رابطة مالكى الاكسيل-الجزء الأول

[domain]

مشاكل التكييف

الافضل تكييف جديد يابانى و اسمه ساندن ده لو ان التكيف عندك متبهدل و عاوز مصاريف
وهو فى حدود 2500 جنيه و هتلاقى اماكن البيع و التليفون بالرابط التالى

http://www.nilemotors.net/Nile/91125-a.html

و ماتنساش تقولنا عملت ايه و الاسعار اتغيرت ولا لأ

العنوان 62شارع النصر المعادى الجديده ، بجوار سيراميكا كليوباتراالمسئولالمهندس / سمير 25167161 موبيل0122113921

2700 جنية لو هيركب واحد كامل من كل حاجة و 2400 جنية لو هيركب جزء وويسيب الجزء الداخلي للسيلرة فقط
مش عرف اعمل اية اضمن من فين انهم يركبولي بنفس الطريقة اللي قال عليها م / سبعاوي
http://www.nilemotors.net/Nile/1343-1400.html

[khaledsadek]

عندى فرش البيبان الكليبسات بتاعته تعبانة وعاوزة تتغير لكن مش لاقى زيها حد يعرف فين الاقيها خاة انى نزلت التوفيقية ودمشق مالاقتش زيها

[Lion_Heart]

علبة الدركسيون بتختلف ان كانت باور و لا عادة لو باور بتعمل في حدود 300 جنية استيراد

علبة الدركسيون الجديدة عادة تعمل كام وهل فى منها انواع

[M.FOUAD]

علبة الدركسيون الجديدة عادة تعمل كام وهل فى منها انواع

انا معرفش تعمل كام جديدة بس اللي اعرفة ان عمود الدركسيون من غير العلبة جديد بيعمل 270 جنية

[mero25]

ايوا ياباشا بس المركز ده تقريبا مافيهوش خراطة الاكس و الباب زي ماسمعت عنه انا عايز اعرف بتاع شبرا دا لانه احسن من مركز الصفا
انا ان شاء الله لو ماعرفتش بتاع شبرا دا هاضطر اجرب مركز الصفا و ربنا يستر يعني
و شكرا ياباشا للرد

نصيحه من مجرب بلاش بتاع شبرا علشان اولا حرامية فى الاسعار وكمان شغلهم زى الزفت بعد موت الحاج مصطفى الورشة زى الزفت ودا نتيجة تجربة شخصيا معهم + بعض الاعضاء فى المنتدى
وهو عنوانة جنب سينما شبرا بلاس

[Uranium]

لسة مغير علبة الدركسيون من كام شهر بواحدة استيراد جايبها ب200 جنية وخليعها بإيدى انا والميكانيكى من على نص عربية جايبها ب 200 وجبتلها بيض ب60 و علبة شحم 10 ومصنعية 30 اتكلفت 300جنية

سألت على الجديدة ب200 وصينى والكل اجمع انها رديئة جدا حتى اللى بيبعوها قالى هتيجى ترميها فى وشى
سألت على الكورى ملأقتهاش غير عند ابراهيم البنا - التوفيقية - ب 600 جنية

[Lion_Heart]

لسة مغير علبة الدركسيون من كام شهر بواحدة استيراد جايبها ب200 جنية وخليعها بإيدى انا والميكانيكى من على نص عربية جايبها ب 200 وجبتلها بيض ب60 و علبة شحم 10 ومصنعية 30 اتكلفت 300جنية

سألت على الجديدة ب200 وصينى والكل اجمع انها رديئة جدا حتى اللى بيبعوها قالى هتيجى ترميها فى وشى
سألت على الكورى ملأقتهاش غير عند ابراهيم البنا - التوفيقية - ب 600 جنية

الف شكر ليك

[abou-yahia]

محتاج نصيحه
مفتاح العربيه ضاع وانا شاكك انه اتاخد فدلوقتي انا عايز اغير مفاتيح العربيه الكونتاكت والابواب والشنطه محدش عمل اموضوع ده قبل كده و فين وتكلفتها ايه

[y_ammar2000]

السلام عليكم
سؤال هام جداااا جداااا للباش مهندس نادر بس ياريت يرد عليا بسرعه
السؤال عباره عن ان الموسوجر بتاع الدركسيون مبقاش يشتغل فجأه!!!
ياترى ايه سبب ظهور المشكله دى مع إنه كان شغال كويس

[y_ammar2000]

نسيت اقول ان العربية هونداى اكسل موديل 95
1500 سى سى بور

[ahmed_k_s]

محتاج نصيحه
مفتاح العربيه ضاع وانا شاكك انه اتاخد فدلوقتي انا عايز اغير مفاتيح العربيه الكونتاكت والابواب والشنطه محدش عمل اموضوع ده قبل كده و فين وتكلفتها ايه

ممكن تروح لأى محل بتاع مفاتيح يغيرلك البلى بتعهم أو تجيب كونتاكت جديد أو أستراد وتغير بردو بلى الابواب والشنطة على المفتاح الجديد

[modynet16]

بالنسبة للعاوز يكشف على الكاربيراتير فى ورشة بتاعة (ياسر وخيرى) ودية فى شارع متفرع من شار ع جسر البحر فى شبرا هو شارع يعتبر موازى لشارع شبرا بتروحلوا من عند ميدان الخلفاوى ولما تمشى فى الشاعر دة اسال علية والناس هاتوصفهولك وخلى بالك الورشة مكتوب عليها الاسمين دول لان فى بتوع كاربيراتير كتيير فى المنطقة دية بس اعمل حسابك على الوقت لان ممكن تاخد عندة ساعات من الزحمة (بسم الله ما شاء الله)

[sir_servizio]

انا كنت عاوز اعرف سعر الاكصدمات بتاعت الاكسل مع العلم انها هاتش باك

[domain]

انا كنت عاوز اعرف سعر الاكصدمات بتاعت الاكسل مع العلم انها هاتش باك

الاكصدام الامامي 140 جنية دة تابواني و ممتاز
الاكصدام الخلفي 400 جنية دة كوري اصلي

[abou-yahia]

ممكن تروح لأى محل بتاع مفاتيح يغيرلك البلى بتعهم أو تجيب كونتاكت جديد أو أستراد وتغير بردو بلى الابواب والشنطة على المفتاح الجديد

انا الحمد لله جبت طقم كامل ب 280 جنيه كونتاكت معاه 3 كالون للبابين والشنطه وكالون لوحده الادراج ودفعت مصنعيه 40 جنيه شامله نسخه احتياطي بس طلع عيني اني الاقيهم والحمد لله لقيتهم عند واحد في صقر قريش (المعادي) خلف البحث الجنائي .