رابطة مالكى الاكسيل-الجزء الأول

[al_manara]

مشكور علي صور الحوض .
ياريت لو سمحت تقولنا مكان الخراطيم الي موجودة مكان السهم دي . رايحة علي فين بالترتيب
لان واحد ابن حلال فكهم عندي ومش عارف يرجعهم تاني

[wael6]

السلام عليكم و رحمة الله

كنت مسلك الريداتير من شهرين ومظبطه وكمان ترموستات الكوعه متشال
بس النهارده كنت بعمل شغل فى الكربراتير
والميكانيكي فضي الميه من الموتور

1- هو الموتور والريداتير والقربه بياخدوا ميه خضرا اد ايه كميه

2- وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟

3- وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا
وبيقولى دول مركزين ولازم يتخفوا بميه ميتحطوش كلهم ؟

4- المفروض العربيه تتزود كل اد مياه وايه نوع المياه دى وبتيجي منين ؟


متابع للاهمية وشكرا جزيلا

[singary2010]

مشكور علي صور الحوض .
ياريت لو سمحت تقولنا مكان الخراطيم الي موجودة مكان السهم دي . رايحة علي فين بالترتيب
لان واحد ابن حلال فكهم عندي ومش عارف يرجعهم تاني

الخرطوم ده واصل بين الرداتير من فوق و الكوعه (كوعة الثرموستات )اللى راكبه على الموتور والصوره التانيه دى واضحه شويه

[amr78falcon]

متشكر جدا على اهتمامك بس انا عاوز صورة للكارتيرة اليمين من قرب بالذات الجزء بجوار الرفرف عشان انا اقدامى عربية وشاكك ان فى شرخ فى الكارتيرة

[singary2010]

ياريت حد يقولنا ايه الجزئين الموجودين فى صدر العربيه
هما فيهم واحد بياخد ريحة البنزين ويوديها على الصبابات علشان توفير البنزين هل المعلومه دى صح ؟؟
الجزء التانى الموجود خلف خزان زيت الباكم بتاع ايه ؟؟
ارجو الرد أو التصحيح

[al_manara]

الخرطوم ده واصل بين الرداتير من فوق و الكوعه (كوعة الثرموستات )اللى راكبه على الموتور والصوره التانيه دى واضحه شويه

لا انا اقصد حاجة تانية . لو تاخد بالك في 3 خراطيم رفيعين موجودين تحت خرطوم الردياتير
هما دول الي اقصدهم . رايحين فين ؟

[al_manara]

ياريت حد يقولنا ايه الجزئين الموجودين فى صدر العربيه
هما فيهم واحد بياخد ريحة البنزين ويوديها على الصبابات علشان توفير البنزين هل المعلومه دى صح ؟؟
الجزء التانى الموجود خلف خزان زيت الباكم بتاع ايه ؟؟
ارجو الرد أو التصحيح

الي خلف خزان الزيت دة يخص الفرامل واسمة BRAKE BOOSTER

[singary2010]

متشكر جدا على اهتمامك بس انا عاوز صورة للكارتيرة اليمين من قرب بالذات الجزء بجوار الرفرف عشان انا اقدامى عربية وشاكك ان فى شرخ فى الكارتيرة

أتمنى أكون قدرت اعمل حاجه من اللى انت طالبه

[singary2010]

الي خلف خزان الزيت دة يخص الفرامل واسمة BRAKE BOOSTER

أشكرك الف شكر

[singary2010]

لا انا اقصد حاجة تانية . لو تاخد بالك في 3 خراطيم رفيعين موجودين تحت خرطوم الردياتير
هما دول الي اقصدهم . رايحين فين ؟

أنا اسف بصراحه مش واخد بالى انت تقصد ايه لو ممكن حد من الاعضاء الافاضل تكون عنده المعلومه أكتر منى

[mahmmoud1980]

الحقوني النهاردة بدور العربية مدرتش قلت ابص على كهربة البوجيهات ملاقتش كهربة في السلك خالص مع ان في نور في العربية مع العلم اني غيرت الكتاوت اللي ورا الفانوس الأمامي لأنها كانت بايظة
ارجوا معرفة السبب

[aboharb]

الحمد لله النهارده اشتريت فرامل يد استيراد وركبتها خدت وقت جامد من بتاع الفرامل بعد ما ركبت طلعت مش نفس الموديل ففكها تانى وغيرينها بواحده تانيه بالمقاس الصحيح

[magid1010]

الحمد لله النهارده اشتريت فرامل يد استيراد وركبتها خدت وقت جامد من بتاع الفرامل بعد ما ركبت طلعت مش نفس الموديل ففكها تانى وغيرينها بواحده تانيه بالمقاس الصحيح

مبروك عليك ممكن السعر لو سمحت

[aboharb]

مبروك عليك ممكن السعر لو سمحت:ka_che1[1]:

100 سعر الفرامل كامله + 30 مصنعيه يبقى الاجمالى 130

[ahmedzizo131]

الحقوني النهاردة بدور العربية مدرتش قلت ابص على كهربة البوجيهات ملاقتش كهربة في السلك خالص مع ان في نور في العربية مع العلم اني غيرت الكتاوت اللي ورا الفانوس الأمامي لأنها كانت بايظة
ارجوا معرفة السبب

بسم الله الرحمن الرحيم
انا مش فاهم حاجة
كهربة البوجيهات حاجة و كهربة الانوار حاجة تانية
يا ريت توضح شوية
كهربة البوجيهات ( الابلتين + الكولدنسر ) او المشط الالكتروني
كهربة النور بتكون معتمدة على البطارية