رابطة مالكى الاكسيل-الجزء الأول

[haitham83]

يا رجاله عندى مشكله كدة غلسه اوى اللوك بتاع الدركسيون مبقاش موجود مش عارف دة من ايه و حله ايه ياريت حد يساعدنى

[mero25]

على فكرة الحمد لله حليت مشكلة ترموستات مروحة التبريد وجبت واحد اصلى وسعره 50 جنيه واشتغل تمام ناقصنى اجيب مروحة جديدة للتكييف ودى موجودة هى ومروحة التريد جداد عند محل فى شبرا مضر فى شارع شبرا عند الصاوى ومروحة التكييف عاملة 160 والبريد عاملة 175 جداد نوفى

ممكن توصفلنا الصاوى دة فين فى شارع شبرا تحديدا
وهل هو اللى عنده الترموستات الاصلى
وشكرا

[M.FOUAD]

يا رجاله عندى مشكله كدة غلسه اوى اللوك بتاع الدركسيون مبقاش موجود مش عارف دة من ايه و حله ايه ياريت حد يساعدنى

هو اية تاثير المشكلة عليك عموما المشكلة ممكن تكون في بلي الكونتاكت و اي حد بتاع مفاتيح يحلهالك

[kokmedo]

حلوة أوي الأكسيل

[foshiahmed]

تمام فكره كويسه

[mahmmoud1980]

ممكن اعرف سعر الأريال لأن سألت عليه ب45جنيه بس اصلي وانا مش مصدق الصراحة هل ممكن يكون في حاجه ارخص

[khaledsadek]

الترومستات الاصلى موجود عند الصاوى فى شارع شبرا مصر فى منية السيرج امام مبنى البلدية وجنبه محل قطع غيار برضه اسمه الشرق بس متجبش من الشرق عشان ............ وسعره كان تقريبا فى حدود 20 جنيه

الرجاء أنتقاء الألفاظ جيداً
مشرف عام 5

[khaledsadek]

اانا كان عندى مشكلة فى الدينامو وجبت استيراد من غزبة شلبى على التجربة وغيرته 3 مرات لحد ما اخيرا ركبت واحد كويس الغريب ان لما كنت اروح اقيس شحن الدينامو كانوا يقولوا ضعيف الشحن لحد ما رحت لكهربائى بيفهم قال انه تمام وشيك على البطارية والدينامو وهل فيه قفلة ولا لاء وطلعت جربت فى مشوار وكانت زى الفل ولسة مستنى الليل عشان اشوف مع تحميل الانوار والسيدى هتعمل ايه خالد صادق وكل اللى عنده تجربة مع عربيته يقولنا عمل ايه وشكرا

[mero25]

ممكن اعرف سعر الأريال لأن سألت عليه ب45جنيه بس اصلي وانا مش مصدق الصراحة هل ممكن يكون في حاجه ارخص

يا باشا انا سألت عاى الاصلى الكهربا قالى 180 جنية بس العادى 15 جنية
انت 45 نوعة اية كهربا ولا عادى ومنين جبت السعر دة

[Lion_Heart]

الاريال الكهربا ب 140 جنيه بالمنصورة

[Lion_Heart]

عايز اركب جهاز انذار حد عنده فكره عن الانواع و الاسعار انا ساكن بالهرم
شكرا

انذار spy ب 140 جنيه و الافضل انك تجيبه بالريموت و مش لازم تعمل المفتاح لأنه بعد فتره بيتلف و يعرضك لمواقف محرجة

[TAMER13]

انذار spy ب 140 جنيه و الافضل انك تجيبه بالريموت و مش لازم تعمل المفتاح لأنه بعد فتره بيتلف و يعرضك لمواقف محرجة

شكرا علي الرد
انا جبت صن ب170 و الكهربائي اخد 50 جنيه تركيب اعتقد كتير

[mahmmoud1980]

يا باشا انا سألت عاى الاصلى الكهربا قالى 180 جنية بس العادى 15 جنية
انت 45 نوعة اية كهربا ولا عادى ومنين جبت السعر دة

لأريال عادي سألت عليه في السماعيليه وقالوا لي ب45جنيه حتى انا استغربت وقالو لي اصلي ومش اصلي ووجع دماغ

[AVODAFONE1]

لأريال عادي سألت عليه في السماعيليه وقالوا لي ب45جنيه حتى انا استغربت وقالو لي اصلي ومش اصلي ووجع دماغ

هو انا كنت سألت علية عند المنير في فيصل وقالي ان الكهرباء بحوالي 140 اما الاريال العادي في حدود 15 جنية فعلا اما 45 جنية دي مش تمام كدة بيشتغلك وهيخد منك تمنة 3 مرات اسأل عند حد تاني

[khaledsadek]

pحد يا جماعة جاب اكصدامات سواء امامى اوخلفى عاوزين نعرف اسعارهم ويا ريت سعر التابلوة