رابطة مالكى الاكسيل-الجزء الأول

[wael6]

انا عندى فى الاكسيل خشونه فى الفتيس
وصوت ونه والعربيه مموره ولما ادوس دبرياج الصوت بيروح
ونفس الصوت موجود والعربيه ماشيه لكن لما بمور والعربيه ماشيه بيروح او ادوس دبرياج وهى ماشيه برده بيروح
كده بلية دبرياج وعيب دبرياج
ولا عيب فتيس وايه حله الله يرضي عليكم
وشكرا جزيلا

[magid1010]

يا اخوانى عندى مشكله لما ابص بالجنب من كرسى السواق ناحيه الباب اللى جانبى بشوف فرق بين الباب من عند المفصله و بشوف نور الشارع ده حله ايه؟عايزه واحد سمكرى؟

[hema_hn]

الله ينور عليك تمام
طب الصح اوصل الشنطه بالانذار والمفروض ساعتها ان يكون فى سلك كهربا واصل للمسمار ده
ولا مش مهم عشان هتبقي شغلانه
وربنا يعزك ويكرمك على افادتك واهتمامك الغاليين

والله يا وائل انا كان نفسى ادخل الشنطة فى الانذار بس الكهربائى استسهل ومعملهوش
بس بصراحة ضرورى انها تتعمل عشان اليومين الى جيين ربنا عالم بيهم
وعشان كمان الى حوليك يفهمو ان الانذار متوصل بالشنطة فتبقى فى امان

[hema_hn]

ياباشا ربنا مايحرمنا من زوقك وسرعة استجابتك

انا فعلا مطمن على دورة التبريد وحاطط مياه خضرا والمياه مبتنقصش

المهم انت ايه رأيك فى اسعار بتاع الشكمانات واسعاره مناسبة ولا لاء

فيه واحد من السواقين عندى بيقلى ممكن توقف العربية على مطلع جامد قوى يا إما ترفع العربية من ادام وتجيب خشبة عريضة وتشغل العربية وبخرطوم مية جامد تحطه فى الشكمان وتخبط على الشكمان بعرض الخشبة فلو الشكمان مكتوم حيتسلك وحيطلع بلاوى
بس مش عارف الكلام ده صح ولا غلط
اسئل وشوف
وبالنسبة للأسعار انتظر الرد من اخواننا هنا

[ahmedzizo131]

انا عندى فى الاكسيل خشونه فى الفتيس
وصوت ونه والعربيه مموره ولما ادوس دبرياج الصوت بيروح
ونفس الصوت موجود والعربيه ماشيه لكن لما بمور والعربيه ماشيه بيروح او ادوس دبرياج وهى ماشيه برده بيروح
كده بلية دبرياج وعيب دبرياج
ولا عيب فتيس وايه حله الله يرضي عليكم
وشكرا جزيلا

بسم الله الرحمن الرحيم
واضح من وصفك كدة ان المشكلة فى بلية الدبرياج
بس عندى سوال هل لما العربية بتسخن الصوت بيضيع ؟؟؟؟؟؟؟؟؟

[hema_hn]

يا اخوانى عندى مشكله لما ابص بالجنب من كرسى السواق ناحيه الباب اللى جانبى بشوف فرق بين الباب من عند المفصله و بشوف نور الشارع ده حله ايه؟عايزه واحد سمكرى؟

وعامل ايه فى الشتا ولا الارضية عندك موكت لو موكت مش حيبان حاجه بس فى الشتا العربية من جوا بتبقى غرقانة

[ahmedzizo131]

يا اخوانى عندى مشكله لما ابص بالجنب من كرسى السواق ناحيه الباب اللى جانبى بشوف فرق بين الباب من عند المفصله و بشوف نور الشارع ده حله ايه؟عايزه واحد سمكرى؟

بسم الله الرحمن الرحيم

حل المشكلة دى عند واحد من اتنين

1. سمكرى
2. اما فى ناس متخصصة فى ضبط الابواب

يا رب يا رب يكون كاوتش الباب سليم

[hema_hn]

ربنا يتملك على خير وتتحل كل مشاكلك
معلش لو تقدر توصفلنا بالظبط عملت ايه يبقي كتر خيرك ( يعنى الوقت والخامات والتكاليف وملاحظتك الفنيه والجوهريه )
لانى هخش ع الموضوع ده قريب ان شاء الله وربنا ييسر الامور[/center]


[/center]

ارجعلك كام صفحة لورا حتلاقى الراجل عامل موضوع كام من تكاليف وايه الى عمله بالظبط

[zizo_mkz]

ربنا يتملك على خير وتتحل كل مشاكلك
معلش لو تقدر توصفلنا بالظبط عملت ايه يبقي كتر خيرك ( يعنى الوقت والخامات والتكاليف وملاحظتك الفنيه والجوهريه )
لانى هخش ع الموضوع ده قريب ان شاء الله وربنا ييسر الامور[/center]


[/center]

ياباشا انا فعلا كاتب كل حاجة من اول يوم شغل فى السيارة ومتابع مع الاخوة
كل يوم تقريبا راجع من صفحة 431 ودا اللينك بتاع المشاركة
هنا

[zizo_mkz]

فيه واحد من السواقين عندى بيقلى ممكن توقف العربية على مطلع جامد قوى يا إما ترفع العربية من ادام وتجيب خشبة عريضة وتشغل العربية وبخرطوم مية جامد تحطه فى الشكمان وتخبط على الشكمان بعرض الخشبة فلو الشكمان مكتوم حيتسلك وحيطلع بلاوى
بس مش عارف الكلام ده صح ولا غلط
اسئل وشوف
وبالنسبة للأسعار انتظر الرد من اخواننا هنا

الف شكر على المساعدة بس انا هغير الشكمان احسن
عشان يبقى فى التمام

[magid1010]

وعامل ايه فى الشتا ولا الارضية عندك موكت لو موكت مش حيبان حاجه بس فى الشتا العربية من جوا بتبقى غرقانة

شكرا يا هيماانا مركب ارضيه جلد بس المشكله فى التراب اللى بيدخل

[magid1010]

[QUOTE=ahmedzizo131;3873258710]بسم الله الرحمن الرحيم


حل المشكلة دى عند واحد من اتنين

1. سمكرى
2. اما فى ناس متخصصة فى ضبط الابواب

يا رب يا رب يكون كاوتش الباب سليم [/Q
UOT
شكرا يا احمد فعلا فكره كويسه انى ادور على واحد بتاع ابواب و يا رب الاقيه هتا فى العريش

[tamer_a7]

بالنسبه للزميل اللي بيسال علي صوت الخشونه اللي بيروح مع الدبرياش
الخشونه طالما مستمره
وبتروح مع الدبرياش يبقي حضرتك كده دي بليه فتيس داخليه
والحاله دي بتفك الفتيس وتروح لحد متخصص في الفتيس وهو بيغير البلي بتاع الفتيس

[wael6]

السلام عليكم
اللهم اصلح حال شعب مصر جميعا واحييه حياه كريمه
الحمد لله تم شراء مسمار الانذار الخاص بالشنطه وتم توصيل الانذار بالشنطه وسعر المسمار جديد ب 20ج
والحمد لله تم شراء غطاء القربة الخاصه بالريداتير استيراد بسعر 20 ج بالخرطوم
سالت على الكبوت استيراد قالولى ب 500 ج واللى يقولى 650 ج مع انى شفت هنا واحد بيقول ب 300 ج ؟؟؟؟؟؟؟
سالت ع الموتور كامل لقيته فى المنصورة هنا 3500ج ولو بالفتيس ب 4000ج ده اقل سعر وفيه اعلى ؟ وكله على تجربه يومين او تلاته فقط مفيش شهر زى ما سمعت من بعض الاعضاء
وبتوع الاستيراد بيقولولى انت ممكن تاخد الموتور مما عدا ادوات التغذيه (( يعنى البلوك والشمايز والكرنك والكرتيره )) واكمل من اللى عندى وهيحسبهولى فى الحالة دى ب 2000 ج
ايه رايكم هل هذا منطقى وافضل لى فى حالة وجود عمرة كامله وخرط سابق فى الشمايز والبلوك لا قدر الله
وهل فى بورسعيد او القاهره هلاقي فرق سعر كبير عن الاسعار دى ؟؟؟؟؟؟
ارجو الافاده
ولكم جزيل الشكر

[wael6]

ياباشا انا فعلا كاتب كل حاجة من اول يوم شغل فى السيارة ومتابع مع الاخوة

كل يوم تقريبا راجع من صفحة 431 ودا اللينك بتاع المشاركة
هنا

انا آسف مخدتش بالى
معلش تاعبكم معايا وعاملكم ازعاج
وشكرا