رابطة مالكى الاكسيل-الجزء الأول

[beshomilan]

غطا الريداتير الاصلى بعشرين جنيه يابانى انا لسة جايبه وهو ممتاز

[Dojuar]

غطا الريداتير الاصلى بعشرين جنيه يابانى انا لسة جايبه وهو ممتاز

منين بالتحديد...عند حضرتك صورته..أو على الاقل تقوللي مطبوع عليه ايه؟؟

[beshomilan]

هو حضرتك انا اشتريته من ش شبرا من محل قطع غيار سيارات

وللاسف معنديش صورته بس هو عليه دايره صفرا وعليها تحذير وارقام على الجنب كده وكان فى كرتونة مغلفة بلاستيك

[singary2010]

السلام عليكم ورحمته الله وبركاته

إمبارح سمعت صوت صفره فى العجل الامامى روحت للميكانيكى قالى ده تيل وتعاللى الصبح المهم روحتله النهارده وغير التيل الطقم ب 65 جنيه مكتوب عليه كورى بس شكله نص كم كده مش داخل دماغى انه كورى
المهم الميكانيكى قالى التاكيهات عايز تتظبط ففكك غطاء التاكيهات ولعب شويه كده بالمفك وقالى تمام يومين كده وتعاللى تانى نشوفها بعد كل ده المصنعيه 30 جنيه
فى حاجه تانيه الميكانيكى قالى التاكيهات بتتظبت كل 6 شهور فهل المعلومه صحيحه ؟؟
سوال التيل بتاع الفرامل بيتغير كل ما يخلص ولا له عدد كيلو مترات يمشيها وبعده يتغير زى العربيات الجديده كده ؟؟

لو فى اى تعليق على الكلام ده ياريت حد يفدنى

[singary2010]

]غطا الريداتير الاصلى بعشرين جنيه يابانى انا لسة جايبه وهو ممتاز

باشا غطاء الريداتير الصينى بخمسه جنيه بس وشغال كويس جدا وممكن تخليه تحفه فى الاحكام بأنك تزودله جوان تانى على اللى بيكون راكب فيه ودى حاجه سهله جدا اى قطعة كاوتش مطاطى وتقصها زى اللى راكبه فيه
وده عن تجربه كنت كل شويه اروح اغير غطاء الريداتير والراجل يقولى مش محكم غيرت 2 قبل كده واخيرا مسكت واحد منهم وعملت الجوان واصبح عشره على عشره

[magid1010]

السلام عليكم
ممكن اعرف الفيوز بتاع المارش او اى فيوز يفصل العربيه رقمه و ترتيبه فى فيوزات العربيه كام؟و شكرا

[wael6]

السلام عليكم
انا حاليا فى التليين
هل لازم العربيه تحرق صفيحه بنزين وهى واقفه الاول
ثم عمل مشوار بسرعه كحد اقصي 70 كم / ساعه
وحرق 150 كم ثم تغيير الزيت
وكمان انا كنت بشتكى من خشونة تروس الفتيس ولقيتها اتحسنت لوحدها وانا بلين ودون تدخل لكنها مازالت موجوده ( حاليا زيت الفتيس 140 )
( هل لو حطيتله علبه شحم تروسه هتنعم ولا مالهاش داعى )
وكان فيه صوت والعربيه واقفه ولما بدوس ع الدبرياج بيروح قل برده لكنه موجود
الميكانيكي بيقول ان معنى لما بتدوس ع الدبرياج الصوت يروح تبقي اللبيله سليمه
وانه لو العكس يعنى لو دوست ع الدبرياج الصوت بيجي تبقي البليه خشنه والعيب منها
وان صوت ( هى هى هى هى هى ) لما بسيب رجلى من ع البنزين ده عيب الفتيس ويفضل تغييره
الغريب ان الاصوات دى قلت كتييييييييييييييييير لكن مازالت موجوده
وجزاكم الله خيرا

[drheroperfect]

صح الكلام يا بركات بس الموديلات

الكوري لحد 94 والعربية بتحك لما

المساعدين يكونوا تعبانين.

أمال بعد 2004 بتبقى صناعة ايه، انا ناوي اشتري حاجة موديل 97، اعرف منين ان كانت كوري ام لا؟؟؟

[drheroperfect]

قصدي 1994

[drheroperfect]

سؤال: قدامي اكسل 98، 1500 سي سي، استعمال سيدة، عاملة 60000 كيلو، حالتها فابريكة، صاحبتها عايزة 40 الف، و واحدة ثانية 97 ، 1300 سي سي عاملة 65000 ، فابريكة، بالتكييف، صاحبها عايز 37، ايه رأيكم؟؟

[dotsalah]

عن تجربة اعمل جوان من قطعة كمرة داخلى بتاع فردة كاوتش و تتابع فية خروج ماء او لا

[mahmmoud1980]

عندي مشكلة في الفرامل عند بدء الدوارة صباحا بسمع صوت صفارة من الفرامل تظهر لمدة ثواني وتختفي قمت بتغيير التيل ولكن لازالت المشكلة ممكن اعرف السبب وشكرا

[beshomilan]

سؤال: قدامي اكسل 98، 1500 سي سي، استعمال سيدة، عاملة 60000 كيلو، حالتها فابريكة، صاحبتها عايزة 40 الف، و واحدة ثانية 97 ، 1300 سي سي عاملة 65000 ، فابريكة، بالتكييف، صاحبها عايز 37، ايه رأيكم؟؟

معقول عربية من 98 وعاملة 60000 كيلو بس والتانية زيها عاملة 65000 كيلو؟؟؟اشك
ومع سيده وفبريكة؟؟؟اشك برضه
حضرتك راجع العربيات دى اوووووى وشوف عشان كده فيه حاجة غلط وكمان 40 كتيييييييير جدا والناس مغلية الاسعار بشكل مبالغ فيه اوووووووى ولازم تاخد حد معاك شاطر اوى ويعرف العربيات دى فعلا دى حالتها ولا لا

عندي مشكلة في الفرامل عند بدء الدوارة صباحا بسمع صوت صفارة من الفرامل تظهر لمدة ثواني وتختفي قمت بتغيير التيل ولكن لازالت المشكلة ممكن اعرف السبب وشكرا

طب والميكانيكى قاللك ايه لما لقاها بتصفر بعد ماغيرك التيل؟؟؟

[wael6]

http://www.bayouautoparts.com/files/...headlights.jpg

دا المفروض انه بتاع اكسيل
زي ما بقولك بالظبط

السلام عليكم
ممكن نعرف سعره كام وياترى الفانوس القديم بيتبدل وندفع فرق ولا مبينفعش ؟
وهل فيه للخلفي تعديل
ولكم جزيل الشكر

[drheroperfect]

معقول عربية من 98 وعاملة 60000 كيلو بس والتانية زيها عاملة 65000 كيلو؟؟؟اشك
ومع سيده وفبريكة؟؟؟اشك برضه
حضرتك راجع العربيات دى اوووووى وشوف عشان كده فيه حاجة غلط وكمان 40 كتيييييييير جدا والناس مغلية الاسعار بشكل مبالغ فيه اوووووووى ولازم تاخد حد معاك شاطر اوى ويعرف العربيات دى فعلا دى حالتها ولا لا

العربية موديل 97، و فعلا عاملة 40000 كيلو بس، لان صاحبتها بتركبها قليل قوي، و هي بتبعها دلوقتي علشان عندها ظروف، العربية حالتها فعلا كويسة