رابطة مالكى الاكسيل-الجزء الأول

[Nader]

انا عندي العربية بسمع صوت شخلله في العجله اللي في الخلف يا ترى صوت اي ده ممكن يكون كوبلن ولا بلي عجل

ليست الكبالن بالطبع لان الكبالن في الجهة الامامية

وبالنسة للبلي فيصدر عنة صوت ونة مميزة، قد تكون العفشة محتاجة لتربيط فقط،، راجع عفشجي قبل تغيير أي شئ.

[Nader]

بلى العجل الخلفى (بليتين لكل صرة ) ب
60 جنيه لو يابانى
50 جنيه لو كورى

الياباني انعم،، والكوري بيعيش أكثر.

[hosamabraq]

السلام عليكم ورحمة الله وبركاته

حد يعرف حد بيصلح ردياديتير كويس في مصر الجديدة أو مدينة نصر؟

وشكراً

[ADELHASANALSHAAIRYN6]

استاذ نادر : لك كل الشكر والتقدير - خيركم من تعلم العلم وعلمه فأنت خيرنا - جزاك الله خيرا وربنا يحفظك من شر الطريق

[Nader]

السلام عليكم ورحمة الله وبركاته

حد يعرف حد بيصلح ردياديتير كويس في مصر الجديدة أو مدينة نصر؟

وشكراً

في اكتر من واحد في مدينة نصر،، في واحد في الحي السابع في شارع متفرع من الشارع الموجود فيه مطعم ابو رامي (الموجود قصاد موقف اتوبيسات الحي السابع) بس مغلواني شوية

وفي واحد تاني بس في شوارع جانبية ممكن تتوه لو مش مركز :) لو عاوز عنوانة برضة ابقى قول لي.

[Nader]

استاذ نادر : لك كل الشكر والتقدير - خيركم من تعلم العلم وعلمه فأنت خيرنا - جزاك الله خيرا وربنا يحفظك من شر الطريق

شكراً لك وجزاك الله خيراً على الدعاء.

[hatem007]

السلام عليكم ورحمة الله وبركاته

حد يعرف حد بيصلح ردياديتير كويس في مصر الجديدة أو مدينة نصر؟

وشكراً

يوجد مركز معتمد لهيونداى اسمه جيسكو فى ميدان ابن الحكم والناس هناك حافظين الأكسيل ودول شغالين جمعه و سبت وباقى الأسبوع لغاية 6 مساء.

[mero25]

يوجد مركز معتمد لهيونداى اسمه جيسكو فى ميدان ابن الحكم والناس هناك حافظين الأكسيل ودول شغالين جمعه و سبت وباقى الأسبوع لغاية 6 مساء.

وياترى ليه اخبار اسعارهم والمعاملة الشخصية؟؟؟!!!
شكرا

[hatem007]

وياترى ليه اخبار اسعارهم والمعاملة الشخصية؟؟؟!!!
شكرا

أنا باتعامل معاهم من 10 سنين و معاملتهم الشخصيه كويسه جدا و اسعارهم معقوله وممكن تعرف تكلفةالتصليح قبل الشغل فى العربيه و فى ميزه كمان انك ممكن ماتقعدش فى الأستراحه وتتابع التصليح بنفسك.

[mero25]

أنا باتعامل معاهم من 10 سنين و معاملتهم الشخصيه كويسه جدا و اسعارهم معقوله وممكن تعرف تكلفةالتصليح قبل الشغل فى العربيه و فى ميزه كمان انك ممكن ماتقعدش فى الأستراحه وتتابع التصليح بنفسك.

شكرا على الرد وكدة هايل لانهم قريبين منى انا فى مدينة نصر
يا ترى بيصلحوا التكيف كمان؟؟؟

[Lion_Heart]

اسعار شوية حاجات كنت سألت عليها
كبالن ايطالى 300 جنيه على فكرة رخصت من 350 جنيه و يؤكد لى البائع انها افضل من الالمانى ..
خرطوم كاوتش اللى بيوصل من الريداتير ل الموتور ب 15 جنيه
فانوس خلفى كورى 70 جنيه

[hatem007]

شكرا على الرد وكدة هايل لانهم قريبين منى انا فى مدينة نصر
يا ترى بيصلحوا التكيف كمان؟؟؟

موضوع صيانة التكييف لسه جديد عندهم. لو التكييف عندك فيه مشكله كبيره أفضل ناخذ رأى الاخوه الاعضاء ومن تجربتى ارشح عشم اللى فى شارع بيروت أمام الميريلاند.

[modynet16]

استهلاك العربية

اولا السلام عليكم
انا لسة جايب عربية هيونداى اكسل 94 1300 cc بس لاقيت انها بتعمل 160 كيلو فى الصفيحة فهل دة العادى بتعها ولا يبقى فية حاجة غلط مع العلم انى بمونها بنزين 80 لان طريقى طويل ومعرفش اللى قبلى كان بيمون اية ومعلش لو كدة بتاكل بنزبن اعمل اية وشكرا على المعلومات الجامدة اللى موجودة فى الرابطة

[mero25]

موضوع صيانة التكييف لسه جديد عندهم. لو التكييف عندك فيه مشكله كبيره أفضل ناخذ رأى الاخوه الاعضاء ومن تجربتى ارشح عشم اللى فى شارع بيروت أمام الميريلاند.

الف شكر على المساعدة ونرجوا من الاخوة الاعضاء والبشمهندس نادر اعطاء رأيهم بمناسبة دخولنا على الصيف واكيد فى نلس كتير عايزين بعملوا صيانة للتكيف
وشكرا

[mero25]

اولا السلام عليكم
انا لسة جايب عربية هيونداى اكسل 94 1300 cc بس لاقيت انها بتعمل 160 كيلو فى الصفيحة فهل دة العادى بتعها ولا يبقى فية حاجة غلط مع العلم انى بمونها بنزين 80 لان طريقى طويل ومعرفش اللى قبلى كان بيمون اية ومعلش لو كدة بتاكل بنزبن اعمل اية وشكرا على المعلومات الجامدة اللى موجودة فى الرابطة

اكيد فى مشكلة عندك
راجع على البوجيهات والفلاتر
ضبط تاكيهات
واخيرا صلح الكربراتير
متوسط الاستهلاك 200-250 كم فى الصفيحة
واستنى راى بقى الاعضاء ممكن يفيدوك اكتر
وشكرا