاط كمان
أحل المشكلة ازاى

[mohamed farouk abo ala]

مساء الخير على أجمل أكسلاوية
كنت عايز أستشير حضرتكم بخصوص تصليح التكييف . كنت عايز أعرف احسن ورشة بتصلح التكييف لانى بصراحة السنة الى فاتت صلحت التكييف أكتر من 3 مرات وكل مرة يحصل تسرييب فريون
وغيرت الكمبروسر وبردو مافيش فايدة فاكنت أعرف من خبرات حضرتكم احسن مكان بيصلح تكييف

[Nader]

طيب لو باضطر أدوس بنزين واكارك وانا شادد الشفاط كمان
أحل المشكلة ازاى

المشكلة في انك تكارك بنزين اول العربية تدور انك بترفع الـrpm او عدد لفات المحرك بشكل كبير والموتور بيكون غير مستعد لذلك لان الزيت بيكون منتشرش بالشكل المطلوب ولذلك بينتج عن زيادة عدد لفات الموتور احتكاك اكبر وفي النهاية هيقلل من العمر الافتراضي للموتور.

خلي ميكانيكي يكشف لك على شداد الشفاط والسلك بتاعة، وعلى فكرة ممكن تكون انت مش بتشدة بشكل صحيح، حاول تشد 3/4 على الاقل ومش هتحتاج تدوس بنزين خالص لا وانت بتدور ولا بعد لتدوير.

[Nader]

مساء الخير على أجمل أكسلاوية
كنت عايز أستشير حضرتكم بخصوص تصليح التكييف . كنت عايز أعرف احسن ورشة بتصلح التكييف لانى بصراحة السنة الى فاتت صلحت التكييف أكتر من 3 مرات وكل مرة يحصل تسرييب فريون
وغيرت الكمبروسر وبردو مافيش فايدة فاكنت أعرف من خبرات حضرتكم احسن مكان بيصلح تكييف

حدد الاول انت ساكن فين علشان لو حد يعرف واحد قريب منك يدلك.

[Nader]

هل الكبالن الجديدة بيجى معاها الكاوتش الخارجى ولا بيجى لوحده ؟؟

الكبالن بيجي معاها كل حاجتها كاوتشتين وكيسين شحم واحد لكل فردة.