رابطة مالكى الاكسيل-الجزء الأول

[a7medsh3rawi]

الحل

الحمد لله وهى بارده بتدور علطول
والبوجيهات متغيره قريب
طرمبة البنزين معرفش مكانها ولا حالتها
اكشف عليها ازاى ؟
وهى سخنه بتدور بعد رابع او خامس مره وساعات المارش يفوت لكن الكهربائي قالى المارش مالوش علاقه وسليم
انما وهى بارده بتدورمن اول مره او تانى مره بالكتير
مش عارف ده ايه
متشكر جدا لاهتمامكم
وجزاكم الله خيرا

بسم الله الرحمن الرحيم
تقريبا نفس الموضوع عندي فحاولت اشوف علاج ليه واظن حضرتك جبت الموبينه ب 130 جنيه وبعد كدا غيرت مشط الاسبراتير ب300 جنيه وبعد كدا قالولك لازم تحط مادة تبريد على المشط علشان بيسخن وبرضوا المشكلة زي ما هيا بس بقيت اول ما اجي ادور العربيه والكونتاكت مفتوح ادوس تلات مرات على دواسة البنزين يعني احضر للتدوير وادور تدويره طويله شويه وانا دايس بنزين واسيب الكونتاكت اول ما تلقط وبعد كدا ادوس كذا دوسه متقطعه والحمد لله ظبطت معايا وما بقتش مشكله .

[al_manara]

بسم الله الرحمن الرحيم
تقريبا نفس الموضوع عندي فحاولت اشوف علاج ليه واظن حضرتك جبت الموبينه ب 130 جنيه وبعد كدا غيرت مشط الاسبراتير ب300 جنيه وبعد كدا قالولك لازم تحط مادة تبريد على المشط علشان بيسخن وبرضوا المشكلة زي ما هيا بس بقيت اول ما اجي ادور العربيه والكونتاكت مفتوح ادوس تلات مرات على دواسة البنزين يعني احضر للتدوير وادور تدويره طويله شويه وانا دايس بنزين واسيب الكونتاكت اول ما تلقط وبعد كدا ادوس كذا دوسه متقطعه والحمد لله ظبطت معايا وما بقتش مشكله .

طيب وانت عندك العربية برضة بتدور وهي باردة ولا لا ؟

[a7medsh3rawi]

مشكلة التدوير

طيب وانت عندك العربية برضة بتدور وهي باردة ولا لا ؟

وهي بارده بتدور الحمد لله من اول لقطه بس بشد الشفاط اول ما يشتغل الموتور علشان بتكون بارده وممكن تطفي وبعد تلات دقايق بنزل الشفاط واسيب الموتور على السرانسيه .

[a7medsh3rawi]

الموتور بيدور بدون دبرياج

الآن: وحصري على نايل موتورز دور العربيه بدون دبرياج ..... إزاي !!
حضرتك هتنزل تحت عند الدواسه وتبص ورا الدبرياج هتلاقي كابل فردتين نازل من الدبرياج ورايح لفوق عند الكونتاكت هتقوم فاكك الفيشه من بعضها وتجيب سلك طوله 5سم وتعري الطرفين بتوعه وتمسك الفيشه اللي نازله من فوق وتحط اول طرف من السلك في اول فتحه والطرف التاني في الفتحه التانيه وتلف عليهم شكرتون علشان ما يفلتش زي كدا :

وبكدا دور العربيه من غير ما تفضل كل شويه تدوس دبرياج وانا جربتها عندي والحمد لله ما فيهاش اي مشاكل .

[wael6]

الآن: وحصري على نايل موتورز دور العربيه بدون دبرياج ..... إزاي !!
حضرتك هتنزل تحت عند الدواسه وتبص ورا الدبرياج هتلاقي كابل فردتين نازل من الدبرياج ورايح لفوق عند الكونتاكت هتقوم فاكك الفيشه من بعضها وتجيب سلك طوله 5سم وتعري الطرفين بتوعه وتمسك الفيشه اللي نازله من فوق وتحط اول طرف من السلك في اول فتحه والطرف التاني في الفتحه التانيه وتلف عليهم شكرتون علشان ما يفلتش زي كدا :

وبكدا دور العربيه من غير ما تفضل كل شويه تدوس دبرياج وانا جربتها عندي والحمد لله ما فيهاش اي مشاكل .

طبعا مشكور مجهودك وربنا يباركلك
بس هل ده مش ضد تصمميها الاساسي
وكنت سمعت قبل كده ان العربيات اللى بتدور بالدبرياج افضل من اللى مبتدورش بالدبرياج
والله اعلم

[wael6]

بسم الله الرحمن الرحيم
تقريبا نفس الموضوع عندي فحاولت اشوف علاج ليه واظن حضرتك جبت الموبينه ب 130 جنيه وبعد كدا غيرت مشط الاسبراتير ب300 جنيه وبعد كدا قالولك لازم تحط مادة تبريد على المشط علشان بيسخن وبرضوا المشكلة زي ما هيا بس بقيت اول ما اجي ادور العربيه والكونتاكت مفتوح ادوس تلات مرات على دواسة البنزين يعني احضر للتدوير وادور تدويره طويله شويه وانا دايس بنزين واسيب الكونتاكت اول ما تلقط وبعد كدا ادوس كذا دوسه متقطعه والحمد لله ظبطت معايا وما بقتش مشكله .

مفهمتش برده العيب فين
او بمعنى اصح انك كده بتسايسها وخلاص
اكيد ليها حل جذري ؟
ربنا يستر طريقك وطريقنا يارب

[wael6]

طبعا مشكور مجهودك وربنا يباركلك
بس هل ده مش ضد تصمميها الاساسي
وكنت سمعت قبل كده ان العربيات اللى بتدور بالدبرياج افضل من اللى مبتدورش بالدبرياج
والله اعلم

هل تعلم أنه يفضل عند محاولة تدوير محرك السياره

يفضل

الضغط على دواسة الدبرياج على آخر مشوار الدبرياج للأسباب التاليه

1- سهولة الدواره

2- تخيف الجهد المبذول من مارش المحرك فى أدارة المحرك

وبالتالى الحفاظ على حيوية المارش

3- تقليل الفقد الناتج من جهد البطاريه لحظة الدواره وبالتالى أطالة عمر البطاريه

لأن أقصى لحظه ذات تأثير مباشر على عمر البطاريه هى لحظة سحب المارش

للأمبير من البطاريه وبالتالى فأن تخفيف حمل المارش يعنى الحفاظ على بطاريه

تدوم لعمر أطول

4- تجنيب الدبرياج أى آثار سلبيه نتيجة وجوده فى مجموعة الدوران لو لم تقم بفصل

الدبرياج بالضغط على الدواسه

5- الحد من تكرار محاولات الدواره وبالذات فى الأجواء البارده

6- تسهيل عملية تعويم عمود الكرنك على كراسيه لحظة الدواره

وبالتالى الحفاظ أكثر وأكثر على سبائك عمود الكرنك

دول مجموعة مميزات ليست بالبسيطه

لمن يعتاد على فصل الدبرياج لحظة الدواره

منقول للافاده

[hakim]

وعليكم السلام ورحمة الله وبركاته
انا سبق وجربت ان انضف الهوايات فكل اللي هتحتاجه مفك صليبه وبلور هواء وهتبدأ من درج التابلوه هتفك الجزء العلوي وبعد كدا الجزء السفلي مربوط بمسمارين هتلاقي المراوح ومتركب عليها حساس مربوط بفيشة هتشيل الفيشة وتفك المسمارين وتطلعه هتلاقي جوة الاجزاء المتحركة هتشغل البلور وتنضف وبالنسبة لباقي الهوايات ملهاش لازمة تفكها لانها عبارة عن مسارات حركة للهوا وفي مكان لازم تنضفه هتروح عند المساحات بتاعت الزجاج الامامي هتلاقي فتحات ودا الجزء الاهم هتشغل البلور وتنضف لان دا مدخل الهواء للمكيف .

بارك الله فيك على المعلومات الوافية كان عندي استفسار تاني بخصوص عدم احكام دخول التراب للسيارة للاسف عندي السيارة بيدخلها تراب كتير بيظهر على التابلوه هل ده ممكن سببه تاكل الكاوتش اللي راكب على الشفة اللي بيقفل عليها الباب ؟ لانه متاكل عندي من ناحية السائق وهل في اماكن تانية ممكن يدخل منها التراب ؟؟؟

[magid1010]

بارك الله فيك على المعلومات الوافية كان عندي استفسار تاني بخصوص عدم احكام دخول التراب للسيارة للاسف عندي السيارة بيدخلها تراب كتير بيظهر على التابلوه هل ده ممكن سببه تاكل الكاوتش اللي راكب على الشفة اللي بيقفل عليها الباب ؟ لانه متاكل عندي من ناحية السائق وهل في اماكن تانية ممكن يدخل منها التراب ؟؟؟

ده احتمال كبير ان التراب يخش من هنا لان انا عندى متاكله والتراب عند التابلوه كتير وبص برده على الحته اللى عند المفصله وانت جوه شايف اي خط نور للشارع ممكن الباب يكون مفارق شويه

[beshomilan]

هو كان فيه طريقة لتقليل الضوضاء الخارجية اللى جاية من عند البيبان وتقليل التراب كمان وانا جربتها وكانت ممتازة
وهى انك تحط رجلك مابين الباب والعتبه وهو مفتوح وتضغط عليه ناحيتك من عند عوارض الشباك الخارجية بس بالراحة طبعا ولازم الازاز يكون مفتوح..وبعد كده لما هتقفل هتلاحظ ان الباب قفل جدا على الكاوتش اللى فى الباب وده هيمنع اى ضوضاء او تراب فى العربية

[beshomilan]

معلش فى استفسار ولو حد واجه المشكلة دى او عنده معلومة يقولى اعمل ايه
لما باشغل التكييف..بلاقى مع الوقت مؤشر الحرارة بيزيد واسيبه يفضل يزيد واطفيه يرجع تانى للنص عادى..واجربت تانى ونفس المشكلة
انا كنت بشغل التكييف فى الشتا كل اسبوع عشان ميبوظش والتكييف بيسقع ممتاز من غير كمان ما احرك المؤشر للاخر
وكمان العربية مبتسخنش لو انا مشغل التكييف باليل انما بالنهار فى عز الضهر فى الجو ده حصل اللى حكيت عليه..يعنى الموقف مش تقليدى
روحت للميكانيكى وظبطلى التاكيهات عشان نعالج موضوع السخونة
وبرضه مازالت المشكلة قائمة والسخونة زى ماهى والمؤشر على اكتر انهارده وانا مشغل التكييف والعربية طلعت دخان من الكبوت واول ماطفيت التكييف المؤشر ابتدى ينزل بالتدريج لحد النص اللى هو الطبيعى بتاعه ووصلت البيت وركنت وشغلت التكييف لقيت المروحتين شغالين بتاعت التكييف والريداتير عادى وجربت كذا مرة ومش بيعلقوا خالص وانا حاطط مية خضرا موبيل من كام شهر وبزودها ميه مقطرة دايما والمية مش بتنقص

علما ان فيه نقص زيت عندى يعنى تلات اربع المؤشر زيت وانا عارف كده بس لسة مغيرتس الزيت بصراحة فمش عارف نقص الزيت يسبب السخونة الفظيعة دى ولا فى حاجة تانى
ارجوكم افيدونى بجد انا مضايق اوى لانى عملت كل حاجة ومش عارف اعمل ايه تانى
غيرت ميه الريداتير موبيل شهر 12 وبزود ميه مقطرة وكنت بشغل التكييف فى الشتا كل اسبوع عشان ميبوظش الفريون بتاعه والمروحتين التكييف والريداتير شغالين كويس جدا وظبطت التاكيهات وبرضه المشكلة موجوده
مش عارف المشكلة فين والحل ايه

[a7medsh3rawi]

هل تعلم أنه يفضل عند محاولة تدوير محرك السياره

يفضل

الضغط على دواسة الدبرياج على آخر مشوار الدبرياج للأسباب التاليه

كلام سليم واكتر من رائع ومعلومات مفيده جدا وخصوصا انك ممكن تدور العربيه وهي معشقه تقوم تعمل حركه مفاجئه ولكن نظريتي للموضوع انك ما تبقاش مجبور او غصب عنك لازم تدوس دبرياج لما تدور ودا يبقى على راحتك مش مفروض عليك وكنوع من التغيير فقط .
شكرا على الايضاح .

[a7medsh3rawi]

مفهمتش برده العيب فين
او بمعنى اصح انك كده بتسايسها وخلاص
اكيد ليها حل جذري ؟
ربنا يستر طريقك وطريقنا يارب

انا ما حاولتش بعد ما شوفت تجربت حضرتك اني اروح لميكانيكي يعالج المشكله فقلت يمكن عاوزه اسايسها لان ممكن يكون في حاجه مش مظبوطه ومحدش عارف يعملها وممكن اغير قطعه ويطلع العيب مش منها .

[a7medsh3rawi]

معلش فى استفسار ولو حد واجه المشكلة دى او عنده معلومة يقولى اعمل ايه
مش عارف المشكلة فين والحل ايه

انا لاحظت عندي ان الجو الخارجي لو كويس المراوح بتبقى هاديه خالص وملهاش صوت تقريبا اما لو الجو نار وحر بلاقي المكيف بيشتغل فتره وياخد وقت علشان يفصل والمراوح صوتها عالى على الاخر وقويه في سحب الهواء وطول ما المكيف شغال بالليل او بالنهار المؤشر ثابت الحمد لله على ال c لازم تتاكد ان حساس التحكم في سرعة المراوح شغال وبرضوا انا روحت عند المغسله وشغلت المكيف وقلتله وجه مسدس الميه على السربنتينه والريادتير ولو في اي تراب او عوالق هتنزل والحمد لله حسيت بفرق عن الأول .
ربنا يوفقك وتتحل مشكلتك .

[wael6]

كلام سليم واكتر من رائع ومعلومات مفيده جدا وخصوصا انك ممكن تدور العربيه وهي معشقه تقوم تعمل حركه مفاجئه ولكن نظريتي للموضوع انك ما تبقاش مجبور او غصب عنك لازم تدوس دبرياج لما تدور ودا يبقى على راحتك مش مفروض عليك وكنوع من التغيير فقط .
شكرا على الايضاح .

متشكر لزوقك
وكلامك مظبوط وربنا يوفقك ويوفقنا يارب