رابطة مالكى الاكسيل-الجزء الأول

[F170]

تصدق انا امبارح اتكلمت مع وائل امبارح ودا كان رايي بالظبط
ايه توارد الافكار دا

يا باشا القلوب عند بعضها

[F170]

شكرا جزيلا اخى singary2010
طيب هو الفتيس بياخد كام لتر بالظبط
وهل ينفع اساسا انه يتحطله اكتر من سعته ؟
وايه الحكمه او الفرق بين انى احط الزيت من الطبه اللى فوق اللى فى نص ا لفتيس او يتحط من الطبه اللى تحت
وايه رايكم فى الاضافات اللى ممكن تبقي مع زيت الفتيس
stp oil treament
وايه موقف دقرة العصايا فى النقل ؟
وشكرا جزيلا

بسم الله الرحمن الرحيم
الزيت بيتزود من الطبة اللي في النص لو نقص .... لو عايز تغيرة كله بتفتح الطبة اللي من تحت وتنزله كله و تقفلها تاني وبعد كده تزود من الطبه اللي في النص .... يعني اللي تحت دي بتصفي الزيت والتانيه بتزود منها الزيت
والفتيس في الاكسيل بياخد 1.8 ليتر زيت يعني جركنين إلا حاجه بسيطة
و مش عارف انا ايه موضوع الإضافات ... الطبيعي العربيات كلها بتكون ماشيه كويس جدا بدون اضافات ... الزيت بتاع الفتيس زي ما هايونداي عايزة في الايكسيل هو زي اللي انت حاطة 80w-90 ... الدقره اللي في العصاية ليها سبيبين انا اعرفهم على حد علمي
1- الدبرياج مش مظبوط (مش مشدود على اخرة او مش بتدوس الدبرياج لأخر مشواره) و ده مش بيخلي الدسيك يفصل الحركة فيحصل صوت مع التعشيق و يخلي الفتيس مترضاش تدخل في حارتها للأخر وانت بتعشق
2- الغوايش ( اسمها syncronizer rings) دي فيها مشكله نعمت زياده او تآكلت فمبقتش تأدي دورها تمام ( تنعيم النقل بين الغيارات )
و زي ما قلتلك قبل كده عصاية الفتيس بتاع الأكسيل من اخف العصايات اللي شفتها

[F170]

هل لما تضغط على زرارين او اكتر فى نفس الوقت من زراير زجاج الكهربا ممكن يعمل قفله فى الفيوز
ولا ده شئ طبيعي
وشكرا

بسم الله الرحمن الرحيم
ممكن لو فيوز قديم (ليه اكتر من تلات اربع سنين ) او لو مكنه من مكن الزجاج تقيله حبتين ( بطيئة يعني)

[F170]

السلام عليكم
حزام الامان المفروض انه فى حالة انك تدوس فرامل فى حالات الحوادث لا قدر الله انه يمنع السائق من الحركه والاندفاع للامام
الحزام فعلا فى العادى بتحرك فيه مفيش مشكله
جربت ادوس فرامل بس والعربية واقفه ع السلانسيه برده بتحرك عادى
ولا لازم والعربيه ماشيه اجرب
طب لو كده فى مشكله
حلها ازاى ومين صنايعي بيعملها
وشكرا جزيلا

الحزام ملوش دعوه بالفرامل هو ليه دعوة بعجلة تباطئ العربية يعني لو ماشي ولا قدر الله حصلت حادثة حتلاقيه مسك فيك جامد عايز تشوفه حيعمل كده ولا لأ ... البس الحزام وبعد كده امسكه من قدام صدرك و شده مره واحده بسرعه جدا لناحيه الدركسيون ( كأن جسمك اتحرك بسرعه ) حتلاقيه مسك في مكانه وموسعش مع حركه ايدك حبقى اصورهالك لو معرفتش... تعمل اللي انا بقول عليه ...

[F170]

الله ينور عليك ياهندسه بس اعتقد الموضوع محتاج خبره شويه أو على الاقل يكون حد عمله قبل كده

بسم الله الرحمن الرحيم
ازيك يا محمد بيه و ايه الأخبار ... لا و الله ولا خبرة و لا حاجه الموضوع بسيط جدا بتوقف العربيه قدام حيطة مناسبه في منطقه الأسفلت فيها ميكونش فيه ميل و بترجع بالعربية حوالي 7 متر وتشغل النور الواطي و بتلف المسمار اللي في الفانوس لغايه ما تلاقي البوئره بتاعه النور على ارتفاع حوالي 60 سم عن الأرض بس عشر دقائق بالكتير وبتكون خلصت الفانوسين ... وادي شويه صور عملتهم وانا بظبط النور بتاع العربيه بعد ما الحمد لله اتخبطت خبطه خفيفة كسرت وش الفانوس والحمد لله كان عندي فانوس تاني قديم اخدت منه الوش بتاعه
المهم ادي الصور
دي صورة المسمار


و ده منظر النور والبؤر بتاعه الفوانيس على الحيطة


و كنت عايز اشارككم اني غيرت النور بتاع الطابلوه والكنصول وكل العربيه للأزرق اينعم خد مني بتاع تلات ساعات فك وتركيب بس كانت دي النتيجه قولولي ايه رأيكم

[F170]

روستم حبيبي حبيبي حبيبي انت فين يا باشا
زي ما بقولك شيل الثيرموثتات بتاع الكوعه وخلي المياه علي الماتور علي طول وقلي ايه اخبار الحراره

بسم الله الرحمن الرحيم
انا مش مع رأيك يا بشمهندس تامر لأن كده احنا بنلف حوالين السبب الرئيسي للسخونه الزياده ... الثرموستات اللي في الكوعه لو شغال كويس مش حيعوق حركه المياه لما تكون العربيه سخنه لأنه حيكون فاتح على الأخر ... انا العربيه عندي بعد ما غيرت الردياتير الصيف اللي فات بقيت اعاني علشان المؤشر بتاع الحراره يوصل لأول شرطه (وده غلط جدا على الموتور لأنه المفروض يشتغل عند درجه تشغيله وهي بتكون من 80-90 درجه مئويه على حسب نوع العربيه وإلا حتعاني من ان الموتور مش حسيخن بسرعه كفايه وبكده احنا حنقصر عمره بسبب انه ماشي كتير على البارد وبياكل في نفسه بسبب انه مش واصل للخلوصات المطلوبه لا والمصيبه اني لما كنت امشي بيها مشوار طوالي باليل او في الفجرية المؤشر كان بينزل لتحت العلامه !!!!!... المهم جبت ثرموستات الكوعه و ركبته لأنه مكانش راكب فيها ( واضح ان اللي قبلي عمل زي ما انت بتقول :) ) لولا ما العربيه بقيت تسخن بسرعه معقوله شويه الصبح (في الشتا الموضوع كان حيبقى مشكله)...

[F170]

[QUOTE=singary2010;3873436140]

زميلى العزيز mahmmoud1980 بالنسبة للزجاج الحرارى بنشغلة فى الشتاء علشان بخار المية اللى فى العربية ما يعاكس فى الروئية و يبخره
و ده اكتر فائده اعرفها لو فية فوائد اخرى ممكن حد يبلغنى
بس هل اللى عندك الخطوط للحرارة ام اريال على الزجاج وشكر

باشا اعرف ازاى انى عندى الزجاج حرارة ولا لا وبيشتغل منين ؟؟

بسم الله الرحمن الرحيم
بص يا باشا انت بتلاقي الزجاج اللي ورا فيه خطوط لونها بني كده بالعرض وفي زرار جنب زرار التكيف عليه علامه زي الزجاج و عليه اسهم كده
زي ده


دي مش عربيتي طبعا ... دي فيها كمان رشاش ورا ومكان مساحه ورا

[F170]

بسم الله الرحمن الرحيم
بالنسبة لموضوع تانك البنزين .. كان في ناس مش عارفه هو بياخد كام ليتر ... هو التانك زي ما في الكتالوج 45 لتر و انا اخر مره قبل ما افول صبرت على العربيه لغايه ما قربت خالص من العلامه الحمرا وحطيت فيها ب60 جنيه بنزين 90 يعني 34.27 ليتر و المسدس مقفلش لوحده و استنيت على المؤشر لغايه ما طلع كان واقف زي ما حتشوفوا على الf يعني كده في على الأقل بتاع 6 - 7 ليتر على ما افول التانك للزور لأني لما بعمل كده المؤشر بيبقى واقف على حرف f نفسه

[maro2007]

يامهندس يارايق F170 :
بسم الله ماشاء الله عليك دماغك شغاله وتمام

ليه سؤال عندك :
قلبت نور العدادات لازرق ازاى

وعندى احساس ان انتا صورت الشغل بتاعك فى العدادات ياريت تشرحلى بالتفصيل الممل عملتهم ازاى لانهم بسم الله ما شاء الله روعه ربنا يباركلك فيها

[Eng.Geo]

السلام عليكم ورحمة الله
انا كان عندي نفس المشكلة فركبت مروحة تانية وربطتها بافيز بلاستيك من اربع جوانب والكهربائي عملها توصيلة وشغالة تمام اصلك مش هتلاقي نفس مقاس المسامير .

ألف شكر يا باشا
انا دورت لغاية ما لقيتها
ركبتها وبرضه ماشتغلتش
وصلتها دايركت بالبطارية .. أشتغلت زي الفل
رحت للفيوزات لقيت الفيوز بتاعها بايظ
جبت فيوز ب 10 جنيه
المروحة ب 175 أصلي كوري

[Eng.Geo]

حاجة جديدة غريبة
العربية بتكح !
أه بتكح
ممكن أبقي علي التالت وماشي وال rpm علي 2200 .. بس مريح رجلي مش كابس
تقوم العربية مخنوقة جامدة وتقوم كحة
الصوت جاي من الموتور من تحت
لو كابس بنزين جامد مش بتعمل كدة
لو مريح رجلي شوية بتعمل كدة
مش عارف الحقيقة ده أيه !
شاكك في الكربراتير وبك السرعة الواطية
الشكمان سليم
كهربا وخليط هوا وبنزين مظبوط

[drheroperfect]

بالنسبة لشحن الفريون بيكلف 120 جنيه دا لو فاضي على الآخر .
وعلشان تعرف التبريد كويس ولا لا هتفتح الكبوت وتبص على الماسورة اللي داخله على المراوح وتمسكها لو عمله زي التلج يبقى تمام وفي حاجة تانيه جنب الماسورة جلد طالعه لبره زي المزراب كدا لازم تنزل ميه بعد فترة من تشغيل التكييف .
معلش سؤال الكباس بيشتغل ويفصل علطول ولا بيشتغل شويه وبعد كدا يفصل وهل ترى شغال سخن وبارد ولا بارد بس ...!
معلش انا طولت عليك وتقبل مروري.

يا باشا شكرا على الرد،
انا مش عارف، هو كان بيعمل كدة قبل ما املاه فريون، و بعد كدة العربية بقت تلج، بمعني تلج، يعني اجي اخد نفسي الاقي بخار ماء طالع من انفي، ف قللت درجة التبريد، خليتها قريبة من الوصلة اللي بين الاحمر و الازرق، و المروحة على 2 ، و دلوقتي كله تمام.
أنا عمري ما جربت اشغله على السخن، بس ممكن اجرب و ارد عليك،
و على فكرة، انا حاسس ان الكمبرسور مش بيفصل خالص، اعرف منين و انا ماشي اذا كان الكمبرسور بيفصل و لا لأ.

فيه كمان حاجة مضايقاني جدا دلوقتي،
أولا: لما باجي اهدي على المطب، بلاقي صعوبة اني اجيب الاول، بيبقى مزرجن،على الرغم اني لما بابقى واقف في اشارة بييجي معايا بسهولة جدا، و نفس الكلام بالنسبة للثاني.

ثانيا: بعد ما اهدي، و اجيب الاول او الثاني، و ادوس بنزين، العربية بتقعد ييجي 5 ثواني علشاني تبدأ تسرع، و لو دست بنزين جامد بحس ان العربية بنط، أنا مش عارف ليه؟؟؟؟

[magid1010]

بسم الله الرحمن الرحيم
ازيك يا محمد بيه و ايه الأخبار ... لا و الله ولا خبرة و لا حاجه الموضوع بسيط جدا بتوقف العربيه قدام حيطة مناسبه في منطقه الأسفلت فيها ميكونش فيه ميل و بترجع بالعربية حوالي 7 متر وتشغل النور الواطي و بتلف المسمار اللي في الفانوس لغايه ما تلاقي البوئره بتاعه النور على ارتفاع حوالي 60 سم عن الأرض بس عشر دقائق بالكتير وبتكون خلصت الفانوسين ... وادي شويه صور عملتهم وانا بظبط النور بتاع العربيه بعد ما الحمد لله اتخبطت خبطه خفيفة كسرت وش الفانوس والحمد لله كان عندي فانوس تاني قديم اخدت منه الوش بتاعه


المهم ادي الصور
دي صورة المسمار


و ده منظر النور والبؤر بتاعه الفوانيس على الحيطة


و كنت عايز اشارككم اني غيرت النور بتاع الطابلوه والكنصول وكل العربيه للأزرق اينعم خد مني بتاع تلات ساعات فك وتركيب بس كانت دي النتيجه قولولي ايه رأيكم

الف شكر يا باشا يا كبير على الشغل العالى ده و مستنين التفاصيل بالنسبه لتغير نور العدادات و الف شكر ليك مره تانيه

[wael6]

ما رايكم فى الاتى
بخصوص الغيارات اللى مش فى مكانها!!!!!
لازم لكل عربية رجلاش سواء للتياشات
او لللافيهات لازم ميكنيكى شاطر يرجلشلك
عصاية الفتيس كويس وبكده مش هتحتاج تغير الفبرة!!
ايه بقا اتياش الفتيس وايه بقا فبرة الفتيس وسعر الفبره دى كام ؟
نقطه اخرى معلش
العربيه وهى سخنه لو فصلت مبتدورش تانى بسهوله
هل ده عيب موبينه ؟
وسعرها كام لو سمحتم وبتيجي جديده ولا استيراد
وشكرا جزيلا

[mohamedelbarba]

من فضلك اريد دليل المستخدم لسيارة هيونداى اكسيل موديل1996