رابطة مالكى الاكسيل-الجزء الأول

[dr_winner]

السلام عليكم
أنا نويت أبيع الإكسيل - إن شاء الله - للسفر
1300 حمراء-تكييف-4 زجاج كهرباء-فتح الشنطة والتنك بالداخل-عداد Rpm- كورى

[ADELHASANALSHAAIRYN6]

انا معايا اكسيل 97 - 1300 حالتها ممتازة وكأننى راكب زيرو - فوجأت عند اغلاق الزجاج بصوت خشونة يشبه صوت الكرونة البايظة في سيارات الدفع الخلفي - والصوت يختفى فى الطوالى - قالوا 3 اسباب : سير خشن - بلية الدينامو - بلية الفتيس - ارجو من اهل الخبرة وبدون اجتهاد افادتى - وعام جديد سعيد على كل الاكسلاوية

[ADELHASANALSHAAIRYN6]

ايه يا أهل الاكسيل أين أنتم هوه أنا خبط باب غلط ولا أيه - يا نادر باشا سايبنى لايص ليه - علشان أنا عضو جديد يعنى - مش معقول أبيع العربية علشان عاملة صوت خشونة - أرجو المساعدة

[m_elmahdy]

أسعار بعض قطع الغيار
طقم جلب المقصات 40 جنيه
أفيز المقص 10 جنيه
كوع الميه 15 جنيه
طقم مساعدين خلفى Kyb يابانى غاز 240 جنيه
فلتر هواء 15 جنيه
سوستة شكمان 40 جنيه

[hatem007]

انا معايا اكسيل 97 - 1300 حالتها ممتازة وكأننى راكب زيرو - فوجأت عند اغلاق الزجاج بصوت خشونة يشبه صوت الكرونة البايظة في سيارات الدفع الخلفي - والصوت يختفى فى الطوالى - قالوا 3 اسباب : سير خشن - بلية الدينامو - بلية الفتيس - ارجو من اهل الخبرة وبدون اجتهاد افادتى - وعام جديد سعيد على كل الاكسلاوية

أستاذ عادل، بما انك وصفت العربيه "حالتها ممتازة وكأننى راكب زيرو " أعتقد ان الصوت ممكن يكون من بلى الطنابيرلأن دى أكتر بليه بتبوظ فى الأكسيل. ولاحظ أنه صوت السير أو بلية الدينامو ممكن يتسمعوا والعربيه واقفه و دايره.لكن بلى الطنابيربيبان فى المشى فقط.

[mohamedwahab]

انا عندي أكسيل 1995 1500سي سي
ومعكم في هذة الرابطة

[ADELHASANALSHAAIRYN6]

يا حاتم باشا اشكرك على اهتمامك وانا ارى ان توقعك منطقى لان الصوت لايظهر الا مع تحرك السيارة سأعدى على الحرفيين لما الجو يتحسن وسوف اخبرك بالنتيجة - انت إن شاء الله هتفضل معايا لغاية لما نلاقى حل سوا - اكرر شكرى وارجو من كل الاكسلاوية المشاركة مع اخوانهم علشان نعتمد على نفسنا فى حل مشاكل الاكسيل - وربنا يخيب ظننا وتكون السنة الجديدة افضل واسعد

[vbshar]

باور الاكسيل

سلامو عليكم يا رجالة
انا معايا اكسيل كوري 94 1300 سي سي
هاف باور و عاوز اركبلها باور كامل
ياترى هيتكلف كام و العفشجي ياخد كام في المعقول
و اجيب مكنة بور كاملة منين علما بأني من المنصورة
شكرا

[vbshar]

الكرتيرة الخلفية

الكرتيرة الخلفية انا جبتها من الحسنية اصلي من عند عادل وديع بحوالي 10 جنية الكرتيرة يعني 20 جنية للأتنين
هما بيني و بينك اصلا هما حتتتين بلاستيك مايسووش في ذمتي 10 جنية
ولا خمسة حتى
مش زاي الكرتيرة الأمامية اللي بتبقى عاملة زاي الدرع
ممكن تسأل عند الخضري برضه في الحسنية

السلام عليكم و رحمة الله وبركاته
معلش نسيت اقول ان الحاجات دى من المنصورة ش حسين بك لأنى من المنصورة ,
و ان شاء الله الفتره الجاية عاوز اجيب مساعدين خلفى لأنهم خفوا قوى وهيه نفس ملاحظة الميكانيكى مش عارف اجيب مونرو غاز يابانى ولا مساعدينها الأصلين و أجيبهم جداد ولا استيراد مش عارف وأهم حاجة بكام !!!
وبرضة فى جلدة بتركب فى الرفارف قدام وورا عشان الحماية و الشتا قادم تقريبا اسمها كرتيرة مش عارف دى تتكلف كام ؟؟
والله المستعان
و السلام عليكم و رحمة الله وبركاته

[نور القمر]

حاسة ان فرش الكراسي اتوسخ شوية وغسيلها في المغسلة مش مجدي بالنسبة للكراسي
تنصحوني اعملها فرش جديد جلد ولا قماش وكل نوع تكلفته كام
ولوفي حد كويس بتاع فرش ياريت تقولوا عليه

[ADELHASANALSHAAIRYN6]

يا اخت نور لو ساكنة قريب من الحرفيين كل السروجية هناك محترفين - انصحك بالقماش طبعا الجلد لا لا لا - صديقى دفع 500 جنيه بالمصنعية

[vbshar]

سينسور العربية

هو الهيونداي اكسيل ممكن يركبلها سينسور علشان الركنة و الرجوع لورا
و لو بيركب بكام و يتركب في العربية بكام و فين في العربية بالضبط
ياريت حد يجاوبني و ما تبخلوش علينا بالمعلومات يا باشمهندس نادر

[wesam_salom]

حاسة ان فرش الكراسي اتوسخ شوية وغسيلها في المغسلة مش مجدي بالنسبة للكراسي
تنصحوني اعملها فرش جديد جلد ولا قماش وكل نوع تكلفته كام
ولوفي حد كويس بتاع فرش ياريت تقولوا عليه

بالنسبه للفرش

الجلد اغلى وبيستحمل اكتر

بس يبقى وحش جدا فى الصيف

بس لو فيه اطفال يبقى احسن

الاسعار بتختلف على حسب الخامه والتركيب

[wesam_salom]

هو الهيونداي اكسيل ممكن يركبلها سينسور علشان الركنة و الرجوع لورا
و لو بيركب بكام و يتركب في العربية بكام و فين في العربية بالضبط
ياريت حد يجاوبني و ما تبخلوش علينا بالمعلومات يا باشمهندس نادر

السنسور ممكن يركب لاى عربيه

وهو انواع كتير وهتلاقى موضوع عنه فى قسم الكماليات

وتقريبا فيه اسعار تقريبيه

[m00dy]

علبة الدركسيون الباور 300 جنيه (استيراد)
كبالن 350 جنيه (ايطالي)
مساعدين امامي Kybياباني 450
و الخلفي 260
قاعدة موتور امامية 35 جنيه
قاعدة خلفية 45 جنيه
وش سيلندر (استيراد)800 جنيه
بلي عجل امامي 65
تيل فرامل امامي (الاصلي) 90 جنيه
فانوس امامي (ديبو تايواني ) 100 جنيه
فانوس اشارة (ديبو بردو) 25 جنيه
الفوانيس الخلفية يستحسن تيجي استيراد لان اللي في السوق كله اي كلام
الفانوس بحوالي 80 جنيه مع ان الجديد ب60
مقصات امامية 240 جنيه
اكصدام امامي ب 170 جنيه
كبوت استيراد ب 350 جنيه مع ان الجديد ب 280 بس تايواني و خفيف
رادياتير استيراد ب 200 جنيه
طلمبة ميه بحوالي 180 جنيه
دينامو استيراد ب200 جنيه