رابطة مالكى الاكسيل-الجزء الأول

[Dojuar]

اخوانى الافاضل انا النهاردة كنت عند محل ياسر بتاع الكبراتير اللى فى شبرا عندنا بالتحديد فى شارع عبيد والغريبة ان معظم الصنايعية بتوعه سابوه وفتحوا محل جنبه وشغالين كويس اوى برضه وعملت الكبراتير عندهم وواضح انوا فيه فرق عن الاول وهجرب واقولكم النتيجة ايه ولو كويس الشغل هحط رقم موبايل الاسطى ده

انا رحت يوم الجمعه اللي فاتت عند محل ياسر باشا ايوه باشا وسيد البشوات كمان انا كنت عنده الساعه 11 صباحا وقولت بيني وبين نفسي اني هخلص من عنده باقصي تقدير علي صلاه الجمعه وبعد عناء الوصول لاني ما كنتش عارف المكان وقفت امام المحل لقيت صنايعي طلعلي وقالي خير قولتله انا جاي اصلح الكاربيراتير قالي اركن بره الشارع قولت ماشي وراح معاي الصنايعي وفك الكربيراتير ذي الصاروخ قولت كويس وخده وراح دخل للمحل وركنه علي البنك ولقيت امام المحل اصحاب السيارات قاعدين امام المحل قاعده الندامه لا كرسي ولا مكان مظلل وكانت درجه الحراره عاليه جدا وكان واحد قاعد اللي مسئول عن اصلاح الكاربيراتيرات اعتقدت انه ياسر سالت قالولي ان ياسر مجاش النهارده قولت مش مشكله اهوه حد من ريحته وكان هذا الاسطي يشرب في السجاير الماربورو ويخلص الشاي يشرب قهوه وتخلص القهوه يشرب حاجه ساقعه وقعدت حوالي ساعه ونصف لحد ما قالي المشكله بتاعت الكاربيراتير وقالي عايز اكس وباب و يتكلف 90 جنيه وتيجي بعد الساعه 2.30 وتدفع الفلوس الاول والله لو كان دكتور مخ واعصاب كان ممكن اخد وادي معاه في الكلام المهم ما طولش عليكم رحت صليت الجمعه وقولت بعد الصلاه اروحله وبعدين رحتله سالته قالي لسه ماجاش من عند الخراط وقعدت لقرب الساعه 4 عصرا لحد ما وصل الكاربيراير من عند الخراط وقعدت يا بشمهندس خلصني انا بتاع الساعه 11 صباحا ولكن لا حياه لمن تنادي وفين لغايه لما تفضل مشكورا واشتغل فيه كانت الساعه 5 مساءا كنت انا طبعا فصلت من التعب وقلت للصنايعي ياالله تعالي ركبه وركبه صنايعي وحقيقه لقيت ان العربيه اصبحت انعم من الاول بس لسه مش عارف مشكله اكل البنزين علشان لسه ما فولتش مع ان حاسس ان معدل الاستهلاك لم يتغير كثير وطلعت م القصه ديه ان ملك الملوك اذا وهب لا تسالن عن السبب واعتقد ان هناك مئات افضل من ورشه المهندس ياسر باشا 100 مره وليس لهم حظ في الدنيا والسبب فينا احنا بنعمل من الناس اسطورات

الله يكرمكم توصفو التغيير اللي هايحصل باذن الله بدقة

ويا رب يقلل زيارتكو للبنزينات يا قادر يا كريم

[abdo4422]

لو سمحتم يا جماعة ياريت نفيد بعض ونجيب اخر موضوع البنزين80 هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟ ام ماذا؟ وهل موضوع خلط ال80 مع ال90 صح ام خطأ ؟ لان فيه ناس كتير بتحزرني من الموضوع ده وبيقولوا يا 80 يا 90 علطول وغلط الخلط فأرجو نقتل الموضوع ده بحثا ونجيب نهايته
عشان انا لسه مشتري اكسل 97 وكان صاحبها حاططلها بنزيت 90 وبعدين لما قرب يخلص فولت العربية بنزين 80 فاخدت 16 لتر بس فمش عارف هل عربيتي 30 لتر ولا 40 مش عارف؟ المهم بعد يومين او 3 لقيت العربية وانا ماشي الماتور بيكركر وكان حد بيخبط علي العربية وخفت يكون فيها حاجة فأنا خايف يكون من البنزين ال80 فافيدوني افادكم الله
واسف للاطالة .
وملخص المشاركة كلاتي:
1- هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟
2-هل موضوع خلط ال80 مع ال90 صح ام خطأ ؟
3- هل يوجد اكسل تنك البنزين 30 لتر فقط ؟
4- هل الكركرة والتخبيط بالموتور بسبب البنزين ال80 و لا اوديها لميكانيكي؟

[ahmedzizo131]

لو سمحتم يا جماعة ياريت نفيد بعض ونجيب اخر موضوع البنزين80 هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟ ام ماذا؟ وهل موضوع خلط ال80 مع ال90 صح ام خطأ ؟ لان فيه ناس كتير بتحزرني من الموضوع ده وبيقولوا يا 80 يا 90 علطول وغلط الخلط فأرجو نقتل الموضوع ده بحثا ونجيب نهايته
عشان انا لسه مشتري اكسل 97 وكان صاحبها حاططلها بنزيت 90 وبعدين لما قرب يخلص فولت العربية بنزين 80 فاخدت 16 لتر بس فمش عارف هل عربيتي 30 لتر ولا 40 مش عارف؟ المهم بعد يومين او 3 لقيت العربية وانا ماشي الماتور بيكركر وكان حد بيخبط علي العربية وخفت يكون فيها حاجة فأنا خايف يكون من البنزين ال80 فافيدوني افادكم الله
واسف للاطالة .
وملخص المشاركة كلاتي:
1- هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟
2-هل موضوع خلط ال80 مع ال90 صح ام خطأ ؟
3- هل يوجد اكسل تنك البنزين 30 لتر فقط ؟
4- هل الكركرة والتخبيط بالموتور بسبب البنزين ال80 و لا اوديها لميكانيكي؟

بسم الله الرحمن الرحيم
عن تجرتى الخاصة مع 80

1. صوت الكركرة + دخنة من الموتور لحظة الكركرة .
2. قلة السحب
3. التنك بياخد فى حدود 35 : 40 لتر

• بالنسبة لموضوع الخلط انا مجرتهوش

[elropy77mn]

انا رحت يوم الجمعه اللي فاتت عند محل ياسر باشا ايوه باشا وسيد البشوات كمان انا كنت عنده الساعه 11 صباحا وقولت بيني وبين نفسي اني هخلص من عنده باقصي تقدير علي صلاه الجمعه وبعد عناء الوصول لاني ما كنتش عارف المكان وقفت امام المحل لقيت صنايعي طلعلي وقالي خير قولتله انا جاي اصلح الكاربيراتير قالي اركن بره الشارع قولت ماشي وراح معاي الصنايعي وفك الكربيراتير ذي الصاروخ قولت كويس وخده وراح دخل للمحل وركنه علي البنك ولقيت امام المحل اصحاب السيارات قاعدين امام المحل قاعده الندامه لا كرسي ولا مكان مظلل وكانت درجه الحراره عاليه جدا وكان واحد قاعد اللي مسئول عن اصلاح الكاربيراتيرات اعتقدت انه ياسر سالت قالولي ان ياسر مجاش النهارده قولت مش مشكله اهوه حد من ريحته وكان هذا الاسطي يشرب في السجاير الماربورو ويخلص الشاي يشرب قهوه وتخلص القهوه يشرب حاجه ساقعه وقعدت حوالي ساعه ونصف لحد ما قالي المشكله بتاعت الكاربيراتير وقالي عايز اكس وباب و يتكلف 90 جنيه وتيجي بعد الساعه 2.30 وتدفع الفلوس الاول والله لو كان دكتور مخ واعصاب كان ممكن اخد وادي معاه في الكلام المهم ما طولش عليكم رحت صليت الجمعه وقولت بعد الصلاه اروحله وبعدين رحتله سالته قالي لسه ماجاش من عند الخراط وقعدت لقرب الساعه 4 عصرا لحد ما وصل الكاربيراير من عند الخراط وقعدت يا بشمهندس خلصني انا بتاع الساعه 11 صباحا ولكن لا حياه لمن تنادي وفين لغايه لما تفضل مشكورا واشتغل فيه كانت الساعه 5 مساءا كنت انا طبعا فصلت من التعب وقلت للصنايعي ياالله تعالي ركبه وركبه صنايعي وحقيقه لقيت ان العربيه اصبحت انعم من الاول بس لسه مش عارف مشكله اكل البنزين علشان لسه ما فولتش مع ان حاسس ان معدل الاستهلاك لم يتغير كثير وطلعت م القصه ديه ان ملك الملوك اذا وهب لا تسالن عن السبب واعتقد ان هناك مئات افضل من ورشه المهندس ياسر باشا 100 مره وليس لهم حظ في الدنيا والسبب فينا احنا بنعمل من الناس اسطورات

فعلا أنا معك 100 في 100 لأني حصل معايا نفس الكلام ده بالظبط وياسر باشا مجاش واللي بيتشغل ده ناصر اللي معاه 127 البيضاء مع الفرق البسيط اني رحت هناك الساعة 9 صباحا واطلطعت لغاية الباشا جه الساعة 12 وخلصت في نفس المعاد وهي كلمة واحد بتتقال لأي عربية أكسل أكس وباب ومفيش فرق في السحب ولا استهلاك البنزين وحاسس إن الكربراتير كان الأول أحسن ولساة ساعات بيعالى ويوطى لوحده في عداد rbm وعلى فكرة أنا حاسس أن الصناعية اللي حواليه أحسن لأنهم بشتغلو بإديهم وربنا يسترها
والعربية لسة ساعات بتاكل بنزين كتير وساعات تبقى مظبوطة مش عارف من إيه بس أنا مختهاش في طريق سفر عشان اقدر احكم على الاستهلاك لأن جوة المدينة صعب الحكم وياريت حد هيعمل الكربراتير يروح لحد تاني ويطمنا

[elropy77mn]

لو سمحتم يا جماعة ياريت نفيد بعض ونجيب اخر موضوع البنزين80 هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟ ام ماذا؟ وهل موضوع خلط ال80 مع ال90 صح ام خطأ ؟ لان فيه ناس كتير بتحزرني من الموضوع ده وبيقولوا يا 80 يا 90 علطول وغلط الخلط فأرجو نقتل الموضوع ده بحثا ونجيب نهايته
عشان انا لسه مشتري اكسل 97 وكان صاحبها حاططلها بنزيت 90 وبعدين لما قرب يخلص فولت العربية بنزين 80 فاخدت 16 لتر بس فمش عارف هل عربيتي 30 لتر ولا 40 مش عارف؟ المهم بعد يومين او 3 لقيت العربية وانا ماشي الماتور بيكركر وكان حد بيخبط علي العربية وخفت يكون فيها حاجة فأنا خايف يكون من البنزين ال80 فافيدوني افادكم الله
واسف للاطالة .
وملخص المشاركة كلاتي:
1- هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟
2-هل موضوع خلط ال80 مع ال90 صح ام خطأ ؟
3- هل يوجد اكسل تنك البنزين 30 لتر فقط ؟
4- هل الكركرة والتخبيط بالموتور بسبب البنزين ال80 و لا اوديها لميكانيكي؟

على فكرة انا منصحكش بالبنزين 80 لأنه وحش خالص على العربية ديه ولازم تروح لصناعي كويس أوي عشان يظبط كهرباة العربية مع البنزين 80 وده طبعا صعب تلاقيه
أحسن حاجة تحط زي الكتالوج مبيقول 92 أو 90 ومفيش فرق في السعر
أنا كانت تجربتي قاسية مع الـ 80 لأن جبت العربية وكان صاحبها الأول كان بيحط ليها بنزين 80 وكانت مخنوقة على الأخر ومفيش سحب ولازم ادوس سنة سنة على البنزين عشان متسقفش مني ومفيش تسارع خالص يعني العربية هي اللي بتتحكم فيا مش انا ولما جيت أغير ل90 رحت ظبط الكربراتير لقيت البيكات مسدودة على الأخر ومتكلة من حرق ال80 وغيرت حجات وده قبل قصة الأكس والباب وربنا ميوقعك فيها
2 موضوع الخلط أنا كنت بعمله في العربية 127 وكان ماشي عادي ومفيش مشكلة خالص من ال80 فيها سوى وساخة الكربراتير كل شوية وكنت بنتظفة بنفسي
3 اللي أنا اعرفه عن الاكسل أنها 42 لتر في التنك
4- الكركرة أكيد من 80 ولازم تنظف الكربراتير وتغير البوجيهات هتلاقي العربية زي الفل أن شاء الله وربنا معاك

[abdo4422]

طب لو سمحتم لو قررت اغير ل90 علي طول هل استني لما يخلص البنزين عندي واحط 90 علطول
ولا لازم اغير الفلتر وانظف الكربراتير

[elropy77mn]

طب لو سمحتم لو قررت اغير ل90 علي طول هل استني لما يخلص البنزين عندي واحط 90 علطول
ولا لازم اغير الفلتر وانظف الكربراتير

طبيعي انك لازم تغير الفلتر (خمسة عشر جنية فقط) وأوعى تخلي العربية في يوم من الأيام التنك يخلص منك لازم على الأقل يكون فيه من 10 لـ 15 لتر عشان الكربراتير ميتسدش وابقى خلي الميكانيكي يكشف لك على البوجيهات بالمرة وبالتوفيق

[ibrahimsaad]

لو سمحتم يا جماعة ياريت نفيد بعض ونجيب اخر موضوع البنزين80 هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟ ام ماذا؟ وهل موضوع خلط ال80 مع ال90 صح ام خطأ ؟ لان فيه ناس كتير بتحزرني من الموضوع ده وبيقولوا يا 80 يا 90 علطول وغلط الخلط فأرجو نقتل الموضوع ده بحثا ونجيب نهايته
عشان انا لسه مشتري اكسل 97 وكان صاحبها حاططلها بنزيت 90 وبعدين لما قرب يخلص فولت العربية بنزين 80 فاخدت 16 لتر بس فمش عارف هل عربيتي 30 لتر ولا 40 مش عارف؟ المهم بعد يومين او 3 لقيت العربية وانا ماشي الماتور بيكركر وكان حد بيخبط علي العربية وخفت يكون فيها حاجة فأنا خايف يكون من البنزين ال80 فافيدوني افادكم الله
واسف للاطالة .
وملخص المشاركة كلاتي:
1- هل البنزين 80 وحش علي العربية؟ ولاي مدي؟ هل يسبب صوت عالي وكركرة في العربية فقط؟
2-هل موضوع خلط ال80 مع ال90 صح ام خطأ ؟
3- هل يوجد اكسل تنك البنزين 30 لتر فقط ؟
4- هل الكركرة والتخبيط بالموتور بسبب البنزين ال80 و لا اوديها لميكانيكي؟

انا من يوم ماجبت العربيه بتاعتى اكسيل موديل 95

بحط لها بنزين 80

وماشيه مافيش مشاكل

هو كل مشاكل ال 80 فى انه ممكن يسد الكربراتير وبيأثر على السحب شويه

لكن انا بتعامل معاه على هذا الاساس وعلشان مايحصلش كركره

فمثلا لو زودت بنزين فى اول الطلعه او اثناء النقل زياده ده بعمل كبس للبنزين بكميه وعلى مايحدث احتراق بتحصل الكركره دى لكن لو دست سنه بسيطه فقط فى اول الطلعه مش هيحصل وبعد كده ابقى زود زى ماانت عايز مافيش مشاكل

ده طبعا للى عايز يوفر لكن طبعا ال 90 و 92 افضل بلا شك

[ezedaan]

السادة أعضاء الرابطة
تحية طيبة
بقالي فترة طويلة مشاركتش في المنتدي بس المهم اني من فترة قريبة كان الفتيس بتاع العربية ابتدي يهيس هيا اتوماتيك المهم روحت لكذا واحد عشان يعرف السبب المهم الكل اجمع انه باظ

نزلت جبت فتيس وهو نوعين واحد كهرباء وواحد واير اللي عندي كهرباء جبته ب 900 جنية من واحد في فم الخليج بمصر القديمة اسمه الحج عصام (رقم تليفونه 0105853938) وركبته عند واحدفي دار السلام ميكانيكي المهم كان الفتيس طلعته تقيلة جدا اكتشفت بعد كدا انه في فيشة مش راكبه بعد لما الحاج عصام بعتني لواحد تخصص فتيسات اتوماتيك بس للامانة انه شاطر جدا وفاهم في الاتوماتيك اسمة المهندس احمد (0146677545) في صقر قريش بالمعادي بس شاب صغير في السن بس بسم الله ماشاء الله عليه عرف المشكلة بمجرد انه حكيت له العيب واضطرنا لفتح الفتيس القديم عشان ناخد منه اولسيه الوحدة بتاع الغيار الاول عشان لما العربية بتسخن كانت لما بنقل من n الي d كانت بتغيب قوي عقبال لما تلقط النقلة المهم ان الفتيس القديم كان مدغدغ من جوا وحاجات كتير فيه متكسرة بس ودي كانت حكايتي مع الفتيس وارقام التليفونات موجودة للاعضاء عشان لو حد محتاج قطع غيار استيراد او محتاج فني في الفتيس الاتوماتيك
بس لما حد يروح ليهم يقولهم بس انه من طرف عماد زيدان صاحب الاكسيل السوداء وهيقوموا معاه بالواجب وزيادة

[tamer_a7]

شكراً جداً
أنا من المعادى فين فى ميدان الجزائر بالضبط ؟

بص يا باشا انت تمشي من بعد ميدان الجزائر هتلاقي البنزينه اول شارع يمين بعد البنزينه اللي علي نصيته توكيل كيا القديم
اللي دلواقتي صيني تخش في الشارع دعه مافيش 100 متر هتلاقيه علي يمينك

[Angel_wolf]

يا جماعة معلش انتوا ازاى بتحطوا 80 انا لما بحط 90 العربية صوتها بيعلى بتبقى مخنوقة على الاخر والسحب زفت لكن مع 92 الفرق والله اكتر بكتير من 10 قروش الصوت واطى و السحب رائع التجميع ممتاز

[bmwx5n]

انا معروض عليه هيونداى اكسيل 1989 هاتش باك فبريكة من الخارج و الداخل و فتيس اتوماتيك و 1500cc و فيه بطارية جديدة و كاسيت و كاوتش جديد و سنتر لوك و 2زجاج كهرباء و تكييف و العربية مرفوعة 10 سنين و شغالة من 4شهور بس هى بس هى محتاجة شوىة شغل بى 3000 هو الرجل بيكلم25000 انا اخد ميكانيكى و قال لو تخلص على 22000 تبقى تمام
انا عوز اخد رائيكم

[bmwx5n]

انا معروض عليه هيونداى اكسيل 1989 هاتش باك فبريكة من الخارج و الداخل و فتيس اتوماتيك و 1500cc و فيه بطارية جديدة و كاسيت و كاوتش جديد و سنتر لوك و 2زجاج كهرباء و تكييف و العربية مرفوعة 10 سنين و شغالة من 4شهور بس هى بس هى محتاجة شوىة شغل بى 3000 هو الرجل بيكلم25000 انا اخد ميكانيكى و قال لو تخلص على 22000 تبقى تمام
انا عوز اخد رائيكم

يا جماعة انا رفعت العربية عند ميكانيكى و قالى الماتور خفيف و محتاج عمرة بى 2000 انا كلمت الرجل ووصلت معه لحد 21000
ممكن رائيكم علشان انا محتار

[ahmedzizo131]

انا معروض عليه هيونداى اكسيل 1989 هاتش باك فبريكة من الخارج و الداخل و فتيس اتوماتيك و 1500cc و فيه بطارية جديدة و كاسيت و كاوتش جديد و سنتر لوك و 2زجاج كهرباء و تكييف و العربية مرفوعة 10 سنين و شغالة من 4شهور بس هى بس هى محتاجة شوىة شغل بى 3000 هو الرجل بيكلم25000 انا اخد ميكانيكى و قال لو تخلص على 22000 تبقى تمام
انا عوز اخد رائيكم

بسم الله الرحمن الرحيم
موديل 1989 ( متاكد ) !
عموما الهاتش باك ( ملهوش سوق خالص )
انا شايف انك تبعد عنها لانها
( موديل قديم + انها هاتش باك + موتور خفيف ) و لسة يا عالم فيها اية تانى

[M.FOUAD]

انا معروض عليه هيونداى اكسيل 1989 هاتش باك فبريكة من الخارج و الداخل و فتيس اتوماتيك و 1500cc و فيه بطارية جديدة و كاسيت و كاوتش جديد و سنتر لوك و 2زجاج كهرباء و تكييف و العربية مرفوعة 10 سنين و شغالة من 4شهور بس هى بس هى محتاجة شوىة شغل بى 3000 هو الرجل بيكلم25000 انا اخد ميكانيكى و قال لو تخلص على 22000 تبقى تمام
انا عوز اخد رائيكم

هي العربية دية اكسيل و لا بوني هتلاقي اختلاف بسيط في الشبكة الامامية و الفوانيس و تارة الدركسيون و الاكصدام الخلفي
هما العربيتين زي بعض بالضبط بس البوني انجيكشن و معرفش لية سوقها واقف
انا شايف لو الموتور محتاج طقم شنبر خليك في ال20 الف و متزودش عن كدة عشان اللة اعلم لما تفتح المكنة هتلاقي اية و متقلقش العربية مش هتروح