رابطة مالكى الاكسيل-الجزء الأول

[Eng.Geo]

ياجماعة ممكن حد يقولى فى مسمار فى نهاية وير البنزين تحت عمة الكربيراتير لما ادوس علية المكنة صوتها يوطة والمسمار دة بيدوس على حاجة مدورة ذى ميكون swith air او مفتاح هوة حد يقولى اة فيدتة وزاى اظبتة

شوف الصورة ده

اللي عليها دايرة ده هي البكرة اللي قصدك عليها وفي أخرها من تحت مسمار ؟
معلش الصورة مش موضحة قوي باقي البكرة

لو سمحتوا سئوال ضرورى عربيتى اكسيل ١٥٠٠ فى حاجة غريبة وانا على الاول او الثانى وانا بزود بنزين الاقى العربية تكن للحظة كانها هتقف وبعدين تسحب بسرعة ودة حصل بعد ما غيرت فنية البنزين وانا جايبهم اصلين ولاحظت حاجة تانية وانا واقف ومدور العربية اجى ادوس بنزين عند وصول الر ب ام بعد ٢ بشرتة يقل لحظى وبعدين رجع يعلا تانى طبيعى يا ريت حد يقولى دى مشكلة اة

الكربراتير عايز يتنضف
ممكن تروح لحد بتاع كربراتيرات كويس
ورشة حاج أبراهيم في شبرا
أو مركز الصفا في جسر السويس

أو ممكن تجيب منظف كربراتير ABRO علبة زي ده كدة


هتفتح العمة وترش في البكات وجو الكربراتير وتزد بنزين وانت بتعمل كدة
هيطل هباب كتير من الكمان وبعدها جرب العربية
خلص علبة كاملة في التنضيفة
العلبة ب20 جنيه

[amr78falcon]

طب اة فيدة المسمار دة وازاى اضبطة

[Eng.Geo]

طب اة فيدة المسمار دة وازاى اضبطة

المسمار ده بتاع التكييف
عشان لما التكييف يشتغل يبقي ال rpm علي السلانسيه كام
المفروض بتظبطه من غير تكييف يبقي علي الشرطة اللي قبل الواحد .. وده بيتظبط من مسامير الهوا والبنزين
ولما تشغل التكييف يبقي والكمبرسور شغال يبقي علي الشرطة اللي بعد الواحد .. وده من المسمار اللي حضرتك غيرت فيه ده

[amr78falcon]

متشكرين جدا على اهتمامك

[amr78falcon]

العربه دى مافيهاش بور بس انا مش فاهم انتوا عايزين ايه وانا اقولكم على مكانه

ممكن تفو لى الجزء المشار علية بتاع اة

[amr78falcon]

[Eng.Geo]

انا مش شايف حاجة متشاور عليها !

[amr78falcon]

معلش عليها نقطة سودر على يمين السيرفو ويسار العمة

[magid1010]

يا اخوانى انا كل لما افتح شنطه العربيه الاقى ضلمه وبعدين قلت اركب لمبه فى الشنطه و اكتشفت ان فيه لمبه فعلا بس مش واصله او فيه حاجه تاقصه انا صورتها و قلت اشوف بتوصل ازاى حد عنده فكره

بص يا جو الشنطه عباره عن جزئين جزء بيترفع و جزء ثابت اهو الصوره دى فى الجزء الثابت يعنى لو دخلت راسك جوه الشنطه و بصيت فى اتجاه السما حتلاقى اللمبه اللى فى اعلى الصوره و بعدين طالع منها سلكين و صلين بالسوكيت اللى انا مشاور عليه بالسهم و ده مش واصل بحاجه عندى اعتقد انه لازم يوصل ب limit switch علشان لما افتح الشنطه اللمبه تنور صح؟

[Survival]

انا شوفت على اليوتيوب شداد بيركب ادام بيتربط فوق العجل و اعرف انه بيحسن اداء العفشة وبيزود الثبات حد يعرف الشداد ده بيتباع فين وبكام

سؤال تانى
قريب هغير المساعدين الاماميين هل اجيب الاصلى بتاعها و لا اجيب kyb او منرو
انا مركب مساعدين kyb غاز على زيت فى الخلف و ادائهم ممتاز

[Ros]

ال kyb اداءهم ممتاز ؟ّّّّّّ!!!!!!!!!!!
انا كنت مركبهم عندى كنت بحس ان المساعد هيطلع من الكرتيله

[magid1010]

ال kyb اداءهم ممتاز ؟ّّّّّّ!!!!!!!!!!!
انا كنت مركبهم عندى كنت بحس ان المساعد هيطلع من الكرتيله

فعلا يا رستم انا جبت اتنين مونرو ورا بس بصراحه حلوين و ناعمين بس كانو غالين فى حدود 390 من سنه

http://www.nilemotors.net/Nile/210933-l.html

[magid1010]

اقتباس
المشاركة الأصلية كتبت بواسطة david_boles64

مساء الخير على احلى رابطة في هيونداى كلها
انا لسة جايب اكسل من شهر 9 اللى فات و عايز اعرف اسعار الحاجات دى
طقم بارات باور خارجى و داخلى ب كام ؟؟ انا سأالت واحد بتاع عفشة قالى ب 150 غير المصنعية
ياريت تقوليلى هى بكام و لو امكن المكان او المحل

و كنت عايز اغير بوجيهات ليها
عايز اعرف احسن نوع علشان انا قريت ان في واحد شمعة و اربعة ؟ و عايز اعرف ايه الفرق؟

وكمان الاضاء بتاعة الكشافات ضعيفة ف عايز اغير اللمض ب ابيض بس مش زينون ف اجيبها منين و هل هتحتاج تغير الكاتوت ؟؟؟
و كمان لحظت ان الفانوس في نسبة صدأ او حاجة زى كده ده يتنظف عادى

وكمان عايز اغير زيت
ف عايز اعرف اجييب زييت ايه في العربية او ايه احسن نوع ليها
انا قريت ان في الصيف متجبش زيت طويل المدى بس مش عارف ليه ؟

معلش انا أسألتى كتيرة بس لسة جديد في عالم العربيات

[magid1010]

انا شوفت على اليوتيوب شداد بيركب ادام بيتربط فوق العجل و اعرف انه بيحسن اداء العفشة وبيزود الثبات حد يعرف الشداد ده بيتباع فين وبكام

ده موضوع هايل عن زياده الثبات و تركيب البارات تحفه
http://www.nilemotors.net/Nile/193151-a.html

[wael6]

ال kyb اداءهم ممتاز ؟ّّّّّّ!!!!!!!!!!!
انا كنت مركبهم عندى كنت بحس ان المساعد هيطلع من الكرتيله

افهم من كلامك انهم وحشين
ولا معقولين
ولا كويسين
معلش نرجو التوضيح
وهل الثبات بيجي من المساعدين الامامين ولا الخلفيين
انا عندى لما يكون فى حمولة مثلا فردين او تلاته العربيه بتهبط وممكن تحف
ده من ايه ؟
وشكرا جزيلا