رابطة مالكى الاكسيل-الجزء الأول

[good09]

هل الخرم فى الريداتير الالمونيوم ممكن يتلحم و لا فى مشاكل ؟؟؟

[mahmmoud1980]

ممكن اعرف سعر المساعدين الخلفي للأكسيل نوع مونرو او kybغاز على زيت علشان عندي المساعدين ضربوا زيت
وشكرا

[strongxx]

يا رجال الاكسل: المياه عندى فى الرادياتير بتنقص بشكل مخيف...الاول كنت بزود الرادياتير كل 3 او 4 ايام دلوقتى بمجرد المشى بالعربية نصف ساعة المياه بتختفى تماما من القربة والرادياتير...ومافيش مياه تحت الرادياتير....ايه الحكاية...!!

وفيه أحتمال تاني عبيط ممكن متخدش بالك منه

الغطا بتاع الرادياتير متأكد انه بيسد كويس ؟؟؟ يعني الجلده إلي في قلب الغطا متكونش دايبه او متاكله أو الغطا نفسه ميكونش متثبت كويس

ولو مكنش يبقي راجع طرمبة الميه هيه إلي بتسرب الميه لو جري لها حاجه

[strongxx]

هل الخرم فى الريداتير الالمونيوم ممكن يتلحم و لا فى مشاكل ؟؟؟

لا بيتلحم عادي وتقريبا بيتلحم بحاجه أسمها المادتين ودي بتبقي عامله زي المعجون كده

بس لو طلع فيه كذا خرم مره واحده يبقي عمره الإفتراضي انتهي ودفن الميت وااااجب

ولو كده فيه الإستثماري ممتاز ب 400 جنيه أو 350 جنيه بيبقي أقوي من الرادياتير الفبريكه بتاع الإكسيل وده لان الراس بتاعته بتبقي نحاس غالبا علي عكس الفبريكه بتبقي راسه بلاستيك بس مش معني أنه بلاستيك يبقي وحش أو سكا لأ بس هيه الفكره أن التاني قدرة تحمله أعلي بس المهم تجيبه علي نفس مقاس الرادياتير القديم ولو طلع أكبر شويه خير وبركه ميضرش بس تعرف تبيته في مكانه الصح

[announcer]

دور على طبب المية اللي في الومتور جايز تكون دايبة و شوف وصلات التكييف

التكييف مش شغال اساسا...الكمبريسور قفش...!!!!بس فين طبب الميه دى....؟؟

[announcer]

وفيه أحتمال تاني عبيط ممكن متخدش بالك منه

الغطا بتاع الرادياتير متأكد انه بيسد كويس ؟؟؟ يعني الجلده إلي في قلب الغطا متكونش دايبه او متاكله أو الغطا نفسه ميكونش متثبت كويس

ولو مكنش يبقي راجع طرمبة الميه هيه إلي بتسرب الميه لو جري لها حاجه

الطرمبة سليمة...وكان فيه ثرموستات كده فى وش الموتور واصل بالرخطوم اللى جاى من الرادياتير..الميكانيكى قاللى المفروض ده بيفتخ بعد درجة حرارة 90 علشان يزود تدفق الميه فى الماكنة وشالو خالص وقاللى خليه معاك هانركبو فى الشتا...وبرضو الميه بتنقص...!!!!

[strongxx]

الطرمبة سليمة...وكان فيه ثرموستات كده فى وش الموتور واصل بالرخطوم اللى جاى من الرادياتير..الميكانيكى قاللى المفروض ده بيفتخ بعد درجة حرارة 90 علشان يزود تدفق الميه فى الماكنة وشالو خالص وقاللى خليه معاك هانركبو فى الشتا...وبرضو الميه بتنقص...!!!!

والله يا برنس هيه المشكله دي كانت ملازماني وناس قالوا لي ان الغطا مش متثبت كويس وناس قالوا لي ان الميه بتروح في خزان الراجع بتاع الميه ....طيب ما هو خزان الراجع ده طول عمره موجود إشمعنه دلوقتي حيسرب ميه ويوديها خزان الراجع؟؟؟

انا روحت عند بتاع رادياتير شاطر وقلت له أنت مش حتسيب العربيه دي انهارده ولا انا حسيبك لحد ما اعرف الميه دي بتروح فين....لا لاقي تسريب تحت العربيه ولا لاقي لها أي أثر.....قلت له يعني الميه بتتبخر ولا بتروح مع الجكمان من ورا ؟؟ ماسورة صرف هيه يا أسطه ولا ايه ؟؟


المهم....فضل وراها وراها لحد ما لقي حوالي أربع اخرام كبيره بتسرب ميه لما العربيه بتشتغل وبتبدأ دورة التبريد تشتغل بالكامل وكانت الاخرام كلها بتتركز في راس الرادياتير من فوق أو العمه زي ما بيسموها ساعات والمشكله دي راحت لما غيرت الرادياتير كلها وزي ما قلت لك علي الأسعار ما بين 350 إلي 400 جنيه


بالنسبه لموضوع الخرطوم إلي شاله ده ....نصيحه بلاش إفتكاسة الميكانيكيه دول يعني معلش يعني مش حيطلع أذكي من الخواجه إلي صمم العربيه دي...ركب كل حاجه زي ما هيه ولا تشيل في الصيف وتركب في الشتا ولا الكلام ده لان اكيد اكيد الخرطوم والثيرموستات دي موجوده علطول في مكانها علشان غرض تاني غير التبريد...وإلا كانوا عملوها زي المفتاح بتتشال في الصيف وتتركب في الشتا.....فاهم قصدي؟؟

[MMMERO]

ممكن اعرف سعر المساعدين الخلفي للأكسيل نوع مونرو او kybغاز على زيت علشان عندي المساعدين ضربوا زيت
وشكرا

محمود باشا السلام عليكم
انا كنت سألت على المونرو فى التوفقية وكانوا غاز على زيت من حوالى شهرين وكانوا الخلفى ب 380 والامامى ب 500 فى توكيل مونرو فى التوفقية

[Nader]

الثرموستات الموجود تحت عمة فلتر الهواء بيتشال في الصيف علشان الحرارة، بس تفتكر تركبة في الشتاء علشان الموتور مش هيوصل لدرجة حرارة التشغيل غير بعد وقت طويل، وطبعاً الموتور مش هيرضى تتجاوب معاك طول الفترة دي.


بالنسبة لنقص المية راجع على دورز التبريد كويس بالخراطيم وخلافة وممكن تكون المشكلة من طرمبة المية، راجع عليها كويس أو من اي طبة مية ولو الثقب في الطبة صغير المية بتتبخر مش بتركن على الأرض علشان كدة ممكن متشوفهاش.

[M.FOUAD]

التكييف مش شغال اساسا...الكمبريسور قفش...!!!!بس فين طبب الميه دى....؟؟

مش معنى ان التكييف مش شغال يبقى وصلات النكييف بتاع التبريد مش شغالة كل العربيات ختى اللي مفيهاش تكييف بتبقى الوصلات موجودة حتى في ال128 روح بس اسال عليها و على الطبب عند اي ميكانيكي

[good09]

لا بيتلحم عادي وتقريبا بيتلحم بحاجه أسمها المادتين ودي بتبقي عامله زي المعجون كده

بس لو طلع فيه كذا خرم مره واحده يبقي عمره الإفتراضي انتهي ودفن الميت وااااجب

ولو كده فيه الإستثماري ممتاز ب 400 جنيه أو 350 جنيه بيبقي أقوي من الرادياتير الفبريكه بتاع الإكسيل وده لان الراس بتاعته بتبقي نحاس غالبا علي عكس الفبريكه بتبقي راسه بلاستيك بس مش معني أنه بلاستيك يبقي وحش أو سكا لأ بس هيه الفكره أن التاني قدرة تحمله أعلي بس المهم تجيبه علي نفس مقاس الرادياتير القديم ولو طلع أكبر شويه خير وبركه ميضرش بس تعرف تبيته في مكانه الصح

و الاستثمارى ده بيكون جديد ولا مستعمل ؟؟

[announcer]

والله يا برنس هيه المشكله دي كانت ملازماني وناس قالوا لي ان الغطا مش متثبت كويس وناس قالوا لي ان الميه بتروح في خزان الراجع بتاع الميه ....طيب ما هو خزان الراجع ده طول عمره موجود إشمعنه دلوقتي حيسرب ميه ويوديها خزان الراجع؟؟؟

انا روحت عند بتاع رادياتير شاطر وقلت له أنت مش حتسيب العربيه دي انهارده ولا انا حسيبك لحد ما اعرف الميه دي بتروح فين....لا لاقي تسريب تحت العربيه ولا لاقي لها أي أثر.....قلت له يعني الميه بتتبخر ولا بتروح مع الجكمان من ورا ؟؟ ماسورة صرف هيه يا أسطه ولا ايه ؟؟


المهم....فضل وراها وراها لحد ما لقي حوالي أربع اخرام كبيره بتسرب ميه لما العربيه بتشتغل وبتبدأ دورة التبريد تشتغل بالكامل وكانت الاخرام كلها بتتركز في راس الرادياتير من فوق أو العمه زي ما بيسموها ساعات والمشكله دي راحت لما غيرت الرادياتير كلها وزي ما قلت لك علي الأسعار ما بين 350 إلي 400 جنيه


بالنسبه لموضوع الخرطوم إلي شاله ده ....نصيحه بلاش إفتكاسة الميكانيكيه دول يعني معلش يعني مش حيطلع أذكي من الخواجه إلي صمم العربيه دي...ركب كل حاجه زي ما هيه ولا تشيل في الصيف وتركب في الشتا ولا الكلام ده لان اكيد اكيد الخرطوم والثيرموستات دي موجوده علطول في مكانها علشان غرض تاني غير التبريد...وإلا كانوا عملوها زي المفتاح بتتشال في الصيف وتتركب في الشتا.....فاهم قصدي؟؟

ياجمالو ...ياجمالو....هو ده بالظبط يامان اللى حصل...روحت لبتاع الرادياتير ونصبت الخيمة جنبه....وفعلا نفس الكلام اللى انت بتقوله بس كانو خرمين بس فى الرادياتير....الف شكر....

[announcer]

الثرموستات الموجود تحت عمة فلتر الهواء بيتشال في الصيف علشان الحرارة، بس تفتكر تركبة في الشتاء علشان الموتور مش هيوصل لدرجة حرارة التشغيل غير بعد وقت طويل، وطبعاً الموتور مش هيرضى تتجاوب معاك طول الفترة دي.


بالنسبة لنقص المية راجع على دورز التبريد كويس بالخراطيم وخلافة وممكن تكون المشكلة من طرمبة المية، راجع عليها كويس أو من اي طبة مية ولو الثقب في الطبة صغير المية بتتبخر مش بتركن على الأرض علشان كدة ممكن متشوفهاش.

شكرا على اهتمامك يا باشمهندس نادر ...وشكرا لكل اللى ردوا على السؤال

[tota_naglaa]

كلمه السر لكاسيت هيونداي اكسل

كلمه السر لكاسيت هيونداي اكسل

[mahmmoud1980]

في رجرجة في الماتور وهي العربية بارده ولما امشي مشوار الرجرجة بتروح